ജില്ലാ സപ്ലൈ ഓഫീസറുടെ നേതൃത്വത്തിലുള്ള സ്‌ക്വാഡ് പരിശോധനയില്‍ മലപ്പുറം പൊതുമാര്‍ക്കറ്റില്‍ നിന്നും പിടിച്ചെടുത്ത 50.കി.ഗ്രാം തൂക്കമുള്ള 53 ചാക്ക് പച്ചരി  ജൂലൈ 16ന് രാവിലെ 11ന് മഞ്ചേരി സ്റ്റേറ്റ് സിവില്‍ സപ്ലൈസ് താലൂക്ക് ഡിപ്പൊയില്‍ ലേലം ചെയ്യും.  കൂടുതല്‍ വിവരങ്ങള്‍ ഏറനാട് താലൂക്ക് സപ്ലൈ ഓഫീസില്‍ നിന്നും ലഭിക്കും.

കൊണ്ടോട്ടി ഐ.സിഡി.എസ് പ്രോജക്ടിന്റെ ഉപയോഗത്തിന് വാഹനം (ജീപ്പ്/കാര്‍) വാടകയ്ക്ക് കരാര്‍ അടിസ്ഥാനത്തില്‍ ഉപയോഗിക്കുന്നതിന് ടെണ്ടര്‍ ക്ഷണിച്ചു.  ടെണ്ടര്‍ ജൂലൈ 18ന് ഉച്ചക്ക് മൂന്നിനകം ശിശു വികസന പദ്ധതി ഓഫീസര്‍, കൊണ്ടോട്ടി വിലാസത്തില്‍ ലഭിക്കണം.  ഫോണ്‍ 0483 2713315.

പുഴക്കാട്ടിരി ഗവ. ഐ.ടി.ഐയില്‍  രണ്ടാം ഘട്ട  പ്രവേശനത്തിന് അര്‍ഹരായ വരുടെ ലിസ്റ്റ്  പ്രസിദ്ധപ്പെടുത്തി.  കൂടിക്കാഴ്ച ജൂലൈ 16ന് പുഴക്കാട്ടിരി ഗവ.ഐ.ടി.ഐ യില്‍ നടത്തും. ഫോണ്‍ 04933 254088.  ലിസ്റ്റ്  itipuzhakkattiri.kerala.gov.inല്‍ ലഭിക്കും.

മൃഗസംരക്ഷണ വകുപ്പിന്റെ  ആഭിമുഖ്യത്തില്‍ മലമ്പുഴ മൃഗസംരക്ഷണ പരിശീലന കേന്ദ്രത്തില്‍ ജൂലൈ 19 മുതല്‍ 21 വരെ  ഇറച്ചിക്കോഴി വളര്‍ത്തലില്‍  സൗജന്യ പരിശീലനം സംഘടിപ്പിക്കുന്നു.  താല്‍പര്യമുളളവര്‍ നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം.  ഫോണ്‍ 0491 - 2815454, 8281777080.  രജിസ്റ്റര്‍ ചെയ്തവര്‍ ആധാര്‍ നമ്പറുമായി 19ന് രാവിലെ 10 നകം  പരിശീലന കേന്ദ്രത്തില്‍ എത്തണം.

പെരിന്തല്‍മണ്ണ പി.ടി.എം ഗവ. കോളേജില്‍ അറബിക് അതിഥി അധ്യാപകരുടെ ഒഴിവിലേക്ക് അപേക്ഷ ക്ഷണിച്ചു. യോഗ്യത എം.എ അറബിക്, നെറ്റ്.  കോളേജ് വിദ്യാഭ്യാസ വകുപ്പിന്റെ കോഴിക്കോട് മേഖലാ ഓഫീസില്‍ രജിസ്റ്റര്‍ ചെയ്ത ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ജൂലൈ 16ന് രാവിലെ 10.30 ന് കൂടിക്കാഴ്ചയ്ക്ക് കോളേജില്‍ എത്തണം.  നെറ്റ് യോഗ്യതയുളളവരുടെ അഭാവത്തില്‍ അല്ലാത്തവരെയും പരിഗണിക്കും. കൂടുതല്‍ വിവരങ്ങള്‍ www.ptmgovernmentcollege.in ല്‍ ലഭിക്കും.

സംസ്ഥാന സര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച്,  'ഞങ്ങളുടെ വീട്' എന്ന പേരില്‍ സംസ്ഥാന പട്ടികജാതി - പട്ടികവര്‍ഗ്ഗ വികസന കോര്‍പ്പറേഷന്‍ പുതിയ ഭവന വായ്പാ പദ്ധതി നടപ്പിലാക്കുന്നു. സ്വന്തമായി ഒരു വീട് എന്ന സാധാരണക്കാരന്റെ സ്വപ്നം  സാക്ഷാത്ക്കരിക്കുന്നതിനായി സംസ്ഥാന സര്‍ക്കാര്‍ നടത്തുന്ന ശ്രമങ്ങളുടെ കൂടി ഭാഗമായാണ് പട്ടികജാതി വിഭാഗത്തില്‍പ്പെട്ട ഭവന രഹിതര്‍ക്കായി പുതിയ ഭവന നിര്‍മ്മാണ വായ്പാ പദ്ധതി  നടപ്പിലാക്കുന്നത്.

ഉള്‍നാടന്‍ മത്സ്യസമ്പത്ത് വര്‍ധിപ്പിക്കാനുള്ള പദ്ധതിക്ക് താനൂര്‍ മണ്ഡലത്തില്‍ തുടക്കം. ആവാസവ്യവസ്ഥാ നശീകരണം, കാലാവസ്ഥാ വ്യതിയാനം, ജല മലിനീകരണം തുടങ്ങിയ കാരണങ്ങളാല്‍  നശിച്ചുകൊണ്ടിരിക്കുന്ന ഉള്‍നാടന്‍ മത്സ്യ സമ്പത്ത് പുനരുജ്ജീവിപ്പിക്കാനും അതുവഴി മത്സ്യസമ്പത്ത്  വര്‍ധിപ്പിക്കാനും ലക്ഷ്യമിട്ടാണ് പദ്ധതി നടപ്പാക്കുന്നത്. ഇതിന്റെ ഭാഗമായി താനൂര്‍ ഒട്ടുംപുറത്തെ പൊതുജലാശയത്തിലേക്ക് ആയിരകണക്കിന് മത്സ്യകുഞ്ഞുങ്ങളെ  നിക്ഷേപിച്ചു. ഫിഷറീസ് ഇന്‍സ്‌പെക്ടര്‍ അംജത്, മത്സ്യഭവന്‍ ഓഫീസര്‍ എസ്. സുരേഷ് ബാബു, പ്രൊമോട്ടര്‍മാരായ സുരഭി, മുഹമ്മദ് റിഫായി, ബാബു തുടങ്ങിയവര്‍ നേതൃത്വം നല്‍കി.

ലോക യുവജന നൈപുണി  ദിനത്തോടനുബന്ധിച്ച്  അസാപ്  ജില്ലാ  യൂണിറ്റ് മലപ്പുറം ഗവ: കോളേജില്‍ ജില്ലാതലത്തില്‍ വിവിധ പരിപാടികള്‍  സംഘടിപ്പിക്കുന്നു. നാളെ (ജൂലൈ   15)  രാവിലെ 10 ന്. പി. ഉബൈദുള്ള  എം.ല്‍.എ  ഉദ്ഘാടനം ചെയ്യും. ജില്ലയിലെ  വിവിധ നൈപുണി വികസന കേന്ദ്രങ്ങളിലും അന്നേ ദിവസം പരിപാടികള്‍  സംഘടിപ്പിക്കും. ഇതോടനുബന്ധിച്ച് അസാപ് വിദ്യാര്‍ഥികളുടെ വൈദഗ്ധ്യ പ്രദര്‍ശനം, മൊബൈല്‍ ഫോട്ടോഗ്രാഫി, പോസ്റ്റര്‍  രചനാ മത്സരം, പൂര്‍വ്വ വിദ്യാര്‍ത്ഥി സംഗമം എന്നിവയും സംഘടിപ്പിക്കും.

ലോക ജനസംഖ്യാ ദിനം ജില്ലാതല ഉദ്ഘാടനം കൊണ്ടോട്ടി ഇ.എം.ഇ.എ കോളേജില്‍ നടന്നു. പള്ളിക്കല്‍ ഗ്രാമ പഞ്ചായത്ത് പ്രസിഡന്റ് കുമാരി. പി. മിഥുന ഉദ്ഘാടനം നിര്‍വഹിച്ചു. കുടുംബാസൂത്രണം മനുഷ്യാവകാശമാണ് എന്ന വിഷയത്തില്‍ ഡോ. ഷാജി അറക്കല്‍ പ്രഭാഷണം നടത്തി. കോളേജ് പ്രിന്‍സിപ്പല്‍ ഡോ.അയ്യൂബ് കേയി അധ്യക്ഷത വഹിച്ചു. ജനസംഖ്യാ ദിന ബോധവത്കരണ ലഘുലേഖയുടെ പ്രകാശനം ചടങ്ങില്‍ നടന്നു.