കുടുംബശ്രീ മുഖേന സംസ്ഥാനത്ത് നടപ്പാക്കുന്ന കെ ഫോര്‍ കെയര്‍ പദ്ധതിയുടെ ഭാഗമായി വയോജന- രോഗി പരിചരണ മേഖലയില്‍ തൊഴില്‍ നേടാന്‍ കുടുംബശ്രീ വനിതകള്‍ക്ക് അവസരം. നാഷണല്‍ ഇന്‍സ്റ്റിറ്റ്യൂട്ട് ഫോര്‍ ഫിസിക്കല്‍ മെഡിസിന്‍ ആന്‍ഡ് റീഹാബിലിറ്റേഷൻ (നിപ്മർ) സഹകരണത്തോടെ ഒരു മാസത്തെ സര്‍ട്ടിഫൈഡ് കോഴ്സിലാണ് പരിശീലനം നല്‍കുക. പ്രായോഗിക പരിശീലനം ഉള്‍പ്പെടുന്ന കോഴ്സ് തൃശൂർ നിപ്മർ ക്യാമ്പസിൽ നടക്കും. കുടുംബശ്രീ അംഗങ്ങൾക്കും ഓക്സിലറി ഗ്രൂപ്പ് അംഗങ്ങൾക്കും പരിശീലന പരിപാടിയില്‍ പങ്കെടുക്കാം.

നിയമസഭാ തിരഞ്ഞെടുപ്പിന്റെ വോട്ടെണ്ണൽ കേന്ദ്രം സജ്ജീകരിക്കുന്ന മാർ ഇവാനിയോസ് വിദ്യാന​ഗർ ക്യാമ്പസ്സിനുള്ളിൽ ഇന്റർനെറ്റ് കണക്റ്റിവിറ്റി ലഭ്യമാക്കുന്നതിനായി  ക്വട്ടേഷനുകൾ ക്ഷണിച്ചു. സപ്ലൈ ചെയ്യുന്ന ഉപകരണങ്ങൾ പൂർണ്ണമായും പ്രവർത്തനക്ഷമവും ​ഗ്യാരന്റിയുള്ളതും ആയിരിക്കണം. മറ്റ് ​ഹിഡൻ ചാർജ്ജുകൾ പാടില്ല.

ജില്ലാ കളക്ടറേറ്റ് ഇലക്ഷൻ വിഭാ​ഗത്തിൽ ഏപ്രിൽ 23ന് വൈകുന്നേരം 5 മണിവരെ ക്വട്ടേഷൻ സമർപ്പിക്കാം. ക്വട്ടേഷൻ സ്ഥിരപ്പെടുത്തുന്ന പക്ഷം മെയ് ഒന്നിന് തന്നെ ഇൻസ്റ്റൊലൈസേഷൻ പൂർത്തിയാക്കേണ്ടതാണ്. ഫോൺ: 0471-2731122.

നിയമസഭാ തിരഞ്ഞെടുപ്പിന്റെ വോട്ടെണ്ണൽ കേന്ദ്രം സജ്ജീകരിക്കുന്ന മാർ ഇവാനിയോസ് വിദ്യാന​ഗർ ക്യാമ്പസ്സിനുള്ളിൽ കേബിൾ കണക്ഷൻ ലഭ്യമാക്കുന്നതിനായി  ക്വട്ടേഷനുകൾ ക്ഷണിച്ചു. ജില്ലാ കളക്ടറേറ്റ് ഇലക്ഷൻ വിഭാ​ഗത്തിൽ ഏപ്രിൽ 23ന് വൈകുന്നേരം 5 മണിവരെ ക്വട്ടേഷൻ സമർപ്പിക്കാം.

ക്വട്ടേഷൻ സ്ഥിരപ്പെടുത്തുന്ന പക്ഷം മെയ് ഒന്നിന് തന്നെ ഇൻസ്റ്റൊലൈസേഷൻ പൂർത്തിയാക്കേണ്ടതാണ്. ഫോൺ: 0471-2731122.

കാട്ടാക്കട താലൂക്കിലെ അമ്പൂരി പഞ്ചായത്തിൽ പുരവിമല കാരിക്കുഴിയിൽ പ്രവർത്തിക്കുന്ന എഫ്പിഎസ് 44-ാം നമ്പർ ന്യായവില കടയിൽ നിന്നും റേഷൻ സാധനങ്ങൾ പുരവിമല, തന്മല, കണ്ണമാമൂട്, വള്ളക്കടവ്, കൊമ്പ, തേക്കുംമൂട് തുടങ്ങിയ ആദിവാസി സെറ്റിൽമെന്റുകളിൽ എത്തിക്കുന്നതിനായുള്ള വാഹനം പ്രതിമാസ വാടകയ്ക്ക് നൽകുന്നതിന് ​ദർഘാസ് ക്ഷണിച്ചു.

 ദർഘാസുകൾ ലഭിക്കേണ്ട അവസാന തീയതി ഏപ്രിൽ 30ന് ഉച്ചയ്ക്ക് 2 മണി.  വിലാസം: ജില്ലാ സപ്ലൈ ഓഫീസർ, ജില്ലാ സപ്ലൈ ഓഫീസ്, സിവിൽ സ്റ്റേഷൻ, കുടപ്പനക്കുന്ന്, തിരുവനന്തപുരം-695 043.

നെടുമങ്ങാട് സര്‍ക്കാര്‍ ടെക്‌നിക്കല്‍ ഹൈസ്‌കൂൾ പ്രവേശനത്തിനുള്ള അഭിരുചി പരീക്ഷ ഏപ്രില്‍ 21ന് രാവിലെ 10 മുതല്‍ 11:45 വരെ സ്‌കൂളിൽ നടക്കും. അപേക്ഷിച്ച കുട്ടികള്‍ രക്ഷിതാവിനൊപ്പം തിരിച്ചറിയല്‍ രേഖയുമായി രാവിലെ ഒമ്പതിന് സ്‌കൂളില്‍ ഹാജരാകേണ്ടതാണ്.

ഫലപ്രഖ്യാപനം 21ന്  വൈകുന്നേരം 4 മണിക്ക്. പരാതികള്‍ ഉണ്ടെങ്കില്‍ 22ന് 4 മണിക്ക് മുമ്പായി സ്‌കൂളില്‍ സമര്‍പ്പിക്കേണ്ടതാണ്. പ്രവേശനത്തിനുളള അന്തിമ പട്ടിക 24ന് 11 മണിക്ക് സ്‌കൂളില്‍ പ്രസിദ്ധീകരിക്കും. പ്രവേശനം ഏപ്രില്‍ 27 മുതല്‍ 30 വരെ നിശ്ചയിച്ച റാങ്ക് പട്ടിക പ്രകാരം സ്‌കൂളില്‍ നടത്തുന്നതാണ്. വിശദവിവരങ്ങള്‍ക്ക് 9846170024, 8606251157.

കെല്‍ട്രോണില്‍ വനിതകള്‍ക്കായി ഡിപ്ലോമ ഇന്‍ മോണ്ടിസ്സോറി ടീച്ചര്‍ ട്രെയിനിംഗ് കോഴ്‌സിന്റെ സൗജന്യ വര്‍ക്ക്‌ഷോപ്പ് സംഘടിപ്പിക്കുന്നു. ഏപ്രില്‍ 20, 21 തീയതികളില്‍ പ്രാവച്ചമ്പലം കെല്‍ട്രോണ്‍ നോളജ് സെന്ററിലാണ് വർക്ക്ഷോപ്പ്. പങ്കെടുക്കുവാന്‍ ആ​ഗ്രഹിക്കുന്നവർ മുന്‍കൂട്ടി രജിസ്റ്റര്‍ ചെയ്യുക. വിശദവിവരങ്ങള്‍ക്ക് : 9072592412, 9495642722

നിയമസഭാ തെരഞ്ഞെടുപ്പിന്റെ ഭാഗമായി ജില്ലയിൽ സംഘടിപ്പിച്ച സ്വീപ് പ്രവർത്തനങ്ങൾക്ക് നേതൃത്വം നൽകിയ അംഗങ്ങൾക്ക് സർട്ടിഫിക്കറ്റുകൾ വിതരണം  ചെയ്തു. കളക്ടറേറ്റ് മിനി കോൺഫറൻസ് ഹാളിൽ നടന്ന പരിപാടി ജില്ലാ കളക്ടർ ഡി.ആർ മേഘശ്രീ ഉദ്ഘാടനം ചെയ്തു. ജില്ലയിൽ വോട്ടർ ബോധവത്കരണ പ്രവർത്തനങ്ങൾ മികച്ച രീതിയിൽ നടപ്പാക്കാൻ കഴിഞ്ഞതായി കളക്ടർ പറഞ്ഞു.

സബ് കളക്ടർ അതുൽ സാഗർ,  അസിസ്റ്റന്റ് കളക്ടർ പി.പി അർച്ചന  ഡെപ്യൂട്ടി കളക്ടർമാരായ നിജു കുര്യൻ, എം.കെ ഇന്ദു ,കെ.കെ ബിനി, വിവിധ വകുപ്പ് ഉദ്യോഗസ്ഥർ, സ്വീപ് അംഗങ്ങൾ എന്നിവർ പങ്കെടുത്തു.

തൃശ്ശൂർ ജില്ലാ സാക്ഷരതാ മിഷന്റെ നേതൃത്വത്തിൽ കേരള സമ്പൂർണ സാക്ഷരതാ പ്രഖ്യാപനത്തിന്റെ 35 -ാം വാർഷിക ദിനാചരണം ഇന്ന് (ഏപ്രിൽ 18) രാവിലെ 11 ന് നടത്തും. ജില്ലാ പഞ്ചായത്ത് മിനി കോൺഫറൻസ് ഹാളിൽ നടക്കുന്ന ചടങ്ങിൽ ഡെപ്യൂട്ടി കളക്ടർ കെ. കൃഷ്ണകുമാർ, ജില്ലാ ഇൻഫർമേഷൻ ഓഫീസർ പി.കെ വേലായുധൻ,
ജില്ലാ പഞ്ചായത്ത് സെക്രട്ടറി ടോബി തോമസ്, യുവജന ക്ഷേമ ബോർഡ് ജില്ലാ പ്രോഗ്രാം ഓഫീസർ സി. ടി സബിത, പഠിതാക്കൾ, പ്രേരക്മാർ  തുടങ്ങിയവർ പങ്കെടുക്കും. പരിപാടിയുടെ ഭാഗമായി പ്രഭാഷണങ്ങൾ, ചർച്ച, പഠിതാക്കളെ ആദരിക്കൽ, എന്നിവ നടക്കും.

പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന ചേലക്കര മോഡൽ റസിഡൻഷ്യൽ സ്കൂൾ (ആൺ), വടക്കാഞ്ചേരി മോഡൽ റസിഡൻഷ്യൽ സ്കൂൾ (ആൺ) എന്നിവിടങ്ങളിൽ   2026 -27 അധ്യയന വർഷത്തിൽ നിലവിലുള്ള ഒഴിവുകളിലേക്ക് കരാർ അടിസ്ഥാനത്തിൽ നിയമനത്തിന് യോഗ്യരായ ഉദ്യോഗാർത്ഥികളിൽ നിന്നും അപേക്ഷകൾ ക്ഷണിച്ചു.
അപേക്ഷകർ, അധ്യാപക നിയമനത്തിന് സർക്കാർ നിശ്ചയിച്ച ബി .എഡ്,കെ-ടെറ്റ്-III യോഗ്യത ഉള്ളവരായിരിക്കണം. ഉയർന്ന യോഗ്യതയും ജോലി പരിചയവും ഉള്ളവർക്കും എസ്.സി/ എസ്.ടി വിഭാഗക്കാർക്കും മുൻഗണ നൽകും. ഹോസ്റ്റലിൽ താമസിച്ച് പഠിപ്പിക്കാൻ താൽപര്യമുള്ളവർ മാത്രം അപേക്ഷിക്കുക .

കെൽട്രോണിന്റെ കോട്ടയം നോളജ് സെന്ററിൽ ഡാറ്റാ അനാലിസിസ് ആൻഡ് മെഷീൻ ലേണിംഗ്, പൈത്തൺ ഫുൾസ്റ്റാക്ക് വിത്ത്‌ എ ഐ  എന്നീ കോഴ്സുകളിലേക്ക് പ്രവേശനം ആരംഭിച്ചു. മിതമായ ഫീസ്, ഓൺലൈൻ അല്ലെങ്കിൽ ഓഫ്‌ലൈൻ ക്ലാസുകൾ തിരഞ്ഞെടുക്കുവാനുള്ള സൗകര്യം എന്നിവ ഈ കോഴ്സുകളുടെ സവിശേഷതയാണ്. പ്ലസ് ടു ആണ് യോഗ്യത. രജിസ്റ്റർ ചെയ്യാൻ ആഗ്രഹിക്കുന്നവർ മെയ്‌ 31 ന് മുൻപായി സർട്ടിഫിക്കറ്റ്, ആധാർ എന്നിവയുമായി കോട്ടയം സെന്ററിൽ എത്തിച്ചേരണം. രജിസ്ട്രേഷൻ ലിങ്ക്: https://forms.gle/LPNgabsFQscD27dUA ഫോൺ:  6282841772, 8590118698.