സംസ്ഥാനത്തെ ആരാധനാലയങ്ങളില്‍ 2018 സെപ്റ്റംബര്‍ ഒന്നു മുതല്‍ ഭക്തജനങ്ങള്‍ക്കായി പ്രത്യേക കൗണ്ടറുകളില്‍ കൂടി പ്രസാദങ്ങള്‍ വില്‍പ്പന നടത്തുന്നതിന് 2006 ലെ ഭക്ഷ്യസുരക്ഷാ ഗുണനിലവാര നിയമം അനുസരിച്ചും 2011 ലെ ഭക്ഷ്യസുരക്ഷാ (ലൈസന്‍സിംഗ് & രജിസ്‌ട്രേഷന്‍) റെഗുലേഷന്‍ അനുസരിച്ചുമുള്ള ലൈസന്‍സോ രജിസ്‌ട്രേഷനോ നിര്‍ബന്ധമായി നേടിയിരിക്കണമെന്ന് ഭക്ഷ്യസുരക്ഷാ കമ്മീഷണര്‍ അറിയിച്ചു.

അടൂര്‍ ഐഎച്ച്ആര്‍ഡി എന്‍ജിനീയറിംഗ് കോളേജില്‍ മെക്കാനിക്കല്‍ എന്‍ജിനീയറിംഗ്, ഇലക്ട്രിക്കല്‍ ആന്‍ഡ് ഇലക്ട്രോണിക്സ് എന്‍ജിനീയറിംഗ്, ഇലക്ട്രോണിക്സ് ആന്‍ഡ് കമ്മ്യൂണിക്കേഷന്‍ എന്‍ജിനീയറിംഗ് വിഭാഗങ്ങളില്‍ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു. കേരള എന്‍ട്രന്‍സ് കമ്മീഷണറുടെ റാങ്ക് ലിസ്റ്റിലോ പുതുതായി പ്രസിദ്ധീകരിച്ച സപ്ലിമെന്‍ററി റാങ്ക് ലിസ്റ്റിലോ ഉള്‍പ്പെട്ടവരായിരിക്കണം അപേക്ഷകര്‍. താത്പര്യമുള്ള വിദ്യാര്‍ഥികള്‍ കോളേജില്‍ നേരിട്ട് ഹാജരാകണം. ഫോണ്‍: 04734 231995, 230640.                                     (പിഎന്‍പി 2297/18)

    സര്‍ക്കാര്‍ സ്ഥാപനമായ കൈരളിയുടെ  ഓണത്തോടനുബന്ധിച്ചുള്ള അഖിലേന്ത്യാ കരകൗശല  കൈത്തറി വിപണന മേള കണ്ണൂര്‍ ടൗണ്‍ സ്‌ക്വയറില്‍ ഇന്ന് (ആഗസ്റ്റ് 10) ആരംഭിക്കും.  വൈകുന്നേരം നാല് മണിക്ക് മേയര്‍ ഇ പി ലത മേള ഉദ്ഘാടനം ചെയ്യും.
കേരളത്തിന്റെ തനതു കരകൗശല ശില്പങ്ങളായ വീട്ടിയിലും തേക്കിലും തീര്‍ത്ത ശില്പങ്ങള്‍ ലോകപ്രശസ്തമായ ആറന്‍മുള കണ്ണാടി പിത്തളയിലും ഓടിലും തീര്‍ത്ത വിളക്കുകള്‍, ആഭരണപ്പെട്ടികള്‍, ചന്ദനതടി, ചന്ദനതൈലം തുടങ്ങിയവ മേളയില്‍ ലഭിക്കും.

    കര/നാവിക/വ്യോമ സേനയില്‍ നിന്നും 100 ശതമാനം അംഗവൈകല്യത്തോടെ വിരമിച്ച് കോണ്‍സ്റ്റന്റ് കെയര്‍ അലവന്‍സ് കൈപ്പറ്റുന്ന വിമുക്ത ഭടന്‍മാര്‍ അവരുടെ അംഗവൈകല്യം ഉള്‍പ്പെടെയുള്ള വിവരങ്ങള്‍ ജില്ലാ സൈനിക ക്ഷേമ ഓഫീസില്‍ സമര്‍പ്പിക്കണമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു.  ഫോണ്‍: 0497 2700069.

    കണ്ണൂരില്‍ നടക്കുന്ന ഓണം കൈത്തറി വസ്ത്ര പ്രദര്‍ശന വിപണന മേളയിലെ പ്രതിദിന നറുക്കെടുപ്പ് വിജയികള്‍. ആഗസ്റ്റ് ഒമ്പത് : കൂപ്പണ്‍ നമ്പര്‍ 59078 - കെ എ ജബ്ബാര്‍, 67447 - ലക്ഷ്മി പി, കൂത്തുപറമ്പ്, 67670 - നൗഷൈന്‍.  വിജയികള്‍ ആഗസ്റ്റ് 24നു മുമ്പ് സമ്മാനങ്ങള്‍ കൈപ്പറ്റുന്നതിന് രേഖകള്‍ സഹിതം കണ്ണൂര്‍ പൊലീസ് മൈതാനിയിലെ കൈത്തറി മേള പവലിയനിലെ ഓഫീസുമായി ബന്ധപ്പെടുക. 

വിദ്യാഭ്യാസ വകുപ്പ്, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, ലൈബ്രറി കൗണ്‍സില്‍, പിഎന്‍ പണിക്കര്‍ ഫൗണ്ടേഷന്‍ എന്നിവയുടെ ആഭിമുഖ്യത്തില്‍ സംഘടിപ്പിച്ച വായനാ വാരാചരണ പരിപാടികളുടെ ഭാഗമായി നടത്തിയ വിവിധ മത്സരങ്ങളില്‍ വിജയികളായവര്‍ക്കുള്ള സമ്മാന വിതരണം ശനിയാഴ്ച (ആഗസ്ത് 11) കലക്ടറേറ്റ് കോണ്‍ഫറന്‍സ് ഹാളില്‍ നടക്കും. രാവിലെ 10 മണിക്ക് നടക്കുന്ന പരിപാടി ജില്ലാ പഞ്ചായത്ത് പ്രസിഡണ്ട് കെ വി സുമേഷ് ഉദ്ഘാടനം ചെയ്യും. ജില്ലാ കലക്ടര്‍ മീര്‍ മുഹമ്മദലി സമ്മാന ദാനം നിര്‍വഹിക്കും. 
ജില്ലാ താലൂക്ക് തല മത്സരങ്ങളില്‍ വിജയികളായവര്‍ രാവിലെ 9. 45 ന് കോണ്‍ഫറന്‍സ് ഹാളില്‍ റിപ്പോര്‍ട്ട് ചെയ്യണം.

    ഈ വര്‍ഷത്തെ കണ്ണൂര്‍ റവന്യൂ ജില്ലാ ടി ടി ഐ കലോത്സവം ആഗസ്റ്റ് 13 ന് കണ്ണൂര്‍ ഗവ. വനിതാ ടി ടി ഐയില്‍ നടക്കും. കോര്‍പ്പറേഷന്‍ മേയര്‍ ഇ പി ലത കലോത്സവം ഉദ്ഘാടനം ചെയ്യും. 10 ഗവ. / എയ്ഡഡ് / അണ്‍ എയ്ഡഡ് ട്രെയിനിംഗ് സ്‌കൂളുകളില്‍ നിന്ന് 200 ഓളം പ്രൈമറി അധ്യാപക വിദ്യാര്‍ത്ഥികളാണ് കലോത്സവത്തില്‍ മാറ്റുരയ്ക്കുക. കലോത്സവത്തിന്റെ ഭാഗമായുള്ള രചനാ മത്സരങ്ങള്‍ നേരത്തേ കഴിഞ്ഞിരുന്നു. അധ്യാപക ദിനാഘോഷത്തോടനുബന്ധിച്ച് ജില്ലയിലെ അധ്യാപകര്‍ക്കായി ലളിതഗാനം, കവിയരങ്ങ്, സംഘഗാനം എന്നീ ഇനങ്ങളിലുള്ള മത്സരവും അന്നേദിവസം നടക്കും.