2018 ജനുവരിയില്‍ സംസ്ഥാന സര്‍ക്കാര്‍ നടത്തുന്ന ലോക കേരളസഭയുമായി ബന്ധപ്പെട്ട എഫ്.എം. റേഡിയോ പരസ്യങ്ങള്‍ യു.എ.ഇയില്‍ പ്രക്ഷേപണം ചെയ്യുന്നതിന് എഫ്.എം. റേഡിയോ നിലയങ്ങളില്‍ നിന്നും, ഈ മേഖലയിലെ ഏജന്‍സികളില്‍ നിന്നും താത്പര്യപത്രം ക്ഷണിച്ചു.  വിശദവിവരം ഡയറക്ടര്‍, ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പ്, സൗത്ത് ബ്ലോക്ക്, ഗവ. സെക്രട്ടേറിയറ്റ് തിരുവനന്തപുരം - 1 എന്ന വിലാസത്തില്‍ ലഭിക്കും.  താത്പര്യപത്രം സമര്‍പ്പിക്കേണ്ട അവസാന തീയതി 2018 ജനുവരി മൂന്ന് വൈകിട്ട് നാല് മണി.  ഫോണ്‍: 0471 2518443, 2518442, 2518092

   പി.എന്‍.എക്‌സ്.5544/17

കൊച്ചി: മുന്‍ മുഖ്യമന്ത്രി വി.എസ്.അച്യുതാനന്ദന്‍ അധ്യക്ഷനായ ഭരണപരിഷ്‌കാര കമ്മീഷന്‍ സംസ്ഥാനത്തിന്റെ വിവിധ ഭാഗങ്ങളില്‍ പൊതുജനാഭിപ്രായം തേടുന്നതിനായി പബ്ലിക് ഹിയറിംഗുകള്‍ നടത്തി വരുന്നു. ഇതിന്റെ ഭാഗമായി ജില്ലയില്‍ ജനുവരി നാലിന് രാവിലെ 10 മുതല്‍ എറണാകുളം ടൗണ്‍ ഹാളില്‍ ഹിയറിംഗ് നടത്തുന്നു. ചെയര്‍മാന്‍, കമ്മീഷന്‍ അംഗങ്ങള്‍ എന്നിവര്‍ പങ്കെടുക്കുന്ന ഹീയറിംഗില്‍   കുടിയേറ്റ തൊഴിലാളികള്‍, മുതിര്‍ന്ന പൗരന്മാര്‍ എന്നിവരുടെ ക്ഷേമം സംബന്ധിച്ച് ഹിയറിംഗ് നടത്തും. പൊതുജനങ്ങള്‍ക്ക് കമ്മീഷന്റെ  ശ്രദ്ധയില്‍പ്പെടുത്തേണ്ടതായ വിവരങ്ങള്‍ നേരിട്ട് കമ്മീഷനെ അറിയിക്കാം.

ലേബര്‍ വെല്‍ഫെയര്‍ ഫണ്ട്; അംശാദായം അടക്കണം
കൊച്ചി: ലേബര്‍ വെല്‍ഫെയര്‍ ഫണ്ട് നിയമം 1975 അനുസരിച്ച് ജില്ലയിലെ ഫാക്ടറികള്‍, ബാങ്കുള്‍, സഹകരണ ബാങ്കുകള്‍, വിവിധ സൊസൈറ്റികള്‍ തുടങ്ങി ലേബര്‍ വെല്‍ഫെയര്‍ ഫണ്ട് നിയമം ബാധകമാകുന്ന എല്ലാ സ്ഥാപനങ്ങളും ജനുവരി 15-ന് മുമ്പായി അവരുടെ അംശാദായം എറണാകുളം ജില്ലാ ഓഫീസില്‍ ഒടുക്കേണ്ടതാണെന്ന് എറണാകുളം ലേബര്‍ വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു.

കാളികാവ് 33 കെ.വി.സബ് സ്റ്റേഷനില്‍ പണി നടക്കുന്നതിനാല്‍ പദ്ധതിയില്‍ നിന്നുള്ള 11 കെ.വി. സബ് സ്റ്റേഷന്‍ പരിധിയില്‍ രാവിലെ എട്ടുമണി മുതല്‍ വൈകിട്ട് മൂന്ന് വരെ വൈദ്യതി മുടങ്ങും.

ജില്ലാ തല ബാങ്കിംഗ് അവലോകന സമിതി യോഗം ഇന്ന് (ഡിസംബര്‍ 27)രാവിലെ 10 ന് ഹോട്ടല്‍ മഹേന്ദ്രപുരിയില്‍ നടക്കും.

അരീക്കോട് സുല്ലമുസ്സലാം ഓറിയന്റല്‍ ഹയര്‍ സെക്കന്ററി സ്‌കൂള്‍ എന്‍.എസ്.എസ് യൂണിറ്റിന്റെ സപ്തദിന ക്യാമ്പിനോടനുബന്ധിച്ച കിഴുപറമ്പ് പഞ്ചായത്തിലെ കുനിയില്‍ പ്രദേശത്ത് ജനകീയ മനുഷ്യച്ചങ്ങല തീര്‍ത്തു.

    വിദേശത്ത് തൊഴില്‍ തേടുന്നവര്‍ക്കായി നോര്‍ക്ക റൂട്ട്‌സ് നടത്തുന്ന തൊഴില്‍    വൈദഗ്ധ്യ പരിശീലനത്തിന് അപേക്ഷ ക്ഷണിക്കുന്നു.