മാധ്യമ പ്രവര്‍ത്തകര്‍ക്കുള്ള 2017-ലെ സംസ്ഥാന സര്‍ക്കാര്‍ മാധ്യമ അവാര്‍ഡിന് എന്‍ട്രികള്‍ ക്ഷണിച്ചു. 2017 ജനുവരി ഒന്നു മുതല്‍ ഡിസംബര്‍ 31 വരെ മലയാള പത്രങ്ങളിലും ആനുകാലികങ്ങളിലും വന്ന വികസനോന്‍മുഖ റിപ്പോര്‍ട്ട്, ജനറല്‍ റിപ്പോര്‍ട്ട്, വാര്‍ത്താചിത്രം, കാര്‍ട്ടൂണ്‍ എന്നീ വിഭാഗങ്ങള്‍ക്കും ടിവി വാര്‍ത്താ റിപ്പോര്‍ട്ടര്‍, ക്യാമറാമാന്‍, വീഡിയോ എഡിറ്റര്‍, ന്യൂസ് റീഡര്‍, മികച്ച അഭിമുഖം എന്നീ വിഭാഗങ്ങള്‍ക്കുമാണ് അവാര്‍ഡുകള്‍ നല്‍കുന്നത്.

ഒളശ്ശ സര്‍ക്കാര്‍ അന്ധവിദ്യാലയത്തില്‍ പാര്‍ട്ട് ടൈം ഇന്‍സ്ട്രമെന്റല്‍ മ്യൂസിക് ടീച്ചര്‍, ക്രാഫ്റ്റ് ടീച്ചര്‍ എന്നീ തസ്തികകളിലേക്ക് ദിവസ വേതന അടിസ്ഥാനത്തില്‍ നിയമനം നടത്തുന്നതിന് ജൂലൈ 20ന് നടത്താന്‍ നിശ്ചയിച്ചിരുന്ന ഇന്റര്‍വ്യൂ ജൂലൈ 26 രാവിലെ 10.30ന് സ്‌കൂള്‍ ഓഫീസില്‍ നടത്തും. കൂടുതല്‍ വിവരങ്ങള്‍ സ്‌കൂള്‍ ഓഫീസുമായി ബന്ധപ്പെടുക. ഫോണ്‍: 0481 2517728 

കേന്ദ്ര ആഭ്യന്തര സഹമന്ത്രി കിരണ്‍ റിജജുവും ടൂറിസം വകുപ്പ് സഹമന്ത്രി (സ്വതന്ത്ര ചുമതല) അല്‍ഫോന്‍സ് കണ്ണന്താനവും ഇന്ന് (ജൂലൈ 21) കോട്ടയം ജില്ലയിലെ വെളളപ്പൊക്ക ബാധിത പ്രദേശങ്ങള്‍ സന്ദര്‍ശിക്കും. 14.50 ന് ചെങ്ങളം, ഇറഞ്ഞാല്‍  പ്രദേശങ്ങളിലാണ് മന്ത്രിമാര്‍ സന്ദര്‍ശനം നടത്തുക. 

എടക്കര സബ് രജിസ്ട്രാര്‍ ഓഫീസിലെ വനിതാ ജീവനക്കാരിയോട് അപമര്യാദയായി പെരുമാറിയ ആധാരമെഴുത്തുകാരനെ ജില്ലാ രജിസ്ട്രാര്‍ (ജനറല്‍)സസ്‌പെന്റ് ചെയ്തു. എം.ഡി.എ 342, എം.എസ്.എ 613 നമ്പറിലുള്ള ആധാരമെഴുത്ത്, കൈപ്പട ലൈസന്‍സി ധനീഷ് ഗോപി യുടെ ആധാരമെഴുത്ത്, കൈപ്പട ലൈസന്‍സ് മൂന്നു മാസത്തേക്ക് ജില്ലാ രജിസ്ട്രാര്‍ (ജനറല്‍)സസ്‌പെന്റ് ചെയ്തത്. ജീവനക്കാരിയുടെ പരാതിയെത്തുടര്‍ന്നു ജില്ലാ രജിസ്ട്രാറു(ഓഡിറ്റ്)ടെ അന്വേഷണ റിപ്പോര്‍ട്ടിന്റെ അടിസ്ഥാനത്തിലാണ് നടപടി.

    മലപ്പറം കേന്ദ്രീയ വിദ്യാലയത്തില്‍ പി.ജി.ടി (ബയോളജി), മലയാളം, സ്‌പോക്കണ്‍ ഇംഗ്ലീഷ്, പ്രൈമറി ടീച്ചര്‍ തസ്തികയില്‍ താല്‍കാലിക അധ്യാപക ഒഴിവിലേക്ക് അപേക്ഷ ക്ഷണിച്ചു.  അപേക്ഷകര്‍ക്ക് കേന്ദ്രീയ വിദ്യാലയ സംഗതന്റെ നിയമാവലി അനുസരിച്ചുള്ള യോഗ്യത ഉണ്ടായിരിക്കണം.  താല്‍പര്യമുള്ളവര്‍ ജൂലൈ 20ന് രാവിലെ 9.30ന് അസ്സല്‍ രേഖകള്‍ സഹിതം കൂടിക്കാഴ്ചയ്ക്ക് വിദ്യാലയത്തില്‍ എത്തണം.  കൂടുതല്‍ വിവരങ്ങള്‍ www.kvmalappuram@govt.in ല്‍ ലഭിക്കും.  ഫോണ്‍ 0483 2734963.

    അപേക്ഷകര്‍ക്ക് ലീഗല്‍ ഗാര്‍ഡിയന്‍ഷിപ്പ് അനുവദിക്കുന്നതിനായി നാഷണല്‍ ട്രസ്റ്റ് ലോക്കല്‍ ലെവല്‍ കമ്മിറ്റി യോഗം ജൂലൈ 17ന് രാവിലെ 10ന് ജില്ലാ കലക്ടറുടെ ചേമ്പറില്‍ ചേരും.