സംസ്ഥാനത്തെ എല്ലാ പട്ടികവര്‍ഗ കുടുംബങ്ങള്‍ക്കും ഓണക്കിറ്റും, 60 വയസ് മുതല്‍ പ്രായമുള്ള എല്ലാ പട്ടികവര്‍ഗ്ഗക്കാര്‍ക്കും ഓണക്കോടിയും നല്‍കുന്ന പദ്ധതിയുടെ സംസ്ഥാനതല വിതരണോദ്ഘാടനം 14ന് രാവിലെ 11ന് തിരുവനന്തപുരം കള്ളിക്കാട് ഗ്രാമപഞ്ചായത്തിലെ വ്‌ളാവെട്ടി പട്ടികവര്‍ഗ കോളനിയില്‍ പട്ടികജാതി പട്ടികവര്‍ഗ പിന്നാക്ക സമുദായ ക്ഷേമ, വകുപ്പ് മന്ത്രി എ.കെ. ബാലന്‍ നിര്‍വഹിക്കും. സി.കെ. ഹരീന്ദ്രന്‍ എം.എല്‍.എ യോഗത്തില്‍ അധ്യക്ഷത വഹിക്കും.

പി.എന്‍.എക്‌സ്.3535/18

ആഗസ്റ്റ് ഒന്‍പതിന് നടത്താന്‍ നിശ്ചയിച്ചിരുന്ന വൊക്കേഷണല്‍ ഹയര്‍സെക്കന്ററി ഒന്നാം വര്‍ഷ ഇംഗ്ലീഷ്, ബയോളജി ഇംപ്രൂവ്‌മെന്റ് പരീക്ഷകള്‍ 13ന് നടത്തും. സമയക്രമത്തില്‍ മാറ്റമില്ല.

പി.എന്‍.എക്‌സ്.3534/18

തയ്യല്‍തൊഴിലാളികള്‍ക്ക് നല്‍കി വകുന്ന ആനുകൂല്യങ്ങള്‍ ഇനി മുതല്‍ ബാങ്ക് അക്കൗണ്ട് വഴി വിതരണം ചെയ്യുമെന്ന് എക്‌സൈസും തൊഴിലും നൈപുണ്യവും വകുപ്പ് മന്ത്രി ടി.പി.രാമകൃഷ്ണന്‍ പറഞ്ഞു. കേരള തയ്യല്‍ തൊഴിലാളി ക്ഷേമനിധി ബോര്‍ഡ് നടപ്പാക്കുന്ന വിവിധ പദ്ധതികളുടെ ഉദ്ഘാടനം നിര്‍വഹിക്കുകയായിരുന്നു മന്ത്രി. 

അടൂര്‍ ഐഎച്ച്ആര്‍ഡി എന്‍ജിനീയറിംഗ് കോളേജില്‍ ലാറ്ററല്‍ എന്‍ട്രി സ്‌പോട്ട് അഡ്മിഷന്‍ നടത്തുന്നു. കംപ്യൂട്ടര്‍ സയന്‍സ്, ഇലക്‌ട്രോണിക്‌സ് ആന്‍ഡ് കമ്മ്യൂണിക്കേഷന്‍, ഇലക്ട്രിക്കല്‍ ആന്‍ഡ് ഇലക്‌ട്രോണിക്‌സ്, മെക്കാനിക്കല്‍ എന്‍ജിനീയറിംഗ് ബ്രാഞ്ചുകളിലേക്ക് യോഗ്യരായ വിദ്യാര്‍ഥികള്‍ അസല്‍ സര്‍ട്ടിഫിക്കറ്റുകള്‍ സഹിതം ഈ മാസം 13ന് രാവിലെ 10ന് കോളേജ് ഓഫീസില്‍ എത്തണം. 

മൈലപ്ര വില്ലേജില്‍ പുനലൂര്‍-മൂവാറ്റുപുഴ റോഡില്‍ മണ്ണാറക്കുളഞ്ഞി ഭാഗത്ത്      നില്‍ക്കുന്ന 34 മരങ്ങള്‍ ഈ മാസം 21ന് പകല്‍ 11.30ന് പൊന്‍കുന്നം കെഎസ്ടിപി ഡിവിഷന്‍ ഓഫീസ് പരിസരത്ത് ലേലം ചെയ്യും. ഫോണ്‍: 04828 206961.

        (പിഎന്‍പി 2306/18)

തിരുവല്ല താലൂക്കില്‍ തോട്ടപ്പുഴശ്ശേരിയില്‍ മഴക്കാല ദുരിതാശ്വാസ ക്യാമ്പ് തുറന്നു. മാരാമണ്‍ എം റ്റി എല്‍ പി എസില്‍ ആരംഭിച്ച ക്യാമ്പില്‍ എട്ട് കുടുംബങ്ങളിലെ  20 പേരെ മാറ്റിപ്പാ ര്‍പ്പിച്ചു. കിടങ്ങന്നൂര്‍ വില്ലേജില്‍ ആരംഭിച്ച ക്യാമ്പില്‍ എഴിക്കോട് കോളനിയിലെ നാലു വീടുകളിലെ 19 പേരെ മാറ്റി താമസിപ്പിച്ചിട്ടുണ്ട്.         (പിഎന്‍പി 2305/18)

കിറ്റ്‌സില്‍ എം.ബി.എ (ട്രാവല്‍ ആന്റ് ടൂറിസം) കോഴ്‌സിലേക്ക് ഏതാനും സീറ്റുകള്‍ ഒഴിവുണ്ട്. താത്പര്യമുള്ളവര്‍ യോഗ്യതാ സര്‍ട്ടിഫിക്കറ്റുകള്‍ സഹിതം 13ന് മുന്‍പ് കിറ്റ്‌സില്‍ നേരിട്ട് ബന്ധപ്പെടണം. വെബ്‌സൈറ്റ്: www.kittsedu.org ഫോണ്‍: 0471 2327707, 9447134484

പി.എന്‍.എക്‌സ്.3531/18

        വെളളപ്പൊക്ക-പ്രകൃതിക്ഷോഭ ദുരന്തങ്ങളുടെ പശ്ചാത്തലത്തില്‍ സംസ്ഥാനത്തെ മുഴുവന്‍ കൃഷി, മണ്ണ്‌സംരക്ഷണ-പര്യവേക്ഷണ വകുപ്പ് ഉദ്യോഗസ്ഥരും വരുന്ന അവധി ദിവസങ്ങളില്‍ അതത് ഓഫീസുകളില്‍ ഹാജരായി കര്‍ഷകരുടെയും പൊതുജനങ്ങളുടെയും പ്രശ്‌നങ്ങള്‍ പരിഹരിക്കുന്നതിനും വേണ്ട സഹായങ്ങള്‍ ചെയ്യുന്നതിനും പ്രവര്‍ത്തന സജ്ജരായിരിക്കണമെന്ന് കൃഷിവകുപ്പ് മന്ത്രി നിര്‍ദ്ദേശിച്ചതായി കൃഷി, മണ്ണ്‌സംരക്ഷണ വകുപ്പ് ഡയറക്ടര്‍ അറിയിച്ചു. 

പി.എന്‍.എക്‌സ്.3530/18