കുടുംബശ്രീയും സ്റ്റേറ്റ് ഇന്‍ഷൂറന്‍സ് വകുപ്പും എൽ.ഐ.സിയും സംയുക്തമായി നടപ്പിലാക്കുന്ന ജീവന്‍ ദീപം ലൈഫ് ഇന്‍ഷൂറന്‍സ് ക്യാമ്പയിന്‍ ഏപ്രില്‍ 20ന് അവസാനിക്കും. വിവിധ ലോണുകള്‍ എടുക്കുന്ന കുടുംബശ്രീ അംഗങ്ങള്‍ക്ക് ഇന്‍ഷൂറന്‍സ് സ്കീമില്‍ അംഗത്വമെടുക്കുന്നത് നിര്‍ബന്ധമാക്കിയ സാഹചര്യത്തിലാണ് ക്യാമ്പയിൻ നടത്തുന്നത്. ജില്ലയിൽ ഇതുവരെ 55000 കുടുംബശ്രീ അംഗങ്ങള്‍ പദ്ധതിയുടെ ഭാഗമായി. അയല്‍കൂട്ട അംഗത്തിന് സ്വാഭാവിക മരണത്തിന് 200000 രൂപ ഇന്‍ഷൂറന്‍സ് പരിരക്ഷ ലഭിക്കും. 18 വയസ്സു മുതല്‍ 74 വയസ്സ് വരെയുളള കുടുംബശ്രീ അംഗങ്ങള്‍ക്ക് പദ്ധതിയിൽ അംഗമാവാം.

പത്താംതരം തുല്യത നേടിയ കല്‍പറ്റ നഗരസഭ ചെയര്‍പേഴ്‌സണ്‍ പി വിശ്വനാഥനും വൈസ് ചെയര്‍ പേഴ്‌സണ്‍ എസ് സൗമ്യയും പ്ലസ് വണ്‍ പഠനത്തിന് ഒരുങ്ങുന്നു. കല്‍പറ്റ എസ്.കെ.എം.ജെ. സ്‌കൂളില്‍ നിന്നായി 56 പേരാണ് ഇവര്‍ക്കൊപ്പം പരീക്ഷയെഴുതിയത്. പഠിതാക്കള്‍ സ്‌കൂളില്‍ ഒത്തുചേര്‍ന്ന് അനുഭവങ്ങള്‍ പങ്കുവച്ചു. പഠനം ഇടവിട്ടുപോയവര്‍ക്ക് വീണ്ടും വിദ്യാഭ്യാസ രംഗത്തേക്ക് മടങ്ങിയെത്താന്‍ തുല്യത സംവിധാനം സഹായകരമാകുന്നതിന്റെ ഉദാഹരണമാണ് ഈ വിജയമെന്ന് സാക്ഷരത മിഷന്‍ കോ-ഓര്‍ഡിനേറ്റര്‍ പ്രശാന്ത് കുമാര്‍ പറഞ്ഞു.

ബിസില്‍ ട്രെയിനിംഗ് ഡിവിഷന്‍ പി.ജി. ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ എന്നീ കോഴ്‌സുകളില്‍ അപേക്ഷ ക്ഷണിച്ചു. ഓണ്‍ലൈന്‍, റെഗുലര്‍, പാര്‍ട്ട് ടൈം ബാച്ചുകള്‍ വഴി പഠിക്കാം. ഫോണ്‍: 7994449314

മാനന്തവാടി അസാപ് കമ്മ്യൂണിറ്റി സ്‌കില്‍ പാര്‍ക്കില്‍ അവധിക്കാല കോഴ്സുകളിലേക്ക് പ്രവേശനം ആരംഭിച്ചു. ഐ.ടി, ഫിനാന്‍സ്, ബിസിനസ്, ഡിജിറ്റല്‍ സ്‌കില്‍സ് തുടങ്ങിയ മേഖലകളില്‍ പരിശീലനവും അസാപ്പ് ഐ ലൈക് കോഴ്‌സുകളും ലഭ്യമാണ്.
ഓപ്പണ്‍ സെസമി ബിഗിന്നേഴ്‌സ് കോഴ്‌സില്‍ 12 വയസിന് മുകളിലുള്ള വിദ്യാര്‍ത്ഥികള്‍ക്ക് പങ്കെടുക്കാം. എസെന്‍ഷ്യല്‍ ഇംഗ്ലീഷ് ആന്‍ഡ് സോഫ്റ്റ് സ്‌കില്‍സ് കോഴ്‌സില്‍ പത്താം ക്ലാസ് പാസായവര്‍ക്ക് പങ്കെടുക്കാം. ഫോണ്‍ -9495999669

മീനങ്ങാടി ഗവ. പോളിടെക്‌നിക് കോളേജിലെ തുടര്‍ വിദ്യാഭ്യാസ കേന്ദ്രത്തില്‍ പ്രവര്‍ത്തിക്കുന്ന ഡ്രൈവിംഗ് സ്‌കൂളില്‍ കുറഞ്ഞ നിരക്കില്‍ ടു വീലര്‍ ഫോര്‍ വീലര്‍ ഡ്രൈവിംഗ് പരിശീലിപ്പിച്ച് ലൈസന്‍സ് എടുത്തു കൊടുക്കുന്നു. ഫോണ്‍ -8281362097, 8848010155

മീനങ്ങാടി ഗവ. പോളിടെക്‌നിക് കോളേജിലെ തുടര്‍ വിദ്യാഭ്യാസ കേന്ദ്രത്തില്‍ ഹ്രസ്വകാല തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. റഫ്രിജറേഷന്‍ ആന്‍ഡ് എയര്‍ കണ്ടീഷനിങ്, ഇലക്ട്രിക്കല്‍ വയറിങ് ആന്‍ഡ് സര്‍വ്വീസിങ്, ഡ്രൈവിങ് ലൈസന്‍സ് കോഴ്സുകളിലേക്കാണ് പ്രവേശനം. പത്താം ക്ലാസ്സ് യോഗ്യതയുള്ളവര്‍ക്ക് അപേക്ഷിക്കാം. ഫോണ്‍: 8281362097, 9744134901

ചൂരല്‍മല -അട്ടമല റോഡില്‍ ടാറിങ് പ്രവൃത്തി നടക്കുന്നതിനാല്‍ ഇന്ന് (ഏപ്രില്‍ 17) മുതല്‍ 25 വരെ ഇതുവഴിയുള്ള വാഹന ഗതാഗതം പൂര്‍ണമായി നിരോധിച്ചതായി അസിസ്റ്റന്റ് എന്‍ജിനീയര്‍ അറിയിച്ചു.

കേന്ദ്ര സര്‍ക്കാര്‍ സംരംഭമായ ബിസില്‍ ട്രെയിനിങ് ഡിവിഷന്‍ നടത്തുന്ന ഒരു വര്‍ഷം ദൈര്‍ഘ്യമുള്ള പി.ജി ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത ഡിഗ്രി), പ്രൊഫഷണല്‍ ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത പ്ലസ്ടു ), ആറ് മാസം ദൈര്‍ഘ്യമുള്ള ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍ (യോഗ്യത എസ്.എസ്.എല്‍.സി ) തുടങ്ങിയ കോഴ്‌സുകളിലേക്ക് അപേക്ഷ ക്ഷണിച്ചു. ഓണ്‍ലൈന്‍ /റെഗുലര്‍ /പാര്‍ട്ട്  ടൈം ബാച്ചുകള്‍ ലഭ്യമാണ്. ഫോണ്‍: 7994449314.

എല്‍.ബി.എസ്. സെന്ററിന്റെ മഞ്ചേരി ഉപകേന്ദ്രത്തില്‍ മൂന്നു മാസം ദൈര്‍ഘ്യമുള്ള 'കംപ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിങ്ങ് ആന്‍ഡ് ജി.സ്.ടി യൂസിങ് ടാലി' കോഴ്‌സിന് പ്ലസ്ടു കോമേഴ്സ്/ബികോം യോഗ്യതയുള്ളവര്‍ക്കും അവസാന വര്‍ക്ഷ പരീക്ഷ എഴുതി ഫലം കാത്തിരിക്കുന്നവര്‍ക്കും അപേക്ഷിക്കാം. എല്‍.ബി.എസ്.സെന്റര്‍, ഐ.ജി.ബി.ടി. ബസ്റ്റാന്‍ഡ്, കച്ചേരിപ്പടി എന്ന വിലാസത്തില്‍ വിശദവിവരങ്ങള്‍ ലഭ്യമാണ്.  ഫോണ്‍ : 9846091962, 8089009397.

പൂങ്കുന്നം മാംഗോ ബേക്കറിക്ക് സമീപത്ത് നിർമ്മാണം നടന്നുകൊണ്ടിരിക്കുന്ന കമർഷ്യൽ ബിൽഡിംഗിന്റെ കാർ പാർക്കിംഗ് ബേസ്മെന്റിലെ സ്റ്റെയർകേസിൻ്റെ കൈവരിയിൽ ഒരാളെ തൂങ്ങി മരിച്ച നിലയിൽ കണ്ടെത്തി.
ഏകദേശം 40 വയസ്സ് പ്രായം തോന്നിക്കുന്ന, കറുപ്പ് പാന്റും കറുപ്പ് ടി-ഷർട്ടും ധരിച്ച അജ്ഞാതനായ പുരുഷനെയാണ് പ്ലാസ്റ്റിക് കയറിൽ തൂങ്ങി മരിച്ച നിലയിൽ കണ്ടെത്തിയത്.