നിയമസഭാ തിരഞ്ഞെടുപ്പിന്റെ മുന്നോടിയായി ജില്ലയില്‍ മാതൃകാ പെരുമാറ്റച്ചട്ടം കര്‍ശനമായി നടപ്പിലാക്കുന്നതിനും തിരഞ്ഞെടുപ്പ് ചെലവുകള്‍ നിരീക്ഷിക്കുന്നതിനുമായി അതിര്‍ത്തി ചെക്ക്‌പോസ്റ്റുകളില്‍ പ്രത്യേകം പരിശോധന നടത്തുന്നതിനും ജില്ലയില്‍ വിവിധ സ്‌ക്വാഡുകള്‍ സജ്ജമായിരുന്നു. ആന്റി ഡിഫേസ്‌മെന്റ് സ്‌ക്വാഡ്, സ്റ്റാറ്റിക് സര്‍വേലന്‍സ്, ഫ്‌ളയിങ് സ്‌ക്വാഡുകള്‍, വീഡിയോ സര്‍വെയലന്‍സ് ടീമുകള്‍ തുടങ്ങിയവ ജില്ലാ- നിയോജക മണ്ഡലാടിസ്ഥാനത്തില്‍ കര്‍ശന നിരീക്ഷണം നടത്തി.

തൃത്താല

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിലെ 85 വയസിനു മുകളില്‍ പ്രായമുള്ളവര്‍, പി.ഡബ്ല്യൂ.ഡി വിഭാഗക്കാരായ  ഭിന്നശേഷിക്കാര്‍, കിടപ്പുരോഗികള്‍ തുടങ്ങിയവരുള്ള ഹോം വോട്ടര്‍മാര്‍ 14579 പേര്‍. ഇതില്‍ 11642 പേര്‍ 85 വയസിന് മുകളില്‍ പ്രായമുള്ളവരും 2937 പേര്‍ ഭിന്നശേഷിക്കാരുമാണ്. പോളിങ് ബൂത്തുകളില്‍ നേരിട്ട് ചെന്ന് വോട്ട് ചെയ്യാന്‍ സാധിക്കാത്ത വ്യക്തികള്‍ക്കാണ് ഹോം വോട്ടിങ് സൗകര്യം ഒരുക്കിയിരിക്കുന്നത്. ഫോം 12 ഡി മുഖേനയാണ് ജില്ലയിലെ ഹോം വോട്ടര്‍മാരുടെ വിവരങ്ങള്‍ ശേഖരിച്ചത്.