റേഷന്‍ കാര്‍ഡ് ഓണ്‍ലൈന്‍ അപേക്ഷയുടെ മുന്നോടിയായി ജില്ലയിലെ അക്ഷയ സംരംഭകര്‍ക്ക് അക്ഷയ ജില്ലാ കേന്ദ്രത്തിന്റെ നേതൃത്വത്തില്‍ പരിശീലനം നല്‍കി.  പരിശീലന പരിപാടി ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്തു.  അക്ഷയ ജില്ലാ പ്രൊജക് മാനേജര്‍ ഇസ്ഹാഖലി അധ്യക്ഷത വഹിച്ചു.  ജില്ലാ അക്ഷയ കോര്‍ഡിനേറ്റര്‍ ഇന്‍ചാര്‍ജ് എ.പി. സാദിഖലി, സിവില്‍ സപ്ലൈസ് വകുപ്പ് ഉദ്യോഗസ്ഥ•ാരായ സുരേഷ് ബാബു, അനീഷ്, അജീഷ്, റഹ്മത്തുള്ള താപ്പി, ഹംസാലാഹിക്ക് (അക്ഷയ) എന്നിവര്‍ സംസാരിച്ചു.

ആലപ്പുഴ: ജില്ലയിലെ  തുറവൂർ  ഗ്രാമ പഞ്ചായത്തിലെ  പളളിത്തോടിൽ  സപ്ലൈകോ  പുതുതായി   അനുവദിച്ച  മാവേലി സ്റ്റോറിന്റെ  ഉദ്ഘാടനം  ഇന്ന് (ജൂലൈ 20)  വൈകിട്ട്  നാലിന്  ഭക്ഷ്യമന്ത്രി  പി. തിലോത്തമൻ  നിർവഹിക്കും.   എ.എം ആരിഫ്  എം.എൽ.എ  അധ്യക്ഷത  വഹിക്കുന്ന  ചടങ്ങിൽ   കെ.സി. വേണുഗോപാൽ  എം.പി . മുഖ്യപ്രഭാഷണം  നടത്തും. ഗ്രാമപഞ്ചായത്ത്  പ്രസിഡന്റ്  അനിത സോമൻ  ആദ്യ വില്പന  നിർവഹിക്കും.

2018-20 വര്‍ഷത്തെ ഗവ./എയ്ഡഡ് ഡി.എല്‍.എഡ് കൊമേഴ്‌സ് വിഭാഗക്കാര്‍ക്കുള്ള അഭിമുഖം ജൂലൈ 21ന് രാവിലെ 10ന് മലപ്പുറം വിദ്യാഭ്യാസ ഉപഡയറക്ടറേറ്റില്‍ നടത്തും.   പ്രവേശന അറിയിച്ച് ലഭിച്ചവര്‍ എല്ലാ അസ്സല്‍ രേഖകളുമായി എത്തണം.  ഫോണ്‍ 0483 2734888.

ആലപ്പുഴ: ഈമാസത്തെ ജില്ല വികസന സമിതിയോഗം ജൂലൈ 28ന്  രാവിലെ 11ന്  ജില്ല    കളക്ടറുടെ അധ്യക്ഷതയിൽ  ആസൂത്രണ സമിതി സെക്രട്ടറിയേറ്റ് കോൺഫറൻസ് ഹാളിൽ ചേരും. ഇതിന്റെ മുന്നൊരുക്ക യോഗം 10.30 ന്  നടക്കും. വിവിധ വകുപ്പുകൾ ജില്ലയിൽ നടപ്പിലാക്കുന്ന കേന്ദ്ര സംസ്ഥാന പദ്ധതികളുടെ സ്‌കീം തിരിച്ചുള്ള ജൂൺ 30 വരെയുള്ള പുരോഗതി പ്ലാൻസ്‌പേസിൽ കൃത്യമായി നൽകണം.

(പി.എൻ.എ. 1874/2018)

ക്വട്ടേഷൻ ക്ഷണിച്ചു

തൃക്കലങ്ങോട് ഗ്രാമ പഞ്ചായത്തിലെ വാര്‍ഡ് 10 ലെ ഇടിഞ്ഞമണ്ണ, വാര്‍ഡ് നാലിലെ ചവിടികുന്ന്, പഞ്ചായത്ത് ഓഫീസ് പരിസരം എന്നിവിടങ്ങളില്‍ 110 എം.എം കുഴല്‍ കിണര്‍ നിര്‍മ്മിക്കുന്നതിന് ദര്‍ഘാസ് ക്ഷണിച്ചു.  ദര്‍ഘാസുകള്‍ ജൂലൈ 21ന് വൈകുന്നേരം മൂന്നിനകം ജില്ലാ ഓഫീസ്, ഭൂജല വകുപ്പ്, മലപ്പുറം വിലാസത്തില്‍ ലഭിക്കണം.  ഫോണ്‍ 0483 2731450.

കോട്ടയ്ക്കല്‍ നിയോജകമണ്ഡലത്തിലെ നവീകരിച്ച സര്‍ഹിന്ദ് വൈദ്യരത്‌നം റോഡിന്റെ ഉദ്ഘാടനം ഞായറാഴ്ച (ജൂലൈ 22) പൊതുമരാമത്തു വകുപ്പ് മന്ത്രി ജി. സുധാകരന്‍ നിര്‍വഹിക്കും. വൈകിട്ട് 3.30 ന് കോട്ടക്കല്‍ കോട്ടപ്പടിയില്‍ നടക്കുന്ന ചടങ്ങില്‍ പ്രൊഫ. കെ.കെ ആബിദ് ഹുസൈന്‍ തങ്ങള്‍ എം.എല്‍.എ അദ്ധ്യക്ഷത വഹിക്കും. കോട്ടയ്ക്കല്‍- കോട്ടപ്പടി റോഡിന്റെ പ്രവൃത്തിയുദ്ഘാടനവും ഇതോടൊപ്പം മന്ത്രി നിര്‍വഹിക്കും. കോട്ടയ്ക്കല്‍ നഗരസഭാ ചെയര്‍മാന്‍ കെ.കെ നാസര്‍, വൈസ് ചെയര്‍പേഴ്‌സണ്‍ ബുഷറ ഷബീര്‍, പൊതുമരാമത്ത് സ്റ്റാന്റിംഗ് കമ്മിറ്റി ചെയര്‍മാന്‍ സുലൈഖാബി, നഗസരസഭാ കൗണ്‍സിലര്‍മാര്‍ തുടങ്ങിയവര്‍ പങ്കെടുക്കും.

ആലപ്പുഴ : ജില്ലാ പോലീസിന്റെ ഗതാഗത പരിഷ്‌കരണ ബോധവത്കരണ പദ്ധതിയുടെ ഭാഗമായിട്ടുള്ള ചെങ്ങന്നൂരിലെ പരിപാടികളുടെ സമാപന സമ്മേളനം നഗരസഭാ ചെയർമാൻ ജോൺ മുളങ്കാട്ടിൽ ഉദ്ഘാടനം ചെയ്തു. ഐ.എസ്.എച്ച്.ഒ. എം.ദിലീപ് ഖാൻ അദ്ധ്യക്ഷത വഹിച്ചു. ജില്ലാ പഞ്ചായത്തംഗം അഡ്വ.വി.വേണു, നഗരസഭാ കൗൺസിലർമാരായ പി.കെ.അനിൽകുമാർ, കെ.ഷിബുരാജൻ, എസ്.ഐ. വി.ബിജു, മോട്ടോർ വെഹിക്കിൾ ഇൻസ്പെക്ടർ റ്റി.പി.പ്രദീപ് കുമാർ, മോട്ടോർ ക്ലബ് പ്രസിഡന്റ് മധു കരിപ്പാലിൽ, റോട്ടറി ക്ലബ്ബ് പ്രസിഡന്റ് മോഹൻകുമാർ, ട്രാഫിക് എസ്.ഐ. എം.കെ.സുരേഷ് ബാബു, അഡീഷണൽ എസ്.ഐ. ടി.സി.സുരേഷ്, ചന്ദ്രൻ എന്നിവർ പങ്കെടുത്തു. 

(പി.എൻ.എ. 1891/2018) 

ആലപ്പുഴ :  മുളക്കുഴ ഗ്രാമ പഞ്ചായത്തിലെ തൊഴിൽ  രഹിത വേതന വിതരണം 20,21  തീയതികളിൽ  പകൽ 11 മണി മുതൽ നാലുമണിവരെ നടക്കും.  ബുധനൂർ ഗ്രാമ പഞ്ചായത്തിലെ  തൊഴിൽ  രഹിത വേതനം വ്യാഴാഴ്ച പകൽ 11മുതൽ 3 മണിവരെ വിതരണം ചെയ്യും.  പുലിയൂർ ഗ്രാമ പഞ്ചായത്തിലെ  തൊഴിൽരഹിത വേതന വിതരണം 19,20,21 തീയതികളിൽ  രാവിലെ 10.30 മുതൽ 4വരെ നടക്കും. അനുബന്ധ രേഖകളുമായി ഗ്രാമപഞ്ചായത്ത് ഓഫീസിൽ എത്തണം.

ജില്ലയില്‍ കാലവര്‍ഷക്കെടുതി നേരിടുന്നതിനായി മൃഗസംരക്ഷണ വകുപ്പിന്റെ 24 മണിക്കൂറും പ്രവര്‍ത്തിക്കുന്ന കണ്‍ട്രോള്‍ റൂം ജില്ലാ വെറ്ററിനറി കേന്ദ്രത്തില്‍ പ്രവര്‍ത്തനം ആരംഭിച്ചു. കാലവര്‍ഷക്കെടുതിയോടനുബന്ധിച്ച് ജില്ലയില്‍ ഏതെങ്കിലും പ്രദേശത്തു വളര്‍ത്തു മൃഗങ്ങള്‍ മരണപ്പെടുകയോ മറ്റു നാശനഷ്ടങ്ങള്‍ സംഭവിക്കുകയോ ചെയ്താല്‍ അടുത്തുളള മൃഗാശുപത്രിയില്‍ വിവരം അറിയിക്കണം. ഫോണ്‍: 0481 2564623