ആര്യങ്കോട് ഗ്രാമപഞ്ചായത്തില്‍ സമ്പൂര്‍ണ തരിശ് നിര്‍മാര്‍ജന പദ്ധതിയായ തളിരിന് തുടക്കമായി. കോവിലുവിള ഏലയില്‍ നടന്ന നടീല്‍ ഉത്സവം സി.കെ.ഹരീന്ദ്രന്‍ എം.എല്‍.എ. ഉദ്ഘാടനം ചെയ്തു. കോവിലുവിള, കീഴാറൂര്‍, ചിലമ്പറ, ആര്യങ്കോട്, വലിയറകോണം, മൈലച്ചല്‍ എന്നിവിടങ്ങളില്‍ 2.5 ഏക്കറില്‍ നെല്‍കൃഷി ആരംഭിച്ചു. 

നെല്‍കൃഷി ചെയ്യുന്ന കര്‍ഷകര്‍ക്ക് പഞ്ചായത്തിന്റെ ജനകീയാസൂത്രണ പദ്ധതിയിലൂടെയും കൃഷി വകുപ്പിന്റെ വിവിധ പദ്ധതികളിലൂടെയും 58,000 രൂപ ധനസഹായമായി ലഭിക്കും. ആര്യങ്കോട് ഗ്രാമപഞ്ചായത്തില്‍ 12.5 ഏക്കര്‍ പച്ചക്കറി കൃഷിയും അഞ്ച് ഏക്കര്‍ കരനെല്‍ കൃഷിയും നടക്കുന്നുണ്ട്.  

ജില്ലാ പഞ്ചായത്തിന്റെ ഒരു സാധാരണ യോഗം ജൂലൈ 24ന് ഉച്ചക്ക് രണ്ടിന് ജില്ലാ പഞ്ചായത്ത് ഹാളില്‍ ചേരും.

 നെല്‍കൃഷി തിരിച്ചുകൊണ്ടുവരിക എന്ന ലക്ഷ്യത്തോടെ നന്ദിയോട് ഗ്രാമപഞ്ചായത്തില്‍ ഹരിത സഞ്ചാരം സംഘടിപ്പിച്ചു.  ആനകുളം ഏലയില്‍ വെള്ളിയാഴ്ച രാവിലെ ഒമ്പതിന് ഡി.കെ. മുരളി എം.എല്‍.എയുടെ നേതൃത്വത്തില്‍ ആരംഭിച്ച ഹരിത സഞ്ചാരം പനവൂര്‍ ഏലയില്‍ സമാപിച്ചു.

ഇപ്പോള്‍ വാഴയും പച്ചക്കറികളും കപ്പയും കൃഷി ചെയ്യുന്ന പാടങ്ങളില്‍ നെല്‍കൃഷി സജീവമാക്കാനും 50 ശതമാനത്തോളം  അധിക വരുമാനം കര്‍ഷകര്‍ക്ക് ഉറപ്പാക്കാനും ഇതിലൂടെ സാധിക്കും. 

ജില്ലാ കലക്ടറുടെ നേതൃത്വത്തില്‍ നിലമ്പൂര്‍ താലൂക്ക് പൊതുജന പരാതി പരിഹാര അദാലത്ത് ഇന്ന് (ജൂലൈ 21) രാവിലെ ഒമ്പത് മുതല്‍ ഉച്ചവരെ നിലമ്പൂര്‍ വ്യാപാര ഭവനില്‍ നടക്കും.  ഓണ്‍ലൈനായി ലഭിച്ച പരാതികളുടെ മറുപടികള്‍ പ്രത്യേകം സജ്ജമാക്കിയ കൗണ്ടറുകളില്‍ നിന്നും ലഭിക്കും.  

ഏറനാട് താലൂക്ക് എടവണ്ണ വില്ലേജിലെ ബ്ലോക്ക് 73, റീ.സര്‍വ്വെ 254/2 ല്‍പ്പെട്ട 0.0202 ഹെക്ടര്‍ ഭൂമി ആഗസ്റ്റ് 30ന് രാവിലെ 11ന് എടവണ്ണ വില്ലേജ് ഓഫീസില്‍ ലേലം ചെയ്യും.

മക്കരപ്പറമ്പ് സബ് രജിസ്ട്രാര്‍ ഓഫീസിന്റെ പുതിയ കെട്ടിടത്തിന്റെ ഉദ്ഘാടനം ജൂലൈ 22ന് രാവിലെ 9.30ന് മക്കരപ്പറമ്പ് റീമാള്‍ ഓഡിറ്റോറിയത്തില്‍ രജിസ്‌ട്രേഷന്‍ വകുപ്പ് മന്ത്രി ജി. സുധാകരന്‍ നിര്‍വ്വഹിക്കും.  ടി.എ അഹമ്മദ് കബീര്‍ എം.എല്‍.എ അധ്യക്ഷത വഹിക്കും.  പി.കെ കുഞ്ഞാലിക്കുട്ടി എം.പി മുഖ്യാതിഥിയാവും.  ഓഫീസിന് സ്ഥലവും കെട്ടിടവും ദാനം ചെയ്ത കുറ്റീരി മുജീബിനെ ആദരിക്കും.  ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍ തുടങ്ങിയവര്‍ പങ്കെടുക്കും.