ജില്ലയിലെ ചെറുകിട തോട്ടംതൊഴിലാളി ക്ഷേമനിധിയില്‍ രജിസ്റ്റര്‍ ചെയ്തിട്ടുളള  തൊഴിലാളികളില്‍ നിന്നും  അംശാദായം സ്വീകരിക്കുന്നതിനുളള  ക്യാമ്പ് ഫെബ്രുവരി  രണ്ടിന്  12 മണി മുതല്‍  പരപ്പ ബ്ലോക്ക് പഞ്ചായത്ത് കോണ്‍ഫറന്‍സ് ഹാളില്‍  നടക്കും.  ഈ ക്യാമ്പില്‍ കുടിശിക തുക ഒറ്റത്തവണ അടക്കുന്നവരില്‍ നിന്നും പിഴപലിശ ഈടാക്കുന്നതല്ലായെന്നും പുതുതായി രജിസ്റ്റര്‍ ചെയ്യുന്നതിനുളള  അപേക്ഷകള്‍ ക്യാമ്പില്‍ സ്വീകരിക്കുമെന്നും  മാനന്തവാടി പ്ലാന്റേഷന്‍ ഇന്‍സ്‌പെക്ടര്‍ അറിയിച്ചു.
 

      ജില്ലാ ആസൂത്രണസമിതി യോഗം  ഫെബ്രുവരി രണ്ടിന്  രാവിലെ  11 മണിക്ക് ജില്ലാ ആസൂത്രണസമിതി ഹാളില്‍ ചേരും.
 

സംസ്ഥാന വനിതാ ശിശു വികസന വകുപ്പ് ഏര്‍പ്പെടുത്തിയ ഉജ്ജ്വല ബാല്യം പുരസ്‌കാരത്തിന്  ജില്ലയില്‍ നിന്ന് ഗോകുല്‍രാജ്.പി അര്‍ഹനായി. കല, കായികം, സാഹിത്യം, ശാസ്ത്രം, സാമൂഹികം എന്നീ മേഖലളില്‍ അസാധാരണ കഴിവ് പ്രകടിപ്പിക്കുന്ന 5 വയസ്സിനും 18 വയസ്സിനും ഇടയിലുള്ള കുട്ടികള്‍ക്കാണ് സംസ്ഥാന സര്‍ക്കാര്‍ ഉജ്ജ്വല ബാല്യം പുരസ്‌കാരം ഏര്‍പ്പെടുത്തിയിരുന്നത്.  തിരുവനന്തപുരത്ത്  നടന്ന ചടങ്ങില്‍ സംസ്ഥാന ചില്‍ഡ്രന്‍സ് ഫെസ്റ്റില്‍  വനിതാ ശിശു വികസന വകുപ്പ് മന്ത്രി ശൈലജ ടീച്ചര്‍ ഗോകുല്‍രാജിന് പുരസ്‌കാരം നല്‍കി. 25000 രൂപയും സര്‍ട്ടിഫിക്കറ്റും ട്രോഫിയും അടങ്ങുന്നതാണ്  ഉജ്ജ്വല ബാല്യം പുരസ്‌കാരം.

    ഉദുമ ഗ്രാമപഞ്ചായത്തിലെ കെട്ടിടങ്ങളുടെ വിവരങ്ങള്‍ കമ്പ്യൂട്ടര്‍വല്‍ക്കരിച്ചു. കെട്ടിടങ്ങളുടെ വിവരങ്ങള്‍ ഓണ്‍ലൈനായി പരിശോധിക്കുന്നതിനും നികുതി അടക്കുന്നതിനുമുള്ള സൗകര്യം ംംം.മേഃ.ഹഴെസലൃമഹമ.ഴീ്.ശി എന്ന വെബ്‌സൈറ്റില്‍ ലഭ്യമാണ്. കെട്ടിടത്തെ സംബന്ധിച്ച് വസ്തുതാപരമായ തെറ്റുകള്‍ ഉണ്ടെങ്കില്‍ ആവശ്യമായ രേഖകള്‍ സഹിതം ഫെബ്രുവരി ഒമ്പതിനകം പഞ്ചായത്ത് ഓഫീസില്‍ രേഖാമൂലം അപേക്ഷ നല്‍കി തിരുത്താം. സോഫ്റ്റ് വെയര്‍ ലോക്ക് ചെയ്താല്‍ പിന്നീട് തിരുത്തലുകള്‍ വരുത്താന്‍ കഴിയില്ല.
 

പാപ്പാടിയില്‍ തെക്കുംഭാഗം അബ്രഹാമിന്റെ ജപ്തിചെയ്ത സ്ഥാവരവസ്തുക്കള്‍ ജനുവരി 31ന് ഉച്ചക്ക് 11 മണിക്ക് കാരിക്കോട് വില്ലേജ് ഓഫീസില്‍ പരസ്യമായി ലേലത്തില്‍ വില്‍ക്കുു.

          ക്ഷീരവികസന വകുപ്പിന്റെയും, ജില്ലയിലെ ക്ഷീരസഹകരണ സംഘങ്ങളുടേയും സംയുക്താഭിമുഖ്യത്തില്‍, ത്രിതല പഞ്ചായത്തുകള്‍, മില്‍മ, ആത്മ എന്നിവയുടെ സഹകരണത്തോടെ ഓലാട്ട്  ക്ഷീരസഹകരണ സംഘത്തിന്റെ ആതിഥേയത്വത്തില്‍ ജില്ലാ ക്ഷീരകര്‍ഷക സംഗമം നടത്തി. 1500 ഓളം കര്‍ഷകരും, സഹകാരികളും പങ്കെടുത്ത ക്ഷീരവികസന സെമിനാര്‍ റവന്യൂ മന്ത്രി    ഇ.ചന്ദ്രശേഖരന്‍ ഉദ്ഘാടനം  ചെയ്തു. നീലേശ്വരം ബ്ലോക്ക് പഞ്ചായത്ത് പ്രസിഡന്റ് വി.പി.ജാനകി അധ്യക്ഷതവഹിച്ചു.