ഇതര സംസ്ഥാന തൊഴിലാളികള്‍ക്ക് കേരള സര്‍ക്കാര്‍ ഏര്‍പ്പെടുത്തിയ 'ആവാസ്' ആരോഗ്യ ഇന്‍ഷൂറന്‍സ് പദ്ധതി പ്രകാരം 15000/ രൂപയുടെ സൗജന്യ ചികിത്സയും, 2 ലക്ഷം രൂപയുടെ അപകട ഇന്‍ഷൂറന്‍സ് പരിരക്ഷയും ലഭിക്കുന്നതാണ്. ഇന്‍ഷൂറന്‍സ് കാര്‍ഡ് നല്‍കുന്നതിന് പെരിന്തല്‍മണ്ണ സിവില്‍ സ്റ്റേഷനില്‍ പ്രവര്‍ത്തിക്കുന്ന  അസി.ലേബര്‍ ഓഫീസില്‍ സൗകര്യം ഒരുക്കിയിട്ടുണ്ട്. തൊഴിലാളികള്‍ക്ക് നേരിട്ടെത്തി അംഗീകൃത തിരിച്ചറിയല്‍ കാര്‍ഡ് നല്‍കി 'ആവാസ്' തിരിച്ചറിയല്‍ കാര്‍ഡ് കൈപറ്റാവുന്നതാണ്.  തൊഴിലുടമകള്‍ ഇതിന് പ്രത്യേക പ്രാധാന്യം നല്‍കേണ്ടതാണെന്ന് ജില്ലാ ലേബര്‍ ഓഫീസര്‍ അിറയിച്ചു. ഫോണ്‍: 04832734814,8547655273.

കുടുംബശ്രീ നടപ്പാക്കുന്ന ദീന്‍ദയാല്‍ ഉപാധ്യായ ഗ്രാമീണ്‍ കൗശല്യ യോജന പദ്ധതിയിലൂടെ സൗജന്യ തൊഴില്‍ പരിശീലനത്തിനുള്ള കൂടിക്കാഴ്ച ഫെബ്രുവരി ഒന്നിന് കല്‍പ്പകഞ്ചേരി ഗ്രാമ പഞ്ചായത്ത് ഓഫീസില്‍ നടത്തും.  ഗ്രാമീണ മേഖലയിലെ 18നും 32നും ഇടയില്‍ പ്രായമുള്ള ബി.പി.എല്‍, കുടുംബശ്രീ തൊഴിലുറപ്പ്, ആശ്രയ കുടുംബാംഗങ്ങള്‍ എന്നിവര്‍ക്ക് പങ്കെടുക്കാം.  പരിശീലനം വിജയകരമായി പൂര്‍ത്തീകരിക്കുന്നവര്‍ക്ക് ജോലിയില്‍ നിയമനം നല്‍കും.  വിദ്യാഭ്യാസ യോഗ്യത പ്ലസ്ടു/വി.എച്ച്.എസ്.സി. ഫോണ്‍ 9074611961, 04832 733470.

ജില്ലാ മെഡിക്കല്‍ ഓഫീസ് കുഷ്ഠരോഗ നിര്‍മ്മാര്‍ജ്ജന വിഭാഗത്തിന്റെയും പെരിന്തല്‍മണ്ണ ജില്ലാ ആശുപത്രിയുടെയും പെരിന്തല്‍മണ്ണ എം.ഇ.എസ് മെഡിക്കല്‍ കോളേജിന്റെയും സംയുക്താഭിമുഖ്യത്തില്‍ പെരിന്തല്‍മണ്ണ എം.ഇ.എസ് മെഡിക്കല്‍കോളേജില്‍ ദേശീയ കുഷ്ഠരോഗ നിര്‍മ്മാര്‍ജ്ജന പഷാചരണത്തിന്റെ ഭാഗമായി കുഷ്ഠരോഗ പ്രതിരോധ ബോധവല്‍ക്കരണ സെമിനാറും ഒപ്പുശേഖരണവും നടത്തി.  എം.ഇ.എസ് മെഡിക്കല്‍ കോളേജ് ഡയറക്റ്റര്‍ ഡോ. പി.എ. ഫസല്‍ ഗഫൂര്‍ ഉദ്ഘാടനം ചെയ്തു.  ഡോ. ഗോപിനാഥ്, ഡോ. ഷീലാ പി. ഹാവേരി, ജില്ലാ ആശുപത്രി എന്‍.എം.എസ് ടി.കെ ശ്രീകുമാര്‍, ഡോ. ഷെറിന്‍ ഇഷാഖ്, ഡോ. റിഷാദ് എന്നിവര്‍ സംസാരിച്ചു.

അമ്മിണിക്കാട്-ഒടമല പാറല്‍ റോഡില്‍ ടാറിംഗ്  പണി നടക്കുന്നതിനാല്‍ ഇതിലൂടെയുള്ള വാഹന ഗതാഗതം നിരോധിച്ചു. പെരിന്തല്‍മണ്ണ--മണ്ണാര്‍ക്കാട് ഭാഗത്തുനിന്ന് വരുന്ന വാഹനങ്ങള്‍ താഴെക്കോട് മരുതല -- ഒടമല വഴിയും പെരിന്തല്‍മണ്ണ ചെര്‍പ്പുളശേരി ഭാഗത്തുന്ന് വരുന്ന വാഹനങ്ങള്‍ തൂത--മുതരമണ്ണ വഴിയും തിരിഞ്ഞു പേകേണ്ടതാണ്.

ജില്ലയിലെ പൊന്നാനി ഉള്‍പ്പെടെയുള്ള ജില്ലയിലെ കടല്‍ തീരത്ത് അടുത്ത 48 മണിക്കൂറില്‍ വേലിയേറ്റ സമയങ്ങളില്‍ തിരമാലകള്‍ അസാധാരണമായി ശക്തി പ്രാപിക്കാന്‍ സാധ്യതയുണ്ട്. ആയതിനാല്‍ താഴ്ന്ന മേഖലയില്‍ വെള്ളം കയറും. തീരദേശ വാസികള്‍ ജാഗ്രത പാലിക്കണമെന്ന് പൊന്നാനി ഫിഷറീസ് ഡെപ്യുട്ടി ഡയറക്ടര്‍ അറിയിച്ചു.

   തിരൂരങ്ങാടി എ.കെ.എന്‍.എം. ഗവണ്‍മെന്റ് പോളിടെക്‌നിക് കോളേജിന്റെ  അനുബന്ധ സ്ഥാപനമായ  ഗവ.ഇന്‍സ്റ്റിറ്റ്യൂട്ട് ഓഫ് ഫാഷന്‍   ഡിസൈനിങ്ങ് സെന്ററില്‍  (വേങ്ങര)  ഇംഗ്ലീഷ് ആന്‍ഡ് വര്‍ക്ക് പ്ലേസ് സ്‌കില്‍  വിഷയത്തില്‍ ദിവസ വേതനാടിസ്ഥാനത്തില്‍ ഗസ്റ്റ് ലക്ചററെ നിയമിക്കുന്നു.
യോഗ്യത ഹയര്‍ സെക്കന്ററി സ്‌കൂള്‍ ഇംഗ്ലീഷ് അധ്യാപന പരിചയം. താല്‍പര്യമുള്ളവര്‍ ഫെബ്രുവരി ഒന്നിന് രാവിലെ 10 ന്  അസ്സല്‍ സര്‍ട്ടിഫിക്കറ്റുകള്‍ സഹിതം പ്രിന്‍സിപ്പലിന്റെ ഓഫീസില്‍ കൂടിക്കാഴ്ചയ്ക്ക് എത്തണം.

                 വിദ്യാര്‍ത്ഥി സംഘര്‍ഷം മൂലം അടച്ചിട്ടിരുന്ന പെരിന്തല്‍മണ്ണ ഗവ.  പോളിടെക്‌നിക്ക് കോളേജില്‍ ഇന്ന് (ജനുവരി 30) മുതല്‍ ക്ലാസുകള്‍ ഉണ്ടായിരിക്കുമെന്ന് പ്രിന്‍സിപ്പല്‍ അറിയിച്ചു