ട്രാന്‍സ്‌ജെന്‍ഡര്‍ വിഭാഗത്തില്‍പ്പെട്ടവര്‍ക്ക് സ്വയം തൊഴില്‍ കണ്ടെത്തുന്നതിന് ജില്ലാ സാമൂഹ്യനീതി വകുപ്പ് മുഖേന തയ്യല്‍ മെഷീന്‍ വിതരണം ചെയ്യുന്നതിന് അപേക്ഷ ക്ഷണിച്ചു. കൂടുതല്‍ വിവരങ്ങള്‍ക്കും അപേക്ഷ ഫോമിനും കല്‍പ്പറ്റ സിവില്‍ സ്റ്റേഷനിലെ ജില്ലാ സാമൂഹ്യനീതി ഓഫീസില്‍ ബന്ധപ്പെടുക(ഫോണ്‍ നം. 04936-205307)
 

    പട്ടികവര്‍ഗ്ഗ വികസന വകുപ്പ് നല്ലൂര്‍നാട് എഎംഎംആര്‍ജി എച്ച് എസ് എസില്‍ 5 മുതല്‍ 12 വരെ ക്ലാസുകളിലെ വിദ്യാര്‍ത്ഥികള്‍ക്ക് സ്‌പോക്കണ്‍ ഇംഗ്ലീഷ് പരിശീലനം നല്‍കുന്നതിന് ട്യൂട്ടറെ നിയമിക്കുന്നു. ഇംഗ്ലീഷ് ബിരുദ/ബിരുദാനന്തര യോഗ്യതയുള്ളവര്‍ക്ക് അപേക്ഷിക്കാം. അപേക്ഷയോടൊപ്പം യോഗ്യത തെളിയിക്കുന്ന അസ്സല്‍ രേഖകള്‍ സഹിതം ആഗ്‌സ്റ്റ് 13, രാവിലെ 11 ന് ഓഫീസില്‍ കൂടിക്കാഴ്ച്ചയ്ക്ക് ഹാജരാകണം.
അഞ്ചാം ക്ലാസിലെ ഇംഗ്ലീഷ്, സയന്‍സ്, കണക്ക് വിഷയങ്ങള്‍ക്ക് പ്രത്യേക പരിശീലനം നല്‍കുന്നതിനുള്ള അദ്ധ്യപകരുടെ കൂടിക്കാഴ്ച്ചയും അന്ന് 12 മണിക്ക് നടത്തും.
 

      മാനന്തവാടി മണ്ഡലത്തിലെ സ്‌കൂളുകള്‍ക്ക് പൊതുവിദ്യാഭ്യാസ വകുപ്പ് അടിസ്ഥാനസൗകര്യ വികസനത്തിന് ഫണ്ട് അനുവദിച്ചു. തൊണ്ടര്‍നാട് ഗ്രാമപഞ്ചായത്തിലെ കുഞ്ഞോം ഗവണ്‍മെന്റ് ഹയര്‍ സെക്കന്‍ഡറി സ്‌കൂളിന് മൂന്നുകോടി രൂപയും, തവിഞ്ഞാല്‍ ഗ്രാമപഞ്ചായത്തിലെ ഉദയഗിരി ഗവണ്‍മെന്റ് എല്‍.പി സ്‌കൂളിന് 85 ലക്ഷം രൂപയും കെട്ടിട നിര്‍മ്മാണത്തിനായി അനുവദിച്ചു. നീര്‍വാരം ഗവണ്‍മെന്റ് ഹയര്‍ സെക്കന്‍ഡറി സ്‌കൂളിന് 52 ലക്ഷം രൂപയുടെ കെട്ടിടം നിര്‍മ്മിക്കുന്നതിനും ഭരണാനുമതി നല്‍കി. 2018-19 സാമ്പത്തികവര്‍ഷത്തെ പൊതുവിദ്യാഭ്യാസ വകുപ്പ് പ്ലാന്‍ ഫണ്ടില്‍ നിന്നാണ് തുക അനുവദിച്ചത്. 
 

    ഭിന്നശേഷിയുള്ളവരുടെ ശാക്തീകരണത്തിനായി കേന്ദ്രസര്‍ക്കാര്‍ ഏര്‍പ്പെടുത്തിയിട്ടുള്ള നാഷണല്‍ അവാര്‍ഡ് ഫോര്‍ എംപവര്‍മെന്റ് ഓഫ് പേഴ്‌സണ്‍ വിത്ത് ഡിസെബിലിറ്റി (ദിവ്യാംഗന്‍) അപേക്ഷ ക്ഷണിച്ചു. ആഗസ്റ്റ് 10 നകം വയനാട് സിവില്‍ സ്റ്റേഷനിലുള്ള ജില്ലാ സാമൂഹ്യനീതി ഓഫീസര്‍ക്ക് അപേക്ഷ സമര്‍പ്പിക്കണം. വിശദവിവരങ്ങള്‍ക്ക് ഫോണ്‍ നം. 04936-205307
 

                കിഫ്ബി വഴി ലഭിച്ച 42 കോടി രൂപ ചെലവഴിച്ച് 12 സ്‌കൂളുകള്‍ അന്താരാഷ്ട്ര നിലവാരത്തിലേക്കുയര്‍ത്താന്‍ പൊതുവിദ്യാഭ്യാസ സംരക്ഷണ യജ്ഞം കര്‍മ്മസേന യോഗം കളക്ടറേറ്റ് മിനി കോണ്‍ഫറന്‍സ് ഹാളില്‍ തീരുമാനിച്ചു. തിരഞ്ഞെടുക്കപ്പെട്ട സ്‌കൂളുകളുടെ പ്രവര്‍ത്തനങ്ങള്‍ യോഗം വിലയിരുത്തി. മൂന്നു സ്‌കൂളുകള്‍ക്ക് അഞ്ചുകോടി വീതവും ഒന്‍പതു സ്‌കൂളുകള്‍ക്കു മൂന്നു കോടി വീതവുമാണ് അക്കാഡമിക്, അടിസ്ഥാന സൗകര്യ വികസനങ്ങള്‍ക്കായി സംസ്ഥാന സര്‍ക്കാര്‍ കിഫ്ബി വഴി അനുവദിച്ചത്. 

സ്വാതന്ത്ര്യ ദിനാഘോഷം
 

    കല്‍പ്പറ്റ എന്‍.എം.എസ്.എം ഗവ.കോളേജില്‍ എം.കോം കോഴ്‌സിന് എസ്.സി വിഭാഗത്തില്‍ ഒരു ഒഴിവുണ്ട്. കാലിക്കറ്റ് യൂണിവേഴ്‌സിറ്റിയില്‍ രജിസ്റ്റര്‍ ചെയ്തിട്ടുളള എസ്.സി വിഭാഗ വിദ്യാര്‍ത്ഥികള്‍ ആഗസ്റ്റ് 10 ന് വൈകീട്ട് 4 നകം കോളേജില്‍ റിപ്പോര്‍ട്ട് ചെയ്യണം. ഫോണ്‍.04936 204569.