റിപ്പബ്ലിക്ദിന പരേഡിനോടനുബന്ധിച്ച് ഇന്ന് (24) രാവിലെ നടത്താനിരുന്ന പരേഡ് ഡ്രസ് റിഹേഴ്‌സല്‍ നാളത്തേക്ക് മാറ്റി.  റിഹേഴ്‌സല്‍  നാളെ (25) രാവിലെ  7.50 ന് വിദ്യാനഗര്‍  മുനിസിപ്പല്‍ സ്റ്റേഡിയത്തില്‍ നടക്കുമെന്ന് ജില്ലാകളക്ടര്‍ അറിയിച്ചു.
 

    തിരുവല്ല- മാവേലിക്കര റോഡില്‍ ആലംതുരുത്തി ജംഗ്ഷന്‍ മുതല്‍ ആലംതുരുത്തി പള്ളി വരെയുള്ള ഭാഗത്ത് ടാറിംഗ് നടക്കുന്നതിനാല്‍ ഈ മാസം 26നും 27നും ഗതാഗത നിയന്ത്രണം ഉണ്ടാകുമെന്ന്  കെ.എസ്ടിപി അസിസ്റ്റന്റ് എക്‌സിക്യൂട്ടീവ് എന്‍ജിനീയര്‍ അറിയിച്ചു.

ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിന്റെ പ്രസിദ്ധീകരണങ്ങളായ ജനപഥം, കേരള കോളിംഗ് എന്നിവയുടെ വരിക്കാരാകുന്നതിന് കളക്ടറേറ്റ് ഒന്നാം നിലയിലെ ജില്ലാ ഇന്‍ഫര്‍മേഷന്‍ ഓഫീസുമായി ബന്ധപ്പെടുക. വാര്‍ഷിക വരിസംഖ്യ 120 രൂപ . ഫോണ്‍: 0468-2222657.                                          

    പട്ടികജാതി പട്ടികവര്‍ഗ റസിഡന്‍ഷ്യല്‍ എഡ്യുക്കേഷന്‍ സൊസൈറ്റിയുടെ നിയന്ത്രണത്തില്‍ പ്രവര്‍ത്തിക്കുന്ന മോഡല്‍ റസിഡന്‍ഷ്യല്‍ സ്‌കൂളുകളില്‍ 2018-19 അധ്യയന വര്‍ഷം അഞ്ചാം ക്ലാസിലേക്കും ഇടുക്കി, പൂക്കോട് എന്നിവിടങ്ങളില്‍ പ്രവര്‍ത്തിക്കുന്ന എംആര്‍എസുകളില്‍ ആറാം ക്ലാസിലേക്കും പ്രവേശനത്തിനായി പട്ടികജാതി/പട്ടികവര്‍ഗ/ജനറല്‍ വിഭാഗത്തില്‍പ്പെടുന്ന വിദ്യാര്‍ഥികളില്‍ നിന്നും അപേക്ഷ ക്ഷണിച്ചു. 

    പത്തനംതിട്ട യാചകരില്ലാത്ത വിശപ്പ് രഹിത നഗരമായി മാറുന്നു. നഗരസഭയുടെയും ജില്ലാ ലീഗല്‍ സര്‍വീസസ് അതോറിറ്റിയുടെയും സംയുക്താഭിമുഖ്യത്തില്‍ പോലീസ് വകുപ്പിന്റെയും കെന്നഡി ചാക്കോ ചാരിറ്റബിള്‍ ട്രസ്റ്റിന്റെയും വിവിധ സന്നദ്ധ സംഘടനകളുടെയും സഹകരണത്തോടെ നഗരസഭ പ്രദേശത്തെ യാചകനിരോധിത മേഖലയായും വിശപ്പില്ലാ നഗരമായും മാറ്റുന്നു. 

ഭാരതത്തിന്റെ അറുപത്തിയൊമ്പതാമത് റിപ്പബ്ലിക്ദിനം വര്‍ണാഭമായ പരിപാടികളോടെ ജില്ലാ ആസ്ഥാനത്ത് ജനുവരി 26ന് ആഘോഷിക്കും. സഹകരണ ടൂറിസം, ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ മുഖ്യാതിഥിയാകും.

    തിരുവനന്തപുരം ശ്രീഅയ്യങ്കാളി മെമ്മോറിയല്‍ ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌പോര്‍ട്‌സ് സ്‌കൂളില്‍ അഞ്ച് മുതല്‍ 10 വരെ ക്ലാസുകളിലേക്ക് പട്ടികവര്‍ഗ വിഭാഗത്തി ല്‍പ്പെട്ട കുട്ടികള്‍ക്ക് പ്രവേശനം നല്‍കുന്നതിന് ഈ മാസം 30ന് രാവിലെ 9.30ന് പത്തനംതിട്ട മുനിസിപ്പല്‍ സ്റ്റേഡിയത്തില്‍ സെലക്ഷന്‍ ട്രയല്‍ നടത്തും. 

    പത്തനംതിട്ട കൃഷി ഭവന്റെ പരിധിയില്‍ ജനകീയാസൂത്രണ പദ്ധതിയില്‍ ഉള്‍പ്പെട്ട     തെങ്ങ്, വാഴ, പച്ചക്കറി കൃഷിക്കും ഫലവൃക്ഷതൈ വിതരണത്തിനും ആനുകൂല്യം ലഭിക്കുന്നതിനായി കൃഷിഭവനുമായി ബന്ധപ്പെടണമെന്ന് കൃഷി ഫീല്‍ഡ് ഓഫീസര്‍ അറിയിച്ചു.