കുടുംബശ്രീ ത്രിതല സംഘടന സംവിധാനത്തിലേക്കുളള 2017 ലെ തെരഞ്ഞെടുപ്പുമായി ബന്ധപ്പെട്ട് എല്ലാ സി.ഡി.എസ്സുകളിലേക്കും നിയമിച്ചിരിക്കുന്ന വരണാധികാരി, ഉപ വരണാധികാരികള്‍ക്കുളള ഏകദിന പരിശീലനം  കെ.എസ്.ആര്‍.ടി സി ബസ് സ്റ്റാന്‍റിനു സമീപമുളള ടോപ്പ് ഇന്‍ ടൗണ്‍ ഗാര്‍ഡന്‍ വ്യൂ ഹാളില്‍  ഡിസംബര്‍ 18 ന് രാവിലെ 10 മുതല്‍ നടക്കും. എല്ലാ ഉദ്യോഗസ്ഥരും  പങ്കെടുക്കണമെന്ന് ജില്ലാ തെരഞ്ഞെടുപ്പ് ഉദ്യോഗസ്ഥനായ ഡെപ്യൂട്ടികലക്റ്റര്‍ (എല്‍.എ) അറിയിച്ചു.

    ഡിസംബര്‍ 18 ന് വൈകീട്ട് നാലിന് നടക്കാവ് റെയില്‍വെ മേല്‍പ്പാലം, മലമ്പുഴ ഉദ്യാനം, മലമ്പുഴ കുടിവെളള പദ്ധതി തുടങ്ങിയവയുമായി ബന്ധപ്പെട്ട് ഭരണപരിഷ്കരണ കമ്മീഷന്‍ ചെയര്‍മാനും സ്ഥലം എം.എല്‍.എ യുമായ വി.എസ്. അച്ചുതാനന്ദന്‍റെ അധ്യക്ഷതയില്‍ പാലക്കാട് ഗസ്റ്റ് ഹൗസില്‍ ഉദ്യോഗസ്ഥരുടെ അവലോകന യോഗം ചേരും. യോഗത്തില്‍ പങ്കെടുക്കാന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കിയിട്ടുണ്ട്.

    ഭരണപരിഷ്ക്കരണ കമ്മീഷന്‍ ചെയര്‍മാനും സ്ഥലം എം.എല്‍.എ .യുമായ വി.എസ് അച്ചുതാനന്ദന്‍ ഡിസംബര്‍ 18, 19 തിയതികളില്‍ മലമ്പുഴയില്‍ വിവിധ പരിപാടികളില്‍ പങ്കെടുക്കും. 18 ന് രാവിലെ 10.30 ന് മുണ്ടൂര്‍ ഗ്രാമപഞ്ചായത്ത് ഓഫീസ് ഉദ്ഘാടനം, 11.30 ന് പുതുപ്പരിയാരം സര്‍വ്വീസ് സഹകരണ ബാങ്ക് മുട്ടിക്കുളങ്ങര ശാഖയുടെ തറക്കല്ലിടല്‍  എന്നിവ നിര്‍വ്വഹിക്കും.  
    ഡിസംബര്‍ 19 ന് രാവിലെ 10.30 ന് കൂട്ടുപാത ഗവ.പോളിടെക്നിക് കുളവും 11.30 ന്  പോളിടെക്നിക് കോളേജ് യൂനിയന്‍ ഉദ്ഘാടനവും  നിര്‍വ്വഹിക്കും. വൈകീട്ട് 3.30 ന് മലമ്പുഴ ഹൈസ്കൂളില്‍ പഠനോപകരണ വിതരണോദ്ഘാടനം നടത്തും.

     പാലക്കാട് ഇന്ദിരാഗാന്ധി നഗരസഭാ സ്റ്റേഡിയത്തില്‍ ജനുവരി 16 മുതല്‍ 30 വരെ നടക്കുന്ന മലബാര്‍ ക്രാഫ്റ്റ് മേളയുമായി ബന്ധപ്പെട്ട എക്സിക്യൂട്ടീവ് കമ്മിറ്റി യോഗം നിയമ-സാംസ്ക്കാരിക-പട്ടികജാതി-വര്‍ഗ്ഗ വകുപ്പ് മന്ത്രി എ.കെ ബാലന്‍റെ അധ്യക്ഷതയില്‍ ചേര്‍ന്നു. ജില്ലാ കലക്ടറുടെ ചേബറില്‍ ചേരുന്ന യോഗത്തില്‍ മേളയുടെ നടത്തിപ്പുമായി ബന്ധപ്പെട്ട ഒരുക്കങ്ങള്‍ അവലോകനം ചെയ്തു. 12 സബ് കമ്മിറ്റികള്‍ തയ്യാറാക്കിയ ആക്ഷന്‍പ്ലാന്‍, പ്രപ്പോസല്‍, ബഡ്ജറ്റ് തുടങ്ങിയവയില്‍ യോഗം ചര്‍ച്ച ചെയ്തു.

കാക്കനാട്: എറണാകുളം ജില്ല തൊഴില്‍ വകുപ്പിന്റെ നേതൃത്വത്തില്‍ കേരള സംസ്ഥാന നിയമ സേവന അതോറിറ്റി യുടെയും എറണാകുളം ജില്ല ലീഗല്‍ സര്‍വീസ് അതോറിറ്റി യുടെയും ജില്ല ഭരണകൂടത്തിന്റെയും ആരോഗ്യ വകുപ്പിന്റെയും സഹകരണത്തോടെ ഇതര സംസ്ഥാന തൊഴിലാളികള്‍ക്കുള്ള ആവാസ് രജിസ്‌ട്രേഷന്‍ ക്യാമ്പും മെഡിക്കല്‍ ക്യാമ്പും ബോധവത്കരണ ക്ലാസും സംഘടിപിച്ചു. 625 ഇതരസംസ്ഥാന തൊഴിലാളികള്‍ ക്യാംപില്‍ പങ്കെടുത്തു.