ഡിസംബര്‍ മാസത്തെ ജില്ലാ വികസന സമിതി യോഗം ഇന്ന് (ഡിസംബര്‍ 30) രാവിലെ 11 ന്  കളക്‌ട്രേറ്റ് കോണ്‍ഫറന്‍സ് ഹാളില്‍ ചേരും. 

ലോക കേരള സഭയുടെ ഭാഗമായി കനകക്കുന്നില്‍ സംഘടിപ്പിക്കുന്ന വസന്തോത്സവം 2018 ല്‍ വ്യാപാര സ്റ്റാളുകള്‍ക്കായി ജനുവരി മൂന്നിന് വൈകിട്ട് അഞ്ച് മണി വരെ അപേക്ഷിക്കാം.  അപേക്ഷാഫോം കനകക്കുന്നിലെ ഫെസ്റ്റിവല്‍ ഓഫീസില്‍ ലഭിക്കും.

                                      പി.എന്‍.എക്‌സ്.5563/17

കൈകള്‍ക്ക് സ്വാധീനമില്ലാത്തതും മസ്തിഷ്‌ക സംബന്ധമായ വൈകല്യമുള്ളവര്‍ക്കും കേരള ടീച്ചേഴ്‌സ് എലിജിബിലിറ്റി ടെസ്റ്റ് (കെ-ടെറ്റ്), സ്റ്റേറ്റ് എലിജിബിലിറ്റി ടെസ്റ്റ് (സെറ്റ്) പരീക്ഷകള്‍ക്ക് സ്‌ക്രൈബിന്റെ സേവനവും ഓരോ മണിക്കൂറിനും 20 മിനിറ്റ് അധിക സമയവും അനുവദിച്ച് സര്‍ക്കാര്‍ ഉത്തരവായി.  40 ശതമാനമോ അധികമോ വൈകല്യമുണ്ടെന്ന് തെളിയിക്കുന്ന മെഡിക്കല്‍ ബോര്‍ഡ് സര്‍ട്ടിഫിക്കറ്റിന്റെ അടിസ്ഥാനത്തിലായിരിക്കും ഈ ആനുകൂല്യം ലഭിക്കുക.  

കൊച്ചി: എറണാകുളം ജില്ലാ അഗ്രി-ഹോര്‍ട്ടികള്‍ച്ചര്‍ സൊസൈറ്റി സംഘടിപ്പിക്കുന്ന 36-ാമത് കൊച്ചി പുഷ്‌പോത്സവം എറണാകുളത്തപ്പന്‍ മൈതാനത്ത് വ്യവസായ വകുപ്പ് മന്ത്രി എ.സി. മൊയ്തീന്‍ ഉദ്ഘാടനം ചെയ്തു. തിരക്കേറിയ ജീവിതത്തിനിടയില്‍ മനസിന് ആശ്വാസവും കുളുര്‍മയും പകരാന്‍ പുഷ്പങ്ങളുടെയും ഫലങ്ങളുടെയും വൈവിധ്യമാര്‍ന്ന കലവറയ്ക്ക് കഴിയുമെന്ന് അദ്ദേഹം പറഞ്ഞു. കേരളത്തിന്റെ നഷ്ടപ്പെട്ടു പോകുകയായിരുന്ന ജൈവവൈവിധ്യം സംരക്ഷിക്കാന്‍ ഇപ്പോഴത്തെ തലമുറ നടത്തുന്ന ശ്രമങ്ങള്‍ വളരെ വലുതാണെന്നും മന്ത്രി അഭിപ്രായപ്പെട്ടു.

ശബരിമലയിലെ അടിസ്ഥാന സൗകര്യവികസനം, തീര്‍ഥാടകര്‍ക്കുളള സൗകര്യങ്ങള്‍ തുടങ്ങി എല്ലാകാര്യങ്ങളും സമയബന്ധിതമായി ചെയ്യുന്നതിന് ടി.കെ.എ നായര്‍ ചെയര്‍മാനായി സര്‍ക്കാര്‍ ഉപദേശക സമിതി രൂപീകരിച്ചു. റിട്ടയര്‍ഡ് ഐ.എ.എസ് ഉദ്യോഗസ്ഥനായ ടി.കെ.എ നായര്‍ ഡോ. മന്‍മോഹന്‍ സിങ് പ്രധാനമന്ത്രിയായിരിക്കുമ്പോള്‍ അദ്ദേഹത്തിന്റെ പ്രിന്‍സിപ്പല്‍ സെക്രട്ടറിയായിരുന്നു. 

സംസ്ഥാനത്തിന്റെ വികസന പ്രവര്‍ത്തനങ്ങളുടെ ധനശേഖരണത്തിന്റെ ഭാഗമായി 1000 കോടി രൂപ കടപ്പത്രം വഴി സമാഹരിക്കുന്നു. ഇതിനായുളള ലേലം ജനുവരി രണ്ടിന് മുംബൈ ഫോര്‍ട്ടിലുളള റിസര്‍വ് ബാങ്കില്‍ നടക്കും. ഇ-കുബേര്‍ സിസ്റ്റത്തിലൂടെയാണ് ഇടപാടുകള്‍. ലേലം സംബന്ധിച്ച വിശദാംശം സംസ്ഥാന ധനവകുപ്പിന്റെ വെബ്സൈറ്റായ www.finance.kerala.gov.in ല്‍ ലഭിക്കും. (വിജ്ഞാപന നമ്പര്‍ എസ്.എസ്.1/437/2017ധനവകുപ്പ് തീയതി 29.12.2017).

               പി.എന്‍.എക്‌സ്.5560/17

ഓഖി ദുരന്ത വേളയില്‍ കേരളം നടത്തിയത് സ്തുത്യര്‍ഹമായ സേവനമാണെന്ന് കേന്ദ്ര സംഘം വിലയിരുത്തി. മന്ത്രിമാരായ ഇ. ചന്ദ്രശേഖരന്‍, ഡോ. ടി. എം. തോമസ് ഐസക്ക് എന്നിവരുടെ സാന്നിധ്യത്തില്‍ മാസ്‌കറ്റ് ഹോട്ടലില്‍ നടന്ന അവലോകന യോഗത്തിലാണ് കേന്ദ്ര സംഘത്തലവന്‍ ബിപിന്‍ മല്ലിക് കേരളത്തിന്റെ നടപടികളെ അഭിനന്ദിച്ചത്.