തൃശൂര്‍ ജില്ലാ പഞ്ചായത്ത് ഐഎംഎ തൃശൂര്‍ ഘടകം സംയുക്തമായി നടത്തുന്ന പ്രോജക്ടായ 'ജനകീയ സമിതി ആരോഗ്യം ഐഎംഎ ബ്ലഡ് ബാങ്ക് 'സര്‍ക്കാര്‍ ആശുപത്രികളില്‍ ചികിത്സയില്‍ കഴിയുന്ന ബി.പി.എല്‍ വിഭാഗങ്ങളില്‍ പെടുന്നവര്‍ക്ക് പ്രോസസിംഗ് ഫീസ് ഈടാക്കാതെ സൗജന്യമായി രക്തം നല്‍കുമെന്ന് ഡെപ്യൂട്ടി ട്രാന്‍സ്പോര്‍ട്ട് കമ്മീഷണര്‍ അറിയിച്ചു. മറ്റുള്ളവര്‍ക്ക് ഡോക്ടറുടെ ശുപാര്‍ശപ്രകാരം പ്രോസസിംഗ് ഫീസില്‍ 50ശതമാനം വരെ ഇളവും അനുവദിക്കും. ഡ്രൈവര്‍മാര്‍ 0487-2323964, 2320999, 2320784, 9947646464 ഈ ഫോണ്‍ നമ്പറുകള്‍ കരുതേണ്ടതാണ്.
 

2018 - 2019 അദ്ധ്യയന വര്‍ഷത്തേക്കുളള ബി.ടെക് സായാഹ്ന കോഴ്‌സുകളില്‍ ഒഴിവുളള സീറ്റുകളിലേക്ക് സ്‌പോട്ട് അഡ്മിഷന്‍ 24ന് രാവിലെ 10 മുതല്‍ 1 വരെ കോളേജ് ഓഫ് എഞ്ചിനീയറിംഗ് തിരുവനന്തപുരം, സായാഹ്ന കോഴ്‌സ് ഓഫീസില്‍ നടക്കും.

സംസ്ഥാന പട്ടികജാതി പട്ടികവര്‍ഗ്ഗ വികസന സഹകരണ ഫെഡറേഷന്‍ ഹെഡോഫീസില്‍ എഞ്ചിനീയറിംഗ്  ബിരുദമുളള സ്ട്രക്ച്ചറല്‍ എഞ്ചിനീയര്‍, ആര്‍ക്കിടെക് എഞ്ചിനീയര്‍, സിവില്‍ എഞ്ചിനീയര്‍ എന്നീ തസ്തികകളില്‍ കരാറടിസ്ഥാനത്തില്‍ താത്ക്കാലിക നിയമനത്തിന് അപേക്ഷ ക്ഷണിച്ചു.  അതതു തസ്തികകളില്‍ കുറഞ്ഞത് 15 - 20 വര്‍ഷത്തില്‍ കുറയാത്ത പ്രവൃത്തി പരിചയമുളളവര്‍ അഥവാ സര്‍ക്കാര്‍/ പൊതു മേഖലയില്‍ നിന്നും വിരമിച്ച തത്തുല്യ യോഗ്യതയുളള എഞ്ചിനീയര്‍മാര്‍ക്ക് അപേക്ഷിക്കാം.  അവസാന തീയതി  ജൂലൈ 31 വൈകീട്ട് അഞ്ചുമണി.  ഇമെയില്‍ : sctfed@gmail.com

    പി.എന്‍.എക്‌സ്.3085/18

രജിസ്‌ട്രേഡ് ഹോമിയോ ഡോക്ടര്‍മാര്‍ ഹോമിയോപ്പതി മരുന്നുകള്‍ മാത്രമേ കുറിച്ചുകൊടുക്കാന്‍ പാടുളളൂ എന്ന നിര്‍ദ്ദേശം മെഡിക്കല്‍ കൗണ്‍സില്‍ സംസ്ഥാന കൗണ്‍സിലില്‍  രജിസ്റ്റര്‍ ചെയ്തിരിക്കുന്ന എല്ലാ ഹോമിയോപ്പതി പ്രാക്ടീഷണര്‍മാരും കര്‍ശനമായി പാലിക്കണമെന്ന് രജിസ്ട്രാര്‍ അറിയിച്ചു.   

   പി.എന്‍.എക്‌സ്.3083/18

ആരോഗ്യ സര്‍വകലാശാലയുടെ മേല്‍നോട്ടത്തില്‍ തിരുവനന്തപുരം ഗവ : ആയുര്‍വേദ കോളേജില്‍ വയറിലുണ്ടാകുന്ന പുണ്ണ്, വയറുവേദന, പുളിച്ചുതികട്ടല്‍, നെഞ്ചെരിച്ചില്‍ എന്നീ ആരോഗ്യ പ്രശ്‌നങ്ങള്‍ക്ക് ഗവേഷണ അടിസ്ഥാനത്തില്‍  ചികിത്സ ലഭ്യമാണ്.  താല്‍പര്യമുളളവര്‍ വ്യാഴാഴ്ചകളില്‍ രണ്ടാം നമ്പര്‍ ഒ. പി. യുമായി ബന്ധപ്പെടണം. 

   പി.എന്‍.എക്‌സ്.3082/18