കേരള ലോട്ടറിയുടെ തിരുവോണം മെഗാ ബംബര്‍ ടിക്കറ്റ് വില്‍പ്പന തുടങ്ങി. ജില്ലാ തല വില്‍പ്പന ഉദ്ഘാടനം ജില്ലാ പഞ്ചായത്ത് പ്രസിഡന്റ് എ.പി. ഉണ്ണിക്യഷ്ണന്‍ നിര്‍വഹിച്ചു. 10 കോടിയാണ് സമ്മാന തുക. 50 ലക്ഷമാണ് രണ്ടാം സമ്മാനം 10 സീരിയാലായി 10 പേര്‍ക്ക് രണ്ടാം സമ്മാനം നല്‍കും. 10 ലക്ഷം രൂപയാണ് മൂന്നാം സമ്മാനം ഒരു സീരിയലില്‍ രണ്ട് സമ്മാനങ്ങളായി ആകെ 20 സമ്മാനങ്ങാണ് മൂന്നാം സമ്മാനമായി നല്‍കുക. ടിക്കറ്റ് വില 250 രൂപയാണ്. സെപ്തംബര്‍ 19 നാണ് നറുക്കെടുപ്പ്.  സമ്മാനവും ഏജന്‍സികള്‍ക്കുള്ള കമ്മിഷനുമായി 69.60 കോടി രൂപയാണ് വിതരണം ചെയ്യുക.

ജില്ലാ വ്യവസായ കേന്ദ്രം മുഖേന ജില്ലാ പഞ്ചായത്ത് നടപ്പാക്കുന്ന കൈത്തറി നെയ്തു വ്യവസായ (ഫാക്ടറി ടൈപ്പ്) സഹകരണ സംഘങ്ങള്‍ക്കുള്ള ആധുനികവല്‍ക്കരണ പദ്ധതി പ്രകാരം കൈത്തറി വ്യവസായ സഹകരണ സംഘങ്ങളില്‍ നിന്ന് അപേക്ഷ ക്ഷണിച്ചു.  നിര്‍ദിഷ്ട അപേക്ഷാ ഫോറത്തില്‍ തയ്യാറാക്കിയ അപേക്ഷ ജൂലൈ 30 നകം മാനേജര്‍ ജില്ലാ വ്യവസായ കേന്ദ്രം, വാട്ടര്‍ വര്‍ക്‌സ് കോമ്പൗണ്ട്, തിരുവനന്തപുരം 33 എന്ന വിലാസത്തില്‍ ലഭിക്കണം.  കൂടുതല്‍ വിവരങ്ങള്‍ക്ക് ഓഫീസുമായി നേരിട്ട് ബന്ധപ്പെടണമെന്ന് മാനേജര്‍ അറിയിച്ചു.

പോത്തന്‍കോട് പഞ്ചായത്തിലെ 154 പേര്‍ക്ക്  ആശ്വാസമായി ജില്ലാ പഞ്ചായത്തിന്റെ അഗതി രഹിത കേരളം പദ്ധതി. അശരണരായ വ്യക്തികള്‍ക്ക് ആവശ്യാനുസരണം ഭക്ഷണം, കുടിവെള്ളം, മരുന്ന്, ശൗചാലയം, വിദ്യാഭ്യാസം, വസ്ത്രം, വീട്, ഭൂമി എന്നിവ നല്‍കുന്ന പദ്ധതിയാണ് അഗതി രഹിത കേരളം. 2005ല്‍ തുടങ്ങിയ ആശ്രയ പദ്ധതിയില്‍ മാറ്റങ്ങള്‍ ഉള്‍ക്കൊള്ളിച്ചാണ് അഗതി രഹിത കേരളമെന്ന പേരില്‍ ആവിഷ്‌കരിക്കുന്നത്. 2011 ല്‍ ആശ്രയ പദ്ധതിയുടെ രണ്ടാം ഘട്ടം നടത്തിയിരുന്നു.  2017 ജൂലൈയില്‍ ആരംഭിച്ച പദ്ധതിയുടെ കാലയളവ് 3 വര്‍ഷമാണ്

ട്രാന്‍സ്‌ജെന്റര്‍ വിഭാഗത്തില്‍പ്പെട്ട വ്യക്തികള്‍ക്ക് നല്‍കുന്ന  തിരിച്ചറിയല്‍ കാര്‍ഡിനുള്ള അപേക്ഷ ജൂലായ് 31 നകം ജില്ലാ സാമൂഹ്യനീതി ഓഫീസില്‍ സമര്‍പ്പിക്കേണ്ടതാണെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.  കൂടുതല്‍ വിവരങ്ങള്‍ക്ക് ജില്ലാ ഓഫീസുമായി ബന്ധപ്പെടാവുന്നതാണ്.(ഫോണ്‍:  0483-2735324)

 
* നാല് ഗ്രാമപഞ്ചായത്തുകളില്‍ മുഴുവന്‍ വീടുകളും പൂര്‍ത്തിയായി
*  ആദിവാസി മേഖലകളില്‍ ബോധവല്‍ക്കരണം നടത്തി

 സംസ്ഥാന സര്‍ക്കാരിന്റെ ലൈഫ് പദ്ധതിയിലൂടെ ഏറ്റെടുത്ത 181 വീടുകളില്‍ 144 എണ്ണവും പൂര്‍ത്തീകരിച്ച് വെള്ളനാട് ബ്ലോക്ക് പഞ്ചായത്ത്. 2007 മുതല്‍ 2016 വരെയുള്ള കാലയളവില്‍ വിവിധ പദ്ധതികളിലായി വീടുവയ്ക്കാന്‍ സഹായം ലഭിച്ചിട്ടും പൂര്‍ത്തിയാകാത്ത വീടുകള്‍ക്കാണ് ഇപ്പോള്‍ ലൈഫിലൂടെ പുതുജീവന്‍ ലഭിച്ചത്. ഗുണഭോക്താക്കളുടെ ആവശ്യമനുസരിച്ച് പരമാവധി നാല് ലക്ഷം രൂപ വരെയാണ് പൂര്‍ത്തീകരണത്തിനായി നല്‍കിയതെന്ന് വെള്ളനാട് ബ്ലോക്ക് പഞ്ചായത്ത് പ്രസിഡന്റ് എസ്.എസ്. അജിതകുമാരി പറഞ്ഞു.