ഓഖി ചുഴലിക്കാറ്റില്‍ ദുരിതമനുഭവിക്കുന്നവര്‍ക്കായി മുഖ്യമന്ത്രിയുടെ ദുരിതാശ്വാസ  നിധിയിലേക്ക് ജില്ലാ സഹകരണ ബാങ്കിന്റെ പൊതുനന്മ ഫണ്ടില്‍ നിന്ന് രണ്ട് ലക്ഷം രൂപ നല്‍കിയതായി ബാങ്ക് അഡ്മിനിസ്‌ട്രേറ്റര്‍ വി.മുഹമ്മദ് നൗഷാദ്, ജനറല്‍ മാനേജര്‍ പി.ഗോപകുമാര്‍ എന്നിവര്‍ അറിയിച്ചു.

സംസ്ഥാന ജൈവവൈവിധ്യ ബോര്‍ഡും വിദ്യാഭ്യാസവകുപ്പും സംയുക്തമായി ജില്ലാതലത്തില്‍  സ്‌കൂള്‍ വിദ്യാര്‍ത്ഥികള്‍ക്കായി പ്രോജക്ട് അവതരണം, വാട്ടര്‍ കളര്‍ പെയ്ന്റിംഗ്, ക്വിസ്സ് എന്നിവയില്‍  മത്സരങ്ങള്‍ നടത്തും. ജനുവരി ഏഴിന് മലപ്പുറം ജി.ജി.എച്ച്.എസ്.എ സിലായിരിക്കും മത്സരങ്ങള്‍ നടക്കുക.

സി.കെ.ശശീന്ദ്രന്‍ എം.എല്‍.എ.യുടെ പ്രതേ്യക വികസന നിധിയില്‍ നിന്നും മൂപ്പൈനാട് പി.എച്ച്.സി. മുഖേനയുളള പാലിയേറ്റീവ് പ്രവര്‍ത്തനങ്ങള്‍ക്ക് ആംബുലന്‍സ് അനുവദിക്കുന്നതിന് അഞ്ച് ലക്ഷം രൂപ അനുവദിച്ച് ജില്ലാ കളക്ടര്‍ ഭരണാനുമതിയായി.

ഫെബ്രുവരി 18, 19 തിയ്യതികളില്‍ പെരിന്തല്‍മണ്ണ ശിഫാ കണ്‍വെന്‍ഷന്‍ സെന്ററില്‍ നടക്കുന്ന  പഞ്ചായത്ത് ദിനാഘോഷത്തിന്റെ നടത്തിപ്പിനായി സംഘാടക സമിതി രൂപീകരിച്ചു.  
മലപ്പുറം ടൗണ്‍ ഹാളില്‍ ചേര്‍ന്ന സ്വാഗത സംഘാടക സമതി രൂപീകരണ യോഗം ജില്ലാ പഞ്ചായത്ത് പ്രസിഡന്റ് എ.പി. ഉണ്ണികൃഷ്ണന്‍ ഉദ്ഘാടനം ചെയ്തു.  അഡ്വ. തുളസിഭായ് അധ്യക്ഷത വഹിച്ചു.  പഞ്ചായത്ത് ഡയറക്ടര്‍ മേരിക്കുട്ടി, അനില്‍കുമാര്‍, എ.കെ. നാസര്‍ തുടങ്ങി ജനപ്രതിനിധികളും ഉദ്യോഗസ്ഥരും യോഗത്തില്‍ പങ്കെടുത്തു. 

       ആലപ്പുഴ: ജില്ലാ അഗ്രിഹോർട്ടിക്കൾച്ചറൽ സൊസൈറ്റിയുടെ 2017 ലെ കർഷക ശ്രേഷ്0 പുരസ്‌കാരത്തിന് പാണാവള്ളി  സ്വദേശി പി.എ. സമീറിനെ തെരഞ്ഞെടുത്തു. 2000 മാണ്ടിൽ മികച്ച കർഷകനായി തെരഞ്ഞടുക്കപ്പെട്ടിരുന്നു. ഡിസംബർ 25ന്  വൈകിട്ട് നാലിന് നടക്കുന്ന ചടങ്ങിൽ സംസ്ഥാന ഭക്ഷ്യ സിവിൽ സപ്ലൈസ് വകുപ്പ് മന്ത്രി. പി.തിലോത്തമൻ പുരസ്‌കാരം സമ്മാനിക്കും. 

(പി.എൻ.എ.3091/17)

ആലപ്പുഴ: സാഗര ആശുപത്രിയിൽ ഡയാലിസിസ് ടെക്‌നീഷ്യന്റെയും ബയോമെഡിക്കൽ എൻജിനീയറുടെയും താത്കാലിക ഒഴിവിലേക്ക് യോഗ്യതയുള്ള ഉദ്യോഗാർഥികളിൽ നിന്ന് അപേക്ഷ ക്ഷണിച്ചു. ജനുവരി മൂന്നു വരെ അപേക്ഷ സ്വീകരിക്കും. കൂടുതൽ വിവരങ്ങൾ www.sagarahospital.org  എന്ന വെബ്‌സൈറ്റിലും ലഭിക്കും. 

(പി.എൻ.എ.3090/17)