ആലപ്പുഴ: ക്ഷീരമേഖലയെ സജീവമാക്കാൻ സാധിച്ചതിലൂടെ ജില്ലയിലെ പാൽ ഉൽപാദനത്തിൽ ഏഴര ശതമാനം വർദ്ധനവുണ്ടായതായി ക്ഷീരവികസന-മൃഗസംരക്ഷണ-വനം വകുപ്പു മന്ത്രി അഡ്വ. കെ. രാജു പറഞ്ഞു. ക്ഷീരവികസന വകുപ്പ് മുഹമ്മയിൽ സംഘടിപ്പിച്ച ജില്ലാ ക്ഷീരകർഷക സംഗമം  ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മുഹമ്മ നോർത്ത് ക്ഷീരസംഘം ഫെസിലിറ്റേഷൻ  സെന്ററിലെ ഉദ്ഘാടനവും അദ്ദേഹം നിർവഹിച്ചു.

    ക്രിസ്തുമസ്-പുതുവത്സര ആഘോഷത്തോടനുബന്ധിച്ച് ഡിസംബര്‍ 18 മുതല്‍ 30 വരെ കേരള ഖാദി ഗ്രാമ വ്യവസായ ബോര്‍ഡിന്‍റെ കീഴിലുളള വില്‍പ്പന കേന്ദ്രങ്ങളില്‍ ഖാദി തുണിത്തരങ്ങള്‍ക്ക് സ്പെഷ്യല്‍ കിഴിവ് അനുവദിച്ചിരിക്കുന്നു. കോട്ടണ്‍, സില്‍ക്ക്, സ്പണ്‍ സില്‍ക്ക്  എന്നിവയ്ക്ക് 30 ശതമാനവും പോളിക്ക് 20 ശതമാനവുമാണ് കിഴിവ്. കോട്ട മൈതാനത്തുളള ഖാദി ഗ്രാമ സൗഭാഗ്യ, ടൗണ്‍ ബസ് സ്റ്റാന്‍റ് കോംപ്ലക്സ്, കോങ്ങാട് മുനിസിപ്പല്‍ കോംപ്ലക്സ്, തൃത്താല, കുമ്പിടി എന്നിവിടങ്ങളിലുളള ഖാദി ഷോറൂമുകളും സ്പെഷ്യല്‍ റിബേറ്റ് ലക്ഷ്യമാക്കി സജ്ജീകരിച്ചിട്ടുണ്ട്

        മലമ്പുഴ നിയോജകമണ്ഡലത്തിലെ  എട്ട് പഞ്ചായത്തുകളിലെ സമഗ്ര കാര്‍ഷിക വികസനത്തിനുളള നിര്‍ദ്ദേശങ്ങള്‍ അടിയന്തിരമായി നല്‍കണമെന്ന് ഭരണപരിഷ്കരണ കമ്മീഷന്‍ ചെയര്‍മാനും സ്ഥലം എം.എല്‍.എ യുമായ വി.എസ് അച്ചുതാനന്ദന്‍റെ നിര്‍ദ്ദേശപ്രകാരം ചേര്‍ന്ന യോഗം തീരുമാനിച്ചു.

ആലപ്പുഴ: ഈ സാമ്പത്തിക വർഷം സെപ്റ്റംബർ 30 വരെ വിവിധ വായ്പകളായി 1,637 കോടി രൂപ ജില്ലയിൽ വിതരണം ചെയ്തതായി ലീഡ് ബാങ്ക് ജില്ലാതല അവലോകനയോഗം വിലയിരുത്തി.

വായ്പ-നിക്ഷേപ അനുപാതത്തിൽ വർധനയുണ്ടായി. അനുപാതം 49 ശതമാനത്തിലെത്തി.

കേരള മോട്ടോര്‍ തൊഴിലാളി ക്ഷേമനിധി  ബോര്‍ഡിലേക്ക് അടയ്ക്കാനുളള       ഉടമാവിഹിതം ഇ-പേമെന്റ് മുഖാന്തിരം ഒടുക്കുന്നതിന് നവംബര്‍ 13 മുതല്‍ സൗത്ത് ഇന്ത്യന്‍ ബാങ്കിന്റെ എല്ലാ ശാഖകളിലും സൗകര്യം ഉണ്ടായിരിക്കും. ഫോണ്‍: 0481 2585510 

    പട്ടികജാതി വിഭാഗകാര്‍ക്കായി  പട്ടികജാതി വികസന വകുപ്പും കെപ്കോയും സംയുക്തമായി നടപ്പാക്കുന്ന ഇറച്ചി-മുട്ടക്കോഴി വളര്‍ത്തല്‍ പദ്ധതിയിലേക്ക് അപേക്ഷിച്ചവരില്‍ പദ്ധതിയ്ക്ക് അര്‍ഹരായവരെ  കണ്ടെത്തുന്നതിന് ഡിസംബര്‍ 18ന് രാവിലെ 10-ന്  ജില്ലാ പട്ടികജാതി വികസന ഓഫീസില്‍   കൂടിക്കാഴ്ച നടത്തും. അപേക്ഷ സമര്‍പ്പിച്ചവര്‍ മാത്രം പങ്കെടുത്താല്‍ മതിയാകും. കൂടിക്കാഴ്ചയില്‍ പങ്കെടുക്കാത്തവരെ പരിഗണിക്കുന്നതല്ല. 
    വിശദവിവരങ്ങള്‍ ജില്ലാ പട്ടികജാതി വികസന ഓഫീസില്‍ ലഭിക്കും. ഫോണ്‍- 0491-2505005 .