കനത്ത മഴയുടെയും ഡാമുകള്‍ തുറന്നിട്ടുള്ളതുമായ സാഹചര്യത്തില്‍ രാത്രി യാത്രകള്‍ സുരക്ഷിതത്വം മുന്‍നിര്‍ത്തി ഒഴിവാക്കണമെന്ന് ദുരന്തനിവാരണ അതോറിറ്റി അഭ്യര്‍ഥിച്ചു. മരങ്ങള്‍ ഒടിഞ്ഞുവീഴുന്നതുമൂലവും ഇലക്ട്രിക് ലൈനുകള്‍ പൊട്ടി വീഴുന്നതുമൂലവും അപകടങ്ങള്‍ ഉണ്ടാകുവാന്‍ സാധ്യതയുള്ളതിനാല്‍ അടിയന്തരമല്ലാത്ത എല്ലാ യാത്രകളും ഒഴിവാക്കണമെന്ന ദുരന്തനിവാരണ അതോറിറ്റി അഭ്യര്‍ഥിച്ചു.

    ഡാമുകള്‍ തുറന്നിട്ടുള്ള സാഹചര്യത്തില്‍ ജലത്തിന്‍റെ കുത്തൊഴുക്ക് ഉള്ള സാഹചര്യത്തില്‍ പാലങ്ങളുടെ മുകളില്‍ നില്‍ക്കുകയോ ഇവിടെ നിന്ന് സെല്‍ഫി എടുക്കുന്നതിന് ശ്രമിക്കുകയോ ചെയ്യരുതെന്ന് ദുരന്തനിവാരണ അതോറിറ്റി അറിയിച്ചു. 

    കനത്ത മഴ തുടരുന്നതിനാലും ഡാമുകള്‍ തുറന്നിട്ടുള്ളതിനാലും ജില്ലയിലെ അങ്കണവാടികള്‍ മുതല്‍ പ്രൊഫഷണല്‍ കോളേജുകള്‍ വരെയുള്ള എല്ലാ വിദ്യാഭ്യാസ സ്ഥാപനങ്ങള്‍ക്കും ഇന്ന് (10) അവധിയായിരിക്കുമെന്ന് ജില്ലാ കളക്ടര്‍ അറിയിച്ചു.

    പമ്പാ നദിയിലെ ജലനിരപ്പ് ക്രമാതീതമായി ഉയരാന്‍ സാധ്യതയുള്ളതിനാല്‍ ആറډുള വള്ളസദ്യക്കെത്തുന്ന പള്ളിയോടങ്ങള്‍ സുരക്ഷാ ഭീഷണി നിലനില്‍ക്കുന്നതിനാല്‍ ജലത്തിന്‍റെ അളവ് കുറയുന്നതുവരെ പമ്പാനദിയിലൂടെയുള്ള യാത്ര ഒഴിവാക്കണമെന്ന് അതോറിറ്റി അഭ്യര്‍ഥിച്ചു.  ആനത്തോട്, പമ്പ ഡാമുകള്‍ തുറക്കുന്നതിലൂടെ ജലനിരപ്പ് മൂന്ന് മീറ്ററിലധികം ഉയരാന്‍ സാധ്യതയുള്ളതായാണ് ഡാം സേഫ്റ്റി അതോറിറ്റിയുടെ വിലയിരുത്തല്‍. ഈ മുന്നറിയിപ്പ് ഉള്‍ക്കൊണ്ട് ദുരന്തങ്ങള്‍ ഉണ്ടാകാതിരിക്കാന്‍ പരമാവധി ശ്രദ്ധിക്കണം. 
 

    പമ്പാ നദി കടന്നുപോകുന്ന ജില്ലയിലെ നാല് താലൂക്കുകളിലെ എല്ലാ വില്ലേജ് ഓഫീസുകളുടെ പരിധികളിലും അനൗണ്‍സ്മെന്‍റുകള്‍ നടത്തുന്നതിനും വില്ലേജ് ഓഫീസുകളില്‍ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂമുകള്‍ തുറക്കാനും   തീരുമാനമായി. വില്ലേജ് ഓഫീസര്‍മാര്‍ അടിയന്തര സാഹചര്യമുണ്ടായാല്‍ ജനങ്ങളെ മാറ്റി പാ ര്‍പ്പിക്കുന്നതിന് ആവശ്യമായ എല്ലാ മുന്നൊരുക്കങ്ങളും തയാറാക്കി.