അമ്പലപ്പുഴ: തോരാതെ പെയ്യുന്ന മഴയിലും വെള്ളക്കെട്ടിലും അമ്പലപ്പുഴയിലെ വിവിധ പ്രദേശങ്ങൾ ദുരിതക്കെടുത്തിയിൽ. ഒട്ടേറെ വീടുകളിൽ വെള്ളം കയറി.കരുമാടിയിൽ  മാത്രം 14ദുരിതാശ്വാസ ക്യാമ്പുകളാണ് പ്രവർത്തിക്കുന്നത്.14 ദുരിതാശ്വാസ ക്യാമ്പുകളിലായി 845 കുടുംബങ്ങളിലെ 3849 പേർ ദുരിതാശ്വാസ ക്യാമ്പുകളിലാണ്.

പഞ്ചായത്ത് സേവനങ്ങള്‍ എളുപ്പത്തില്‍ ജനങ്ങളിലെത്തിക്കുകയെന്ന ലക്ഷ്യത്തോടെ പായം ഗ്രാമപഞ്ചായത്ത് ആരംഭിച്ച സ്മാര്‍ട്ട് ഗ്രാമപഞ്ചായത്ത് മൊബൈല്‍ അപ്ലിക്കേഷന്‍ സണ്ണി ജോസഫ് എം.എല്‍.എയും പായം ഗ്രാമപഞ്ചായത്ത് പ്രസിഡന്റ് എന്‍. അശോകനും ചേര്‍ന്ന് പ്രകാശനം ചെയ്തു. പഞ്ചായത്ത് നല്‍കുന്ന സേവനങ്ങള്‍ ജനങ്ങള്‍ക്ക് ഇനി വിരല്‍ തുമ്പില്‍ ലഭ്യമാകും. വിവിധ ആവശ്യങ്ങള്‍ക്കായി പഞ്ചായത്ത് ഓഫീസ് കയറിയിറങ്ങുന്ന ജനങ്ങള്‍ക്ക് വീട്ടിലോ ജോലി സ്ഥലത്തോ നിന്നുകൊണ്ട് തന്നെ അവ ലഭ്യമാകുമെന്നതാണ് ഇതിന്റെ സവിശേഷത. 

കേരഗ്രാമം പദ്ധതിയില്‍ ഉള്‍പ്പെടുത്തിയ പായം ഗ്രാമ പഞ്ചായത്തില്‍ കേര സമിതി യോഗവും സെമിനാറും സംഘടിപ്പിച്ചു. അഡ്വ. സണ്ണി ജോസഫ് എം എല്‍ എ പരിപാടി ഉല്‍ഘാടനം ചെയതു. ബ്ലോക്ക് പഞ്ചായത്ത് പ്രസിഡന്റ് എന്‍ ടി റോസമ്മ അധ്യക്ഷത വഹിച്ചു. ജില്ലയിലെ നാല് പഞ്ചായത്തുകളെയാണ് ഇതത്തവണ സര്‍ക്കാര്‍ കേരഗ്രാമം പദ്ധതിയില്‍ ഉള്‍പ്പെടുത്തിയിരിക്കുന്നത്. തെങ്ങ് കര്‍ഷകര്‍ക്ക് ഏറെ പ്രയോജനകരമാകുന്ന പദ്ധതിയാണ് കേരഗ്രാമം. തെങ്ങിനെ ശാസ്ത്രീയ രീതിയില്‍ പരിപാലിച്ച് ഉല്‍പാദനക്ഷമത ഉറപ്പുവരുത്തുക, കൃഷിക്കാര്‍ക്ക് ന്യായ വില ഉറപ്പുവരുത്തുക തുടങ്ങിയ ലക്ഷ്യങ്ങളാണ് പദ്ധതിക്കുള്ളത്.

കണ്ണൂര്‍ ജില്ലാ പഞ്ചായത്തിന്റെ  വാര്‍ഷിക പദ്ധതിയിലുള്‍പ്പെടുത്തി നടപ്പാക്കുന്ന 'വയോജന ക്ഷേമം പദ്ധതി'യുടെ ജില്ലാതല ഉദ്ഘാടനം നാളെ (ജൂലൈ 21) രാവിലെ 9.30ന് കടമ്പൂര്‍ പഞ്ചായത്തിലെ പനോന്നേരിയില്‍ തുറമുഖവകുപ്പ് മന്ത്രി രാമചന്ദ്രന്‍ കടന്നപള്ളി നിര്‍വ്വഹിക്കും. ജില്ലയിലെ വയോജന വിശ്രമ കേന്ദ്രങ്ങളെ ആരോഗ്യ സംരക്ഷണ പാര്‍ക്കുകളാക്കി മാറ്റുകയെന്ന ലക്ഷ്യത്തോടെ നടപ്പാക്കുന്ന പദ്ധതിക്ക് 1.5 കോടി രൂപയാണ് ജില്ലാ പഞ്ചായത്ത് വകയിരുത്തിയിരിക്കുന്നത്.

   തിരൂരങ്ങാടി എ.കെ.എന്‍.എം.ഗവണ്‍മെന്റ് പോളിടെക്‌നിക്  കോളേജിന്റെ അനുബന്ധ സ്ഥാപനമായ വേങ്ങരയിലെ  ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍   ഡിസൈനിങ്ങ് സെന്ററില്‍ ഇംഗ്ലീഷ് ആന്‍ഡ് വര്‍ക്ക് പ്ലേസ് സ്‌ക്കില്‍ വിഷയത്തില്‍ ദിവസവേതനാടിസ്ഥാനത്തില്‍ ഗസ്റ്റ് ലക്ചററെ നിയമിക്കുന്നതിന് അപേക്ഷ ക്ഷണിച്ചു.