കാലവര്‍ഷക്കെടുതിയില്‍ ജില്ലയില്‍ വൈകിട്ട് മൂന്ന് മണിവരെ 11 പേര്‍ മരിച്ചു. ഇടുക്കി താലൂക്കില്‍ നാല് പേരും ദേവികുളത്ത് ഏഴ് പേരുമാണ് മരിച്ചത്. ഇടുക്കി താലൂക്കില്‍ രണ്ട് പേരെ കാണാതായി. വാത്തിക്കുടി വില്ലേജില്‍ രാജപുരം ക്രിസ്തുരാജ് എല്‍.പി സ്‌കൂളിന് സമീപം കരികുളത്ത് വീട്ടില്‍  രാജന്‍, ഉഷ എന്നിവരെയാണ് കാണാതായത്. കരികുളത്ത് വീട്ടില്‍ ലക്ഷ്മികുട്ടിയുടെ മൃതദേഹം ജില്ലാ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ് കുടുംബത്തിലെ മറ്റ് രണ്ടുപേരുടെ വിവരം കൂടി കിട്ടിയതിനുശേഷം പോസ്റ്റ്‌മോര്‍ട്ടം നടത്തും.

കൊച്ചി: എറണാകുളം ഗവ: ലോ കോളേജില്‍ ആഗസ്റ്റ് 13,14,16 ദിവസങ്ങളില്‍ രണ്ടാം സെമസ്റ്റര്‍ ബി.കോം എല്‍.എല്‍.ബി ബാച്ചിന് പ്രവൃത്തിദിനമായിരിക്കും. 17-ന് എല്ലാ സെമസ്റ്ററുകള്‍ക്കും (അഞ്ച് &മൂന്ന് വര്‍ഷ എല്‍.എല്‍.ബി) റെഗുലര്‍ ക്ലാസ് ഉണ്ടായിരിക്കുന്നതല്ലെന്ന് പ്രിന്‍സിപ്പാള്‍ അറിയിച്ചു.

കൊച്ചി: എറണാകുളം ജനറല്‍ ആശുപത്രിയിലെ സി.എസ്.എസ്.ഡി ഡിപ്പാര്‍ട്ട്‌മെന്റിലേക്ക് സി.എസ്.എസ്.ഡി ടെക്‌നീഷ്യനെ കരാറടിസ്ഥാനത്തില്‍ നിയമിക്കുന്നു. സി.എസ്.എസ്.ഡി ടെക്‌നീഷ്യന്‍ കോഴ്‌സ് പാസായ പ്രവൃത്തി പരിചയമുളള ഉദ്യോഗാര്‍ഥികള്‍ ഒറിജിനല്‍ സര്‍ട്ടിഫിക്കറ്റുകള്‍ സഹിതം ആഗസ്റ്റ് 18-ന് രാവിലെ 11-ന് സൂപ്രണ്ടിന്റെ ഓഫീസില്‍ വാക്-ഇന്‍-ഇന്റര്‍വ്യൂവിന് ഹാജരാകണം.

കൊച്ചി: ഇടുക്കി, ഇടമലയാര്‍ ഡാമുകളുടെ ഷട്ടറുകള്‍ തുറന്ന സാഹചര്യത്തില്‍ ആരംഭിച്ചിട്ടുളള ദുരിതാശ്വാസ ക്യാമ്പുകള്‍ സന്ദര്‍ശിക്കുന്നതിനും ആവശ്യാനുസരണം ഔഷധങ്ങള്‍ വിതരണം നടത്തുന്നതിനും ആരോഗ്യ സംബന്ധമായ കാര്യങ്ങള്‍ നിരീക്ഷിക്കുന്നതിനുമായി സജ്ജമാക്കിയിട്ടുളള ആയുര്‍വേദ ജില്ലാ മെഡിക്കല്‍ ഓഫീസറുടെ നേതൃത്വത്തിലുളള മെഡിക്കല്‍ ടീം ക്യാമ്പുകള്‍ സന്ദര്‍ശിക്കുകയും, ഉണ്ടാകാവുന്ന ആരോഗ്യ പ്രശ്‌നങ്ങള്‍ മുന്‍കൂട്ടി കണ്ട് ഔഷധങ്ങള്‍ വിതരണം നടത്തുകയും ചെയ്യുന്നുണ്ടെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.

കൊച്ചി: ഡാമുകള്‍ തുറന്നതുമൂലം പെരിയാറിലെ ജലനിരപ്പ് ഉയര്‍ന്ന സാഹചര്യത്തില്‍ മണപ്പുറത്തെ കര്‍ക്കിടക വാവുബലിക്കെത്തുന്നവര്‍ക്ക് അതീവ സുരക്ഷയൊരുക്കി. പെരിയാറിന്റെ തീരത്തുള്ള കാലടി ചേലാമറ്റം ക്ഷേത്രത്തിലും വാവുബലിക്കെത്തുന്നവര്‍ക്ക് ജില്ലാ ഭരണകൂടം സുരക്ഷ ശക്തമാക്കി. കോസ്റ്റ് ഗാര്‍ഡിന്റെയും ദേശീയ ദുരന്തനിവാരണ സേനയുടെയും സേവനം ഇവിടെ ഉറപ്പു വരുത്തിയിട്ടുണ്ട്. 

പത്രപ്രവര്‍ത്തകേതര പെന്‍ഷന്‍ പദ്ധതിയില്‍ അംഗത്വം നേടി അംശദായം അടച്ചു വരവേ അംശദായ വരിസംഖ്യ അടയ്ക്കുന്നതില്‍ ആറ് മാസത്തില്‍ കൂടുതല്‍ കുടിശ്ശിക വരുത്തിയ പത്രപ്രവര്‍ത്തകേതര ജീവനക്കാര്‍ക്ക് ആഗസ്റ്റ് 10 മുതല്‍ സെപ്തംബര്‍ 10 വരെ പ്രതിമാസ അംശദായ തുകയോടൊപ്പം 15 ശതമാനം പിഴയീടാക്കി ഒറ്റത്തവണയായി കുടിശ്ശിക അടക്കാം. നിലവിലെ ചട്ടമനസരിച്ച് മൂന്ന് തവണയില്‍ കൂടുതല്‍ അംശദായക്കുടിശ്ശിക വരുത്തിയ ഒരംഗത്തിന് അംഗത്വം പുതുക്കി നല്‍കില്ല.  
 

       ഓണം ബക്രീദ് ഖാദിമേള 2018 -ലെ സമ്മാന പദ്ധതിയില്‍ ആഴ്ച തോറുമുള്ള ആദ്യ നറുക്കെടുപ്പ് അസിസ്റ്റന്റ് കലക്ടര്‍ അന്‍ജു. കെ.എസ്. ചെറൂട്ടിറോഡിലുള്ള ഖാദി ഗ്രാമസൗഭാഗ്യ ഷോറൂമില്‍ നിര്‍വ്വഹിച്ചു. സമ്മാനാര്‍ഹമായ കൂപ്പണ്‍ നം -  225126.