പരിസ്ഥിതി സംരക്ഷണ രംഗത്ത് മികച്ച പ്രവര്‍ത്തനം കാഴ്ച വയ്ക്കുന്ന വ്യക്തികളെയും സംഘടനകളെയും മാധ്യമ പ്രവര്‍ത്തകരേയും ആദരിക്കുന്നതിനായി പരിസ്ഥിതി കാലാവസ്ഥ വ്യതിയാന വകുപ്പ് ഏര്‍പ്പെടുത്തിയിട്ടുള്ള പരിസ്ഥിതി മിത്രം അവാര്‍ഡ് ജേതാക്കളെ പ്രഖ്യാപിച്ചു. എന്‍.കെ. സുകുമാരന്‍ നായര്‍ (പരിസ്ഥിതി സംരക്ഷകന്‍), വര്‍ഗ്ഗീസ് സി തോമസ്, ചീഫ് സബ് എഡിറ്റര്‍ മലയാള മനോരമ (പരിസ്ഥിതി പത്ര പ്രവര്‍ത്തകന്‍), ബിജു പങ്കജ്, റീജിയണല്‍ എഡിറ്റര്‍, മാതൃഭൂമി, (പരിസ്ഥിതി ദൃശ്യ മാധ്യമ പ്രവര്‍ത്തകന്‍), പമ്പ പരിരക്ഷണ സമിതി (പരിസ്ഥിതി സംരക്ഷണ സംഘടന) എന്നിവര്‍ക്കാണ് പുരസ്‌കാരം.

എല്‍.ബി.എസ് സെന്ററിന്റെ ആഭിമുഖ്യത്തില്‍ പ്രവര്‍ത്തിക്കുന്ന പൂജപ്പുര സെന്റര്‍ ഓഫ് എക്‌സലെന്‍സ് ഫോര്‍ ഡിസബിലിറ്റി സ്റ്റഡീസില്‍ ഗവേഷണ തല്പരരായ കേരളത്തിലെ സര്‍ക്കാര്‍ / എയ്ഡഡ് / സര്‍ക്കാര്‍ നിയന്ത്രിത സ്വാശ്രയ എഞ്ചിനീയറിംഗ്, മെഡിക്കല്‍ കോളേജ്, പോളിടെക്‌നിക് എന്നീ സ്ഥാപനങ്ങളിലെ അധ്യാപകരില്‍ നിന്ന് വിഭിന്നശേഷിയുള്ള കുട്ടികളുടെ വിഷയമടങ്ങുന്ന ഗവേഷണത്തിന് ധനസഹായം നല്‍കുന്നതിന് അപേക്ഷകള്‍ ക്ഷണിച്ചു.

നാഷണല്‍ എംപ്ലോയ്‌മെന്റ് സര്‍വീസിന്റെ ആഭിമുഖ്യത്തില്‍ വഴുതക്കാട് സര്‍ക്കാര്‍ വനിതാ കോളേജില്‍ ഫെബ്രുവരി 17ന് നിയുക്തി തൊഴില്‍മേള സംഘടിപ്പിക്കുന്നു.  എസ്.എസ്.എല്‍.സി, പ്ലസ്ടു, ഐ.ടി.ഐ, ബിരുദം, പാരാമെഡിക്കല്‍, എം.ബി.എ, ബി.ടെക്, എം.സി.എ, ഹോട്ടല്‍ മാനേജ്‌മെന്റ് യോഗ്യതയുളളവര്‍ക്ക് സ്വകാര്യ മേഖലയിലെ വിവിധ സ്ഥാപനങ്ങളില്‍ തൊഴില്‍ നേടുന്നതിന് അവസരം ലഭിക്കും.  എസ്.എസ്.എല്‍.സിക്ക് താഴെ വിദ്യാഭ്യാസ യോഗ്യതയുളളവര്‍ക്ക് ആയ, തയ്യല്‍, ക്ലീനിംഗ് സ്റ്റാഫ് തുടങ്ങിയ ഒഴിവുകളിലേക്ക് അവസരമുണ്ടാവും.

     എംപ്ലോയ്‌മെന്റ് എക്‌സ്‌ചേഞ്ചുകളില്‍  പേര് രജിസ്റ്റര്‍ ചെയ്തിട്ടുളള  വനിതകള്‍ക്കായുളള  ശരണ്യാ സ്വയംതൊഴില്‍ സഹായ പദ്ധതി പ്രകാരം ഗുണഭോക്താക്കളെ തെരഞ്ഞെടുക്കുന്നതിനായി  ഈ മാസം ആറിന്  രാവിലെ 11 മണിക്ക്  കളക്ടറേറ്റ് മിനി കോണ്‍ഫറന്‍സ് ഹാളില്‍ യോഗം ചേരും.
 

     കാസര്‍കോട് ഗവ. കോളേജില്‍ മാത്തമാറ്റിക്‌സ് വിഷയത്തില്‍ ഗസ്റ്റ് അധ്യാപകരെ നിയമിക്കുന്നു.  55 ശതമാനം മാര്‍ക്കോടെ  ബിരുദാനന്തര ബിരുദവും നെറ്റും പാസായവര്‍ക്ക് അപേക്ഷിക്കാം.  നെറ്റ് യോഗ്യരായവരുടെ അഭാവത്തില്‍ ബിരുദാനന്തര ബിരുദക്കാരെയും പരിഗണിക്കും.  ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം   ഈ മാസം അഞ്ചിന്  രാവിലെ 10.30 ന് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്ക്ക് ഹാജരാകണം.
 

     2017-18 പ്ലാന്‍ ഫണ്ടിന്റെ ഭാഗമായി കാസര്‍കോട്  ഗവ. കോളേജില്‍  ഫയല്‍ മാനേജ്‌മെന്റിനുളള  റിങ്ങ് ബൈന്റര്‍ വിതരണം  ചെയ്യുന്നതിനുളള ക്വട്ടേഷന്‍ ക്ഷണിച്ചു. ഈ മാസം ഒമ്പതിന്  ഉച്ചയ്ക്ക് ഒരു മണിക്കകം പ്രിന്‍സിപ്പാള്‍, ഗവ. കോളേജ് കാസര്‍കോട് , വിദ്യാനഗര്‍ പിഒ-671123 എന്ന വിലാസത്തില്‍ ലഭിക്കണം.
 

     ജില്ലാതല പോലീസ്  കംപ്ലയിന്റ് അതോറിറ്റിയുടെ സിറ്റിംഗ്   ഈ മാസം  മൂന്നിന് രാവിലെ 11 മണിക്ക്് കളക്ടറേറ്റ് മിനി കോണ്‍ഫറന്‍സ് ഹാളില്‍ നടക്കും.
 

    വെള്ളിക്കോത്ത് ഇന്‍സ്റ്റിറ്റ്യൂട്ടില്‍ നടത്തുന്ന സൗജന്യ ഫാഷന്‍ ഡിസൈനിംഗ് പരിശീലനത്തിന്  18 നും 45 നും ഇടയില്‍ പ്രായമുള്ള യുവതികള്‍ക്ക്   അപേക്ഷിക്കാം. പരിശീലനം, ഭക്ഷണം, താമസം എന്നിവ സൗജന്യം.പേര്, മേല്‍വിലാസം, ജനനതിയതി, ഫോണ്‍നമ്പര്‍ എന്നിവ അടങ്ങിയ അപേക്ഷ 
ഈ മാസം അഞ്ചിനകം ഡയറക്ടര്‍, വെള്ളിക്കോത്ത് ഇന്‍സ്റ്റിറ്റ്യൂട്ട്, ആനന്ദാശ്രമം പിഒ, കാഞ്ഞങ്ങാട് -671 531 എന്ന വിലാസത്തില്‍ ലഭിക്കണം.കൂടുതല്‍ വിവരങ്ങള്‍ക്ക് 0467 2268240.
 

    പീരുമേട് താലൂക്ക് വികസന സമിതി യോഗം ഫെബ്രുവരി മൂിന് രാവിലെ 10.30ന് താലൂക്ക് കോഫറന്‍സ് ഹാളില്‍ കൂടും.