ഐ.ഡി.ബി.പി ഇന്റര്‍ഗ്രേഷന്‍ കമ്മിറ്റിയും ജില്ലാ ആസൂത്രണ സമിതിയും സംയുക്തമായി സംയോജിത ജില്ലാപദ്ധതി സംബന്ധിച്ച ചര്‍ച്ചാ സദസ് സംഘടിപ്പിക്കും. ഈ മാസം 23 മുതല്‍ 26 വരെ ഇരിങ്ങല്‍ സര്‍ഗാലയയിലും ആഗസ്റ്റ് ഒന്ന്, രണ്ട് തീയതികളില്‍ ചാത്തമംഗലം എന്‍.ഐ.ടിയിലുമാണ് ചര്‍ച്ച.  23 ന് രാവിലെ 10 മണിക്ക് ജില്ലാ പഞ്ചായത്ത് പ്രസിഡണ്ട് ബാബു പറശ്ശേരിയുടെ അധ്യക്ഷതയില്‍ കെ ദാസന്‍ എം.എല്‍.എ പരിപാടി ഉദ്ഘാടനം നിര്‍വ്വഹിക്കും. ജില്ലാ കലക്ടര്‍ യു.വി ജോസ് മുഖ്യപ്രഭാഷണം നടത്തും. ജില്ലാ ടൗണ്‍ പ്ലാനര്‍ കെ.വി അബ്ദുള്‍ മാലിക്, ജില്ലാ ആസൂത്രണ സമിതി അംഗം പ്രൊഫ. പി.ടി അബ്ദുള്‍ ലത്തീഫ് തുടങ്ങിയവര്‍ സംബന്ധിക്കും. 

ജില്ലാ കലക്ടറുടെ നേതൃത്വത്തില്‍ കോഴിക്കോട് താലൂക്ക് രണ്ടാം ഘട്ട പരാതി പരിഹാര അദാലത്ത് ഇന്ന് (ജൂലായ് 21) രാവിലെ 10 മണി മുതല്‍ നടക്കും. ടൗണ്‍ഹാളില്‍ നടക്കുന്ന അദാലത്തില്‍ കോഴിക്കോട് താലൂക്കുമായി ബന്ധപ്പെട്ട പരാതി കളാണ് പരിഗണിക്കുന്നത്. വിവിധ വകുപ്പുകളുടെ ജില്ലാതല ഓഫീസര്‍മാര്‍ പങ്കെടുക്കും. കലക്ടര്‍ നേരിട്ട് അദാലത്തില്‍ പുതിയ പരാതികള്‍ സ്വീകരിക്കും. 
ചര്‍ച്ചാ സദസ് സംഘടിപ്പിക്കും

കേരള ലോകായുക്ത ക്യാമ്പ് സിറ്റിംഗ് കലക്ടറേറ്റ് കോണ്‍ഫറന്‍സ് ഹാളില്‍  നടന്നു. ലോകായുക്ത ജസ്റ്റിസ് പയസ് സി. കുര്യാക്കോസ്,  ഉപ ലോകായുക്ത ജസ്റ്റിസ് എ.കെ.ബഷീര്‍ എന്നിവര്‍ സിറ്റിംഗില്‍ പരാതി പരിഗണിച്ചു. രണ്ട് ദിവസങ്ങളിലായി നടന്ന സിറ്റിംഗില്‍ ആദ്യ ദിവസം ഡിവിഷന്‍ ബഞ്ച് 47 കേസുകളും സിങ്കിള്‍ ബഞ്ച് 25 കേസുകളും പരിഗണിച്ചു. മൂന്ന് കേസുകള്‍ തീര്‍പ്പാക്കി. രണ്ടാം ദിവസം 29 കേസുകളാണ് പരിഗണിച്ചത്. പുതിയ ഒരു പരാതി ലഭിച്ചു. അടുത്ത സിറ്റിംഗ് ഒക്‌ടോബര്‍ 25, 26 തീയതികളില്‍ നടക്കും. 

മലപ്പുറം ജില്ലാ എംപ്‌ളോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്റര്‍ മുഖേന പ്രമുഖ ധനകാര്യ സ്ഥാപനത്തിലെ ലൈഫ് മിത്ര തസ്തികയിലേക്ക് നൂറോളം ഉദ്യോഗാര്‍ത്ഥികളെ ആവശ്യമുണ്ട്. എംപ്ലോയബിലിറ്റി സെന്ററില്‍ ജൂലൈ 23 ന് രാവിലെ 10 മണിക്ക് നടക്കുന്ന ഇന്റര്‍വ്യൂവില്‍ എസ്.എസ്.എല്‍.സി, പ്ലസ്ടു, ഡിഗ്രി യോഗ്യതയുള്ളവര്‍ക്ക് പങ്കെടുക്കാം. ഫോണ്‍ : 0483 2734737

അനര്‍ഹമായി മുന്‍ഗണനാ കാര്‍ഡുകള്‍ (ബി.പി.എല്‍, എ.എ.വൈ) കൈവശമുള്ളവര്‍, കോഴിക്കോട് സിറ്റി റേഷനിംഗ് ഓഫീസ് (നോര്‍ത്ത്) ഓഫീസിലെത്തി  കാര്‍ഡ് പൊതുവിഭാഗത്തിലേക്ക് മാറ്റണമെന്ന് സിറ്റി റേഷനിംഗ് ഓഫീസര്‍ (നോര്‍ത്ത്) അറിയിച്ചു.

ഏത് റേഷന്‍കടയില്‍ നിന്നും റേഷന്‍ വാങ്ങുന്നതിന് കാര്‍ഡുടമകള്‍ക്ക് സൗകര്യം നല്‍കുന്നതിനായിട്ടുള്ള സംവിധാനം പൊതുവിതരണത്തില്‍ പ്രാബല്യം വരുത്തി ഉത്തരവായി.
    ഏത് കാര്‍ഡ് ഉടമകള്‍ക്കും ഏത് റേഷന്‍കടയില്‍ നിന്നും ആധാര്‍ അധിഷ്ഠിതമായ പോര്‍ട്ടബിലിറ്റി സംവിധാനത്തിലൂടെ അര്‍ഹമായ വിഹിതം കൈപ്പറ്റാം. ഒ.റ്റി.പി, മാന്വല്‍ തുടങ്ങിയ മറ്റ് മാര്‍ഗ്ഗങ്ങള്‍ പോര്‍ട്ടബിലിറ്റി മുഖേന റേഷന്‍ വിതരണത്തില്‍ അനുവദിക്കുന്നതല്ല. ഇതു സംബന്ധിച്ച പരാതികള്‍ക്ക് അതാത് താലൂക്ക് സപ്ലൈ, സിറ്റി റേഷനിംഗ് ഓഫീസുമായി ബന്ധപ്പെടേണ്ടതാണെന്ന് ജില്ലാ സപ്ലൈ ഓഫീസര്‍ അറിയിച്ചു. 

താമരശ്ശേരി ചുരത്തില്‍ സോളാര്‍ വിളക്കുകള്‍ സ്ഥാപിക്കുന്നത് സംബന്ധിച്ച് ജില്ലാ പഞ്ചായത്ത് പ്രസിഡന്റ് ബാബു പറശ്ശേരിയുടെ അധ്യക്ഷതയില്‍ കലക്ടറുടെ ചേംബറില്‍ യോഗം ചേര്‍ന്നു. ജില്ലാ കലക്ടര്‍ യു.വി ജോസിന്റെ സാന്നിധ്യത്തിലായിരുന്നു യോഗം. ചുരത്തില്‍ 13 കിലോമീറ്ററിനുള്ളിലായി 19 പ്രധാന ഇടങ്ങളില്‍ വിളക്കുകള്‍ സ്ഥാപിക്കും.  ജില്ലാപഞ്ചായത്തിന്റെ വികസനഫണ്ടില്‍ നിന്ന് 13 ലക്ഷം രൂപ ഉപയോഗിച്ചാണ് പദ്ധതി നടപ്പിലാക്കുന്നത്. കെല്‍ട്രോണാണ് സാങ്കേതിക പ്രവര്‍ത്തികള്‍ ഏറ്റെടുത്തിരിക്കുന്നത്. 

കേരള അഡ്മിനിസട്രേറ്റീവ് സര്‍വീസ് നിയമനത്തിനുള്ള പരീക്ഷകളുടെ നടത്തിപ്പിന് കേരള പബ്ലിക് സര്‍വീസ് കമ്മീഷന്‍ സജ്ജമാണെന്ന് പി.എസ്.സി ചെയര്‍മാന്‍ അഡ്വ. എം.കെ.സക്കീര്‍. കോഴിക്കോട് ജില്ലാ, മേഖല ഓഫീസുകളില്‍ ഇ ഓഫീസ് സംവിധാനം ഉദ്ഘാടനം ചെയ്യുകയായിരുന്നു അദ്ദേഹം. കെ.എ.സ് നിയമനത്തിന് കാലതാമസം കൂടാതെ വിജ്ഞാപനം പുറപ്പെടുവിക്കുമെന്നും അദ്ദേഹം പറഞ്ഞു.