മണ്ണിടിച്ചിലും മറ്റ് അപകടങ്ങളും ഉണ്ടാകാന്‍ സാധ്യത ഉള്ളതിനാല്‍ ജനങ്ങളുടെ സുരക്ഷ മുന്‍നിര്‍ത്തി ദേവികുളം, ഉടുമ്പന്‍ചോല താലൂക്കുകളില്‍ പ്രവര്‍ത്തിക്കുന്ന വിനോദ സഞ്ചാര കേന്ദ്രങ്ങളുടെ പ്രവര്‍ത്തനം ( അമ്യൂസ് മെന്റ് പാര്‍ക്ക്, ജീപ്പ് സഫാരി, ആന സവാരി, ബോട്ടിംഗ് മുതലായവ) രണ്ട് ദിവസത്തേക്ക് നിര്‍ത്തിവയ്ക്കാന്‍ ദേവികുളം സബ് കളക്ടര്‍ ഉത്തരവിട്ടു. ഈ ഭാഗത്തേക്കുളള സന്ദര്‍ശനം സഞ്ചാരികള്‍ തല്‍ക്കാലത്തേക്ക് ഒഴിവാക്കണമെന്നും സബ് കളക്ടര്‍ അറിയിച്ചു.

വിനോദ സഞ്ചാര വകുപ്പിന്റെ കുമളിയിലുള്ള ഇടുക്കി ജില്ലാ ഓഫീസിന്റെ ആവശ്യത്തിനായി ഒരു വര്‍ഷത്തേക്ക് കരാര്‍ അടിസ്ഥാനത്തില്‍ 1500 സി.സിക്ക് താഴെയുള്ള ടൂറിസ്റ്റ് ടാക്‌സി കാര്‍ വാടകക്ക് നല്‍കുന്നതിന് സര്‍ക്കാര്‍ നിരക്കോ അതില്‍ കുറവോ രേഖപ്പെടുത്തിയ ദര്‍ഘാസുകള്‍ ക്ഷണിച്ചു. ദര്‍ഘാസുകള്‍ ഓഗസ്റ്റ് 21ന് ഉച്ചക്ക് രണ്ട് വരെ സ്വീകരിക്കും. കൂടുതല്‍ വിവരങ്ങള്‍ക്ക് ഫോണ്‍ 04869 222620. 

ഇന്ന് (ഓഗസ്റ്റ് 10) ചേരുവാന്‍ നിശ്ചയിച്ചിരുന്ന ജില്ലാ ആസൂത്രണ സമിതി യോഗം 16ന് ഉച്ചകഴിഞ്ഞ് 2.30ന് നടക്കും.

ഇന്ന് (ഓഗസ്റ്റ് 10) നടത്താനിരുന്ന ദേശീയ വിര വിമുക്തി ദിനാചരണം മാറ്റിവച്ചതായും പുതുക്കിയ തീയതി പിന്നീട് അറിയിക്കുമെന്നും ജില്ലാ മെഡിക്കല്‍ ഓഫീസര്‍ അറിയിച്ചു. 

സംസ്ഥാന സാക്ഷരതാമിഷന്‍ അതോറിറ്റിയും പൊതു വിദ്യാഭ്യാസ വകുപ്പും ചേര്‍ന്ന് തൊടുപുഴ ബ്ലോക്കിന്റെ കീഴില്‍ നടത്തുന്ന പത്താം തരം,  ഹയര്‍ സെക്കണ്ടറി തുല്യതാ കോഴ്‌സിലേക്ക് അപേക്ഷ ക്ഷണിച്ചു. അപേക്ഷ സമര്‍പ്പിക്കേണ്ട അവസാന തിയതി ഓഗസ്റ്റ് 8. (ഫൈനോട് കൂടി ഓഗസ്റ്റ് 31 വരെയും നല്‍കാം) കൂടുതല്‍ വിവരങ്ങള്‍ക്ക് തൊടുപുഴ ബ്ലോക്ക് വികസന കേന്ദ്രവുമായി ബന്ധപ്പെടുക. ഫോണ്‍: 9447237271.

ഓഗസ്റ്റ് 11ന് ചെറുതോണി പോലീസ് സൊസൈറ്റി ഹാളില്‍ നടത്താനിരുന്ന നാടന്‍പാട്ട് , ഓണംകളരി മാറ്റിവച്ചതായി ജില്ലാ ശിശുക്ഷേമ സമിതി സെക്രട്ടറി കെ.ആര്‍. ജനാര്‍ദ്ദനന്‍ അറിയിച്ചു.

കൃഷിവകുപ്പ് ഇന്ന് (ഓസ്റ്റ് 10ന്) ഇടുക്കി ജില്ലാ പഞ്ചായത്ത് ഹാളില്‍ നടത്താനിരുന്ന അവലോകന യോഗങ്ങള്‍ മാറ്റിവച്ചു. പുതുക്കിയ തീയതി പിന്നീട് അറിയിക്കും.

ശക്തമായ മഴ തുടരുന്ന സാഹചര്യത്തില്‍ തൊടുപുഴ ഒഴികെയുള്ള എല്ലാ താലൂക്കൂകളിലെയും പ്രൊഫഷണല്‍ കോളെജുകള്‍ ഉള്‍പ്പെടെയുള്ള വിദ്യാഭ്യാസ സ്ഥാപനങ്ങള്‍ക്ക് ഇന്ന് 10.8.18 ന് ജില്ലാ കളക്ടര്‍ അവധി പ്രഖ്യാപിച്ചു.