** കയര്‍ കേരള 2018 ന്റെ വെബ്‌സൈറ്റ് ഉദ്ഘാടനം ചെയ്തു

കയര്‍ മേഖലയുടെ നവീകരണവും ഉത്പന്ന വൈവിധ്യവും ലക്ഷ്യമിട്ട് ആരംഭിച്ച 'കയര്‍ കേരള' അന്താരാഷ്ട്ര  പ്രദര്‍ശന വിപണന മേള വന്‍ വിജയമായെന്നും ഇതു കയര്‍ മേഖലയ്ക്ക് പുത്തന്‍ ഉണര്‍വു നല്‍കിയെന്നും പൊതുമരാമത്ത് മന്ത്രി ജി. സുധാകരന്‍. ഈ വര്‍ഷത്തെ കയര്‍ കേരള മേളയുടെ ഔദ്യോഗിക വെബ്‌സൈറ്റ് ഉദ്ഘാടനം ചെയ്യുകയായിരുന്നു മന്ത്രി.

നെഹ്റു യുവ കേന്ദ്ര നടത്തുന്ന  യുവജന ക്ഷേമ  കല കായിക പരിപാടികള്‍ ഏറ്റെടുത്തു   സംഘടിപ്പിക്കാന്‍ യൂത്ത് ക്ലബ്ബുകള്‍ക്ക്    അവസരം   നല്കുന്നു . യൂത്ത് പാര്‍ലമെന്‍റുകള്‍ തൊഴില്‍പരിശീലന പരിപാടികള്‍,  ഏകദിന സെമിനാറുകള്‍, ബ്ലോക്ക്തല  കലാ കായിക മത്സരങ്ങള്‍ ,ജില്ലാ തല കലാ കായിക മത്സരങ്ങള്‍ തുടങ്ങിയവ  സംഘടിപ്പിക്കാം. അപേക്ഷകള്‍ ജൂലൈ  31-നകം  നെഹ്റു യുവ കേന്ദ്ര ഓഫീസില്‍ ലഭിക്കണം .ഫോണ്‍ നമ്പര്‍ 0491-2505024

    ക്ഷയരോഗനിര്‍മാര്‍ജനം ഫലപ്രദമാക്കുന്നതിന് പാലക്കാട് ജില്ലാ ഡ്രഗ്സ് ഇന്‍സ്പെക്ടര്‍ ഓഫിസിന്‍റെ ആഭിമുഖ്യത്തില്‍ ജില്ലാ ടി.ബി സെന്‍ററുമായി സഹകരിച്ച്  ഇന്ന് (ജൂലൈ 21) ഔഷധ വില്‍പ്പനയുമായി ബന്ധപ്പെട്ട  ബോധവത്കരണ ക്ലാസ് നടക്കും. രാവിലെ 10.30 മുതല്‍   ജില്ലാ പഞ്ചായത്ത് സമ്മേളന ഹാളില്‍ ക്ഷയരോഗത്തിനുളള മരുന്നുകളുടെ വില്‍പ്പനയുമായി ബന്ധപ്പെട്ട് സൂക്ഷിക്കേണ്ട രജിസ്റ്ററുകളും അനുബന്ധ കാര്യങ്ങളും, മരുന്നു നിയമങ്ങളും ശിക്ഷാനടപടികളും എന്നീ വിഷയങ്ങളിലാണ് ക്ലാസ് നടക്കുക. അലോപ്പതി ഔഷധ ചില്ലറ വ്യാപാരികളും സ്വകാര്യ മേഖലയിലെ ഫാര്‍മസിസ്റ്റുകളും ക്ലാസില്‍ പങ്കെടുക്കും.

    ജില്ലാ വികസന സമിതി യോഗം ജൂലൈ 28 ന് രാവിലെ 10 ന് കലക്ടറേറ്റ് സമ്മേളന ഹാളില്‍ ചേരും. പ്രീ.ഡി.ഡി. സി യോഗം രാവിലെ 10.30 ന് ചേരും. ബന്ധപ്പെട്ടവര്‍ യോഗത്തില്‍ നിര്‍ബന്ധമായും പങ്കെടുക്കണമെന്ന് ജില്ലാ കലക്ടര്‍ അറിയിച്ചു.

    കുമരംപുത്തൂര്‍, പുതുശ്ശേരി ഗ്രാമപഞ്ചായത്തുകളിലെ തൊഴില്‍ രഹിതവേതനം ജൂലൈ 23, 24, 25 തീയതികളില്‍ വിതരണം ചെയ്യുമെന്ന് സെക്രട്ടറി അറിയിച്ചു. അര്‍ഹരായവര്‍ ബന്ധപ്പെട്ട രേഖകള്‍ സഹിതം പഞ്ചായത്ത് ഓഫീസില്‍ നിന്ന് തുക കൈപ്പറ്റേണ്ടതാണ്.

    കേരള മിനറല്‍സ് (പ്രിവന്‍ഷന്‍ ഓഫ് ഇല്ലീഗല്‍ മൈനിങ്, സ്റ്റോറേജ് ആന്‍ഡ് ട്രാന്‍സ്പോര്‍ട്ടേഷന്‍) റൂള്‍ പ്രകാരം ജില്ലയില്‍ ഏത് ചെറുകിട ധാതുവും ശേഖരിച്ച് വിപണനം നടത്തുന്നതിന് മൈനിങ്-ജിയോളജി വകുപ്പിന്‍റെ ഡിപ്പോ രജിസ്ട്രേഷനും ഡീലേഴ്സ് ലൈസന്‍സും ആവശ്യമാണ്.  രജിസ്ട്രേഷനും ലൈസന്‍സും ഇല്ലാതെ ചെറുകിട ധാതുക്കളുടെ ശേഖരണവും വിപണനവും നടത്തുന്നവര്‍ അടിയന്തരമായി പ്രവൃത്തി നിര്‍ത്തിവെച്ച് മൈനിങ് ആന്‍ഡ് ജിയോളജി വകുപ്പില്‍ നിന്ന് ലൈസന്‍സ് കരസ്ഥമാക്കണമെന്ന് ജിയോളജിസ്റ്റ് അറിയിച്ചു.

    എംപ്ലോയബിലിറ്റി സെന്‍റര്‍ മുഖേന വിവിധ സ്വകാര്യസ്ഥാപനങ്ങളിലേക്ക്  ജോബ് ഫെയറുകള്‍, സെന്‍റര്‍ ഡ്രൈവുകള്‍ നടത്തിവരുന്നു.  പ്ലസ്ടു പാസ്സായ 35 വയസ്സില്‍ താഴെയുളള ഉദ്യോഗാര്‍ത്ഥികള്‍ ആധാര്‍ കാര്‍ഡിന്‍റെ കോപ്പിയും, രജിസ്ട്രേഷന്‍ ഫീസായി 250 രൂപയൂം സഹിതം ജൂലൈ 23, 24, 25 തീയതികളില്‍  ജില്ലാ എംപ്ലോയ്മെന്‍റ് എക്സ്ചേഞ്ചില്‍ രാവിലെ 10.30ന് എത്തണം. കൂടുതല്‍ വിവരങ്ങള്‍ക്ക്  ഫോണ്‍-04912505435