വൊക്കേഷണല്‍ ഹയര്‍സെക്കന്ററി ജൂലൈ 24 മുതല്‍ നടത്താന്‍ നിശ്ചയിച്ചിരുന്ന ഒന്നാം വര്‍ഷ ഇംപ്രൂവ്‌മെന്റ് പരീക്ഷകള്‍ ആഗ്‌സറ്റ് ഒന്നു മുതലായിരിക്കും. പുന:ക്രമീകരിച്ച ടൈംടേബിള്‍ പിന്നീട് പ്രസിദ്ധീകരിക്കുമെന്ന് പരീക്ഷാ ബോര്‍ഡ് അറിയിച്ചു.
                                         പി.എന്‍.എക്‌സ്.3048/18

     മാര്‍ച്ചില്‍ നടത്തിയ പ്രൈവറ്റ് വിഭാഗം ഫിസിക്കല്‍ എഡ്യൂക്കേഷന്‍ സര്‍ട്ടിഫിക്കറ്റ് പരീക്ഷയുടെ ഫലം പ്രസിദ്ധീകരിച്ചു. വെബ്‌സൈറ്റ്: keralapareekshabhavan.in
                                         പി.എന്‍.എക്‌സ്.3047/18
 

    കേരള സംസ്ഥാന ഭാഗ്യക്കുറി ക്ഷേമനിധി ബോര്‍ഡില്‍ ഒരു വര്‍ഷത്തില്‍ കുറയാതെ അംശാദായമടച്ചിട്ടുള്ള അംഗങ്ങളുടെ മക്കള്‍ക്ക് മെഡിക്കല്‍, എഞ്ചിനീയറിംഗ്, നേഴ്‌സിംഗ്, പാരാമെഡിക്കല്‍, പോളിടെക്‌നിക്, ബിരുദം, ബിരുദാനന്തര ബിരുദം, എം.ബി.എ, എം.സി.എ. എന്നീ കോഴ്‌സുകള്‍ക്കായി ഒറ്റത്തവണ സ്‌കോളര്‍ഷിപ്പ് നല്‍കുന്നു.  അപേക്ഷാ ഫോറം ജില്ലാ ഭാഗ്യക്കുറി ഓഫീസില്‍ ലഭിക്കും.  അപേക്ഷ സെപ്തംബര്‍ 30നകം രേഖകളുമായി ജില്ലാ ഭാഗ്യക്കുറി ക്ഷേമനിധി ഓഫീസില്‍ സമര്‍പ്പിക്കണം.
 

    കേരള സംസ്ഥാന ഭാഗ്യക്കുറി വില്‍പ്പനക്കാരുടെയും ഏജന്റുമാരുടെയും ക്ഷേമനിധിയില്‍ അംഗങ്ങളായിട്ടുള്ളവരുടെ മക്കളില്‍ എസ്.എസ്.എല്‍.സി, ടി.എച്ച്.എസ്.എല്‍.സി, ഹയര്‍ സെക്കന്ററി വിഭാഗങ്ങളില്‍ ജില്ലാതലത്തില്‍ ഒന്ന്, രണ്ട്, മൂന്ന് സ്ഥാനം നേടിയവര്‍ക്ക് അവാര്‍ഡ് നല്‍കുന്നു.  ആവശ്യമായ രേഖകള്‍ സഹിതം സെപ്തംബര്‍ 30നകം ജില്ലാ ഭാഗ്യക്കുറി ക്ഷേമനിധി ഓഫീസില്‍ അപേക്ഷിക്കണം. അപേക്ഷകര്‍ 2018 ജൂണ്‍ 30നോ അതിനു മുന്‍പോ അംഗ്വത്വമെടുത്തവരായിരിക്കണം.
 

       സുഗന്ധഗിരി, പൂക്കോട് പുനരധിവാസ മേഖലയുടെ സമഗ്രവികസനത്തിനായി തയ്യാറാക്കിയ നിര്‍ദേശങ്ങള്‍ ചര്‍ച്ച ചെയ്യാന്‍ ട്രൈബല്‍ റിസെറ്റില്‍മെന്റ് ഡെവലപ്പ്‌മെന്റ് മിഷന്റെ (ടി.ആര്‍.ഡി.എം) അടിയന്തര യോഗം ചേര്‍ന്നു. കളക്ടര്‍ എ.ആര്‍ അജയ കുമാറിന്റെ അദ്ധ്യക്ഷതയില്‍ നടന്ന യോഗത്തില്‍ സബ് കളക്ടര്‍ എന്‍.എസ്.കെ ഉമേഷ്, ഐ.ടി.ഡി.പി ഓഫീസര്‍ പി. വാണിദാസ്, ജില്ലാ പ്ലാനിംഗ് ഓഫിസര്‍ ഇന്‍ ചാര്‍ജ് സുഭദ്ര നായര്‍, വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. 

    കണ്ണൂര്‍ ജില്ലാ ഉപഭോക്തൃ തര്‍ക്ക പരിഹാര ഫോറത്തില്‍ ഒഴിവു വരുന്ന മുഴുവന്‍ സമയ അംഗത്തിന്‍റെയും വനിത അംഗത്തിന്‍റെയും തസ്തികയിലേക്ക് നിയമനത്തിന് അപേക്ഷിക്കാം.  അപേക്ഷകര്‍ അംഗീകൃത യൂനിവേഴ്സിറ്റി ബിരുദമുളളവരും 35 വയസോ അതിന് മുകളിലോ പ്രായമുളളവരും ധനതത്വം, നിയമം, കൊമേഴ്സ്, അക്കൗണ്ടന്‍സി, വ്യവസായം, പൊതുകാര്യങ്ങള്‍ ഭരണ നിര്‍വഹണം എന്നീ വിഷയങ്ങള്‍ കൈകാര്യം ചെയ്ത് 10 വര്‍ഷത്തില്‍ കുറയാത്ത പ്രവൃത്തി പരിചയമുളളവരും കഴിവും ആര്‍ജവമുളളവരുമായിരിക്കണം.  നിയമനകാലാവധി അഞ്ച് വര്‍ഷം വരെയോ 65 വയസ് വരെയോ ആണ്.  വിശദവിവരങ്ങള്‍ക്ക് രീിൗാലെൃമളളമശൃെ.സലൃമഹമ.ഴീ്.ശി

തീവ്രവും 70 ശതമാനത്തിലധികം ശാരീരിക മാനസിക വെല്ലുവിളി നേരിടുന്ന മകനെ/മകളെ സംരക്ഷിച്ചുവരുന്ന മാതാവിനൊ സ്ത്രീയായ രക്ഷകര്‍ത്താവിനൊ സ്വയം തൊഴില്‍ ആരംഭിക്കുന്നതിന് സാമ്പത്തിക സഹായത്തിന് അപേക്ഷിക്കാം.  35000 രൂപയാണ് ധനസഹായം. ദാരിദ്ര്യരേഖയ്ക്ക് താഴെയുളള കുടുംബത്തിലെ അംഗങ്ങളാകണം അപേക്ഷകര്‍.  സ്വയം തൊഴില്‍ സംബന്ധിച്ച് വിശദമായ പ്രൊജക്ട് സഹിതം അപേക്ഷ ഓഗസ്റ്റ് 18 നകം ജില്ലാ സാമൂഹിക നീതി ഓഫീസര്‍ക്ക് നല്‍കണം.