അഴീക്കോട് ഇലക്ട്രിക്കല്‍ സെക്ഷന്‍ പരിധിയിലെ കൊട്ടാരത്തുംപാറ, ഹെല്‍ത്ത് സെന്റര്‍, പുന്നക്കപ്പാറ, അയനിവയല്‍, വായ്പറമ്പ്, ചാല്‍, പെരിയകോവില്‍ ഭാഗങ്ങളില്‍ ഇന്ന്(ജൂലൈ 21) രാവിലെ 9 മുതല്‍ വൈകിട്ട് 5 മണി വരെ വൈദ്യുതി മുടങ്ങും.

• ജിസിഡിഎ മാര്‍ക്കറ്റ് മുതല്‍ പി ആന്‍ഡ് ടി കോളനി വരെയുള്ള ഭാഗം ജൂലൈ 30 നകം പൂര്‍ത്തിയാക്കും
• തേവര മുതല്‍ പേരണ്ടൂര്‍ വരെ പൂര്‍ണ്ണ ശുചീകരണം ഒന്‍പത് മാസങ്ങള്‍ക്കുള്ളില്‍ പൂര്‍ത്തിയാകും

    കേരള, കര്‍ണാടക ലക്ഷദ്വീപ് തീരത്ത് പടിഞ്ഞാറന്‍ ദിശയില്‍ 35-60 കിലോമീറ്റര്‍ വേഗതയില്‍  കാറ്റ് വീശാന്‍ സാധ്യതയുള്ളതിനാല്‍ മത്സ്യത്തൊഴിലാളികള്‍ അടുത്ത 24 മണിക്കൂര്‍ നേരത്തേക്ക് കടലില്‍ പോകരുതെന്ന് കണ്ണൂര്‍ ഫിഷറീസ് കണ്‍ട്രോള്‍ റൂമില്‍ നിന്നും അറിയിച്ചു.

കണ്ണൂര്‍ താലൂക്ക് തല പൊതുജന പരിഹാര അദാലത്തില്‍ പരിഗണിക്കുന്നതിനുള്ള അപേക്ഷകള്‍ ആഗസ്ത് 10 വരെ കണ്ണൂര്‍ താലൂക്ക് ഓഫീസിലും വില്ലേജ് ഓഫീസുകളിലും സ്വീകരിക്കും.  മുഖ്യമന്ത്രിയുടെ ദുരിതാശ്വാസ നിധി, എ പി എല്‍, ബി പി എല്‍ കാര്‍ഡുമായി ബന്ധപ്പെട്ട പരാതികള്‍, കോടതി മുമ്പാകെയുള്ള കേസുകള്‍ എന്നിവ ഒഴിച്ചുള്ള ഏത് വിഷയത്തിലും പരാതി സമര്‍പ്പിക്കാം.  പരാതിയുടെ വിശദാംശങ്ങള്‍ ആവശ്യമായ രേഖകള്‍ സഹിതം ഒരു പുറത്തില്‍ കവിയാതെ എഴുതി സമര്‍പ്പിക്കണം.  പരാതിക്കാരന്റെ പേര്, വിലാസം, ഫോണ്‍ നമ്പര്‍, വില്ലേജ്, പരാതി ഏത് ഓഫീസുമായി ബന്ധപ്പെട്ടതാണ് എന്നീ വിവരങ്ങള്‍ അപേക്ഷയില്‍ വ്യക്തമാക്കണം.

പന്ന്യന്നൂര്‍ ഗവ. ഐ ടി ഐയില്‍ അപേക്ഷ സമര്‍പ്പിച്ചവര്‍ക്കുള്ള കൗണ്‍സലിംഗ് ജൂലൈ 23 ന് രാവിലെ 9 മണിക്ക് ഐ ടി ഐ യില്‍ നടക്കും.  ഇന്‍ഡക്‌സ് മാര്‍ക്ക് - ഈഴവ 220, ഈഴവ വനിത 170, മുസ്ലീം 180, ഒ ബി എച്ച്  220, ഓപ്പണ്‍ കാറ്റഗറി 220, ഓപ്പണ്‍ കാറ്റഗറി വനിത 170, വനിത ഒ ബി എച്ച് 170 വരെയുള്ളവരും മുസ്ലീം വനിത, ലാറ്റിന്‍ കത്തോലിക്, ഒ ബി എക്‌സ്, വികലാംഗര്‍, എസ് സി, എസ് ടി, ടി എച്ച് എസ് വിഭാഗത്തില്‍പെട്ട മുഴുവന്‍ അപേക്ഷകരുമാണ് എല്ലാ അസ്സല്‍ സര്‍ട്ടിഫിക്കറ്റുകളും സഹിതം ഹാജരാകേണ്ടത്.  

കൊച്ചി: പൂര്‍ണമായും ജൈവ വിഭവങ്ങളുമായി ഓണച്ചന്തയൊരുക്കുകയാണ് വടക്കേക്കര സര്‍വ്വീസ് സഹകരണ ബാങ്ക്. സബ്‌സിഡി നിരക്കില്‍ വിത്തുകളും വളങ്ങളും നല്‍കിയാണ് ബാങ്ക് കര്‍ഷകര്‍ക്ക് പ്രചോദനം നല്‍കുന്നത്. ജോയിന്റ് ലയബിലിറ്റി ഗ്രൂപ്പുകള്‍ (ജെ.എല്‍.ജി) മുഖേനയാണ് കൂടുതലായും കൃഷി ചെയ്യുന്നത്. നിലവില്‍ ബാങ്കിന് കീഴില്‍ 104 ഗ്രൂപ്പുകളാണ് ഉള്ളത്. കൂടാതെ വീടുകളിലും കൃഷി ചെയ്യുന്നതിന് ബാങ്ക് സഹായം നല്‍കുന്നുണ്ട്. സെമിനാറുകളും ക്ലാസുകളും നടത്തി കര്‍ഷകര്‍ക്ക് ആവശ്യമായവ ചോദിച്ച് മനസിലാക്കിയാണ് വിതരണം ചെയ്യുന്നത്.

കൊച്ചി: മണീട് പഞ്ചായത്തിന് കീഴില്‍ പ്രവര്‍ത്തിക്കുന്ന വയോജന അയല്‍കൂട്ടങ്ങള്‍ക്കുള്ള റിവോള്‍വിംഗ് ഫണ്ടും വയോജന സംരംഭക ഗ്രൂപ്പുകള്‍ക്കുള്ള ലൈവ് ലി ഹുഡ് ഫണ്ടും വിതരണം ചെയ്തു. അഡ്വ. അനൂപ് ജേക്കബ് എം.എല്‍.എ ചടങ്ങി ഉദ്ഘാടനം ചെയ്തു. 
 
മികച്ചരീതിയില്‍ പ്രവര്‍ത്തിക്കുന്ന വയോജന അയല്‍കൂട്ടങ്ങള്‍ സമൂഹത്തിന് ഏറെ ഗുണകരമാണെന്ന്  എം.എല്‍.എ പറഞ്ഞു. പൊതുകാര്യങ്ങളില്‍ മുതിര്‍ന്ന പൗരന്മാരുടെ സജീവ പങ്കാളിത്തം ഉറപ്പാക്കാന്‍ കഴിയുന്നത് പദ്ധതിയുടെ വിജയമാണ്. 

പാനൂര്‍ എ ഡി എ ഓഫീസ് പുതിയ കെട്ടിടത്തില്‍

    പാനൂര്‍ സബ് ട്രഷറിക്കു സമീപം പ്രവര്‍ത്തിച്ചിരുന്ന പാനൂര്‍ കൃഷി അസിസ്റ്റന്റ് ഡയറക്ടര്‍ ഓഫീസ് കെട്ടിടം ബ്ലോക്ക് പഞ്ചായത്ത് ഓഫീസ് സമുച്ചയത്തിലേക്ക് മാറ്റി  പ്രവര്‍ത്തനം ആരംഭിച്ചു. മേല്‍വിലാസം: കൃഷി അസിസ്റ്റന്റ് ഡയറക്ടറുടെ കാര്യാലയം, പാനൂര്‍, ബ്ലോക്ക് പഞ്ചായത്ത് ഓഫീസ്, താഴെ ചമ്പാട്, ചമ്പാട് (പി. ഒ) 670 694.

ക്വട്ടേഷന്‍ ക്ഷണിച്ചു

കൊച്ചി: എറണാകുളം ഡിടിപിസി ഒരുക്കിയിരിക്കുന്ന നാലമ്പല ദര്‍ശന യാത്ര വിജയകരമായി തുടരുന്നു. ചുരുങ്ങിയ ദിവസങ്ങള്‍ക്കുള്ളില്‍ തന്നെ നൂറിലധികം പേരാണ് ഈ സേവനം ഉപയോഗപ്പെടുത്തിയത്. 400 രൂപ മുതല്‍ 700 രൂപ വരെ ഉള്ള വ്യത്യസ്തമായ പാക്കേജുകളാണ് ഒരുക്കിയിരിക്കുന്നത്.

ഫാര്‍മസിസ്റ്റ് ഇന്റര്‍വ്യൂ 23-ന്

കൊച്ചി: കേരള മെഡിക്കല്‍ സര്‍വ്വീസസ് കോര്‍പ്പറേഷന്റെ കീഴിലുള്ള എറണാകുളം ജില്ലയിലെ കാരുണ്യ കമ്മ്യൂണിറ്റി ഫാര്‍മസി/ഡിപ്പോയിലേയ്ക്ക് ഫാര്‍മസിസ്റ്റുമാരെ തിരഞ്ഞെടുക്കുന്നതിനു വേണ്ടി 16.07.2018 ല്‍ (KMSCL/HR/430/2017dt. 29.06.18) നടത്തുവാനിരുന്ന എഴുത്തുപരീക്ഷയും ഇന്റര്‍വ്യൂവും ജൂലൈ 23- ന് രാവിലെ 10.00 ന ് എറണാകുളം നാഷണല്‍ ഹെല്‍ത്ത് മിഷനില്‍ (NHM) നടത്തും.
 

ഞാറയ്ക്കല്‍ അക്വാകള്‍ച്ചര്‍ ട്രെയിനിംഗ് സെന്റര്‍ ഉദ്ഘാടനം 22-ന്