സംസ്ഥാനത്തെ എല്ലാ വില്ലേജ് ഓഫീസുകളും ആധുനിക സൗകര്യങ്ങളോടെ സ്മാര്‍ട്ട് ഓഫീസുകളാക്കുമെന്ന് റവന്യൂ മന്ത്രി ഇ. ചന്ദ്രശേഖരന്‍ പറഞ്ഞു. ചണ്ണപ്പേട്ട സ്മാര്‍ട്ട് വില്ലേജ് ഓഫീസിന് ശിലയിടുകയായിരുന്നു അദ്ദേഹം. ആകെയുള്ള 1664 വില്ലേജ് ഓഫീസുകളില്‍ പകുതിയും മൂന്ന് വര്‍ഷത്തിനകം ആധുനികവത്കരിക്കും. വാടക കെട്ടിടത്തില്‍ പ്രവര്‍ത്തിക്കുന്നവയ്ക്കും അടിയന്തര അറ്റകുറ്റപണി വേണ്ടവയ്ക്കും നിര്‍മാണഘട്ടത്തില്‍ മുന്‍ഗണന നല്‍കും. ഒരു വര്‍ഷം കുറഞ്ഞത് 150 ഓഫീസുകളെങ്കിലും പുനരുദ്ധരിക്കുയാണ് ലക്ഷ്യം. 

    സാക്ഷരതാ മിഷന്‍റെ ആഭിമുഖ്യത്തിലുള്ള ഹയര്‍ സെക്കന്‍ഡറി തുല്യതാ കോഴ്സിന്‍റെ മൂന്നാം ബാച്ചില്‍ രജിസ്റ്റര്‍ ചെയ്തിട്ടുള്ള പഠിതാക്കള്‍ ഈ മാസം 21ന് രാവിലെ 10ന് അതത് കേന്ദ്രങ്ങളില്‍ എത്തണം. സെന്‍റര്‍ കോ-ഓര്‍ഡിനേറ്റര്‍മാരുടെ പേരും പഠന കേന്ദ്രവും ചുവടെ. 

    ജില്ലാ കളക്ടര്‍ ആര്‍.ഗിരിജയുടെ നേതൃത്വത്തില്‍ അടൂര്‍ താലൂക്കുതല പരാതിപരിഹാര അദാലത്ത് നാളെ (20) രാവിലെ 9.30 മുതല്‍ അടൂര്‍ റവന്യു ടവറിലുള്ള ഹൗസിംഗ് ബോര്‍ഡ് കോണ്‍ഫറന്‍സ് ഹാളില്‍ നടക്കും. ഈ മാസം 10 വരെ ലഭിച്ച അപേക്ഷകളാണ് അദാലത്തില്‍ പരിഗണിക്കുന്നത്. മുഖ്യമന്ത്രിയുടെ ദുരിതാശ്വാസ നിധിയില്‍ നിന്നുള്ള ധനസഹായം, റേഷന്‍കാര്‍ഡ് സംബന്ധിച്ച പരാതികള്‍, കോടതി വഴി പരിഹാരം ലഭിക്കേണ്ടവ എന്നിവ ഒഴിച്ചുള്ള എല്ലാ പരാതികളും അദാലത്തില്‍ പരിഗണിക്കും. അദാലത്തില്‍ പൊതുജനങ്ങള്‍ക്ക് ജില്ലാ കളക്ടറെ നേരില്‍കണ്ട് പരാതികള്‍ നല്‍കാം.              (പിഎന്‍പി 146/18)

    തിരുവനന്തപുരം ശ്രീഅയ്യങ്കാളി മെമ്മോറിയല്‍ ഗവണ്‍മെന്‍റ് മോഡല്‍ റസിഡന്‍ഷ്യല്‍ സ്പോര്‍ട്സ് സ്കൂളില്‍ അഞ്ച് മുതല്‍ 10 വരെ ക്ലാസുകളിലേക്ക് പട്ടികവര്‍ഗ വിഭാഗത്തി ല്‍പ്പെട്ട കുട്ടികള്‍ക്ക് പ്രവേശനം നല്‍കുന്നതിന് ഈ മാസം 30ന് രാവിലെ 9.30ന് പത്തനംതിട്ട മുനിസിപ്പല്‍ സ്റ്റേഡിയത്തില്‍ സെലക്ഷന്‍ ട്രയല്‍ നടത്തും. 

ജില്ലാ വ്യവസായ കേന്ദ്രം, ഡല്‍ഹി ആസ്ഥാനമായി പ്രവര്‍ത്തിക്കുന്ന ഐഎല്‍ഒയുടെ സാങ്കേതിക സഹായത്തോടെ 20 ദിവസം നീണ്ടുനില്‍ക്കുന്ന ടെക്നോളജി മാനേജ്മെന്‍റ് പരിശീലന പരിപാടി സംഘടിപ്പിക്കുന്നു. ഈ മാസം 29 മുതല്‍ കോഴഞ്ചേരി ജില്ലാ വ്യവസായ കേന്ദ്രത്തിലാണ് പരിശീലനം. സ്റ്റാര്‍ട്ട് യുവര്‍ ഓണ്‍ ബിസിനസ്, ഇംപ്രൂവ് യുവര്‍ ഓണ്‍ ബിസിനസ്, ജനറേറ്റ് യുവര്‍ ഓണ്‍ ഐഡിയ തുടങ്ങിയ വിഷയങ്ങളും ഉത്പന്നം കണ്ടെത്തല്‍, നിര്‍മാണം, വിപണനം തുടങ്ങിയ വിഷയങ്ങളും പരിശീലനത്തിന്‍റെ ഭാഗമാണ്. എട്ടാം ക്ലാസ് പാസായ 45 വയസില്‍ താഴെയുള്ളവര്‍ക്ക് അപേക്ഷിക്കാം. ആദ്യം രജിസ്റ്റര്‍ ചെയ്യുന്ന 30 പേര്‍ക്കാണ് പരിശീലനം നല്‍കുന്നത്.