ജില്ലയുടെ സമഗ്ര വികസനം വിഭാവനം ചെയ്യുന്നതിന് ഉപസമിതികള്‍ തയ്യാറാക്കിയ പരിഷ്‌കരിച്ച കരട് റിപ്പോര്‍ട്ട് അവതരണ യോഗം ഡിസംബര്‍ 20ന് രാവിലെ 10ന് ജില്ലാ പഞ്ചായത്ത് സമ്മേളന ഹാളില്‍ ചേരും.

ഭൂമി ഏറ്റെടുക്കലുമായി ബന്ധപ്പെട്ട പഠനം വിലയിരുത്തുന്നതിന് വിദഗ്ധ സമിതി രൂപീകരണത്തിനായി സാമൂഹ്യ ശാസ്ത്രഞ്ജ•ാര്‍, പുനരധിവാസ പ്രവര്‍ത്തന വിദഗ്ധര്‍ എന്നിവരുടെ ഒഴിവിലേക്ക് അപേക്ഷ ക്ഷണിച്ചു.
 സാമൂഹ്യ ശാസ്ത്രമേഖലയിലുള്ള പഠനത്തില്‍ പ്രാവീണ്യമുള്ളവര്‍ക്ക് സാമൂഹ്യ ശാസ്ത്രഞ്ജ•ാരുടെ അനൗദ്യോഗിക ഒഴിവിലേക്ക് അപേക്ഷിക്കാം.  കോളേജ് അധ്യാപകര്‍, ഹയര്‍ സെക്കന്‍ഡറി അധ്യാപകര്‍ എന്നിവര്‍ക്ക് മുന്‍ഗണന നല്‍കും.

സംസ്ഥാന ഊര്‍ജ്ജ വകുപ്പിന് കീഴിലുള്ള അനെര്‍ട്ട് - ഏജന്‍സി ഫോര്‍ നോണ്‍ കണ്‍വെന്‍ഷന്‍ എനര്‍ജി ആന്‍ഡ് റൂറല്‍ ടെക്‌നോളജിയെ ഏജന്‍സി ഫോര്‍ ന്യൂ ആന്‍ഡ് റിന്യൂവബിള്‍ എനര്‍ജി റിസര്‍ച്ച് ആന്‍ഡ് ടെക്‌നോളജി എന്ന് പുനര്‍ നാമകരണം ചെയ്യപ്പെടുന്നതിന്റെ ഭാഗമായി ലോഗോ ഡിസൈന്‍ ക്ഷണിക്കുന്നു.  ഡിസംബര്‍ 27നകം ലോഗോ ഡിസൈന്‍ ഡയറക്ടര്‍, അനെര്‍ട്ട്, വികാസ്ഭവന്‍, പി.ഒ. തിരുവനന്തപുരം 22 വിലാസത്തില്‍ ലഭിക്കണം.  വിവരങ്ങള്‍ ംംം.മിലൃ.േശി വെബ് സൈറ്റില്‍ ലഭിക്കും.  

സംസ്ഥാന തല പഞ്ചായത്ത് ദിനാഘോഷം ഫെബ്രുവരി 18,19 തീയതികളില്‍ പെരിന്തല്‍മണ്ണയില്‍ നടക്കും. പെരിന്തല്‍ മണ്ണ അള്‍ശിഫ കണ്‍വന്‍ഷന്‍ സെന്ററില്‍ നടക്കുന്ന പരിപാടി മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
പരിപാടിയുടെ വിജയകരമായ നടത്തിപ്പിനുള്ള സംഘാടക സമിതി യോഗം ഡിസംബര്‍ 21 ഉച്ചക്ക് രണ്ടിന് മലപ്പുറം ടൗണ്‍ ഹാളില്‍ നടക്കും.തദ്ദേശ സ്വയം ഭരണ വകുപ്പുമന്ത്രി ഡോ.കെ.ടി.ജലീല്‍ അധ്യക്ഷത വഹിക്കുന്ന യോഗത്തില്‍ ജില്ലയിലെ എം.എല്‍.എ.,എം.പി.മാര്‍,ജില്ലാപഞ്ചായത്ത് പ്രസിഡന്റ് തുടങ്ങിയവര്‍ പങ്കെടുക്കും.

ഫിഷറീസ് മത്സ്യത്തൊഴിലാളി സമ്പാദ്യ ആശ്വാസ പദ്ധതി ഡിസംബര്‍ മാസ ഗുണഭോക്തൃ വിഹിത സമാഹരണം ഡിസംബര്‍ 26 മുതല്‍ 30 വരെയുള്ള ദിവസങ്ങളില്‍ നടക്കും.  ഉള്‍നാടന്‍ ഡിസംബര്‍ 26 നും കടല്‍  (പാലപ്പെട്ടി, പുതുപൊന്നാനി, മിന്‍തെരുവ്, പറവണ്ണ, എളാരന്‍-ഒസ്സാന്‍കടപ്പുറം,  കോര്‍മന്‍ കടപ്പുറം, പരപ്പനങ്ങാടി അരയന്‍കടപ്പുറം) ഡിസംബര്‍ 27, 28 തിയ്യതികളിലും മറ്റു് മത്സ്യഗ്രാമങ്ങളിലേത് 29, 30  തിയ്യതികളിലും സ്വീകരിക്കും. ആധാര്‍ കോപ്പി നല്‍കിയിട്ടില്ലാത്തവര്‍ ആയതിന്റെ കോപ്പി കൊണ്ടുവരണം. ഡിസംബര്‍ മാസ തുകയായ 250 രൂപയാണ് അടക്കേണ്ടത്

വ്യാപകമായ നാശനഷ്ടങ്ങള്‍ വിതച്ച ഓഖി ചുഴലിക്കാറ്റു മൂലം കടലില്‍ പോകാന്‍ കഴിയാതെ തൊഴില്‍ നഷ്ടപ്പെട്ടവര്‍ക്ക് സമാശ്വാസമായി സര്‍ക്കാര്‍ നിര്‍ദേശ പ്രകാരം 3.2 കോടി രൂപ വിതരണം ചെയ്തതായി ഫിഷറീസ് ഡപ്യുട്ടി ഡയരക്ടര്‍ അറിയിച്ചു. പ്രാഥമിക ഘട്ടത്തില്‍ ജില്ലയില്‍ 14,578 പേര്‍ക്കാണ് ഇതിന്റെ ആനുകൂല്യം ലഭിച്ചത്. ബാക്കിയുള്ള കുടുംബങ്ങള്‍ക്ക് നല്‍കുന്ന നടപടി ഫിഷറീസ് വകുപ്പ് സ്വീകരിച്ചിട്ടുണ്ട്. ഒരു കുടുംബത്തിന് 2000 രൂപയാണ് സമാശ്വാസമായി നല്‍കിയത്.
ഇതിനു പുറമെ സിവില്‍ സപ്ലൈസ് വകുപ്പ് തീരദേശ മേഖലയിലെ 5,424 കുടുംബങ്ങള്‍ക്ക്  15 കിലോ വീതം അരിയും സൗജന്യമായി വിതരണം നടത്തിയിട്ടുണ്ട്.

 ജില്ലയില്‍ വോട്ടര്‍ പട്ടിക പുതുക്കലിന് 17,110 പുതിയ അപേക്ഷകര്‍. 2018 ന് 18 വയസ്സ് തികയുന്നവരെ ഉള്‍പ്പെടുത്തി തെരഞ്ഞെടുപ്പ് കമ്മിഷന്‍ തയ്യാറാക്കുന്ന വോട്ടര്‍ പട്ടികയിലേക്കാണ് ജില്ലയില്‍ നിന്ന് 17,110  പുതിയ അപേക്ഷകരുള്ളത്. ഇതില്‍ 74 പേര്‍ പ്രവാസികളാണ്.

ആലപ്പുഴ: ക്ഷീരമേഖലയെ സജീവമാക്കാൻ സാധിച്ചതിലൂടെ ജില്ലയിലെ പാൽ ഉൽപാദനത്തിൽ ഏഴര ശതമാനം വർദ്ധനവുണ്ടായതായി ക്ഷീരവികസന-മൃഗസംരക്ഷണ-വനം വകുപ്പു മന്ത്രി അഡ്വ. കെ. രാജു പറഞ്ഞു. ക്ഷീരവികസന വകുപ്പ് മുഹമ്മയിൽ സംഘടിപ്പിച്ച ജില്ലാ ക്ഷീരകർഷക സംഗമം  ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മുഹമ്മ നോർത്ത് ക്ഷീരസംഘം ഫെസിലിറ്റേഷൻ  സെന്ററിലെ ഉദ്ഘാടനവും അദ്ദേഹം നിർവഹിച്ചു.