ജില്ലാ എംപ്ലോയ്മെന്‍റ് എക്സ്ചേഞ്ചിന്‍റെ ആഭിമുഖ്യത്തില്‍ സ്വയംതൊഴില്‍ സംരംഭകര്‍ക്കായി ബോധവത്ക്കരണ ശില്പശാല നടത്തും. ഈ മാസം 27ന് രാവിലെ 10ന് പത്തനംതിട്ട ഠൗണ്‍ ഹാളില്‍ ശില്പശാല ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി ഉദ്ഘാടനം ചെയ്യും. കെസ്റു, മള്‍ട്ടിപര്‍പ്പസ് സര്‍വീസ് സെന്‍റേഴ്സ്/ജോബ്  ക്ലബ്, ശരണ്യ, കൈവല്യ എന്നീ സ്വയം തൊഴില്‍ സംരംഭങ്ങളെക്കുറിച്ച് ബോധവത്ക്കരണം നല്‍കും. പങ്കെടുക്കാന്‍ താത്പര്യമുള്ളവര്‍ രാവിലെ 9.30ന് എത്തി രജിസ്റ്റര്‍ ചെയ്യണമെന്ന് ജില്ലാ എംപ്ലോയ്മെന്‍റ് ഓഫീസര്‍ അറിയിച്ചു. ഫോണ്‍: 0468 2222745.                    (പിഎന്‍പി 3120/17)

    പത്തനംതിട്ട എസ്ബിഐയുടെ ഗ്രാമീണ സ്വയംതൊഴില്‍ പരിശീലന കേന്ദ്രത്തില്‍ മുത്തുകള്‍, നൂലുകള്‍, പേളുകള്‍ എന്നിവ കൊണ്ട് ഉണ്ടാക്കുന്ന നൂതന ആഭരണങ്ങള്‍, നെറ്റിപ്പട്ടം എന്നിവയുടെ നിര്‍മാണത്തില്‍ സൗജന്യ പരിശീലനം നല്‍കും. 18നും 45നും മധ്യേ പ്രായമുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ ഈ മാസം 30നകം 0468 2270244, 2270243 എന്നീ നമ്പരുകളില്‍ പേര് രജിസ്റ്റര്‍ ചെയ്യണം. 
                                                  (പിഎന്‍പി 3119/17)

    ഡിസംബര്‍ മൂന്നിന് നടക്കുന്ന ചക്കുളത്തുകാവ് പൊങ്കാലയുടെ സുഗമമായ നടത്തിപ്പിന് ആവശ്യമായ ക്രമീകരണങ്ങള്‍ മുന്‍വര്‍ഷങ്ങളിലേതുപോലെ ഏര്‍പ്പെടുത്തുമെന്ന് ജില്ലാ കളക്ടര്‍ ആര്‍.ഗിരിജ പറഞ്ഞു. പൊങ്കാലയോടനുബന്ധിച്ച് വിവിധ സര്‍ക്കാര്‍ വകുപ്പുകള്‍ ഏര്‍പ്പെടുത്തേണ്ട ക്രമീകരണങ്ങള്‍ ചര്‍ച്ച ചെയ്യുന്നതിന് കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ സംസാരിക്കുകയായിരുന്നു കളക്ടര്‍. 

    ജില്ലയിലെ പട്ടികജാതി വിഭാഗത്തില്‍പ്പെട്ടവര്‍ക്ക് ഓട്ടോടാക്സി വായ്പയ്ക്ക് അപേക്ഷിക്കാം. കുടുംബ വാര്‍ഷിക വരുമാനം ഗ്രാമപ്രദേശങ്ങളിലുള്ളവര്‍ക്ക് 98000 രൂപയിലും നഗരപ്രദേശങ്ങളിലുള്ളവര്‍ക്ക് 120000 രൂപയിലും കവിയാന്‍ പാടില്ല. പ്രായം 18നും 50നും മധ്യേ. അപേക്ഷകര്‍ക്ക് ഓട്ടോടാക്സി ഓടിക്കുന്നതിനുള്ള ലൈസന്‍സും ബാഡ്ജും ഉണ്ടായിരിക്കണം. 3.70 ലക്ഷം രൂപ പദ്ധതി തുകയുള്ള വായ്പയ്ക്ക് വസ്തു അല്ലെങ്കില്‍ ഉദ്യോഗസ്ഥ ജാമ്യം നല്‍കണം. കൂടുതല്‍ വിവരങ്ങള്‍ക്ക് പന്തളം പോസ്റ്റാഫീസിന് സമീപമുള്ള കോര്‍പ്പറേഷന്‍റെ ജില്ലാ ഓഫീസുമായി ബന്ധപ്പെടണം. ഫോണ്‍: 04734 253381.

    ലോക എയ്ഡ്സ് ദിനാചരണവുമായി ബന്ധപ്പെട്ട് നാളെ (24ന്) വൈകിട്ട് 3.30ന് എഡിഎംന്‍റെ ചേംബറില്‍ യോഗം ചേരും.                        (പിഎന്‍പി 3116/17)

    കഴക്കൂട്ടം സൈനിക സ്കൂളിലെ 2018-19 വര്‍ഷത്തെ ആറ്, ഒമ്പത് ക്ലാസുകളിലേക്ക് അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി ഡിസംബര്‍ അഞ്ച്. അപേക്ഷാഫോറവും പ്രോസ്പെക്ടസും ഈ മാസം 30 വരെ വിതരണം ചെയ്യും. കൂടുതല്‍ വിവരം ംംം.മെശിശസരെവീീഹ്ാേ.ിശര.ശി എന്ന വെബ്സൈറ്റില്‍ ലഭിക്കും. 
                                            (പിഎന്‍പി 3115/17)

    വെണ്ണിക്കുളം ഗവണ്‍മെന്‍റ് പോളിടെക്നിക്ക് കോളേജിലെ കണ്ടിന്യൂയിംഗ്  എഡ്യുക്കേഷന്‍ സെല്ലില്‍ അലൂമിനിയം ഫാബ്രിക്കേഷന്‍ കോഴ്സിലേക്ക് അപേക്ഷിക്കാം. ഫോണ്‍: 0469 2651428.                                        (പിഎന്‍പി 3114/17)

കൊച്ചി:  മൂവാറ്റുപുഴ ബ്ലോക്ക് പഞ്ചായത്തിന്റെ 2017-18 വാര്‍ഷിക പദ്ധതിയിലുള്‍പെടുത്തി ശിശു വികസന പദ്ധതി ഓഫീസറുടെ ഓഫീസിലേക്ക് കംപ്യൂട്ടറുകളും അനുബന്ധ  ഉപകരണങ്ങളും വാങ്ങുന്നതിന് അംഗീകൃത സഥാപനങ്ങളില്‍ നിന്നും മത്സര സ്വഭാവമുള്ള മുദ്രവെച്ച ടെന്‍ഡറുകള്‍ ക്ഷണിച്ചു. നവംബര്‍ 24-ന് വൈകിട്ട്  മൂന്നു വരെ നല്‍കാം. അടങ്കല്‍ തുക 90,000  രൂപ. നിരതദ്രവ്യം 900 രൂപ. കൂടുതല്‍ വിവരങ്ങള്‍  ഫോണ്‍ 8281999194, 0485-2814205. 

കൊച്ചി:  പറവൂര്‍ ബ്ലോക്കിലെ സാമ്പത്തിക ബുദ്ധിമുട്ടുകള്‍മൂലം ഭവന നിര്‍മാണം മുടങ്ങികിടന്ന ഗുണഭോക്താക്കള്‍ക്ക് സംസ്ഥാന സര്‍ക്കാരിന്റെ ലൈഫ് മിഷന്‍ പദ്ധതിയിലൂടെ അധിക ധനസഹായം നല്‍കിക്കൊണ്ട് വീടു നിര്‍മ്മാണം പൂര്‍ത്തീകരിച്ചു. പറവൂര്‍ ബ്ലോക്ക് പഞ്ചായത്ത് പ്രസിഡന്റ് അഡ്വ.യേശുദാസ് പറപ്പിളളി പൂര്‍ത്തീകരിച്ച വീടുകള്‍ക്ക് താക്കോല്‍ദാന കര്‍മ്മം നിര്‍വഹിച്ചു.

കൊച്ചി:  പട്ടികജാതി വികസന വകുപ്പിന്റെ  കീഴില്‍ കണയന്നൂര്‍ താലൂക്കാഫീസിനു സമീപം പ്രവര്‍ത്തിക്കുന്ന ആണ്‍കുട്ടികള്‍ക്കായുളള പോസ്റ്റ് മെട്രിക് ഹോസ്റ്റലില്‍ റസിഡന്റ് ട്യൂട്ടറെ കരാര്‍ അടിസ്ഥാനത്തില്‍ നിയമിക്കുന്നതിന് ബിരുദാനന്തര ബിരുദവും, ബി.എഡും ഉളള പട്ടികജാതി വിഭാഗത്തില്‍പ്പെട്ട പുരുഷന്മാരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. ജില്ലയിലെ സര്‍ക്കാര്‍ എയ്ഡഡ് കോളേജുകളിലെയും ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി സ്‌കൂളുകളിലെയും അദ്ധ്യാപകര്‍ക്ക് മുന്‍ഗണന നല്‍കും. പ്രതിമാസ ഹോണറേറിയം 7500 രൂപ.