കോട്ടയം: തിരുവാർപ്പ് ഗ്രാമപഞ്ചായത്തും എസ്.ബി.ഐ. ലൈഫും ചേർന്ന് തൊഴിൽമേള നടത്തും. മാർച്ച് ഏഴിന് രാവിലെ പത്തു മുതൽ തിരുവാർപ്പ് ഗ്രാമപഞ്ചായത്ത് ഹാളിലാണ് തൊഴിൽമേള. 25 വയസ് മുതലുള്ളവർക്ക് പങ്കെടുക്കാം. പത്താം ക്ലാസാണ് അടിസ്ഥാന യോഗ്യത. ഫോൺ: 9746373743, 9961150517.

സംസ്ഥാന സര്‍ക്കാരിന്റെ ഔദ്യോഗിക ഓണ്‍ലൈന്‍ സേവനദാതാക്കളായ അക്ഷയപദ്ധതി പ്രകാരം മലപ്പുറം ജില്ലയിലെ 77 ലൊക്കേഷനുകളിലേക്ക് അക്ഷയ സംരംഭകരാകാന്‍ അപേക്ഷ ക്ഷണിച്ചു. പൊതുവിഭാഗത്തില്‍ 67, പട്ടികജാതി വിഭാഗത്തില്‍ എട്ട്, പട്ടിക വര്‍ഗ വിഭാഗത്തില്‍ രണ്ട് എന്നിങ്ങനെ ലൊക്കേഷനുകളിലേക്കാണ് അപേക്ഷ ക്ഷണിച്ചത്. ഓണ്‍ലൈന്‍ അപേക്ഷ മാര്‍ച്ച് 19 വരെ സ്വീകരിക്കും. അപേക്ഷ ഫീസ് മാര്‍ച്ച് 21 വരെയും സ്വീകരിക്കും.

പാണ്ടിക്കാട് അസാപ് കമ്മ്യൂണിറ്റി സ്‌കില്‍ പാര്‍ക്കില്‍ സംഘടിപ്പിക്കുന്ന സൗജന്യ പ്ലേസ്‌മെന്റ് ഡ്രൈവിലേക്ക് പ്രമുഖ സ്ഥാപനങ്ങളെ ക്ഷണിച്ചു. താത്പര്യമുള്ള സ്ഥാപനങ്ങള്‍ അവരുടെ പങ്കാളിത്തം ഉറപ്പുവരുത്താന്‍ സ്ഥാപനത്തിലെ നിലവിലുള്ള ഒഴിവ് വിവരങ്ങള്‍ csppandikkad@asapkerala.gov.in ലേക്ക് അയക്കണം. ഫോണ്‍-94959 99704

താനൂര്‍ മുന്‍സിപ്പാലിറ്റിയിലേക്കുള്ള സമഗ്ര കുടിവെള്ള പദ്ധതിയുടെ ഭാഗമായി തൃക്കുളം-തെയ്യാല റോഡില്‍ പാണ്ടിമുറ്റം മുതല്‍ വെള്ളിയാമ്പുറം വരെ പൈപ്പ് ലൈന്‍ സ്ഥാപിക്കുന്ന പ്രവൃത്തി ആരംഭിച്ചതിനാല്‍ ഈ റോഡില്‍ ഗതാഗത നിയന്ത്രണം ഏര്‍പ്പെടുത്തി.

ഒളവണ്ണ ഗ്രാമപഞ്ചായത്തിലെ അറപ്പുഴ-മണക്കടവ് റോഡ് നവീകരണത്തിന് 50 ലക്ഷം രൂപയുടെ ഭരണാനുമതി ലഭിച്ചതായി പി.ടി.എ റഹീം എം.എല്‍.എ അറിയിച്ചു. എന്‍.എച്ച് 66ല്‍ അറപ്പുഴ ജങ്ഷനില്‍നിന്ന് തുടങ്ങുന്ന റോഡ് തകര്‍ന്നതിനാല്‍ പുനരുദ്ധരിക്കണമെന്ന പ്രദേശവാസികളുടെ ആവശ്യം പരിഗണിച്ചാണ് ബജറ്റ് പദ്ധതികളില്‍ ഉള്‍പ്പെടുത്തി തുക അനുവദിച്ചതെന്നും സാങ്കേതികാനുമതി ലഭ്യമാക്കി പ്രവൃത്തി ഉടന്‍ ആരംഭിക്കാന്‍ ബന്ധപ്പെട്ട ഉദ്യോഗസ്ഥര്‍ക്ക് നിര്‍ദേശം നല്‍കിയതായും എം.എല്‍.എ പറഞ്ഞു.

ജില്ലാ സായുധ സേന പതാക ദിന നിധി കുടിശ്ശികയുള്ള ജില്ലാതല വകുപ്പ് മേധാവികളും ഓഫീസ് അധികാരികളും സായുധ സേനാ പതാക ദിന നിധിയിലേക്കുളള പതാക വില്പന കുടിശ്ശിക തുക മാര്‍ച്ച് 25നകം ജില്ലാ സൈനികക്ഷേമ ഓഫീസ് മുഖേന സര്‍ക്കാരിലേക്ക് അടച്ച് രസീത് കൈപ്പറ്റണമെന്ന് ജില്ലാ സായുധ സേന പതാക ദിന നിധി ചെയര്‍മാനായ ജില്ലാ കളക്ടര്‍ അറിയിച്ചു.

മലപ്പുറം ജില്ലയില്‍ ഇക്കോണമിക് ആന്‍ഡ് സ്റ്റാറ്റിസ്റ്റിക്സ് വകുപ്പില്‍ സ്റ്റാറ്റിസ്റ്റിക്കല്‍ അസിസ്റ്റന്റ് ഗ്രേഡ് II/ സ്റ്റാറ്റിസ്റ്റിക്കല്‍ ഇന്‍വെസ്റ്റര്‍ ഗ്രേഡ് II/( കാറ്റഗറി നമ്പര്‍ 039/2020) തസ്തികയിലേക്കുള്ള തെരഞ്ഞെടുപ്പിനായി 2023 ഫെബ്രുവരി 10ന് നിലവില്‍ വന്ന റാങ്ക് പട്ടിക ( 91/2023 ഡി.ഒ.എം.) മൂന്ന് വര്‍ഷ കാലാവധി 2026 ഫെബ്രുവരി ഒന്‍പതിന് പൂര്‍ത്തിയാക്കിയതിനാല്‍ റദ്ദാക്കിയതായി ജില്ലാ പി.എസ്.സി ഓഫീസര്‍ അറിയിച്ചു.

കോട്ടയം: ആയുഷ് വകുപ്പ്, ഹോമിയോപ്പതി വകുപ്പ്, ജില്ലാ നാഷണൽ ആയുഷ് മിഷൻ എന്നിവയുടെ നേതൃത്വത്തിൽ  ഹെൽത്തി കേരള ക്യാമ്പയിന്റെ ഏറ്റുമാനൂർ നിയോജക മണ്ഡലംതല ഉദ്ഘാടനം നടത്തി. കുമരകം സാംസ്‌കാരിക നിലയത്തിൽ വച്ച് നടത്തിയ പരിപാടി ഗ്രാമപഞ്ചായത്ത് പ്രസിഡന്റ് എ.പി. ഗോപി ഉദ്ഘാടനം ചെയ്്തു. കുമരകം ഗ്രാമപഞ്ചായത്ത് വൈസ് പ്രസിഡന്റ് രമ്യ ഷിജോ അധ്യക്ഷത വഹിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ പി.കെ. വൈശാഖ് മുഖ്യപ്രഭാഷണം നടത്തി. ജില്ലാ ഹോമിയോ മെഡിക്കൽ ഓഫീസർ ഡോ. കെ.എസ്. മിനി പദ്ധതി വിശദീകരിച്ചു.

കുടിശ്ശികയായ 1,44,000/ രൂപ ഈടാക്കുന്നതിനായി നിലമ്പൂര്‍ വില്ലേജിലെ ജപ്തി ചെയ്തിട്ടുള്ള ബ്ലോക്ക് 95ലെ റീ.സ 45/2 ലെ 0.0405 ഹെക്ടര്‍ സ്ഥലം ഏപ്രില്‍ 27ന് രാവിലെ 11ന് ചുങ്കത്തറ വില്ലേജ് ഓഫീസില്‍ ലേലം ചെയ്യും.

മലപ്പുറം എക്സൈസ് വകുപ്പും ജില്ലാ വിമുക്തി മിഷനും ജില്ലയിലെ കോളേജ് വിദ്യാര്‍ഥികള്‍ക്കായി സംഘടിപ്പിച്ച 'നീതി സാരം' ജില്ലാ തല ക്വിസ് മത്സരത്തില്‍ മഞ്ചേരി മെഡിക്കല്‍ കോളേജ് വിജയികളായി. മഞ്ചേരി മെഡിക്കല്‍ കോളേജില്‍ നിന്നുള്ള നവീന്‍ രാജേഷ്, മുഹമ്മദ് ഡാനിഷ് എന്നിവര്‍ ഒന്നാം സ്ഥാനവും മഞ്ചേരി എന്‍.എസ്.എസ് കോളേജില്‍ നിന്നുള്ള പി.കെ. ശ്രീജിത, എം. ശ്രീനന്ദ എന്നിവര്‍ രണ്ടാം സ്ഥാനവും പൊന്നാനി എം.ഇ.എസ് കോളേജില്‍ നിന്നുള്ള മുഹമ്മദ് ആദില്‍, ഫാത്തിമ റഷ, കെ. ഹൃതിക്ക്, പി. തഷ്രീഫാ എന്നിവര്‍ മൂന്നാം സ്ഥാനം പങ്കിട്ടു.