സംസ്ഥാന ലഹരി വര്‍ജന മിഷന്‍ വിമുക്തിയുടെ ഭാഗമായി 19 വയസില്‍ താഴെയുള്ള ആണ്‍കുട്ടികള്‍ക്കായി എക്‌സൈസ് വകുപ്പ് സംസ്ഥാനതലത്തില്‍ നടത്തിയ കബഡി മത്സരത്തിന്റെ ഫൈനല്‍ പൊന്നാനി അച്ചുത വാര്യര്‍ ഹയര്‍സെക്കന്‍ഡറി സ്‌കൂളില്‍ സ്പീക്കര്‍ പി. ശ്രീരാമകൃഷ്ണന്‍ ഇന്ന് (ജനുവരി 29) രാവിലെ ഒന്‍പതിന് ഉദ്ഘാടനം ചെയ്യും.  ഒന്നാം സമ്മാനം 25,000 രൂപയാണ്.  15,000 രൂപയും 10,000 രൂപയും രണ്ടും മൂന്നും സ്ഥാനക്കാര്‍ക്ക് യഥാക്രമം ലഭിക്കും.  പൊന്നാനി നഗരസഭ ചെയര്‍മാര്‍ മുഹമ്മദ് കുഞ്ഞി അധ്യക്ഷത വഹിക്കും.  എം.പിമാര്‍, എം.എല്‍.എമാര്‍ തുടങ്ങിയവര്‍ പങ്കെടുക്കും.  

പി.എന്‍.എക്‌സ്.354/18

 പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി 45000 ക്ലാസ്മുറികള്‍ ഹൈടെക് ആക്കുന്ന പദ്ധതി ആരംഭിച്ച് ആദ്യ ആഴ്ചയില്‍ 7000 ക്ലാസ്മുറികളിലേക്കുളള ലാപ്ടോപ്പുകളുടേയും പ്രൊജക്ടറുകളുടേയും വിതരണം പൂര്‍ത്തിയായി.  ആദ്യ ഘട്ടത്തില്‍ 22618 ക്ലാസ്മുറികളിലേക്ക് ആവശ്യമുള്ള ഉപകരണങ്ങളുടെ വിതരണം ഫെബ്രുവരി മാസത്തോടെ വിതരണം പൂര്‍ത്തിയാക്കാനാണ് ലക്ഷ്യമിട്ടിരിക്കുന്നത്.  കഴിഞ്ഞ 22 ന് മുഖ്യമന്ത്രി ഉദ്ഘാടനം ചെയ്ത പദ്ധതിയുടെ ഒന്നാംഘട്ടത്തിലുള്ള ഉപകരണങ്ങളുടെ 31 ശതമാനവും വിതരണം ചെയ്തതായി കൈറ്റ് വൈസ്‌ചെയര്‍മാന്‍ കെ. അന്‍വര്‍ സാദത്ത് അറിയിച്ചു.

ഇന്‍ഫര്‍മേഷന്‍ പബ്‌ളിക് റിലേഷന്‍സ് വകുപ്പിന്റെ നേതൃത്വത്തില്‍ കേരള മീഡിയ അക്കാഡമി, കെ. യു. ഡബ്യു. ജെ, തിരുവനന്തപുരം പ്രസ് ക്ലബ് എന്നിവരുടെ സഹകരണത്തോടെ ഇന്ന് (ജനുവരി 29) രാവിലെ 11ന് മാസ്‌കറ്റ് ഹോട്ടലിലെ സിംഫണി ഹാളില്‍ മാദ്ധ്യമ സെമിനാര്‍ സംഘടിപ്പിക്കും. പി. ആര്‍. ഡി സെക്രട്ടറി പി. വേണുഗോപാല്‍ ഉദ്ഘാടനം ചെയ്യും. കേരള മീഡിയ അക്കാഡമി ചെയര്‍മാന്‍ ആര്‍. എസ്. ബാബു, പി. ആര്‍.ഡി ഡയറക്ടര്‍ ടി. വി. സുഭാഷ് എന്നിവര്‍ സംസാരിക്കും. 

കേരള സ്റ്റേറ്റ് സ്‌പോര്‍ട്‌സ് കൗണ്‍സിലിന്റെ കീഴില്‍ വിവിധ ജില്ലകളില്‍ പ്രവര്‍ത്തിക്കുന്ന സ്‌കൂള്‍, പ്ലസ് വണ്‍, കോളേജ് സ്‌പോര്‍ട്‌സ് ഹോസ്റ്റലുകളിലേക്കും, സെന്‍ട്രലൈസ്ഡ് സ്‌പോര്‍ട്‌സ് ഹോസ്റ്റലുകളിലേക്കും 2018-19 അദ്ധ്യയന വര്‍ഷത്തേക്കുള്ള ഹോസ്റ്റല്‍ സോണല്‍തല തിരഞ്ഞെടുപ്പ് ഫെബ്രുവരി ഒന്നുമുതല്‍ ഒമ്പതുവരെ നടത്തും.  നിലവില്‍ ആറ്, ഏഴ്, 10, പ്ലസ് ടു ക്ലാസുകളില്‍ പഠിക്കുന്ന കായിക താരങ്ങള്‍ക്ക് സോണല്‍ തെരഞ്ഞെടുപ്പില്‍ പങ്കെടുക്കാം.  

കണ്ണൂര്‍ സര്‍ക്കാര്‍ ആയുര്‍വേദ കോളേജില്‍ ക്രിയാശാരീര, പ്രസൂതിതന്ത്ര, പഞ്ചകര്‍മ്മ, ശാലാക്യതന്ത്ര വകുപ്പുകളില്‍ അദ്ധ്യാപക ഒഴിവുണ്ട്.  ഈ ഒഴിവുകളിലേക്ക് കരാര്‍ നിയമനം നടത്തുന്നതിന് പരിയാരത്തുള്ള കണ്ണൂര്‍ സര്‍ക്കാര്‍ ആയുര്‍വേദ കോളേജ് പ്രിന്‍സിപ്പാളിന്റെ കാര്യാലയത്തില്‍ വാക്ക് ഇന്‍ ഇന്റര്‍വ്യു  നടത്തും.  ബന്ധപ്പെട്ട വിഷയങ്ങളില്‍ ബിരുദാനന്തര ബിരുദമാണ് യോഗ്യത.  ഉദേ്യാഗാര്‍ത്ഥികള്‍ ജനനതീയതി, വിദ്യാഭ്യാസ യോഗ്യത, പ്രവൃത്തി പരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും അവയുടെ ശരിപ്പകര്‍പ്പുകളും ബയോഡാറ്റയും സഹിതം ഫെബ്രുവരി ഏഴിന് രാവിലെ 11 മണിക്ക് ഇന്റര്‍വ്യുവിനെത്തണം.    കൂടുതല്‍ വിവരങ്ങള്‍ കോ

കേരള സ്റ്റേറ്റ് സിവില്‍ സര്‍വീസ് അക്കാദമിയില്‍ 2017 ലും മുന്‍വര്‍ഷങ്ങളിലുമായി പഠിച്ച് യു.പി.എസ്.സി സിവില്‍ സര്‍വീസ് മെയിന്‍ എഴുത്തു പരീക്ഷയില്‍ വിജയിച്ച 32 വിദ്യാര്‍ത്ഥികള്‍ക്കും അക്കാഡമിയുടെ അഡോപ്ഷന്‍ സ്‌കീമില്‍ ചേര്‍ന്ന വിദ്യാര്‍ത്ഥികള്‍ക്കുമായി കേരള സ്റ്റേറ്റ് സിവില്‍ സര്‍വീസ് അക്കാദമി നല്‍കുന്ന ഇന്റര്‍വ്യൂ പരിശീലന പരിപാടി ഫെബ്രുവരി ഒന്നിന് തിരുവനന്തപുരം തൈക്കാട് ഗവണ്‍മെന്റ് ഗസ്റ്റ് ഹൗസില്‍ ആരംഭിക്കും.  അക്കാഡമിയുടെ മെന്റര്‍ എമിരറ്റസ് ഡോ. ഡി.ബാബു പോള്‍ രാവിലെ 10.30ന് ഉദ്ഘാടനം ചെയ്യും.  ഉദ്ഘാടനത്തിനു ശേഷം യു.പി.എസ്.സി മെമ്പര്‍ റോയ് പോള്‍, മുന്‍ ഷിപ്പിംഗ് സെക്രട്ടറി കെ.

കേരള വന ഗവേഷണ സ്ഥാപനത്തില്‍ മെയ്ന്റനന്‍സ് ഓഫ് ബട്ടര്‍ഫ്‌ളയ് ഗാര്‍ഡന്‍ അറ്റ് കെ.എഫ്.ആര്‍.ഐ പീച്ചി കാമ്പസ് ആന്റ് എസ്റ്റാബ്ലിഷ്‌മെന്റ് ഓഫ് ന്യൂ ഗാര്‍ഡന്‍സ് ഇന്‍ സ്‌കൂള്‍സ് എന്ന ഗവേഷണപദ്ധതിയില്‍ ഒരു പ്രോജക്ട് ഫെല്ലോയുടെ താത്കാലിക നിയമനത്തിന് ഫെബ്രുവരി അഞ്ച് രാവിലെ 10ന് കേരള വന ഗവേഷണ സ്ഥാപനത്തിന്റെ തൃശൂര്‍ പീച്ചിയിലുളള ഓഫീസില്‍ വാക്ക് ഇന്‍ ഇന്റര്‍വ്യൂ നടത്തും.  വിശദവിവരങ്ങള്‍ www.kfri.res.in  എന്ന വെബ്‌സൈറ്റില്‍ ലഭിക്കും.

പി.എന്‍.എക്‌സ്.348/18

ഭൂവിഭവ സംരക്ഷണ, ബോധവല്‍ക്കരണ പരിപാടികളുടെ ഭാഗമായി കേരള സംസ്ഥാന ഭൂവിനിയോഗ ബോര്‍ഡ് സ്‌കൂള്‍ വിദ്യാര്‍ത്ഥികള്‍ക്കായുള്ള തളിര്‍ പദ്ധതിയില്‍ ഉള്‍പ്പെടുത്തി ചിത്രരചനാ മത്സരം സംഘടിപ്പിക്കും.  2018 ഫെബ്രുവരി മൂന്നിന് എറണാകുളം നേതാജി സുഭാഷ്ചന്ദ്രബോസ് പാര്‍ക്കില്‍ നടത്തുന്ന മത്സരത്തില്‍ എല്‍.പി/യു.പി/ഹൈസ്‌കൂള്‍ വിദ്യാര്‍ത്ഥികള്‍ക്ക് പങ്കെടുക്കാം.  മത്സരത്തില്‍ പങ്കെടുക്കുന്ന വിദ്യാര്‍ത്ഥികള്‍ ഫെബ്രുവരി മൂന്നിന് രാവിലെ ഒന്‍പതിന് നേതാജി സുഭാഷ്ചന്ദ്രബോസ് പാര്‍ക്കില്‍ എത്തിച്ചേരണം, മത്സരാര്‍ത്ഥികള്‍ സ്‌കൂള്‍ തിരിച്ചറിയല്‍ കാര്‍ഡും, ചിത്രരചനയ്ക്കാവശ്യമായ സാമഗ്രികളും കൊണ്ടുവരണം.  വരയ്ക്കുന്നതിനാവശ്യമായ ഡ്ര

കോഴിക്കോട് ഫോറസ്റ്റ് ട്രൈബ്യൂണല്‍ ഫെബ്രുവരി 16,17 തിയതികളില്‍ പാലക്കാട് ക്യാമ്പ് സിറ്റിംഗ് നടത്തും.  

പി.എന്‍.എക്‌സ്.346/18

മഹാത്മജിയുടെ ജീവിതവും സന്ദേശവും ചിത്രീകരിക്കുന്ന ദേശീയ കാര്‍ട്ടൂണ്‍, വീഡിയോ-ചിത്രപ്രദര്‍ശനം ജനുവരി 29, 30 തീയതികളില്‍ തിരുവനന്തപുരം വി.ജെ.ടി ഹാളില്‍ നടക്കും.

ഗാന്ധിജിയുടെ 70-ാം  രക്തസാക്ഷിത്വദിനത്തോടനുബന്ധിച്ച് കേരള സര്‍ക്കാര്‍ സംഘടിപ്പിക്കുന്ന ഒരു വര്‍ഷത്തെ ഗാന്ധിസ്മൃതി ആചരണത്തിന്റെ ഭാഗമായി കേരള മീഡിയ അക്കാദമിയും ഇന്‍ഫര്‍മേഷന്‍-പബ്ലിക് റിലേഷന്‍സ് വകുപ്പും ചേര്‍ന്നാണ് പ്രദര്‍ശനം സംഘടിപ്പിക്കുന്നത്.  നാഥൂറാം ഗോഡ്‌സെയുടെ വെടിയേറ്റ് വീണ ഗാന്ധിജിയുടെ രക്തം കുതിര്‍ന്ന ഡല്‍ഹി ബിര്‍ളഹൗസിലെ മണ്ണ് പ്രദര്‍ശനത്തിലുണ്ടാവും.