ഇലവുംതിട്ട സരസകവി മൂലൂര്‍ സ്മാരകത്തിന്റെ 29-ാംമത് വാര്‍ഷികത്തോടനുബന്ധിച്ച് നടത്തുന്ന നാടന്‍ പാട്ട് മത്സരത്തില്‍ പങ്കെടുക്കുന്നതിന് ടീമുകള്‍ക്ക് ഈമാസം 10ന് വൈകിട്ട് അഞ്ചുവരെ പേര് രജിസ്റ്റര്‍ ചെയ്യാം. പത്തു മിനിറ്റാണ് മത്സരം. ഒരു ഗ്രൂപ്പില്‍ ഏഴ് അംഗങ്ങളില്‍ കൂടാന്‍ പാടില്ല. നാടന്‍ വാദ്യോപകരണങ്ങള്‍ മാത്രമേ ഉപയോഗിക്കാന്‍ പാടുള്ളു. പരമ്പരാഗത നാടന്‍ പാട്ടുകളാണ് പാടേണ്ടത്. കൂടുതല്‍ വിവരത്തിന് മൂലൂര്‍ സ്മാരകവുമായി ബന്ധപ്പെടണം. ഫോണ്‍: 9447017264.

    സരസകവി മൂലൂര്‍ എസ്.പത്മനാഭ പണിക്കരുടെ 149-ാംമത് ജയന്തിയും സ്മാരകത്തിന്റെ 29-ാമത് വാര്‍ഷികവും അവാര്‍ഡ്ദാനവും ഈമാസം ഒന്‍പതു മുതല്‍ 13 വരെ ഇലവുംതിട്ട മൂലൂര്‍ സ്മാരകത്തില്‍ വിപുലമായ പരിപാടികളോടെ നടക്കും. 2019 മാര്‍ച്ച് വരെ നീണ്ടു നില്‍ക്കുന്ന മൂലൂരിന്റെ 150-ാം ജയന്തി ആഘോഷത്തിനും ഇതോടനുബന്ധിച്ച് തുടക്കമാകും. 

    ഫിഷറീസ് വകുപ്പ് ജില്ലയില്‍ മത്സ്യകൃഷി ചെയ്യുന്ന മത്സ്യകര്‍ഷകരുടെ കുളം രജിസ്റ്റര്‍ ചെയ്യുന്നതിനുള്ള അപേക്ഷാ ഫോറം വിതരണ ക്യാമ്പ് നടത്തുന്നു. മീനങ്ങാടി പഞ്ചായത്തില്‍ ഫെബ്രുവരി 2ന് മജീദ് ഹാളിലും, ഫെബ്രുവരി 3ന്  തരിയോട്, പടിഞ്ഞാറത്തറ ഗ്രാമപഞ്ചായത്തുകളില്‍ പടിഞ്ഞാറത്തറ കൃഷിഭവനിലും 6ന് കല്‍പ്പറ്റ, മുട്ടില്‍, വെങ്ങപ്പള്ളി, കോട്ടത്തറ പഞ്ചായത്തുകള്‍ക്ക് കല്‍പ്പറ്റ മുന്‍സിപ്പല്‍ ഓഫീസിലും 7ന്  അമ്പലവയല്‍, മൂപ്പൈനാട് ഗ്രാമപഞ്ചായത്തുകള്‍ക്ക് അമ്പലവയല്‍ ഗ്രാമ പഞ്ചായത്ത് കമ്മ്യൂണി ഹാളിലും 8ന് മേപ്പാടി  ഗ്രാമപഞ്ചായത്തിന് മേപ്പാടി ഗ്രാമ പഞ്ചായത്ത് ഓഫീസിലുമാണ് ക്യാമ്പ്. 
 

    സുല്‍ത്താന്‍ ബത്തേരി ഗവ.ഫാഷന്‍ ഡിസൈനിംഗ് ഇന്‍സ്റ്റിറ്റ്യൂട്ടില്‍ ഇംഗ്ലീഷ് അധ്യാപകനെ ദിവസ വേതനാടിസ്ഥാനത്തില്‍ നിയമിക്കുന്നു.  കൂടിക്കാഴ്ച ഫെബ്രുവരി 9ന് രാവിലെ 10ന് സുല്‍ത്താന്‍ ബത്തേരി ടെക്‌നിക്കല്‍ ഹൈസ്‌കൂളില്‍ നടക്കും.  യോഗ്യത ഇംഗ്ലീഷില്‍ ബിരുദാനന്തര ബിരുദവും ബി.എഡും.  ഫോണ്‍ 04036 220147.
 

        കല്‍പ്പറ്റ നഗരസഭയുടെ ജനകീയാസൂത്രണം  പദ്ധതി പ്രകാരം ഒരു വീട്ടില്‍ ഒരു കുറ്റികുരുമുളക് പദ്ധതിയിലെ   ഗുണഭോക്തൃ ലിസ്റ്റില്‍പ്പെട്ട  കര്‍ഷകര്‍  ഗുണഭോക്തൃ വിഹിതം  കൃഷിഭവനില്‍ അടച്ച് കുറ്റികുരുമുളകു തൈ കൈപ്പറ്റണമെന്നു കൃഷി ഓഫീസര്‍ അറിയിച്ചു. ഫോണ്‍ നമ്പര്‍ 04936 202720.
 

    കേരള ഖാദി ഗ്രാമ വ്യവസായ ബോര്‍ഡില്‍ രജിസ്റ്റര്‍ ചെയ്തിട്ടുള്ള സഹകരണ സംഘങ്ങളുടെ വര്‍ക് ഷോപ്പ് ഫെബ്രുവരി 12ന് രാവിലെ 11ന് ജില്ലാ ഖാദി ഗ്രാമ വ്യവസായ ഓഫീസില്‍ നടത്തും.  രജിസ്റ്റര്‍ ചെയ്ത എല്ലാ സംഘങ്ങളുടെയും പ്രതിനിധികള്‍ വര്‍ക് ഷോപ്പില്‍ പങ്കെടുക്കണം.
 

    മെഡിക്കല്‍ വിദ്യാഭ്യാസ വകുപ്പില്‍ സ്റ്റാഫ് നഴ്‌സ് ഗ്രേഡ് 2 (കോമണ്‍ ടെസ്റ്റ്) കാറ്റഗറി നമ്പര്‍ 249/17, 447/17, 448/17, 449/17, 450/17, 514/17, 515/17) തസ്തികയിലേക്കുള്ള ഒ.എം.ആര്‍. പരീക്ഷ ഫെബ്രുവരി 3ന് ഉച്ചയ്ക്ക് 1.30 മുതല്‍ 3.15 വരെ ജില്ലയിലെ വിവിധ കേന്ദ്രങ്ങളില്‍ നടത്തും.

    ലക്കിടി ജവഹര്‍ നവോദയ വിദ്യാലയത്തില്‍ 2018-19 അധ്യയന വര്‍ഷത്തില്‍ ആറാം തരത്തിലേക്കുള്ള പ്രവേശന പരീക്ഷ മാറ്റിവെച്ചതായി പ്രിന്‍സിപ്പല്‍ അറിയിച്ചു.  പുതുക്കിയ തിയ്യതി പിന്നീട് അറിയിക്കും.
 

    മങ്കട ഗവ.ആര്‍ട്‌സ് ആന്റ് സയന്‍സ് കോളേജില്‍ ഇംഗ്ലീഷ് വകുപ്പിലേക്ക് ഗസ്റ്റ് അധ്യാപകരെ നിയമിക്കുന്നു.  ഇംഗ്ലീഷ് വിഷയത്തില്‍ 55 ശതമാനം മാര്‍ക്കില്‍ കുറയാത്ത ബിരുദാനന്തര ബിരുദവും യു.ജി.സി. നിഷ്‌കര്‍ഷിക്കുന്ന യോഗ്യതയുള്ളവരും കോളേജ് വിദ്യാഭ്യാസ ഉപഡയറക്ടറേറ്റുകളില്‍ രജിസ്റ്റര്‍ ചെയ്തിട്ടുള്ളവരുമായ ഉദേ്യാഗാര്‍ത്ഥികള്‍ രേഖകളും പകര്‍പ്പുമായി ഇന്ന് (ഫെബ്രുവരി 2) രാവിലെ 10.30ന് നേരിട്ട് ഹാജരാകണം.  നെറ്റ് യോഗ്യത ഉള്ളവരുടെ അഭാവത്തില്‍ മറ്റുള്ളവരെയും പരിഗണിക്കും.  ഫോണ്‍ 04933 202135.