പാലക്കാട് ജില്ലാ പട്ടാമ്പി താലൂക്കിലെ നടുവട്ടം വടക്കേ മുത്തശ്ശിയാര്‍ കാവ് ക്ഷേത്രത്തില്‍  ട്രസ്റ്റി നിയമനത്തിന്  താല്‍പര്യമുള്ള ഹിന്ദുമത വിശ്വാസികള്‍  ഓഗസ്റ്റ് 31 ന്  വൈകിട്ട് അഞ്ചിനകം തിരൂര്‍ മിനി സിവില്‍ സ്റ്റേഷനിലുളള മലബാര്‍ ദേവസ്വം ബോര്‍ഡ്  മലപ്പുറം അസിസ്റ്റന്‍റ് കമ്മീഷനര്‍ക്ക് അപേക്ഷ നല്‍കണം. അപേക്ഷ ഫോം മലപ്പുറം അസിസ്റ്റന്‍റ് കമ്മീഷനര്‍ ഓഫീസിലും പെരിന്തല്‍മണ്ണ ഡിവിഷനല്‍ ഇന്‍സ്പെക്ടര്‍ ഓഫീസിലും ലഭിക്കും. 

    മനുഷ്യ ജീവന്‍ രക്ഷിക്കുന്നതിന് സ്തുത്യര്‍ഹ പ്രവൃത്തികള്‍ നടത്തിയവര്‍ക്കായി നല്‍കുന്ന ജീവന്‍ രക്ഷാപതക്ക് അവാര്‍ഡിന് കേന്ദ്ര സര്‍ക്കാര്‍ അപേക്ഷ ക്ഷണിച്ചു. വിശദ വിവരങ്ങള്‍, അപേക്ഷാ ഫോം എന്നിവ ജില്ലയിലെ സ്കൂളുകളടക്കമുളള എല്ലാ കാര്യാലയങ്ങളിലേക്കും നല്‍കിയിട്ടുണ്ട്. അര്‍ഹരായവര്‍ പൊലീസ് റിപ്പോര്‍ട്ട്, തഹസില്‍ദാര്‍ റിപ്പോര്‍ട്ട്, അപേക്ഷകന്‍റെ സ്വഭാവവും പൂര്‍വ ചരിത്രവും തൃപ്തികരമാണെന്ന തഹസില്‍ദാര്‍ സര്‍ട്ടിഫിക്കറ്റ്, സംഭവത്തെക്കുറിച്ചുളള ലഘു വിവരണം എന്നിവ സഹിതമുളള അപേക്ഷ ഓഗസ്റ്റ് 15 നകം കലക്ടറേറ്റില്‍ ലഭ്യമാക്കണം.

    മലബാര്‍ ദേവസ്വം ക്ഷേത്രം ജീവനക്കാരുടെയും എക്സിക്യുട്ടീവ് ഓഫീസര്‍മാരുടെയും ക്ഷേമനിധിയില്‍ അംഗങ്ങളായവര്‍ക്ക് ക്ഷേമനിധി വിഹിത കുടിശ്ശിക  സെപ്റ്റംബര്‍ 30 വരെ അടയ്ക്കാം. വിഹിതം അടയ്ക്കാത്തവരുടെ അംഗത്വം ഇനിയൊരറിയിപ്പില്ലാതെ റദ്ദ് ചെയ്യുമെന്ന് മലബാര്‍ ദേവസ്വം ബോര്‍ഡ് സെക്രട്ടറി അറിയിച്ചു. കുടിശ്ശികയോടൊപ്പം ശമ്പള പട്ടികയുടെ പകര്‍പ്പ് ഇപ്പോഴും ജോലിയില്‍ തുടരുന്നുണ്ട് എന്ന ക്ഷേത്ര ഭാരവാഹിയുടെ സാക്ഷ്യപത്രം എന്നിവ നല്‍കണം.

    കേരള വനിതാ കമ്മിഷന്‍ സെപ്റ്റംബര്‍ ഒന്നിന് ജില്ലാ പഞ്ചായത്ത് ഹാളില്‍ രാവിലെ 10.30 മുതല്‍ മെഗാ അദാലത്ത് നടത്തും.