പനമരം ഇലക്ട്രിക്കല്‍ സെക്ഷന്റെ കീഴിലുള്ള പരക്കുനി, നീരട്ടാടി പൊയില്‍, മാതോത്ത് പൊയില്‍, മാതംകോട്, പരിയാരം, കീഞ്ഞ്കടവ് എന്നീപ്രദേശങ്ങളില്‍ 600 ഓളം വീടുകളില്‍ വെള്ളം കയറിയിനാല്‍ വയറിങ് ഇന്‍സ്റ്റല്ലേഷന് കേട്പാടുകള്‍ ഉണ്ടാകാനുള്ള സാധ്യതയുണ്ട്. വൈദ്യുതി ലൈന്‍ ചാര്‍ജ് ചെയ്താല്‍ അപകടസാധ്യയുള്ളതിനാല്‍ പ്രദേശത്തുള്ള വീടുകളിലെ വൈദ്യുതി കെഎസ്ഇബിയുടെ പരിശോധനയ്ക്ക് ശേഷമേ പുനസ്ഥാപിക്കുയുള്ളൂ.
 
 

 വയനാട് ടൂറിസം ഓര്‍ഗനൈസേഷന്റെ (ഡബ്ല്യു.ടി.ഒ) നേതൃത്വത്തില്‍ കെഎംസിടി മെഡിക്കല്‍ കോളജുമായി  സഹകരിച്ച് ഇന്ന് (23-08-18) പൊഴുതന കമ്മ്യൂണിറ്റി ഹാളില്‍ മെഡിക്കല്‍ ക്യാമ്പ് നടത്തും. ജനറല്‍ മെഡിസിന്‍, കുട്ടികളുടെ വിഭാഗം, ഗൈനക്കോളജി എന്നിവയില്‍ വിദഗ്ദ്ധരായ ഡോക്ടര്‍മാരുടെ സേവനം ലഭിക്കും. പരിശോധന ദിവസം രാവിലെ 10.30 ന് രജിസ്റ്ററേഷന്‍ തുടങ്ങും.
 

        മഴക്കെടുതിയില്‍ ഭക്ഷണമില്ലാതെ ദുരിതമനുഭവിക്കുന്നവര്‍ ജില്ലാ ദുരന്ത നിവാരണ കണ്‍ട്രോള്‍ റൂമില്‍ അറിയിച്ചാല്‍ നിത്യോപയോഗസാധനങ്ങള്‍ എത്തിച്ച് നല്‍കുന്നതിന് സൗകര്യം ഒരുക്കിയിട്ടുണ്ടെന്ന് ജില്ലാ കളക്ടര്‍ കേശവേന്ദ്രകുമാര്‍ അറിയിച്ചു. കളക്‌ട്രേറ്റ് മിനി കോണ്‍ഫറന്‍സ് ഹാളില്‍ചേര്‍ന്ന പ്രളയബാധിതരുടെ പുനരധിവാസം സംബന്ധിച്ച ആലോചന യോഗത്തില്‍ സംസാരിക്കുകയായിരുന്നു കളക്ടര്‍.

ജില്ലയിലെ പ്രളയബാധിത പ്രദേശങ്ങള്‍ ശുചീകരിക്കുന്നതിന് സന്നദ്ധ പ്രവര്‍ത്തകരെ ആവശ്യമുണ്ട്. താല്പര്യമുളള സന്നദ്ധ പ്രവര്‍ത്തകര്‍, കുടുംബശ്രീ, യൂത്ത് ക്ലബ്, എന്‍.എസ്.എസ് വോളണ്ടീയര്‍മാര്‍,  അതത് ഗ്രാമപഞ്ചായത്ത് സെക്രട്ടറിയുടെ പക്കല്‍ പേര് രജിസ്റ്റര്‍ ചെയ്യണമെന്ന് പഞ്ചായത്ത് ഡെപ്യൂട്ടി ഡയറക്ടര്‍ സലിം ഗോപാല്‍ അറിയിച്ചു. 

പ്രളയം വരുത്തിയ കൊടും ദുരന്തത്തില്‍ കേരളമാകെ വിറങ്ങലിച്ചു നില്‍ക്കുന്ന സാഹചര്യത്തില്‍ പരസ്പരം തര്‍ക്കിക്കുകയല്ല ദുരിതാശ്വസ പ്രവര്‍ത്തനത്തില്‍ രാഷ്ട്രീയ ഭേദമില്ലാതെ പങ്കെടുക്കുകയാണ് വേണ്ടതെന്ന് മന്ത്രി മാരായ ജി. സുധാകരന്‍, ഡോ. ടി.എം. തോമസ് ഐസക് എന്നിവര്‍ പറഞ്ഞു.

ജില്ലയില്‍ മൊത്തം 388 ക്യാമ്പുകള്‍ പ്രവര്‍ത്തിക്കുന്നു. 38223 കുടുംബങ്ങളില്‍ നിന്നായി 13293  ആളുകളുണ്ട്. ഇതില്‍ 53392 പേര്‍ പുരുഷന്‍മാരും 63186 പേര്‍ സ്ത്രീകളും 16353 പേര്‍ കുട്ടികളുമാണ്. 110 ക്യാമ്പുകള്‍ നിലവില്‍ പിരിച്ചു വിട്ടു.

 പ്രളയവുമായി  ബന്ധപ്പെട്ട പ്രവര്‍ത്തനങ്ങള്‍ ഏകോപിപ്പിക്കുന്നതില്‍ കോട്ടയം ജില്ല മികച്ച പ്രകടനമാണ് കാഴ്ച വെച്ചതെന്ന് വനം-വന്യജീവി- ക്ഷീരവികസന വകുപ്പ്  മന്ത്രി അഡ്വ. കെ.രാജു പറഞ്ഞു. കോട്ടയം കളക്ട്രേറ്റ് ചേമ്പറില്‍ നടന്ന ജില്ലാതല ഉദ്യോഗസ്ഥരുടെ അവലോകന യോഗത്തില്‍ സംസാരിക്കുകയായിരുന്നു അദ്ദേഹം. രണ്ടാംഘട്ട പ്രവര്‍ത്തനത്തില്‍ വെള്ളപ്പൊക്ക കെടുതിയില്‍ നാശനഷ്ടങ്ങള്‍ സംഭവിച്ച വീടുകളുടെ പുനര്‍നിര്‍മ്മാണത്തിനാണ് സര്‍ക്കാര്‍ ഊന്നല്‍ നല്‍കുന്നത്.