കൊച്ചി: പട്ടികജാതി/പട്ടികവര്‍ഗ റസിഡന്‍ഷ്യല്‍ എഡ്യൂക്കേഷന്‍ സൊസൈറ്റിയുടെ നിയന്ത്രണത്തില്‍ പ്രവര്‍ത്തിക്കുന്ന സംസ്ഥാനത്തെ മോഡല്‍ റസിഡന്‍ഷ്യല്‍ സ്‌കൂളുകളില്‍ 2018-19 അദ്ധ്യയന വര്‍ഷത്തില്‍ 5,6 ക്ലാസുകളില്‍ പ്രവേശനം നേടുന്നതിനുളള മത്സര പരീക്ഷയ്ക്ക് അപേക്ഷ ക്ഷണിച്ചു. ജില്ലയില്‍ സ്ഥിര താമസക്കാരും പഠനത്തില്‍ സമര്‍ത്ഥരുമായ പട്ടികജാതി/പട്ടികവര്‍ഗ/മറ്റു സമുദായങ്ങളില്‍പ്പെട്ട വിദ്യാര്‍ഥികള്‍ക്ക് രക്ഷിതാക്കള്‍ മുഖേന അപേക്ഷ നല്‍കാം. ആറാം ക്ലാസിലേക്കുളള പ്രവേശനത്തിന് പട്ടികവര്‍ഗക്കാര്‍ മാത്രം അപേക്ഷിച്ചാല്‍ മതിയാകും.

കൊച്ചി: പറവൂര്‍ ബ്ലോക്ക് പഞ്ചായത്തില്‍, മഹാത്മാഗാന്ധി തൊഴിലുറപ്പ് പദ്ധതി അക്രഡിറ്റഡ് എഞ്ചിനീയര്‍ തസ്തികയിലേക്ക് അര്‍ഹരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. അപേക്ഷകര്‍ സിവില്‍ എഞ്ചിനീയറിംഗ് ബിരുദധാരികളായിരിക്കണം. ബ്ലോക്ക് പരിധിയിലുളള പഞ്ചായത്തില്‍ സ്ഥിരതാമസമുളള ഉദ്യോഗാര്‍ഥികള്‍ക്ക് മുന്‍ഗണന ഉണ്ടായിരിക്കും. അപേക്ഷകള്‍ ഫെബ്രുവരി ആറിന് വൈകിട്ട് അഞ്ചിന് മുമ്പായി ബ്ലോക്ക് പ്രോഗ്രാം ഓഫീസര്‍, പറവൂര്‍ ബ്ലോക്ക് പഞ്ചായത്ത്, കൈതാരം.പി.ഒ പിന്‍ 683519 വിലാസത്തില്‍ സമര്‍പ്പിക്കണം. ഇ-മെയില്‍ ആയും അപേക്ഷ നല്‍കാം. bdonparavur@gmail.com .

കൊച്ചി: 2500 രൂപ ധനസഹായത്തോടുകൂടി കമ്പോസ്റ്റ് യൂണിറ്റ് നിര്‍മിക്കുന്നതിന് താല്‍പര്യമുള്ള കൊച്ചിന്‍ കോര്‍പ്പറേഷന്‍ പരിധിയിലെ കര്‍ഷകര്‍ ഫെബ്രുവരി 5 ന് തിങ്കളാഴ്ച രാവിലെ 11 മണിക്ക് വൈറ്റില കൃഷിഭവനില്‍ ഹാജരാകണം. 

കൊച്ചി: മഹാത്മാഗാന്ധിയുടെ മഹാരാജാസ് കോളേജ് സന്ദര്‍ശനത്തിന്റെ 90-ാം വാര്‍ഷികാഘോഷത്തിന്റെ ഭാഗമായി മഹാത്മാഗാന്ധിയുടെ പ്രപ്രൗത്രനും സാമൂഹ്യ പ്രവര്‍ത്തകനുമായ തുഷാര്‍ഗാന്ധി ഫെബ്രുവരി രണ്ടിന് രാവിലെ 9.30 ന് മഹാരാജാസ് കോളേജില്‍ എത്തും. 1927 ഒക്‌ടോബര്‍ 11-നാണ് മഹാത്മാഗാന്ധി മഹാരാജാസ് കോളേജില്‍ എത്തിയത്.

സിവില്‍ സ്റ്റേഷനില്‍ 11.30 ഓടെ  തീപിടുത്തത്തിന് മുന്നറിയിപ്പ് നല്‍കി കൊണ്ടുള്ള ഫയര്‍ അലാറം മുഴങ്ങി. സിവില്‍ സ്റ്റേഷന്‍ കെട്ടിടസമുച്ചയത്തിലെ മൂന്നാം നിലയില്‍ പഴയ ബ്ലോക്കിനെയും പുതിയ ബ്‌ളോക്കിനെയും യോജിപ്പിക്കുന്ന കോറിഡോറില്‍ നിന്നാണ് തീയും പുകയും കണ്ടത്. തീയണയ്ക്കാനുള്ള പ്രാഥമിക ശ്രമങ്ങള്‍ പരാജയപ്പെട്ടതോടെ ഫയര്‍ ആന്റ് റെസ്‌ക്യൂ, പൊലീസ്, കളക്ടറേറ്റിലെ ദുരന്ത നിവാരണ വിഭാഗം, ആരോഗ്യം തുടങ്ങിയ വകുപ്പുകളിലേക്കെല്ലാം നിമിഷങ്ങള്‍ക്കുള്ളില്‍ വിവരമെത്തി. ജീവനക്കാരെ തിടുക്കത്തില്‍ പുറത്തെത്തിക്കാനാരംഭിച്ചു.