ശബരിഗിരി ജലവൈദ്യുത പദ്ധതിയുടെ ഭാഗമായി കക്കി-ആനത്തോട് ഡാമിലേക്ക് ഒഴുകിവരുന്ന അധികജലം പുറത്തുകളയുന്നതിനായി ആനത്തോട് ഡാമിന്റെ നാല് ഷട്ടറുകളില്‍ മാധ്യഭാഗത്തെ രണ്ട് ഷട്ടറുകള്‍ താത്ക്കാലികമായി 7.5 സെ.മീ വീതം ഉയ ര്‍ത്തി അധികജലം കക്കി ആറിലേക്ക് ഒഴുക്കിവിടുന്നു. ജലനിരപ്പ് കെഎസ്ഇബി അധികൃതര്‍ സൂക്ഷ്മമായി നിരീക്ഷിച്ചുവരുന്നു. ജലവിതാനം കൂടുതല്‍ ഉയരുകയാണെങ്കില്‍ ഡാമിന്റെ ഷട്ടറുകള്‍ കൂടുതല്‍ ഉയര്‍ത്തി നിയന്ത്രണവിധേയമാക്കുമെന്ന് ജില്ലാ കളക്ടര്‍ അറിയിച്ചു.
                                            (പിഎന്‍പി 2295/18)

    അടൂര്‍ ഐഎച്ച്ആര്‍ഡി എന്‍ജിനീയറിംഗ് കോളേജില്‍ ട്രേഡ്‌സ്മാന്‍ (മെക്കാനിക്ക ല്‍) കാര്‍പ്പന്ററി, ഫിറ്റിംഗ്, മെഷിനിസ്റ്റ്, ടര്‍ണര്‍, വെല്‍ഡര്‍, ഷീറ്റ്‌മെറ്റല്‍, സിവില്‍ ഡ്രാഫ്റ്റ്‌സ്മാന്‍ തസ്തികകളില്‍ ദിവസവേതനാടിസ്ഥാനത്തില്‍ താത്ക്കാലിക ഒഴിവുകളിലേക്ക് നിയമനം നടത്തുന്നു. ഐടിഐ യോഗ്യതയുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ അസല്‍ സര്‍ട്ടിഫിക്കറ്റുകള്‍ സഹിതം ഈ മാസം 13ന് രാവിലെ 10.30ന് കോളേജില്‍ നേരിട്ട് ഹാജരാകണം. ഫോണ്‍: 04734 231995.
                                                 (പിഎന്‍പി 2292/18)

    ജില്ലയില്‍ മഴ ശക്തമായ സാഹചര്യത്തി ല്‍ അടിയന്തര സാഹചര്യങ്ങള്‍ നേരിടുന്നതിന് എല്ലാ താലൂക്ക് ഓഫീസുകളിലും വില്ലേജ് ഓഫീസുകളിലും 24 മണിക്കൂറും പ്രവ ര്‍ത്തിക്കുന്ന കണ്‍ട്രോള്‍ റൂമുകള്‍ സജ്ജമായി. അടിയന്തര സാഹചര്യങ്ങളില്‍ പൊതുജനങ്ങള്‍ക്ക് വില്ലേജ് ഓഫീസുകളിലും താലൂക്ക് ഓഫീസുകളിലും കളക്ടറേറ്റിലും പ്രവര്‍ത്തിക്കുന്ന കണ്‍ട്രോള്‍ റൂമുകളുമായി ബന്ധപ്പെടാമെന്ന് ജില്ലാ കളക്ടര്‍ അറിയിച്ചു. 

    സപ്ലൈകോയുടെ ആഭിമുഖ്യത്തിലുള്ള ഓണം-ബക്രീദ് ജില്ലാ ഫെയറിന്റെ ഉദ്ഘാടനം നാളെ രാവിലെ 10ന് പത്തനംതിട്ട റോസ് മൗണ്ട് ഓഡിറ്റോറിയത്തില്‍ വനം-മൃഗ സംരക്ഷണ വകുപ്പ് മന്ത്രി കെ.രാജു നിര്‍വഹിക്കും. വീണാജോര്‍ജ് എംഎല്‍എ അധ്യക്ഷത വഹിക്കുന്ന ചടങ്ങില്‍ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി ആദ്യവില്‍പ്പന നിര്‍വഹിക്കും. നഗരസഭാധ്യക്ഷ രജനി പ്രദീപ്, ഉപാധ്യക്ഷന്‍ പി.കെ.ജേക്കബ്, ജില്ലാ സപ്ലൈ ഓഫീസര്‍ എം.എസ്.ബീന, സപ്ലൈകോ മേഖലാ മാനേജര്‍ ബി.ജ്യോതികൃഷ്ണ, വിവിധ രാഷ്ട്രീയ കക്ഷി നേതാക്കളായ കെ.പി.ഉദയഭാനു, എ.പി.ജയന്‍, ബാബുജോര്‍ജ്, അശോകന്‍ കുളനട തുടങ്ങിയവര്‍ പങ്കെടുക്കും.