സംസ്ഥാനത്തെ മഴക്കെടുതികളുടെ പശ്ചാത്തലത്തില്‍ സ്വാതന്ത്ര്യദിനാഘോഷത്തോടനുബന്ധിച്ച് രാജ്ഭവനില്‍ നടത്താനിരുന്ന അറ്റ് ഹോം സ്വീകരണ പരിപാടി റദ്ദാക്കിയതായി ഗവര്‍ണര്‍ പി. സദാശിവം അറിയിച്ചു.ഗവര്‍ണറുടെ ശമ്പളത്തില്‍നിന്ന് ഒരു ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നല്‍കാന്‍ തീരുമാനിച്ചതായും ഗവര്‍ണര്‍ അറിയിച്ചു. കെടുതികളുടെ പശ്ചാത്തലത്തില്‍ രാജ്ഭവന്‍ ജീവനക്കാരോടും, സര്‍ക്കാര്‍ ജീവനക്കാരോടും പൊതുജനങ്ങളോടും ദുരിതാശ്വാസ നിധിയിലേക്ക് ഉദാരമായി സംഭാന ചെയ്യാന്‍ അഭ്യര്‍ഥിച്ചു.

ടെന്‍ഡര്‍ ക്ഷണിച്ചു

കൊച്ചി: എറണാകുളം മോഡല്‍ എഞ്ചിനീയറിംഗ് കോളേജിലെ ഓഫീസ് നവീകരണത്തിന് ടെന്‍ഡര്‍ ക്ഷണിച്ചു. സെപ്തംബര്‍ ഒന്നിന് ഉച്ചയ്ക്ക് ശേഷം മൂന്നുവരെ ടെന്‍ഡര്‍ നല്‍കാം. കൂടുതല്‍ വിവരങ്ങള്‍ക്ക് www.mec.ac.in. ഫോണ്‍ 2577379, 2575370.

നാഷണല്‍ എംപ്ലോയ്‌മെന്റ് സര്‍വീസിന്റെ ഉണര്‍വ് 2018

ജില്ലാ വ്യവസായ കേന്ദ്രത്തിന്റെയും ചേര്‍പ്പ്‌ ബ്ലോക്ക്‌ പഞ്ചായത്തിന്റെയും സംയുക്താഭിമുഖ്യത്തില്‍ വ്യവസായ ശില്‍പശാല സംഘടിപ്പിക്കുന്നു. ഓഗസ്റ്റ്‌ 14 രാവിലെ 10 ന്‌ ചേര്‍പ്പ്‌ ബ്ലോക്ക്‌ പഞ്ചായത്ത്‌ ഹാളിലാണ്‌ ശില്‍പശാല. താല്‍പര്യമുളളവര്‍ അന്നേ ദിവസം രാവിലെ 9.30 പേര്‌ രജിസ്റ്റര്‍ ചെയ്യണം. കൂടുതല്‍ വിവരങ്ങള്‍ക്ക്‌ ഫോണ്‍ : 9446807254.

ജില്ലയില്‍ രാഷ്‌ട്രത്തിന്റെ 72-ാം സ്വാതന്ത്ര്യദിനാഘോഷം തേക്കിന്‍കാട്‌ മൈതാനി വിദ്യാര്‍ത്ഥി കോര്‍ണറില്‍ ഓഗസ്റ്റ്‌ 15 ന്‌ നടക്കും. രാവിലെ 8.30 ന്‌ വ്യവസായ വകുപ്പു മന്ത്രി എ സി മൊയ്‌തീന്‍ ദേശീയ പതാക ഉയര്‍ത്തും. ജില്ലാ കളക്‌ടര്‍, ജില്ലാ പോലീസ്‌ മേധാവികള്‍ എന്നിവര്‍ പങ്കെടുക്കും. ബാന്റ്‌വാദ്യ അകമ്പടിയോടെ പരേഡ്‌ ദേശീയ പതാകയ്‌ക്ക്‌ ആദരവ്‌ പ്രകടിപ്പിക്കും. തുടര്‍ന്ന്‌ മാര്‍ച്ച്‌ പാസ്റ്റ്‌, മന്ത്രി എ സി മൊയ്‌തീന്റെ സ്വാതന്ത്ര്യദിനസന്ദേശം, ദേശഭക്തിഗാനമത്സരം, സമ്മാനവിതരണം എന്നിവയുണ്ടാകും. 

ജില്ലയില്‍ രാഷ്‌ട്രത്തിന്റെ 72-ാം സ്വാതന്ത്ര്യദിനാഘോഷം തേക്കിന്‍കാട്‌ മൈതാനി വിദ്യാര്‍ത്ഥി കോര്‍ണറില്‍ ഓഗസ്റ്റ്‌ 15 ന്‌ നടക്കും. രാവിലെ 8.30 ന്‌ വ്യവസായ വകുപ്പു മന്ത്രി എ സി മൊയ്‌തീന്‍ ദേശീയ പതാക ഉയര്‍ത്തും. ജില്ലാ കളക്‌ടര്‍, ജില്ലാ പോലീസ്‌ മേധാവികള്‍ എന്നിവര്‍ പങ്കെടുക്കും. ബാന്റ്‌വാദ്യ അകമ്പടിയോടെ പരേഡ്‌ ദേശീയ പതാകയ്‌ക്ക്‌ ആദരവ്‌ പ്രകടിപ്പിക്കും. തുടര്‍ന്ന്‌ മാര്‍ച്ച്‌ പാസ്റ്റ്‌, മന്ത്രി എ സി മൊയ്‌തീന്റെ സ്വാതന്ത്ര്യദിനസന്ദേശം, ദേശഭക്തിഗാനമത്സരം, സമ്മാനവിതരണം എന്നിവയുണ്ടാകും. 

ചിമ്മിനി ഡാമിന്റെ ജലനിരപ്പ്‌ ക്രമാതീതമായി വര്‍ദ്ധിക്കുന്നതിനാല്‍ ഡാമിന്റെ ഷട്ടറുകള്‍ തൂറക്കാന്‍ സാധ്യതയുണ്ടെന്നും കരുവന്നൂര്‍, കുറുമാലി പുഴയുടെ തീരങ്ങളില്‍ താമസിക്കുന്നവര്‍ ജാഗ്രത പാലിക്കണമെന്നും ജില്ലാ കളക്‌ടര്‍ ടി വി അനുപമ അറിയിച്ചു.

ഇടുക്കി ഡാമില്‍ 600 ക്യൂബിക്ക്‌ മീറ്റര്‍ അധിക ജലം തുറന്നു വിടാന്‍ സാധ്യതയുളളതിനാല്‍ കൊടുങ്ങല്ലൂര്‍ താലൂക്ക്‌ പരിധിയില്‍ താമസിക്കുന്നവരും പെരിയാറിന്റെ തീരത്തുളളവരും ജാഗ്രത പാലിക്കണമെന്ന്‌ ജില്ലാ കളക്‌ടര്‍ ടി വി അനുപമ അറിയിച്ചു.

കാലവര്‍ഷം ശക്തിപ്രാപിച്ചതിനെ തുടര്‍ന്ന്‌ ജില്ലയില്‍ 7 ദുരിതാശ്വാസക്യാമ്പുകള്‍ കൂടി തുറന്നു. ചാലക്കുടി താലൂക്കില്‍ രണ്ടും മുകുന്ദപുരം താലൂക്കില്‍ മൂന്നും കൊടുങ്ങല്ലൂരില്‍ താലൂക്കില്‍ രണ്ടും ക്യാമ്പുകളാണ്‌ തുറന്നത്‌. ഇതോടെ ജില്ലയില്‍ 13 ക്യാമ്പുകളിലായി 1029 പേരെ മാറ്റിപ്പാര്‍പ്പിച്ചു.

മഴക്കെടുതി മൂലം മെയ്‌ മുതല്‍ ജില്ലയിലുണ്ടായ നാശനഷ്‌ടങ്ങള്‍ക്ക്‌ അര്‍ഹിക്കുന്ന സാമ്പത്തിക സഹായം അനുവദിക്കുവാന്‍ ശുപാര്‍ശ ചെയ്യുന്നു. കേന്ദ്രസംഘം ജില്ലാ കളക്‌ടര്‍ക്ക്‌ ഉറപ്പുനല്‍കി. പത്തുദിവസത്തിനകം ശാസ്‌ത്രീയമായ റിപ്പോര്‍ട്ട്‌ സമര്‍പ്പിക്കാനും കേന്ദ്രസംഘം ആവശ്യപ്പെട്ടു. കേന്ദ്ര കാര്‍ഷിക മന്ത്രാലയം ഡയറക്‌ടര്‍ ബി.കെ. ശ്രീവാസ്‌തവ, ഊര്‍ജമന്ത്രാലയം ഡെപ്യൂട്ടി ഡയറക്‌ടര്‍ നര്‍സി റാം മീണ, ഗതാഗത മന്ത്രാലയം റീജിയണല്‍ ഓഫീസര്‍ വി.വി. ശാസ്‌ത്രി എന്നിവരടങ്ങിയ സംഘമാണ്‌ ജില്ലയിലെ വിവിധ സ്ഥലങ്ങള്‍ സന്ദര്‍ശിച്ച്‌ നാശനഷ്‌ടങ്ങള്‍ വിലയിരുത്തിയത്‌.