കോഴിക്കോട് കര്‍ഷക പരിശീലന കേന്ദ്രത്തിന്റെ നേതൃത്വത്തില്‍ ജനുവരി 18,19,20 തീയതികളില്‍ 30 കര്‍ഷകര്‍ക്ക് കൂണ്‍കൃഷിയില്‍ പരിശീലനം നല്‍കും. താല്‍പര്യമുള്ളവര്‍ പേര് രജിസ്റ്റര്‍ ചെയ്യണം. രാവിലെ 10 മണി മുതല്‍ 5 മണി വരെയാണ് പരിശീലനം. നേരത്തെ പരിശീലനം ലഭിച്ചവര്‍ രജിസ്റ്റര്‍ ചെയ്യേണ്ടതില്ല. മുന്‍ഗണന അടിസ്ഥാനത്തിലാണ് കര്‍ഷകരെ തെരഞ്ഞെടുക്കുന്നത്. ഫോണ്‍ 04952373582

ഭരണഭാഷ പൂര്‍ണ്ണമായും മലയാളത്തിലാക്കുക എന്ന പ്രഖ്യാപിത ലക്ഷ്യം കൈവരിക്കുന്നതിന്റെ ഭാഗമായി ജില്ലാതല ഓഫീസര്‍മാരെ പങ്കെടുപ്പിച്ച് ഏകദിന ഭരണഭാഷാവബോധന ബോധവത്കരണ പരിപാടി സംഘടിപ്പിക്കുന്നു.പരിപാടിയുടെ ഉദ്ഘാടനം ജനുവരി 18ന് രാവിലെ 10ന് കലക്ടറേറ്റ് സമ്മേളന ഹാളില്‍ തദ്ദേശസ്വയം ഭരണ വകുപ്പ് മന്ത്രി ഡോ. കെ.ടി. ജലീല്‍ നിര്‍വ്വഹിക്കും. പി. ഉബൈദുല്ല എം.എല്‍.എ അധ്യക്ഷത വഹിക്കും. ചടങ്ങില്‍ ഡോ.എം.എന്‍.കാരശ്ശേരി പ്രഭാഷണം നടത്തും. ഭരണഭാഷാ വിദഗ്ദന്‍ ആര്‍ ശിവകുമാര്‍ വിഷയമവതരിച്ച് സംസാരിക്കും. ഇതിനു പുറമെ ഭാഷാ പണ്ഡിത•ാരും മാതൃഭാഷാ സംഘടനകളുടെ പ്രതിനിധികളും പങ്കെടുക്കും.

ആലപ്പുഴ: അവശേഷിക്കുന്ന നിരക്ഷരരെയും കണ്ടെത്തുന്നതിനായി സാക്ഷരത മിഷൻ നടത്തിയ അക്ഷരലക്ഷം സാക്ഷരത സർവ്വേ ജനപങ്കാളിത്തം കൊണ്ട് ശ്രദ്ധേയമായി. ജില്ലയിൽ സാക്ഷരത കേന്ദ്രങ്ങൾ സ്ഥിതി ചെയ്യുന്ന വാർഡുകളിലാണ് മാത്രമാണ് സർവ്വേ നടത്തിയത്. നിരക്ഷരർ, നാലാംതരം വിജയിക്കാത്തവർ, ഏഴാംതരം വിജയിക്കാത്തവർ, പത്താംതരം വിജയിക്കാത്തവർ, ഹയർ സെക്കൻഡറി വിജയിക്കാത്തവർ എന്നിങ്ങനെയുള്ളവരെ സർവ്വേയിലൂടെ കണ്ടെത്തി തുടർപഠനത്തിനുള്ള അവസരം സാക്ഷരത മിഷൻ ഒരുക്കും. കണ്ടെത്തിയ നിരക്ഷരരെ മുഴുവൻ ക്ലാസുകളിലെത്തിക്കും. ജനുവരി 19ന് സർവ്വേ ജില്ലാതലത്തിൽ ക്രോഡീകരിക്കും.

കോഴിക്കോട് ജില്ലയില്‍ വിവിധ വകുപ്പുകളില്‍ ലിഫ്റ്റ് ഓപ്പറേറ്റര്‍ (കാറ്റഗറി നമ്പര്‍ 296/14) തസ്തികയില്‍ ഉള്‍പ്പെട്ടവരുടെ സാധ്യത പട്ടിക പ്രസിദ്ധീകരിച്ചു.

ആലപ്പുഴ: ജില്ലാ പദ്ധതിയുടെ കരട് ചർച്ച ചെയ്യുന്നതിനും അഭിപ്രായ രൂപീകരണത്തിനുമായി ഇന്നു (ജനുവരി 16) നടത്താനിരുന്ന വികസന സെമിനാർ ജനുവരി 19ലേക്ക് മാറ്റി. രാവിലെ 10ന് ജില്ലാ ആസൂത്രണ കോൺഫറൻസ് ഹാളിൽ നടക്കും. (പി.എൻ.എ. 100/2018)

ഉല്‍പാദന പ്രക്രിയയിലും ജോബ് വര്‍ക്കിലും ഏര്‍പ്പെട്ടിരിക്കുന്ന നാനോ, കുടില്‍ വ്യവസായങ്ങളില്‍ ബാങ്ക് വായ്പ കൈപ്പറ്റിയ സംരഭകര്‍ക്ക്് ആനുകൂല്യം നല്കും. അഞ്ച് ലക്ഷം വരെ മുതല്‍ മുടക്കില്‍ ആരംഭിച്ച, മലിനീകരണ നിയന്ത്രണ ബോര്‍ഡിന്റെ മാനദണ്ഡമനുസരിച്ച് വൈറ്റ് കാറ്റഗറിയില്‍പ്പെടുന്ന നാനോ, കുടില്‍ വ്യവസായങ്ങള്‍ക്കാണ് ആനുകൂല്യത്തിന് അര്‍ഹത. ഇത്തരം സംരംഭകര്‍ക്ക് ബാങ്കില്‍ നിന്നും സ്ഥിര മൂലധന നിക്ഷേപ വായ്പയിന്‍മേല്‍ ആദ്യത്തെ മൂന്ന് വര്‍ഷം നല്‍കിയ പലിശയുടെ ആറ് മുതല്‍ എട്ട് ശതമാനം വരെ റീ-ഇംബേഴ്‌സ് ചെയ്ത് കൊടുക്കും.

സ്റ്റോണ്‍ ബ്രേക്കിംഗ്/ക്രഷിംഗ്, കണ്‍സ്ട്രക്ഷന്‍/മെയിന്റനന്‍സ് ഓഫ് റോഡ്‌സ് & ബില്‍ഡിംഗ് ഓപ്പറേഷന്‍സ് മേഖലകളിലെ തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുള്ള ഉപസമിതിയുടെ തെളിവെടുപ്പ് യോഗം ജനുവരി 20 ന് രാവിലെ 10.30 മണി മുതല്‍ കോഴിക്കോട് ബാങ്ക് റോഡിലെ വ്യാപാരി വ്യവസായി ഏകോപന സമിതി കോണ്‍ഫറന്‍സ് ഹാളില്‍ ചേരും. യോഗത്തില്‍ തൊഴിലാളി/തൊഴിലുടമ പ്രതിനിധികള്‍ പങ്കെടുക്കണമെന്ന് ജില്ലാ ലേബര്‍ ഓഫീസര്‍ അറിയിച്ചു.

വിദ്യാര്‍ഥികളെ എന്തുപ്രശ്‌നങ്ങളെയും നേരിടുന്നതരത്തില്‍ ആത്മധൈര്യമുള്ളവരാക്കി മാറ്റുവാന്‍ സംസ്ഥാന വനിതകമ്മീഷന്റെ നേതൃത്വത്തില്‍ നടപ്പിലാക്കുന്ന ദീര്‍ഘകാല പദ്ധതിയായ കലാലയ ജ്യോതിക്ക് ഇന്ന്(16) ജില്ലയില്‍ തുടക്കമാകും.

വനിതാ കമ്മീഷന് പരിഹരിക്കാന്‍ കഴിയുന്ന വിവിധങ്ങളായ കേസുകള്‍ നിലവില്‍ കോടതികളുടെ പരിഗണനയിലുണ്ടെന്ന് വനിത കമ്മീഷന്‍ അംഗങ്ങളായ ഷാഹിദ കമാല്‍, ഇ.എം രാധ എന്നിവര്‍ പറഞ്ഞു. എന്നാല്‍ ഇത്തരം കേസുകള്‍ കോടതികളില്‍ നിലനില്‍ക്കുന്നതിനാല്‍ വനിത കമ്മീഷന് പരിഗണിക്കുന്നതിന് പരിമിതിയുണ്ട്. കമ്മീഷനിലെത്തുന്ന പല കേസുകളും കോടതിയുടെ പരിഗണനയിലിരിക്കുന്നതാണ്. നിയമപരമായി ജനങ്ങള്‍ക്ക് അറിവില്ലാത്തതുകൊണ്ടാകാം ചെറിയ പ്രശ്‌നങ്ങള്‍ക്ക് പോലും കോടതികളിലേക്ക് പോകുന്നത്. കുടുംബ പ്രശ്‌നങ്ങള്‍ പോലെയുള്ള പരാതികള്‍ ആദ്യംതന്നെ കമ്മീഷന് നേരിട്ടു തന്നാല്‍ രമ്യമായി പരിഹരിക്കാന്‍ കഴിയും.

ജില്ലയില്‍ സംസ്ഥാന വനിതകമ്മീഷന്‍ നടത്തിയ അദാലത്തില്‍ 16 പരാതികള്‍ തീര്‍പ്പാക്കി. കാസര്‍കോട് കളക്ടറേറ്റ് കോഫറന്‍സ് ഹാളില്‍ വനിത കമ്മീഷന്‍ അംഗങ്ങളായ ഷാഹിദ കമാല്‍, ഇ.എം രാധ എന്നിവരുടെ നേതൃത്വത്തില്‍ നടന്ന അദാലത്തില്‍ മൊത്തം 38 പരാതികളാണ് പരിഗണിച്ചത്. ഇതില്‍ ഒന്‍പതു പരാതികളില്‍ പോലീസിനോട് വിവിധ വകുപ്പുകളോടും നാലു പരാതികളില്‍ ആര്‍ഡിഒ യോടും റിപ്പോര്‍ട്ട് തേടി. ഒന്‍പതു പരാതികള്‍ തുടര്‍ നടപടികള്‍ക്കായി അടുത്ത സിറ്റിംഗില്‍ പരിഗണിക്കും. ലീഗല്‍പാനല്‍ അംഗങ്ങളായ അഡ്വ.