ഗതാഗത നിയന്ത്രണം

തലശ്ശേരി താലൂക്ക് മാങ്ങാട്ടിടം ഗ്രാമപഞ്ചായത്തിലെ കിണവക്കല്‍ - വേങ്ങാട് പ്രദേശങ്ങളെ ബന്ധിപ്പിക്കുന്ന അയ്യപ്പന്‍തോട് പാലം പുനര്‍നിര്‍മാണ പ്രവൃത്തി നടക്കുന്നതിനാല്‍ മെയ് 20 വരെ ഇതുവഴിയുള്ള വാഹന ഗതാഗതം നിരോധിക്കുമെന്ന് പൊതുമരാമത്ത് വകുപ്പ് പാലങ്ങള്‍ ഉപവിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു. വാഹനങ്ങള്‍ കിണറ്റിന്റവിടെ - ശങ്കരനെല്ലൂര്‍ - കൈതച്ചാല്‍ റോഡ് വഴി പോകണം.

ഹ്രസ്വകാല തൊഴിലധിഷ്ഠിത കോഴ്‌സുകള്‍

ആശയവിനിമയത്തിനും പഠനത്തിനുമുള്ള മാധ്യമം എന്നതിലപ്പുറം ഭാഷയുടെയും ഗവേഷണത്തിന്റെയും അനന്ത സാദ്ധ്യതകൾ വിദ്യാർത്ഥികൾക്ക് മുന്നിൽ തുറന്നു കൊണ്ട് ഇന്റേൺഷിപ് പ്രോഗ്രാം തുടങ്ങി തലശ്ശേരി ഗവ. ബ്രണ്ണൻ കോളേജ്. 

മലയാളം ബിരുദ ബിരുദാനന്തര ഗവേഷണ വിഭാഗമാണ് മലയാളം എഫ് വൈ.യു. ജി. പി (നാല് വർഷ അണ്ടർ ഗ്രാജുവേറ്റ് പ്രോഗ്രാം) വിദ്യാർത്ഥികൾക്കായി അക്കാദമിക് ഗവേഷണവും രചനയും അടിസ്ഥാനമാക്കി  ഇന്റേൺഷിപ്പ് പ്രോഗ്രാം തുടങ്ങിയത്. ഉത്തരകേരളത്തിൽ ആദ്യമായാണ് ഒരു സർക്കാർ കോളജിൽ ഇത്തരത്തിൽ ഇൻ്റേൺഷിപ്പ് തുടങ്ങുന്നത്. 

 അഴീക്കോട് തീരദേശ പോലീസ് സ്റ്റേഷനിലെ ബോട്ടുകളിലേക്ക് ടെക്നിക്കൽ സ്റ്റാഫിനെ താൽക്കാലിക അടിസ്ഥാനത്തിൽ നിയമിക്കുന്നു. ബോട്ട് കമാണ്ടർ, അസിസ്റ്റന്റ് ബോട്ട് കമാണ്ടർ, ബോട്ട് ഡ്രൈവർ(4 ഒഴിവ്, സ്രാങ്ക് (2 ഒഴിവ് ), ലാസ്കർ(2 ഒഴിവ് ), സ്പെഷ്യൽ മറൈൻ ഹോം ഗാർഡ് (2 ഒഴിവ് )എന്നീ തസ്തികളിലേക്കാണ് നിയമനം. അപേക്ഷകൾ ജില്ലാ പോലീസ് മേധാവി, തൃശ്ശൂർ റൂറൽ, ഇരിങ്ങാലക്കുട എന്ന വിലാസത്തിൽ മെയ് 10ന് മുൻപായി  അപേക്ഷ സമർപ്പിക്കണം.  ഉദ്യോഗാർത്ഥികൾ യോഗ്യത തെളിയിക്കുന്ന സ്വയം സാക്ഷ്യപ്പെടുത്തിയ പകർപ്പുകൾ അപേക്ഷയോടൊപ്പം നൽകണം. വിവരങ്ങൾക്ക് 04802823000 എന്ന നമ്പറിൽ ബന്ധപ്പെടുക.

 തൈക്കാട് വില്ലേജിൽ ഡിജിറ്റൽ സർവെയുടെ ഫീൽഡ് പരിശോധനകൾക്കും സർവെ ഉപകരണങ്ങൾ കൊണ്ടുപോകുന്നതിനും, ഉദ്യോഗസ്ഥരുടെ യാത്രാസൗകര്യത്തിനുമായി ടാക്സി പെർമിറ്റുള്ള വാഹനം ആറ് മാസത്തേക്ക് പരമാവധി 40,000 രൂപ മാസവാടകയ്ക്ക് ലഭ്യമാക്കുന്നതിനായി വ്യക്തികളിൽ നിന്നോ വാഹന ഉടമകളിൽ നിന്നോ ബന്ധപ്പെട്ട സ്ഥാപനങ്ങളിൽ നിന്നോ മത്സരാധിഷ്‌ഠിത ക്വട്ടേഷനുകൾ ക്ഷണിച്ചു.

ഐ.എച്ച്.ആർ.ഡിക്ക് കീഴിൽ  പ്രവർത്തിക്കുന്ന അയിലൂർ കോളജ് ഓഫ് അപ്ലൈഡ് സയൻസിൽ ജെറിയാട്രിക് കെയർ ഡിപ്ലോമ കോഴ്സിലേക്ക് അപേക്ഷ ക്ഷണിച്ചു. അപേക്ഷകർ പ്ലസ്ടുവോ തത്തുല്യ പരീക്ഷയോ പാസായിരിക്കണം. താത്പര്യമുള്ളവർ നേരിട്ടോ www.ihrdadmission.org എന്ന വെബ്സൈറ്റ് മുഖേനയോ അപേക്ഷ സമർപ്പിക്കുക. പൊതുവിഭാഗത്തിന് 150 രൂപയും 18 ശതമാനം ജിഎസ്ടിയും സംവരണ വിഭാഗങ്ങൾക്ക് 100 രൂപയും 18 ശതമാനം ജിഎസ്ടിയും രജിസ്ട്രേഷൻ ഫീസ് അടയ്ക്കണം.  മെയ് നാലിന് വൈകിട്ട് നാല് മണിവരെ  ഓൺലൈനായും, മെയ് അഞ്ചിന് വൈകിട്ട് നാല് മണിവരെ കോഴ്‌സ് സെന്ററുകളിൽ നേരിട്ടും അപേക്ഷ സമർപ്പിക്കാം.

കൊച്ചന്നൂർ മന്ദലാംകുന്ന് റോഡിൽ കൊച്ചന്നൂർ മുതൽ വടക്കേക്കാട് വരെയുള്ള ഭാഗത്ത് പൊതുമരാമത്ത് വകുപ്പിൻ്റെ ബി. എം ടാറിങ് പ്രവൃത്തി ആരംഭിക്കുന്നതിനാൽ ഏപ്രിൽ 24  മുതൽ പ്രവൃത്തി പൂർത്തിയാകുന്നത് വരെ ഈ റോഡിൽ കൂടിയുള്ള വാഹനഗതാഗതം പൂർണ്ണമായും തടസപ്പെടുമെന്ന് പൊതുമരാമത്ത് നിരത്തുകൾ വിഭാഗം ചാവക്കാട്  അസിസ്റ്റൻ്റ് എഞ്ചിനീയർ അറിയിച്ചു.

കേരളത്തിൽ ഏപ്രിൽ 24 വരെ ഉയർന്ന താപനില. പാലക്കാട് ജില്ലയിൽ 40 °C വരെയും, കൊല്ലം ജില്ലയിൽ 39 °C വരെയും, ആലപ്പുഴ, പത്തനംതിട്ട, കോട്ടയം, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർഗോഡ് ജില്ലകളിൽ 37 °C വരെയും, തിരുവനന്തപുരം ജില്ലയിൽ 36°C വരെയും ഉയരാൻ (സാധാരണയെക്കാൾ 3 മുതൽ 4 ˚C വരെ കൂടുതൽ) സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഉയർന്ന താപനിലയും ഈർപ്പമുള്ള വായുവും കാരണം ഈ ജില്ലകളിൽ (മലയോര
മേഖലകളിലൊഴികെ) ഏപ്രിൽ 24 വരെ ചൂടിനും അസ്വസ്ഥതയുമുള്ള കാലാവസ്ഥയ്ക്കും സാധ്യതയുണ്ട്.

കോഴിക്കോട് ഗവ. മെഡിക്കൽ കോളേജിന്റെ പേരിൽ പ്രചരിക്കുന്ന ജോലി വാഗ്ദാനം വ്യാജമെന്ന് പ്രിൻസിപ്പാൾ