വയനാട് ജില്ലയിലെ നാല് മോഡല്‍ റസിഡന്‍ഷ്യല്‍ സ്‌കൂളുകളില്‍ 2018-19 അദ്ധ്യയന വര്‍ഷം കരാര്‍ അടിസ്ഥാനത്തില്‍ ലൈബ്രേറിയന്‍ നിയമനത്തിനുള്ള കൂടിക്കാഴ്ച  ജൂലൈ 28 ന് ഉച്ചയ്ക്ക് 2ന് കല്‍പ്പറ്റ കളക്ടറേറ്റ് കോണ്‍ഫറന്‍സ് ഹാളില്‍ നടത്തും. ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളും, സര്‍ട്ടിഫിക്കറ്റുകളുടെ പകര്‍പ്പും സഹിതം ഉച്ചയ്ക്ക് 1.30 ന് കല്‍പ്പറ്റ സിവില്‍ സ്റ്റേഷനിലെ ഐ.റ്റി.ഡി.പി ഓഫീസില്‍ ഹാജരാകണം.  ഒഴിവുകളുടെ എണ്ണം നാല്. യോഗ്യത ലൈബ്രറി സയന്‍സില്‍ ബിരുദം, കമ്പ്യൂട്ടറൈസ്ഡ് ലൈബ്രറികളില്‍ കുറഞ്ഞത് മൂന്ന് വര്‍ഷത്തെ പ്രവൃത്തി പരിചയം. വിവരങ്ങള്‍ക്ക് ഫോണ്‍ 04936-202232.      

തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ ഈ മാസം 26 ന് ജില്ലയില്‍ വിവിധ പരിപാടികളില്‍ പങ്കെടുക്കും. രാവിലെ 10 ന് മെഡിക്കല്‍ കോളേജ്, ശിശുക്ഷേമ സമിതി - അംഗനവാടി പ്രവര്‍ത്തകരുടെ പരിശീലന കേന്ദ്രം ഉദ്ഘാടനം, ആറിന്  നിപ്പ ആദരവ് - ബാലുശ്ശേരി.

മാവൂര്‍ ഗ്രാമപഞ്ചായത്തിനെ സമ്പൂര്‍ണ ഇംഗ്ലീഷ് സാക്ഷരത നേടുന്ന ഇന്ത്യയിലെ ആദ്യ പഞ്ചായത്താക്കുന്ന പദ്ധതിയുടെ ഭാഗമായി പ്രസിദ്ധീകരിച്ച ഇംഗ്ലീഷ് സാക്ഷരത പുസ്തക പ്രകാശനം മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. കെ.പി.കേശവമേനോന്‍ ഹാളില്‍ നടന്ന ചടങ്ങില്‍ പി.ടി.എ. റഹീം എം എല്‍ എ അധ്യക്ഷത വഹിച്ചു. 

സംസ്ഥാന ഔഷധ ബോര്‍ഡ് സംഘടിപ്പിക്കുന്ന ഗൃഹ ചൈതന്യം പദ്ധതിയുടെ രണ്ടാം ഘട്ട നടത്തിപ്പ് മഹാത്മാഗാന്ധി തൊഴിലുറപ്പ് പദ്ധതിയില്‍ ഉള്‍പ്പെടുത്തുന്നതിന്റെ ഭാഗമായി  ഇന്ന് (ജൂലൈ 19) രാവിലെ 10 മണിക്ക് മലപ്പുറം പി.എ.യു കോണ്‍ഫറന്‍സ് ഹാളില്‍ ശില്‍പശാല നടത്തും. ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്യും.  

വെള്ളിയാഴ്ച നടന്ന സ്ലാലോം റെയ്സ് വിഭാഗത്തില്‍ ഒളമ്പിക്സ് താരം ന്യൂസിലന്റുകാരന്‍ മൈക് ഡോസന്‍ ജേതാവായി. സ്പെയിന്‍കാരന്‍ ഗര്‍ഡ് സെറാസോള്‍സ് രണ്ടാംസ്ഥാനവും അമേരിക്കക്കാരനായ ഡെയിന്‍ ജാക്സണ്‍ മൂന്നാംസ്ഥാനവും നേടി. മലബാര്‍ റിവര്‍ ഫെസ്റ്റിവലിലെ മുന്‍ 'റാപിഡ് രാജ'യാണ് മൈക് ഡോസന്‍. നാല് മത്സരയിനങ്ങളിനും ഏറ്റവും കൂടുതല്‍ പോയിന്റ് നേടുന്നവരെയാണ് 'റാപിഡ് രാജ'യായി തെരഞ്ഞെടുക്കുന്നത്. വനിതകളുടെ വിഭാഗത്തില്‍ ഫ്രാന്‍സിന്റെ നൗറിയ ന്യൂമാന്‍ ഒന്നാംസ്ഥാനം നേടി.

വട്ടിയൂര്‍ക്കാവ് പോളിടെക്‌നിക് കോളജില്‍ നടത്തുന്ന ഒരു വര്‍ഷം ദൈര്‍ഘ്യമുള്ള ഫൈബര്‍ റീ-ഇന്‍ഫോഴ്‌സ് പ്ലാസ്റ്റിക് കോഴ്‌സുകളിലേക്ക് അപേക്ഷിക്കാനുള്ള തീയതി ജൂലൈ 23 നു വൈകിട്ട് നാലു വരെ നീട്ടി.  എസ്.എസ്.എല്‍.സിയും ഐ.ടി.ഐയില്‍ മെഷിനിസ്റ്റ്, ഫിറ്റര്‍, പാറ്റേണ്‍ മേക്കര്‍, കാര്‍പെന്റര്‍, മൊഡ്യൂളര്‍ എന്നീ ട്രേഡുകളില്‍ ഒന്നും പാസായവര്‍ക്ക് അപേക്ഷിക്കാം. അപേക്ഷാ ഫോറം പത്തു രൂപയ്ക്ക് സെന്‍ട്രല്‍ പോളിടെക്‌നിക് ഓഫീസില്‍ ലഭിക്കും.

തിരിമുറിയാത്ത കര്‍ക്കിടക മഴയില്‍ കുത്തിയൊഴുകുന്ന ചാലിപ്പുഴയില്‍ കയാക്കിങ് പ്രൊഫണല്‍ താരങ്ങളുടെ മിന്നും പ്രകടനം. ആറാമത് മലബാര്‍ റിവര്‍ ഫെസ്റ്റിന്റെയും ആദ്യ അന്താരാഷ്ട്ര വൈറ്റ് വാട്ടര്‍ കയാക്കിങ്ങിന്റെയും മൂന്നാദിനം അന്താരാഷ്ട്ര താരങ്ങളുടെയും ഇന്ത്യന്‍ താരങ്ങളുടെയും മികച്ച പ്രകടനത്തിനാണ് കാണികള്‍ സാക്ഷികളായത്. ഒളിമ്പിക് താരങ്ങളുള്‍പ്പെട്ട വിഭാഗത്തില്‍ പൊരുതിയ ഇന്ത്യന്‍ താരങ്ങളും ഉന്നത നിലവാരം പുലര്‍ത്തി. 

ഒക്ടോബര്‍ ഏഴു മുതല്‍ 11 വരെ ആലപ്പുഴയില്‍ നടക്കുന്ന കയര്‍ കേരള 2018 രാജ്യാന്തര കയര്‍ പ്രദര്‍ശന വിപണന മേളയുടെ ഔദ്യോഗിക വെബ്‌സൈറ്റ്  പൊതുമരാമത്ത് മന്ത്രി ജി. സുധാകരന്‍ ഉദ്ഘാടനം ചെയ്യും. ഇന്ന് (ജൂലൈ 20) ഉച്ചയ്ക്ക് ഒന്നിന്  ക്ലിഫ് ഹൗസ് വളപ്പിലുള്ള മന്ത്രിയുടെ ഔദ്യോഗിക വസതിയിലാണു പരിപാടി.

കുന്നത്തുകാല്‍ പഞ്ചായത്തില്‍ സമ്പൂര്‍ണ തരിശ് രഹിത കര്‍മ പദ്ധതിയായ തളിരിനു തുടക്കമായി. സി.കെ.ഹരീന്ദ്രന്‍എം.എല്‍.എഉദ്ഘാടനം നിര്‍വഹിച്ചു. അരിവിയോട് മുതല്‍ നാറാണി വരെ വിളംബര ഘോഷയാത്രയും ഇതോടൊപ്പം സംഘടിപ്പിച്ചു

പദ്ധതി പ്രകാരം വഴുതന, തക്കാളി, പാവല്‍ കറിവേപ്പില പച്ചമുളക് എന്നിവ വീടുകളില്‍ നട്ടു. വരും ദിവസങ്ങളില്‍ കുന്നത്തുകാല്‍ പഞ്ചായത്തിലെ കോട്ടുകോണം, വണ്ടിത്തടം വാര്‍ഡുകളിലും പദ്ധതി നടപ്പാക്കും.