കേരള സംസ്ഥാന സാക്ഷരതാ മിഷൻ അതോറിറ്റി നടപ്പാക്കുന്ന പച്ചമലയാളം സർട്ടിഫിക്കറ്റ് കോഴ്സിന്റെ മൂന്നാം ബാച്ചിലേക്ക് ഏപ്രിൽ 30 വരെ അപേക്ഷിക്കാം.

ഔപചാരിക വിദ്യാഭ്യാസത്തിന്റെ ഭാഗമായി മലയാളം പഠിക്കാൻ അവസരം ലഭിക്കാത്തവർക്കും മലയാളത്തിൽ സാമാന്യ പരിജ്ഞാനം ആഗ്രഹിക്കുന്നവരുമായ 17 വയസ്സുള്ള കഴിഞ്ഞവർക്കായുള്ള സർട്ടിഫിക്കറ്റ് കോഴ്സാണ് പച്ചമലയാളം.

കേരള സംഗീത നാടക അക്കാദമി സംഘടിപ്പിക്കുന്ന സംസ്ഥാന പ്രൊഫഷണൽ നാടക മത്സരം നാളെ (ഏപ്രിൽ 19 )മുതൽ ഏപ്രിൽ 23 വരെ കെ.ടി മുഹമ്മദ് തിയറ്റേറിൽ നടക്കും. നാളെ ( ഏപ്രിൽ 19) രാവിലെ 9.30 ന് നാടക മത്സരം അക്കാദമി ചെയർപേഴ്സൺ മട്ടന്നൂർ ശങ്കരൻകുട്ടി ഉദ്ഘാടനം ചെയ്യും. നിർവ്വാഹക സമിതി അംഗം ജോൺ ഫെർണാണ്ടസ് അധ്യക്ഷത വഹിക്കും. തൃശ്ശൂർ ജില്ലാ കേന്ദ്രകലാസമിതി സെക്രട്ടറി അഡ്വ. വി.ഡി. പ്രേമപ്രസാദ് സംസാരിക്കും. അക്കാദമി സെക്രട്ടറി കരിവെള്ളൂർ മുരളി സ്വാഗതവും നിർവ്വാഹക സമിതി അംഗം സഹീർ അലി നന്ദിയും പറയും.

ജില്ലയില്‍ ഉയര്‍ന്ന ചൂട് റിപ്പോര്‍ട്ട് ചെയ്യപ്പെടുന്ന സാഹചര്യത്തില്‍ പൂരം വീക്ഷിക്കാനെത്തുന്ന പൊതുജനങ്ങളുടെ സുരക്ഷ ഉറപ്പാക്കാന്‍ സ്വീകരിക്കേണ്ട മുന്‍കരുതലുകള്‍ സംബന്ധിച്ച് ജില്ലാകളക്ടര്‍ ശിഖ സുരേന്ദ്രന്റെ അധ്യക്ഷതയില്‍ വിവിധ വകുപ്പ് ഉദ്യോഗസ്ഥരുടെ യോഗം ചേര്‍ന്നു. ഉയര്‍ന്ന ചൂട്, സൂര്യാഘാതം, നിര്‍ജ്ജലീകരണം പോലെയുള്ള അപകടങ്ങള്‍ പ്രതിരോധിക്കാന്‍ പ്രത്യേക ജാഗ്രത വേണമെന്ന് ജില്ലാ കളക്ടര്‍ അറിയിച്ചു. ആനകള്‍ക്ക് ചൂടില്‍ നിന്ന് സംരക്ഷണം നല്‍കേണ്ടത് അത്യാവശ്യമാണ്.

ഇൻസ്റ്റിറ്റ്യൂട്ട് ഓഫ് ലാൻഡ് ആൻഡ് ഡിസാസ്റ്റർ മാനേജ്‌മെൻ്റ് ദുരന്തനിവാരണ വിഷയത്തിൽ ആരംഭിച്ചിട്ടുള്ള എ.ഐ.സി.ടി.ഇ അംഗീകൃത എം.ബി.എ കോഴ്സിൻ്റെ 2026-2028 ബാച്ചിലേക്കുള്ള അഡ്മിഷൻ നടപടികൾ ആരംഭിച്ചു. കൂടുതൽ വിവരങ്ങൾക്ക് https://ildm.kerala.gov.in എന്ന വെബ്സൈറ്റ് സന്ദർശിക്കുക.

ആലപ്പുഴ ജില്ലയിൽ ആരോഗ്യ വകുപ്പിൽ ജൂനിയർ ഹെൽത്ത് ഇൻസ്പെക്ടർ ഗ്രേഡ് II (ഫസ്‌റ്റ് എൻ സി എ - എസ് ഐ യു സി  എൻ) (കാറ്റഗറി നമ്പർ. 175/2024) തസ്തികക്കായി നിലവിൽ വന്ന  റാങ്ക് പട്ടികയിൽ നിന്നും അവസാനമായി നിയമന ശുപാർശ ചെയ്ത ഉദ്യോഗാർത്ഥി ജോലിയിൽ പ്രവേശിച്ചതിനാലും മാതൃ റാങ്ക് പട്ടികയുടെ കാലാവധിയിൽ എസ് ഐ യു സി   നാടാർ വിഭാഗത്തിനായി മാറ്റിവെച്ച എല്ലാ ഒഴിവുകളും നികത്തപ്പെട്ടതിനാലും റാങ്ക് പട്ടിക റദ്ദാക്കിയതായി പി എസ് സി ജില്ലാ ഓഫീസർ അറിയിച്ചു.

ആലപ്പുഴ ജില്ലയിൽ ആരോഗ്യ വകുപ്പിൽ ജൂനിയർ ഹെൽത്ത് ഇൻസ്പെക്ടർ ഗ്രേഡ് II (ഫസ്‌റ്റ് എൻ സി എ - ഹിന്ദു നാടാർ) (കാറ്റഗറി നമ്പർ.696/2024) തസ്തികക്കായി നിലവിൽ വന്ന  റാങ്ക് പട്ടികയിൽ നിന്നും അവസാനമായി നിയമന ശുപാർശ ചെയ്ത ഉദ്യോഗാർത്ഥി ജോലിയിൽ പ്രവേശിച്ചതിനാലും മാതൃ റാങ്ക് പട്ടികയുടെ കാലാവധിയിൽ ഹിന്ദു നാടാർ വിഭാഗത്തിനായി മാറ്റിവെച്ച എല്ലാ ഒഴിവുകളും നികത്തപ്പെട്ടതിനാലും റാങ്ക് പട്ടിക
റദ്ദാക്കിയതായി പി എസ് സി ജില്ലാ ഓഫീസർ അറിയിച്ചു.

ആലപ്പുഴ ജില്ലയിൽ ആരോഗ്യ വകുപ്പിൽ ജൂനിയർ ഹെൽത്ത് ഇൻസ്പെക്ടർ ഗ്രേഡ് II ( ഫസ്‌റ്റ് എൻ സി എ  ധീവര) (കാറ്റഗറി നമ്പർ .694/2024) തസ്തികക്കായി നിലവിൽ വന്ന റാങ്ക് പട്ടികയിൽ നിന്നും അവസാനമായി നിയമന ശുപാർശ ചെയ്ത ഉദ്യോഗാർത്ഥി  ജോലിയിൽ പ്രവേശിച്ചതിനാലും മാതൃ റാങ്ക് പട്ടികയുടെ കാലാവധിയിൽ ധീവര വിഭാഗത്തിനായി മാറ്റിവെച്ച എല്ലാ ഒഴിവുകളും നികത്തപ്പെട്ടതിനാലും റാങ്ക് പട്ടിക
റദ്ദാക്കിയതായി പി എസ് സി ജില്ലാ ഓഫീസർ അറിയിച്ചു.

ആലപ്പുഴ ജില്ലയിൽ ആരോഗ്യ വകുപ്പിൽ ജൂനിയർ ഹെൽത്ത് ഇൻസ്‌പെക്ടർ ഗ്രേഡ് II (ഫസ്‌റ്റ് എൻ സി എ - എസ് സി സി സി) (കാറ്റഗറി നമ്പർ.698/2024) തസ്തികയ്ക്കായി നിലവിൽ വന്ന റാങ്ക് പട്ടികയിൽ നിന്നും അവസാനമായി നിയമന ശുപാർശ ചെയ്ത ഉദ്യോഗാർത്ഥി ജോലിയിൽ പ്രവേശിച്ചതിനാലും മാതൃ റാങ്ക് പട്ടികയുടെ കാലാവധിയിൽ എസ് സി സി സി വിഭാഗത്തിനായി മാറ്റിവച്ച എല്ലാ ഒഴിവുകളും നികത്തപ്പെട്ടതിനാലും, ഈ റാങ്ക് പട്ടിക റദ്ദാക്കിയതായി പി എസ് സി ജില്ലാ ഓഫീസർ അറിയിച്ചു.

​കേരള ഹൈക്കോടതിയുടെ 2026 ജനുവരി 20-ലെ ഇടക്കാല ഉത്തരവ് പ്രകാരം മലിനീകരണ നിയന്ത്രണ സംവിധാനങ്ങളും സർട്ടിഫിക്കറ്റും ഇല്ലാതെ സർവീസ് നടത്തുന്ന ഹൗസ്ബോട്ടുകൾ, ഉത്തരവ് പുറപ്പെടുവിച്ച് മൂന്ന് മാസത്തിന് ശേഷം വേമ്പനാട്  കായലിൽ സർവീസ് നടത്താൻ അനുവദിക്കില്ല എന്ന് നിർദ്ദേശിച്ചിട്ടുണ്ട്. അതിനാൽ 2026 ഏപ്രിൽ 19-ന് ശേഷം മലിനീകരണ നിയന്ത്രണ സംവിധാനങ്ങളും സർട്ടിഫിക്കറ്റും ഇല്ലാത്ത ഹൗസ്ബോട്ടുകൾ വേമ്പനാട് കായലിൽ സർവീസ് നടത്താൻ പാടില്ല എന്ന് ആലപ്പുഴ തുറമുഖ ഓഫീസർ ആൻഡ് രജിസ്റ്ററിംഗ് അതോറിറ്റി അറിയിച്ചു.