ജില്ലയിലെ പൊതുസ്ഥലങ്ങളിലും സംരക്ഷിത മേഖലകളിലും ഡ്രോൺ ഉപയോഗം ഇനിയൊരു അറിയിപ്പ് ഉണ്ടാകുന്നതുവരെ നിരോധിച്ചതായി ജില്ലാ കളക്ടർ ജോൺ വി. സാമുവൽ അറിയിച്ചു. കെട്ടിടത്തിനുള്ളിലെ ഉപയോഗത്തിന് നിരോധനം ബാധകമല്ല.
 

മോട്ടോർ തൊഴിലാളി ക്ഷേമനിധി പദ്ധതിയിൽ സജീവാംഗങ്ങളായ തൊഴിലാളികളുടെ കുട്ടികളിൽ 2025-26 അധ്യയനവർഷം സർക്കാർ/എയ്ഡഡ് സ്‌കൂളുകളിൽ ഒന്നുമുതൽ ഏഴുവരെ ക്ലാസുകളിൽ പഠിക്കുന്നവർക്കു സൗജന്യ പഠനകിറ്റിനുള്ള അപേക്ഷ മേയ് 13 വൈകിട്ട് അഞ്ചുമണി വരെ നൽകാം. വിശദവിവരത്തിന് ജില്ലാ ക്ഷേമനിധി ഓഫീസുമായി ബന്ധപ്പെടണം. ഫോൺ: 0481 2585510. വെബ്സൈറ്റ്: kmtwwfb.org
 

കേന്ദ്ര സർക്കാർ സംരംഭമായ ബിസിൽ ട്രെയിനിങ് ഡിവിഷൻ നടത്തുന്ന ഒരു വർഷം ദൈർഘ്യമുള്ള പി.ജി. ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ (യോഗ്യത പ്ലസ് ടൂ), ആറുമാസം ദൈർഘ്യമുള്ള ഡിപ്ലോമ ഇൻ ഹോസ്പിറ്റൽ അഡ്മിനിസ്ട്രേഷൻ (യോഗ്യത എസ്.എസ്.എൽ.സി.) എന്നീ കോഴ്സുകളിലെ ഓൺലൈൻ/റെഗുലർ/പാർട്ട് ടൈം ബാച്ചുകളിലേക്ക് അപേക്ഷ ക്ഷണിച്ചു. മികച്ച ആശുപത്രികളിൽ ഇന്റേൺഷിപ് ചെയ്യാൻ അവസരവും കോഴ്സുകൾ വിജയകരമായി പൂർത്തിയാക്കുന്നവർക്ക് പ്ലെയ്സ്മെന്റ് അസിസ്റ്റൻസും ലഭിക്കും. വിശദവിവരങ്ങൾക്ക് ഫോൺ: 7994449314.
 

 ഉദയാനാപുരം ഗ്രാമപഞ്ചായത്തിൽ രണ്ട് ആരോഗ്യക്ഷേമ കേന്ദ്രങ്ങൾ(ഹെൽത്ത് ആൻഡ് വെൽനസ്സ് സെന്റർ) കൂടി ഒരുങ്ങി. ആറാം വാർഡിലെ വൈക്കപ്രയാർ ഈസ്റ്റിലും ഒൻപതാം വാർഡിലെ ചെട്ടിമംഗലത്തുമാണ് സെന്ററുകൾ നിർമിക്കുന്നത്.
 വൈക്കപ്രയാർ ഈസ്റ്റിലെ സെന്റർ നിർമാണം പൂർത്തിയായി. ചെട്ടിമംഗലത്തേതിന്റെ പെയിന്റിംഗ് ജോലികൾ കൂടി തീരാനുണ്ട്. ആരോഗ്യ ഗ്രാന്റ്് ഫണ്ടിൽനിന്നുള്ള 27.75 ലക്ഷം രൂപയാണ് ഓരോ സബ് സെന്ററിനും അനുവദിച്ചത്.

കേരള മോട്ടോര്‍ തൊഴിലാളി ക്ഷേമനിധി പദ്ധതിയില്‍ സജീവാംഗങ്ങളായ തൊഴിലാളികളുടെ സര്‍ക്കാര്‍, സര്‍ക്കാര്‍ എയ്ഡഡ് സ്‌കൂളുകളില്‍ 2025-26 അധ്യയന വര്‍ഷത്തില്‍ ഒന്ന് മുതല്‍ ഏഴ് വരെ ക്ലാസ്സുകളില്‍ പഠിക്കുന്ന കുട്ടികള്‍ക്ക് സൗജന്യ പഠന കിറ്റ് വിതരണം ചെയ്യുന്നതിന് അപേക്ഷ ക്ഷണിച്ചു. മെയ് 13 ആണ് അപേക്ഷ സമര്‍പ്പിക്കേണ്ട അവസാന തീയതി. അപേക്ഷയും മറ്റ് വിശദ വിവരങ്ങളും ജില്ലാ ഓഫീസിലും, ബോര്‍ഡിന്റെ ഔദ്യോഗിക വെബ്‌സൈറ്റായ kmtwwfb.org യിലും ലഭ്യമാണ്. ഫോണ്‍: 0487 2446545

2024 നവംബർ കെ ടെറ്റ് പരീക്ഷയുടെ (2025 ജനുവരി 18, 19 തിയ്യതികളിൽ നടന്ന) സർട്ടിഫിക്കറ്റ് പരിശോധന 16(കാറ്റഗറി 1),17(കാറ്റഗറി 2)19 ( കാറ്റഗറി 3),20(കാറ്റഗറി 4) തിയ്യതികളിൽ തൃശ്ശൂർ ഗവ.മോഡൽ ബോയ്സ് സ്കൂളിൽ പ്രവർത്തിക്കുന്ന തൃശ്ശൂർ ജില്ലാ വിദ്യാഭ്യാസ ആഫീസിൽ വെച്ച് രാവിലെ 11.00 മുതൽ 4.30 വരെ നടത്തും. ഹാൾടിക്കറ്റ്, പരീക്ഷയുടെ റിസൾട്ട് എന്നിവയുടെ പകർപ്പ്, എസ്.എസ്.എൽ.സി, പ്ലസ് ടു/പ്രീ ഡിഗ്രി, ഡിഗ്രി, ടി.ടി.സി/ബി.എഡ് എന്നിവയുടെ അസ്സൽ രേഖകളും സ്വയം സാക്ഷ്യപ്പെടുത്തിയ പകർപ്പുകളുമായി പരീക്ഷാർത്ഥി നേരിട്ട് ഹാജരാകണം.
ഫോൺ :04872331263.

സർക്കാർ സ്ഥാപനമായ ഐ.എച്ച് ആർ.ഡിയുടെ വരടിയം ടെക്നിക്കൽ ഹയർ സെക്കണ്ടറി സ്കൂളിലേക്ക് പ്ലസ് വൺ പ്രവേശനത്തിന് (സയൻസ് ഗ്രൂപ്പ് മാത്രം) അപേക്ഷ ക്ഷണിച്ചു. അപേക്ഷാഫോറവും പ്രോസ്പെക്ടസും www.ihrd.ac.in എന്ന വെബ്സൈറ്റിലും വരടിയം ടെക്നിക്കൽ ഹയർ സെക്കണ്ടറി സ്കൂൾ ഓഫീസിൽ നിന്നും ലഭ്യമാണ്. അപേക്ഷാ ഫീസ് 110 രൂപ (എസ്.സി./എസ്.ടി 55 രൂപ). പ്രവേശനം ഏകജാലകം വഴി അല്ലാത്തതിനാൽ പൂരിപ്പിച്ച അപേക്ഷയും അനുബന്ധരേഖകളും  മെയ് 28ന് വൈകിട്ട് അഞ്ചുമണിക്ക് മുൻപായി വരടിയം ടെക്നിക്കൽ ഹയർ സെക്കണ്ടറി സ്കൂളിൽ  ഓഫീസിൽ തന്നെ എത്തിക്കണം.
ഫോൺ: 9496217535, 8547005022.

 ദേശീയ ആരോഗ്യ ദൗത്യത്തിന് കീഴിൽ ഓഡിയോളജിസ്റ്റ് തസ്തികയിൽ താത്ക്കാലിക നിയമനം നടത്തുന്നു. ഓഡിയോളജി ആൻഡ് സ്പീച്ച് ലാംഗ്വേജ് പാത്തോളജിയിൽ ബിരുദവും ആർ സി ഐ രജിസ്ട്രേഷനും പ്രവൃത്തിപരിചയവുമുള്ള 40 വയസ്സിന് താഴെയുള്ളവർക്ക് അപേക്ഷിക്കാം. അപേക്ഷ സമർപ്പിക്കുന്നവർ ജനന തീയ്യതി, യോഗ്യത, രജിസ്ട്രേഷൻ സർട്ടിഫിക്കറ്റ്, പ്രവർത്തിപരിചയം തെളിയിക്കുന്ന രേഖകളുടെ പകർപ്പും ബയോഡാറ്റയും സഹിതം നേരിട്ടോ തപാൽ മുഖേനയോ മെയ് 21ന് വൈകിട്ട് അഞ്ചുമണിക്ക് മുൻപായി ആരോഗ്യ കേരളം തൃശൂർ ഓഫീസിൽ സമർപ്പിക്കേണ്ടതാണ്.

ഇന്ത്യ റിസർവ് ബറ്റാലിയനിൽ ദിവസ വേതനാടിസ്ഥാനത്തിൽ 59 ദിവസത്തേയ്ക്കുള്ള താത്കാലിക നിയമനത്തിന് അപേക്ഷ ക്ഷണിച്ചു. കുക്ക്, സ്വീപ്പർ തസ്തികകളിൽ ക്യാമ്പ് ഫോളോവർമാരെ നിയമിക്കുന്നതിന്റെ ഭാഗമായാണ് മേയ് 15, 2025 വ്യാഴാഴ്ച രാവിലെ 11 മണിക്ക് ബറ്റാലിയൻ ആസ്ഥാനത്ത് അഭിമുഖം നടത്തുന്നത്.

 പ്രതിദിനം 710 രൂപ ശമ്പള നിരക്കിൽ പ്രതിമാസം പരമാവധി 19,170 രൂപയായിരിക്കും ശമ്പളം. നിയമനം മാർക്കിന്റെ അടിസ്ഥാനത്തിൽ മുൻഗണനാ ക്രമത്തിൽ നിശ്ചയിക്കുന്നതാണ്. തൊഴിൽ പരിചയമുള്ളവർക്ക് മുൻഗണന.