കാലവര്‍ഷക്കെടുതി ബാധിച്ച ജില്ലയിലെ വിവിധ പ്രദേശങ്ങള്‍ ഇന്ന്‌ (ഓഗസ്‌റ്റ്‌ 10) കേന്ദ്രസംഘം സന്ദര്‍ശിക്കുമെന്ന്‌ ജില്ലാ കളക്ടര്‍ ടി.വി. അനുപമ അറിയിച്ചു. രാവിലെ 9 മണിക്ക്‌ ലുലു ഇന്റര്‍നാഷണലില്‍ ജില്ലാ കളക്ടറുമായി സംഘം കൂടിക്കാഴ്‌ച്ച നടത്തും. കേന്ദ്ര കാര്‍ഷിക മന്ത്രാലയം ഡയറക്ടര്‍ ബി.കെ. ശ്രീവാസ്‌തവ, ഊര്‍ജവകുപ്പ്‌ മന്ത്രാലയം ഡെപ്യൂട്ടി ഡയറക്ടര്‍ നാര്‍സിറാം മീണ, ഗതാഗതമന്ത്രാലയം റീജ്യണല്‍ ഒഫീസര്‍ വി.വി. ശാസ്‌ത്രി എന്നിവര്‍ അടങ്ങിയ കേന്ദ്രസംഘം ടീം രണ്ടാണ്‌ ജില്ലയിലെ വിവിധ ദുരിതബാധിത പ്രദേശങ്ങളില്‍ സന്ദര്‍ശനം നടത്തുക. തുടര്‍ന്ന്‌ സംഘം എറണാകുളത്തേയ്‌ക്ക്‌ തിരിക്കും.

കൊച്ചി: കാക്കനാടുള്ള സൈനിക് റസ്റ്റ്ഹൗസില്‍ താല്‍കാലിക തൂപ്പുകാരിയുടെ ഒഴിവിലേക്ക് അപേക്ഷ ക്ഷണിച്ചു. വിമുക്തഭടന്മാര്‍ക്കും ആശ്രിതര്‍ക്കും മുന്‍ഗണന. താല്പര്യമുള്ളവര്‍ ജില്ലാ സൈനിക ക്ഷേമ ഓഫീസുമായി 0484 2422239 എന്ന ഫോണ്‍ നമ്പരില്‍ ഓഗസ്റ്റ് 18 നു മുമ്പ് ബന്ധപ്പെടണം.

മൂല്യ വര്‍ധിത നികുതി കുടിശ്ശിക ഈടാക്കുന്നതിനായി എറണാകുളം ടൂറിസ്റ്റ് ബംഗ്ലാവ് (ബ്യൂമേന്‍ഡെ ദി ഫേണ്‍) (എറണാകുളം വില്ലേജ്, സര്‍വേ നമ്പര്‍ 584/1 ല്‍ 1.636 ആര്‍സ്, സര്‍വ്വേ നമ്പര്‍ 584/4 ല്‍ 16.84 ആര്‍സ് സര്‍വേ നമ്പര്‍ 592/1 ല്‍ 6.076 ആര്‍ സ് ആ കെ വി സതീര്‍ണം 24.54 ആര്‍ - അതിലുള്ള കെട്ടിടവും ജംഗമങ്ങളും) ആഗസ്റ്റ് 17 ന് രാവിലെ 11ന് ബംഗ്ലാവില്‍ തന്നെ പരസ്യമായി ലേലം ചെയ്യുന്നു. വിശദ വിവരങ്ങള്‍ക്ക് കണയന്നൂര്‍ (ആര്‍ ആര്‍ ) തഹസില്‍ദാരുമായി ബന്ധപ്പെടണം. ഫോണ്‍ 0484 2350222.

കാലവര്‍ഷക്കെടുതികള്‍ വിലയിരുത്താന്‍ എത്തിയ കേന്ദ്രസംഘം സെക്രട്ടേറിയറ്റില്‍ മുഖ്യമന്ത്രി പിണറായി വിജയനുമായും മന്ത്രിമാരുമായും കൂടിക്കാഴ്ച നടത്തി. കേരളത്തിലെ മഴക്കെടുതികള്‍ ബോധ്യപ്പെട്ടതായും ഇവ ഉള്‍ക്കൊള്ളിച്ച റിപ്പോര്‍ട്ട് ഈ മാസം 20 ന് നല്‍കുമെന്നും സംഘം മുഖ്യമന്ത്രിയെ അറിയിച്ചു.

* സെക്രട്ടേറിയറ്റില്‍ 24 മണിക്കൂര്‍ നിരീക്ഷണ സെല്‍

* ദുരിതാശ്വാസപ്രവര്‍ത്തനങ്ങളില്‍ ജനപ്രതിനിധികള്‍ സജീവ പങ്കാളികളാകണം

* അണക്കെട്ടുകള്‍ തുറക്കുന്ന സ്ഥലത്തേക്ക് ജനങ്ങള്‍ പ്രവേശിക്കരുത്

തുല്യതാ കോഴ്‌സ് : അപേക്ഷ സ്വികരിക്കുന്ന അവസാന തീയതി ഇന്ന് (ആഗസ്റ്റ് 10)

കൊച്ചി: സാക്ഷരതാമിഷന്റെ ആഭിമുഖ്യത്തില്‍ നടത്തുന്ന പത്താംതരം തുല്യത, ഹയര്‍സെക്കന്ററി തുല്യത എന്നീ കോഴ്‌സുകള്‍ക്ക് അപേക്ഷിക്കാന്‍ ഇനി ഒരു ദിവസം മാത്രം. ആഗസ്റ്റ് 10-ന് അപേക്ഷകള്‍ സ്വീകരിക്കുന്ന അവസാനതീയതിയാണ്. താത്പര്യമുള്ളവര്‍ ബന്ധപ്പെടുക 9946820950

ഗ്‌ളൂക്കോമീറ്റര്‍ വിതരണം

ഹരിതകേരളം മിഷനില്‍ ഇന്റേണ്‍ഷിപ്പിന് അപേക്ഷ ക്ഷണിച്ചു. പരിസ്ഥിതിശാസ്ത്രം, ഭൗമശാസ്ത്രം, സോഷ്യോളജി, സാമൂഹ്യസേവനം തുടങ്ങിയ വിഷയങ്ങളില്‍ ബിരുദാനന്തര ബിരുദധാരികള്‍ക്കും സിവില്‍ എഞ്ചിനീയറിംഗ്, കൃഷി എന്നിവയില്‍ ബിരുദധാരികള്‍ക്കും ജേര്‍ണലിസത്തില്‍ ബിരുദം അല്ലെങ്കില്‍ പി.ജി ഡിപ്ലോമ കഴിഞ്ഞ വിദ്യാര്‍ത്ഥികള്‍ക്കും അപേക്ഷിക്കാം. ആറ് മാസമാണ് കാലാവധി. ഇന്റര്‍വ്യൂവിലൂടെയായിരുക്കും തെരഞ്ഞെടുപ്പ്. ആഗസ്റ്റ് 18 വൈകീട്ട് 5 മണിവരെ ഓണ്‍ലെനായി അപേക്ഷിക്കാം. വിശദവിവരങ്ങള്‍ക്ക് www.haritham.kerala.gov.in.

           മറവി രോഗികളെ പുനരധിവസിപ്പിക്കുന്നതിനും അവര്‍ക്ക് സംരക്ഷണം നല്‍കുന്നതിനുമുള്ള സ്ഥാപനങ്ങള്‍ നടത്തുവാന്‍ സന്നദ്ധ സംഘടനകളില്‍ നിന്നും താല്‍പര്യ പത്രം ക്ഷണിച്ചു. മാര്‍ഗ്ഗ നിര്‍ദ്ദേശങ്ങള്‍ ജില്ലാ സാമൂഹ്യനീതി ഓഫീസിലും www.sjdkerala.gov.in എന്ന സൈറ്റിലും  ലഭിക്കും. ഫോണ്‍. 04936-205307