കൊച്ചി: ഇടമലയാര്‍ അണക്കെട്ടിലെ ജലനിരപ്പ് നിശ്ചിത പരിധിയിലെത്തിയ സാഹചര്യത്തില്‍ ഓഗസ്റ്റ് 09 രാവിലെ എട്ടിന് ഷട്ടറുകള്‍ ഉയര്‍ത്തി ജലം പെരിയാറ്റിലേക്ക് ഒഴുക്കും. പെരിയാറിലെ ജലവിതാനം താഴ്ന്നു നില്‍ക്കുന്നതിനാലും ക്രമീകൃതമായി ജലം ഒഴുക്കുന്നതിനാലും ആശങ്കപ്പെടേണ്ടതില്ലെന്ന് ജില്ലാ കളക്ടര്‍ മുഹമ്മദ് വൈ സഫിറുള്ള അറിയിച്ചു. പുഴയില്‍ പരമാവധി ഒരു മീറ്റര്‍ മുതല്‍ ഒന്നര മീറ്റര്‍ വരെ ജലനിരപ്പുയരാനാണ് സാധ്യത.

കേരള ഹൈക്കോടതി ചീഫ് ജസ്റ്റിസായി ജസ്റ്റിസ് ഹൃഷികേശ് റോയ് സത്യപ്രതിജ്ഞ ചെയ്തു. രാജ്ഭവനില്‍ മുഖ്യമന്ത്രി പിണറായി വിജയന്റെ സാന്നിധ്യത്തില്‍ നടന്ന ചടങ്ങില്‍ ഗവര്‍ണര്‍ പി. സദാശിവം സത്യപ്രതിജ്ഞ ചൊല്ലിക്കൊടുത്തു. 

ജില്ലാ പഞ്ചായത്തിന്റെ 2018-19 സാമ്പത്തിക വര്‍ഷത്തെ സ്‌നേഹധാര പദ്ധതിയിലേക്ക് സ്‌പെഷ്യലിസ്റ്റ് മെഡിക്കല്‍ ഓഫീസര്‍,തസ്തികയില്‍ താത്ക്കാലിക നിയമനം നടത്തുന്നു.  എം.ഡി കൗമാരഭൃത്യ (അഭികാമ്യം), എം.ഡി പ്രസൂതിതന്ത്ര/എം.ഡി കായചികിത്സ എന്നിവയാണ് യോഗ്യത. ഉദ്യോഗാര്‍ത്ഥികള്‍ ആഗസ്റ്റ് 14ന് തിരുവനന്തപുരം ഗവണ്‍മെന്റ് ആയുര്‍വേദ കോളേജിന് സമീപമുള്ള ആരോഗ്യഭവന്‍ ബില്‍ഡിംഗിലെ ജില്ലാ മെഡിക്കല്‍ ഓഫീസര്‍ (ഭാരതീയ ചികിത്സാ വകുപ്പ്) മുമ്പാകെ ആവശ്യമായ എല്ലാ അസല്‍ സര്‍ട്ടിഫിക്കറ്റുകള്‍ സഹിതം ഇന്റര്‍വ്യൂവിന് നേരിട്ടെത്തണം.  രാവിലെ 10 മുതല്‍ ഉച്ചക്ക് ഒന്നുവരെയാണ് ഇന്റര്‍വ്യൂ.  ഫോണ്‍ : 0471 2320988.  

ലൈഫ് മിഷനില്‍ പാലക്കാട് ജില്ലാ കോ ഓര്‍ഡിനേറ്റര്‍ തസ്തികയില്‍ ഡെപ്യൂട്ടേഷന്‍ നിയമനത്തിന് അപേക്ഷ ക്ഷണിച്ചു. ഗസറ്റഡ് റാങ്കില്‍ കുറയാത്ത ഉദ്യോഗസ്ഥര്‍, പഞ്ചായത്ത് സെക്രട്ടറി, മുന്‍സിപ്പല്‍ സെക്രട്ടറി, ബ്ലോക്ക് പഞ്ചായത്ത് സെക്രട്ടറി തുടങ്ങിയ തസ്തികകളില്‍ സേവനം അനുഷ്ഠിക്കുന്നവര്‍ക്ക് മുന്‍ഗണന. 36000 -79200 ആണ് വേതനം.

എന്‍.ഒ.സിയും വിശദമായ ബയോഡേറ്റയും സഹിതം ചീഫ് എക്‌സിക്യൂട്ടീവ് ഓഫീസര്‍, ലൈഫ് മിഷന്‍, റൂം നം. 501 സി, സെക്രട്ടേറിയറ്റ് അനക്‌സ് -1, തിരുവനന്തപുരം എന്ന വിലാസത്തില്‍ 14ന് വൈകന്നേരം അഞ്ചിന് മുമ്പ് നേരിട്ടോ, തപാല്‍ മുഖേനയോ നല്‍കണം.

പി.എന്‍.എക്‌സ്.3483/18

ഉത്സവകാലത്തെ കമ്പോള ഇടപെടല്‍ ശക്തമാക്കി ഗുണനിലവാരമുള്ള ഭക്ഷ്യവസ്തുക്കള്‍ ഉള്‍പ്പടെയുള്ള നിത്യോപയോഗ സാധനങ്ങള്‍ മിതമായ നിരക്കില്‍ ഉപഭോക്താക്കള്‍ക്ക് ലഭ്യമാക്കുന്നതിനും പൊതുവിപണി വില നിയന്ത്രിക്കുന്നതിനും സംസ്ഥാനത്തുടനീളം തിരഞ്ഞെടുക്കപ്പെട്ട സ്ഥലങ്ങളില്‍ സപ്ലൈകോ ഓണം-ബക്രീദ് മാര്‍ക്കറ്റുകളും ജില്ലാ ഫെയറുകളും ആരംഭിക്കും.  സംസ്ഥാനതല ഉദ്ഘാടനം ഇന്ന് (ആഗസ്റ്റ്9) വൈകുന്നേരം നാലിന് തിരുവനന്തപുരം പുത്തരിക്കണ്ടം മൈതാനത്ത് മുഖ്യമന്ത്രി പിണറായി വിജയന്‍ നിര്‍വഹിക്കും.  ഭക്ഷ്യപൊതുവിതരണ മന്ത്രി പി. തിലോത്തമന്‍ അധ്യക്ഷതവഹിക്കും.  സഹകരണം ദേവസ്വം മന്ത്രി കടകംപള്ളി സുരേന്ദ്രന്‍ ആദ്യവില്‍പന നടത്തും.  

എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്‌നോളജിയുടെ കീഴിലുള്ള തിരുവനന്തപുരത്തെ വനിതാ എന്‍ജിനിയറിംഗ് കോളേജിലേയും കാസര്‍ഗോഡ് എല്‍.ബി.എസ് എന്‍ജിനിയറിംഗ് കോളേജിലേയും ഒഴിവുള്ള ബി.ടെക് സീറ്റുകളിലേക്ക് ആഗസ്റ്റ് ആറിന് രാവിലെ 11 ന് അതത് കോളേജുകളില്‍ സ്‌പോട്ട് അഡ്മിഷന്‍ നടത്തും.  കൂടുതല്‍ വിവരങ്ങള്‍ക്ക് : 9447347193 (തിരുവനന്തപുരം), 9496463548 (കാസര്‍ഗോഡ്).

പി.എന്‍.എക്‌സ്.3481/18

പട്ടിക വര്‍ഗ വിഭാഗത്തിലെ വനിതകള്‍ക്ക് സ്വയംതൊഴില്‍, വിദ്യാഭ്യാസ വായ്പ നല്‍കുന്നതിന് ദേശീയ പട്ടികവര്‍ഗ ധനകാര്യ വികസന കോര്‍പറേഷനില്‍ നിന്ന് വായ്പ ലഭ്യമാക്കാന്‍ 56 ലക്ഷം രൂപയുടെ ഗ്യാരന്റി അനുവദിക്കാന്‍ സര്‍ക്കാര്‍ തീരുമാനിച്ചു.  

സംസ്ഥാന വനിതാ വികസന കോര്‍പ്പറേഷന്‍,  25 മുതല്‍ 50 വയസ് വരെ പ്രായമുള്ള പട്ടികജാതി വിഭാഗത്തില്‍ ഉള്‍പ്പെടുന്ന വിധവകള്‍ക്കായി (35 വയസിനുമേല്‍ പ്രായമുള്ള അവിഹാഹിതകള്‍, വിവാഹമോചിതര്‍, അവിവാഹതരായ അമ്മമാര്‍ എന്നിവര്‍) ത്രിദിന സംരംഭകത്വ വികസന പരിശീലന പരിപാടി സംഘടിപ്പിക്കും.  പരിശീലന പരിപാടി വിജയകരമായി പൂര്‍ത്തിയാക്കുന്നവര്‍ക്ക് ദേശീയ പട്ടികജാതി കോര്‍പ്പറേഷന്‍ മുഖേന നാല് ശതമാനം പലിശയ്ക്ക് 10 ലക്ഷം രൂപ വരെ സ്വയം തൊഴില്‍ വായ്പ, നിബന്ധനകള്‍ക്ക് വിധേയമായി അനുവദിക്കും.  അപേക്ഷകയുടെ കുടുംബ വാര്‍ഷിക വരുമാനം മൂന്ന് ലക്ഷം രൂപയില്‍ കവിയരുത്.  വിധവ പെന്‍ഷന്‍ സ്‌കീമില്‍ രജിസ്റ്റര്‍ ചെയ്തിട്ടുള്ള മേല്‍ നിബന്ധനകള

ഹൗറയില്‍ നടന്ന ഐ.ടിഐ. ട്രെയിനികള്‍ക്കായുള്ള 54-ാമത് അഖിലേന്ത്യാ പ്രവൃത്തി പ്രാവീണ്യ പരീക്ഷയില്‍ ഡ്രാഫ്റ്റ്‌സ്മാന്‍ മെക്കാനിക് ട്രേഡില്‍ മികച്ച ക്രാഫ്റ്റ്‌സ്മാനായി കണ്ണൂര്‍ ഗവ. ഐ.ടി.ഐ.യിലെ അര്‍ജ്ജുന്‍ സി. യും എം.ആര്‍.എ.സി. ട്രേഡില്‍ മികച്ച ക്രാഫ്റ്റ്‌സ്മാനായി ലിറ്റില്‍ ഫ്‌ളവര്‍ എന്‍ജിനീയറിംഗ് ഇന്‍സ്റ്റിറ്റ്യൂട്ട് പ്രൈവറ്റ് ഐ.ടി.ഐ.യിലെ നിധീഷ് ജോസഫും തെരഞ്ഞെടുക്കപ്പെട്ടു.