നെല്ലളന്ന കര്‍ഷകന് ഉടന്‍ സഹകരണ ബാങ്കുകളിലൂടെ പണം നല്‍കുന്നതിനായി സഹകരണ ബാങ്കുകളുടെ ഒരു കണ്‍സോര്‍ഷ്യം രൂപീകരിക്കാന്‍ തീരുമാനിച്ചതായി സഹകരണമന്ത്രി കടകംപള്ളി സുരേന്ദ്രന്‍ അറിയിച്ചു.

പൈലറ്റ് പദ്ധതിയായി ഈ വിളവെടുപ്പ് കാലം മുതല്‍ പാലക്കാട് ജില്ലയില്‍ പദ്ധതി നടപ്പാക്കും. കൃഷിവകുപ്പ്, ഭക്ഷ്യവകുപ്പ് എന്നിവയുമായി സഹകരിച്ചാകും പദ്ധതി നടപ്പാക്കുക.  ഇതിനുള്ള നിര്‍ദേശം കഴിഞ്ഞദിവസം വിളിച്ചുചേര്‍ത്ത യോഗത്തില്‍ മുഖ്യമന്ത്രി നല്‍കിയിരുന്നു. പദ്ധതിയുടെ നടത്തിപ്പ് വിലയിരുത്തി അടുത്ത വിളവെടുപ്പ് സീസണ്‍ മുതല്‍ സംസ്ഥാനത്തെ മറ്റ് ജില്ലകളിലേക്കും ഈ രീതി വ്യാപിപ്പിക്കും. 

 2017 ആഗസ്തില്‍ നടന്ന കെ ടെറ്റ് പരീക്ഷയുടെ സര്‍ട്ടിഫിക്കറ്റുകള്‍ ജില്ലാ വിദ്യാഭ്യാസ ഓഫീസില്‍ നിന്നും വിതരണം തുടങ്ങിയതായി വിദ്യാഭ്യാസ ഓഫീസര്‍ അറിയിച്ചു.   സര്‍ട്ടിഫിക്കറ്റ് പരിശോധന പൂര്‍ത്തിയായിട്ടുള്ളവര്‍ ഹാള്‍ടിക്കറ്റ് സഹിതം ഹാജരാകേണ്ടതാണ്.
പി.എന്‍.സി/393/2018
ലേലം ചെയ്യും
    സെന്‍ട്രല്‍ ജയില്‍ ഡയറി ഫാമിലെ ഒരു വയസില്‍ കൂടുതല്‍ പ്രായമുള്ള 9 കാളക്കുട്ടന്‍മാരെ 6 ന് രാവിലെ 11 മണിക്ക് സെന്‍ട്രല്‍ ജയില്‍ പരിസരത്ത് ലേലം ചെയ്യും.  
പി.എന്‍.സി/394/2018

ജില്ലയില്‍ എന്‍ സി സി/സൈനിക ക്ഷേമ വകുപ്പില്‍ ഡ്രൈവര്‍ ഗ്രേഡ് 2(എച്ച് ഡി വി-എക്‌സ് സര്‍വ്വീസ് മെന്‍) തസ്തികയുടെ തെരഞ്ഞെടുപ്പിനായി 2017  മെയ് 3 ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട ഉദേ്യാഗാര്‍ത്ഥികളുടെ ഇന്റര്‍വ്യൂ 7 ന് പി എസ് സി എറണാകുളം ജില്ലാ ഓഫീസില്‍ നടത്തും.  ഉദേ്യാഗാര്‍ത്ഥികള്‍ക്ക് വ്യക്തിഗത മെമ്മോ, പ്രൊഫൈല്‍ മെസേജ്, എസ് എം എസ് എന്നിവ അയച്ചിട്ടുണ്ട്.  ഇന്റര്‍വ്യൂ മെമ്മോ, ഒറ്റത്തവണ വെരിഫിക്കേഷന്‍ സര്‍ട്ടിഫിക്കറ്റ്, മറ്റ് അസ്സല്‍ പ്രമാണങ്ങള്‍ സഹിതം എറണാകുളം ജില്ലാ ഓഫീസില്‍ ഹാജരാകണം.  വ്യക്തിഗത മെമ്മോ ലഭിക്കാത്തവര്‍ കണ്ണൂര്‍ ജില്ലാ പി എസ് സി ഓഫീസുമായി ബന്ധപ്പെടണം. 

കെ.എസ്.ആര്‍.ടി.സി പെന്‍ഷന്‍കാരുടെ കുടിശ്ശിക പെന്‍ഷന്‍ ഉള്‍പ്പെടെയുള്ള പെന്‍ഷന്‍ വിതരണം സഹകരണബാങ്കുകള്‍ ഏറ്റെടുത്ത് നടത്തുമെന്ന് മന്ത്രി കടകംപള്ളി സുരേന്ദ്രന്‍ അറിയിച്ചു.  38,000ല്‍ അധികം വരുന്ന പെന്‍ഷന്‍കാര്‍ക്ക്  ശക്തമായ പ്രാഥമിക സര്‍വീസ് സഹകരണ ബാങ്കുകളാകും മുന്‍കൂറായി പെന്‍ഷന്‍ തുക അനുവദിക്കുക.

സംസ്ഥാന സര്‍ക്കാരാണ് വായ്പയ്ക്ക് ഗ്യാരന്റി നില്‍ക്കുന്നത്. ആറുമാസ കാലാവധിക്ക് 10 ശതമാനം പലിശ സര്‍ക്കാരില്‍നിന്ന് ബാങ്കുകള്‍ക്ക് അനുവദിക്കും. 

ആവശ്യപ്പെടുന്ന പെന്‍ഷന്‍കാര്‍ക്ക് വീടുകളില്‍ പെന്‍ഷന്‍ എത്തിക്കാനുള്ള സാഹചര്യമൊരുക്കും.

പി.എന്‍.എക്‌സ്.423/18

ജില്ലാ ആയുര്‍വേദ ആസുപത്രിയില്‍ കുക്ക് തസ്തികയിലേക്ക് താല്‍ക്കാലിക നിയമനം നടത്തുന്നു.  കൂടിക്കാഴ്ച 7 ന് രാവിലെ 10 മണിക്ക് താണ ആയുര്‍വേദ ആശുപത്രിയില്‍ നടത്തും.  താല്‍പര്യമുള്ള നല്ല ശാരീരിക ക്ഷമതയുള്ള 18 നും 50 നും ഇടയില്‍ പ്രായമുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം ഹാജരാകണം.  
പി.എന്‍.സി/391/2018
 

 പ്രധാനമന്ത്രി കൗശല്‍ വികാസ് യോജനയുടെ ഭാഗമായി തൃക്കരിപ്പൂര്‍ ഗവ.പോളിടെക്‌നിക്ക് കോളേജ് നടത്തുന്ന ഫീല്‍ഡ് ഷെക്‌നീഷ്യന്‍-കമ്പ്യൂട്ടിങ്ങ് ആന്റ് പെരിഫറല്‍സ്(ഇലക്‌ട്രോണിക്‌സ് തൊഴിലധിഷ്ഠിത കോഴ്‌സിന്  അപേക്ഷ ക്ഷണിച്ചു. 6 നുള്ളില്‍ അപേക്ഷ കോളേജ് ഓഫീസില്‍ ലഭിക്കണം. അപേക്ഷയോടൊപ്പം യോഗ്യതാ സര്‍ട്ടിഫിക്കറ്റ്, വയസ് തെളിയിക്കുന്ന രേഖകള്‍, ആധാര്‍ കാര്‍ഡ്, ജാതി സര്‍ട്ടിഫിക്കറ്റ് എന്നിവയുടെ പകര്‍പ്പുകളും ഒരു പാസ്‌പോര്‍ട്ട് സൈസ് ഫോട്ടോയും ഹാജരാക്കണം.  ഫേ.ണ്‍: 8921605014, 0467 2211400
പി.എന്‍.സി/389/2018

 ഡ്രഗ്‌സ് & മാജിക് റമഡീസ് ആക്ട് 1954 ചട്ടങ്ങള്‍ക്ക് വിരുദ്ധമായി ലൈംഗിക ശേഷി വര്‍ദ്ധിപ്പിക്കും എന്ന തരത്തില്‍ പരസ്യം ചെയ്ത് ശക്തി കാപ്‌സ്യൂള്‍സ് എന്ന മരുന്ന് നിര്‍മ്മിച്ച് വിതരണം ചെയ്തതിന് മേലെ ചൊവ്വയിലെ വൈദ്യാസ് ആയുര്‍വേദിക് പ്രൊഡക്ഷന്‍സ് & റിസര്‍ച്ച് ഡിവിഷന്‍ എന്ന സ്ഥാപനത്തിനെതിരെ തലശ്ശേരി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി 50,000 രൂപ പിഴയും കോടതി പിരിയിന്നതുവരെ തടവിനും ശിക്ഷ വിധിച്ചു.
പി.എന്‍.സി/388/2018

എട്ടാമത് കേരള സഹകരണ കോണ്‍ഗ്രസ് ഈമാസം 10 മുതല്‍ 12 വരെ കണ്ണൂരില്‍ സംഘടിപ്പിക്കുമെന്ന് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ അറിയിച്ചു. 'വൈവിധ്യങ്ങളിലൂടെ മുന്നോട്ട്' എന്നതാണ് ഇത്തവണത്തെ സഹകരണ കോണ്‍ഗ്രസിന്റെ മുദ്രാവാക്യം.

 മലബാര്‍ ദേവസ്വം ബോര്‍ഡിന് കീഴില്‍ തലശ്ശേരി താലൂക്കിലുള്ള പൂതൃക്കോവില്‍ ബലഭദ്ര ക്ഷേത്രത്തിലെ പാരമ്പരേ്യതര ട്രസ്റ്റിമാരുടെ ഒഴിവിലേക്ക് ഹിന്ദുമതവിശ്വാസികളായ ക്ഷേത്ര പരിസരവാസികളില്‍ നിന്നും അപേക്ഷ ക്ഷണിച്ചു.  പൂരിപ്പിച്ച അപേക്ഷ 15 ന് വൈകിട്ട് 5 മണിക്ക് മുമ്പ് തലശ്ശേരി അസി.കമ്മീഷണറുടെ ഓഫീസില്‍ ലഭിക്കണം.
പി.എന്‍.സി/387/2018

പതിമൂന്ന് ജില്ലകളിലെ 19 തദ്ദേശ സ്വയംഭരണ വാര്‍ഡുകളില്‍ ഫെബ്രുവരി 28നും തൃശൂര്‍ എളവള്ളി ഗ്രാമ പഞ്ചായത്തിലെ പറയ്ക്കാട് വാര്‍ഡില്‍ മാര്‍ച്ച് 3നും ഉപതെരഞ്ഞെടുപ്പ് നടത്താന്‍ സംസ്ഥാന തെരഞ്ഞെടുപ്പു കമ്മീഷന്‍  വിജ്ഞാപനം പുറപ്പെടുവിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്,     മലപ്പുറം, വയനാട്, കണ്ണൂര്‍, ജില്ലകളിലെ 17 ഗ്രാമപഞ്ചായത്ത് വാര്‍ഡുകളിലും  കോഴിക്കോട് ഒരു നഗരസഭാ വാര്‍ഡിലും   വയനാട്, കാസര്‍ ഗോഡ് ജില്ലകളിലെ ഓരോ ബ്ലോക്ക്പഞ്ചായത്ത് വാര്‍ഡിലുമാണ് ഉപതെരഞ്ഞെടുപ്പ്.