കേരളാ ലോകായുക്ത ആക്ട് പ്രകാരം സർക്കാർ ഉദ്യോഗസ്ഥർ ഒഴികെയുള്ള പൊതുപ്രവർത്തകർ തങ്ങളുടേയും ആശ്രിതരായ കുടുംബാംഗങ്ങളുടേയും ആസ്തി-ബാധ്യത വിവരങ്ങളുടെ സ്റ്റേറ്റ്മെന്റ് നിശ്ചിത ഫോറത്തിൽ സമർപ്പിക്കണം.

ജൂൺ 22 ന് ആരംഭിക്കുന്ന അഡ്വാൻസ്ഡ് ഡിപ്ലോമ ഇൻ ഓട്ടോമോട്ടീവ് മെക്കട്രോണിക്സ് കോഴ്സിന്റെ 18-ാമത് ബാച്ചിലേക്കുള്ള പ്രവേശനത്തിന് ഓൺലൈൻ അപേക്ഷകൾ ക്ഷണിച്ചു. ഒരു വർഷമാണ് കോഴ്‌സ് കാലാവധി. എഞ്ചിനീയറിംഗ് ബിരുദം/ഡിപ്ലോമ (മെക്കാനിക്കൽ/ ഓട്ടോമൊബൈൽ/ ഇലക്ട്രിക്കൽ/ ഇലക്ട്രോണിക്സ് അല്ലെങ്കിൽ തത്തുല്യം) ആണ് യോഗ്യത. പ്രവേശന സമയത്ത് ബി.ടെക്/ ഡിപ്ലോമ കോഴ്സ് പൂർത്തിയാകുമെങ്കിൽ അവസാന സെമസ്റ്റർ വിദ്യാർത്ഥികൾക്കും അപേക്ഷിക്കാം. അവസാന തീയതി ഏപ്രിൽ 30.

        ഗതാഗത നിയമലംഘനത്തിന് കേരളത്തിൽ ചുമത്തിയ ചെല്ലാനുകളുടെ ഫൈൻ 50 ശതമാനമായി കുറയ്ക്കുന്ന ആംനസ്റ്റി സ്കീം ഏപ്രിൽ 30 ന് അവസാനിക്കും.

എട്ടാം ക്ലാസ്സ് മുതൽ കുട്ടികൾക്ക് എൻജിനീയറിങ് വിദ്യാഭ്യാസം നൽകുന്ന നെടുമങ്ങാട് സർക്കാർ ടെക്‌നിക്കൽ ഹൈസ്‌കൂളിൽ പ്രവേശനത്തിന് www.polyadmission.org/ths ലിങ്ക് വഴി ഏപ്രിൽ 18 വരെ ഓൺലൈനായി അപേക്ഷിക്കാം. 90 സീറ്റ്.

അരുവിക്കര ഡാം മുതൽ കുളക്കോട് വരെയുള്ള റോഡിൽ നിർമ്മാണ പ്രവര്‍ത്തികള്‍ നടക്കുന്നതിനാൽ ഏപ്രിൽ 30 വരെ ഈ റോഡിലൂടെയുള്ള ഗതാഗതം പൂർണ്ണമായും നിയന്ത്രിക്കുമെന്ന് കെ ആർ എഫ് എക്സിക്യൂട്ടീവ് എഞ്ചിനീയര്‍ അറിയിച്ചു.

 അരുവിക്കര ഡാമിൽ നിന്നും കുളക്കോടിലേക്ക് പോകുന്ന വാഹനങ്ങളും കുളക്കോട് നിന്ന് അരുവിക്കര ഡാം വരെ പോകുന്ന വാഹനങ്ങളും മുണ്ടേല -അരുവിക്കര -കളത്തറ വഴിയും മേപ്പാട്ടുമല -കുതിരക്കുളം വഴിയും തിരിച്ചു വിടുന്നതാണ്.

 നെടുമങ്ങാട് സര്‍ക്കാര്‍ ടെക്നിക്കല്‍ ഹൈസ്കൂളില്‍ എട്ടാം ക്ലാസ് പ്രവേശനത്തിന് www.polyadmission.org/ths  ലിങ്ക് വഴി ഏപ്രില്‍ 18 വരെ  അപേക്ഷിക്കാം. 90 സീറ്റുകളാണ് ഉള്ളത്. വിശദവിവരങ്ങള്‍ക്ക്:  9846170024.

പത്തനംതിട്ട ജില്ലയിലെ തിരുവല്ലയിലുള്ള റീഹാബിലിറ്റേഷന്‍ സെന്ററില്‍ ബുക്ക് ബൈന്റിംഗ്, ഓഫ്‌സെറ്റ് പ്രിന്റിംഗ്, ടൈപ്പ്‌റൈറ്റിംഗ് ഇംഗ്ലീഷ് ആന്‍ഡ് മലയാളം കോഴ്സുകളില്‍ ഭിന്നശേഷിക്കാര്‍ക്ക് പ്രവേശനത്തിന് അപേക്ഷ ക്ഷണിച്ചു. 18നും 35 നുമിടയില്‍ പ്രായമുള്ള കൈകാല്‍ സ്വാധീനമില്ലാത്തവര്‍, ചെറിയ തോതില്‍ ബുദ്ധി വൈകല്യമുള്ളവര്‍, ബധിരരായ പെണ്‍കുട്ടികള്‍, ഭാഗികമായി കാഴ്ച കുറവുള്ളവര്‍ എന്നിവര്‍ക്ക് അപേക്ഷിക്കാം. രണ്ട് വര്‍ഷമാണ് പരിശീലന കാലാവധി. പരിശീലനം സൗജന്യമാണ്. അപേക്ഷ ഫോറം karthikarehab.com ല്‍ ലഭ്യമാണ്.

താപനില ക്രമാതീതമായി ഉയരുന്ന സാഹചര്യത്തില്‍ വളര്‍ത്തുമൃഗങ്ങളുടെ ആരോഗ്യ സംരക്ഷണത്തിന് പ്രത്യേക ശ്രദ്ധ നല്‍കണമെന്ന് മൃഗസംരക്ഷണ വകുപ്പ്. അമിതമായ ചൂട് ജീവഹാനിക്ക് കരണമാകാമെന്നതിനാല്‍ ശരീരത്തിന്റെ ഊഷ്മാവ് ക്രമീകരിക്കണം. കുടിക്കാനായി ശുദ്ധജലം എപ്പോഴും നല്‍കണം. ചൂട് കുറഞ്ഞ സമയത്തു മാത്രം തീറ്റ നല്‍കണം. മേയാന്‍ വിടുന്ന മൃഗങ്ങളെ തണലത്തു മാത്രം കെട്ടണം. പകല്‍ 11 മണി മുതല്‍ വൈകിട്ട് മൂന്ന്‌വരെ മൃഗങ്ങളെ പണികള്‍ക്കായുപയോഗിക്കുന്നതും തുറന്ന വാഹനങ്ങളിലെ യാത്രയും ഒഴിവാക്കണം.

കൽപ്പറ്റ പുത്തൂർവയൽ എസ്.ബി.ഐ ആർസെറ്റിയിൽ ഏപ്രിൽ 16ന് ആംരംഭിക്കുന്ന 12 ദിവസത്തെ സൗജന്യ ബേക്കറി നിർമാണ പരിശീലനത്തിന് അപേക്ഷ ക്ഷണിച്ചു. ബർഗർ, സാൻഡ്‌വിച്ച്, പുഡ്ഡിംഗ്, ഫ്രൈഡ് ചിക്കൻ, പിസ്സ, പഫ്‌സ്, ബിരിയാണി, മയോണൈസ്, ഫ്രൈഡ് റൈസ്, പുലാവ് എന്നിവ തയ്യാറാക്കാനുള്ള പരിശീലനം ലഭിക്കും. 18നും 50നും ഇടയിൽ പ്രായമുള്ളവർക്ക് അപേക്ഷിക്കാം. ഫോൺ - 8590762300,8078711040

വെള്ളമുണ്ട ഇലക്ട്രിക്കൽ സെക്ഷന് കീഴിലുള്ള പത്താം മൈൽ ടൗൺ, പത്താം മൈൽ ടവർ, സർവീസ് സ്റ്റേഷൻ ട്രാൻസ്ഫോർമർ പരിധികളിൽ ഇന്ന് (തിങ്കളാഴ്ച)  രാവിലെ 8.30 മുതൽ വൈകുന്നേരം 5.30 വരെ വൈദ്യുതി വിതരണം ഭാഗികമായി തടസപ്പെടും