വനിതാ ശിശുവികസന വകുപ്പില്‍ നെടുംകണ്ടം ശിശുവികസന പദ്ധതി ആഫീസിന്റെ പരിധിയിലുള്ള നെടുംകണ്ടം, പാമ്പാടുംപാറ, കരുണാപുരം പഞ്ചായത്തുകളിലെ അങ്കണവാടികളില്‍ ജൂലൈ 15 മുതല്‍ 2026 മാര്‍ച്ച് 31 വരെ കോഴിമുട്ടയും പാലും വിതരണം ചെയ്യാന്‍ താല്പര്യമുള്ള സ്ഥാപനങ്ങളില്‍ നിന്നും വ്യക്തികളില്‍ നിന്നും മുദ്ര വച്ച കവറില്‍ ടെന്‍ഡര്‍ ക്ഷണിച്ചു. പാലിനും മുട്ടയ്ക്കും പ്രത്യേകം ടെന്‍ഡറുകള്‍ അതാത് പഞ്ചായത്ത് അടിസ്ഥാനത്തില്‍ സമര്‍പ്പിക്കണം. ടെന്‍ഡറുകള്‍ ജൂലൈ 14 ന് പകല്‍ ഒരു മണി വരെ സ്വീകരിക്കും. തുടര്‍ന്ന് രണ്ടുമണിക്ക് തുറന്നു പരിശോധിക്കും. കൂടുതല്‍ വിവരങ്ങള്‍ക്ക് 9400916175, 9287592328

വിവിധ ആവശ്യങ്ങള്‍ക്കായി മണക്കാട് വില്ലേജ് ഓഫീസില്‍ എത്തുന്നവര്‍ക്ക് ഇനി സേവനങ്ങള്‍ കൂടുതല്‍ 'സ്മാര്‍ട്ടായി' ലഭിക്കും. ആധുനിക സൗകര്യങ്ങളോടെ നിര്‍മ്മിച്ച മണക്കാട് സ്മാര്‍ട്ട് വില്ലേജ് ഓഫീസ് റവന്യൂ വകുപ്പ് മന്ത്രി കെ.രാജന്‍ ഇന്ന് (1) നാടിന് സമര്‍പ്പിക്കും.

തൊടുപുഴ താലൂക്കില്‍ ഉള്‍പ്പെടുന്ന മണക്കാട് വില്ലേജ് ഓഫീസ് മന്ദിരം 2023 - 24 പ്ലാന്‍ സ്‌കീം പദ്ധതിയില്‍ ഉള്‍പ്പെടുത്തി 50 ലക്ഷം രൂപ ചെലവഴിച്ചാണ് സ്മാര്‍ട്ട് വില്ലേജ് ഓഫീസായി ഉയര്‍ത്തുന്നത്. സംസ്ഥാന നിര്‍മ്മിതി കേന്ദ്രമാണ് നിര്‍മ്മാണം പൂര്‍ത്തിയാക്കിയത്. 

കാര്‍ഷിക മേഖലയുടെ സമഗ്രവളര്‍ച്ചയും കാലാവസ്ഥാ പ്രതിരോധശേഷി വര്‍ദ്ധനവും ലക്ഷ്യമിട്ട് കൃഷി വകുപ്പ് ആവിഷ്‌കരിച്ച കേര പദ്ധതിയോട് അനുബന്ധിച്ച് നിര്‍വഹണ സ്ഥാപനങ്ങളിലെ ഉദ്യോഗസ്ഥര്‍ക്കുള്ള അവബോധ ശില്പശാല ഇന്ന് (ജൂലൈ 1) 

കട്ടപ്പനയില്‍ നടക്കും. ജലവിഭവ വകുപ്പ് മന്ത്രി റോഷി അഗസ്റ്റിന്‍ ശില്പശാല ഉദ്ഘാടനം ചെയ്യും. രാവിലെ 10.30ന് കട്ടപ്പന കേജീസ് ഹില്‍ടൗണ്‍ ഹോട്ടലില്‍ നടക്കുന്ന ശില്പശാലയില്‍ ജില്ലാ പഞ്ചായത്ത് പ്രസിഡന്റ് രാരിച്ചന്‍ നീരണാംകുന്നേല്‍ അധ്യക്ഷത വഹിക്കും.

കാര്‍ഷിക മേഖലയില്‍ നൂതന ആശയങ്ങളും സാങ്കേതികവിദ്യയും പ്രയോജനപ്പെടുത്തി സുസ്ഥിര വികസനം ലക്ഷ്യമിടുന്ന കെ-ടാപ്പ് (കുടുംബശ്രീ ടെക്‌നോളജി അഡ്വാന്‍സ്‌മെന്റ് പ്രോഗ്രാം) പദ്ധതിക്ക് ഇടുക്കിയില്‍ തുടക്കമായി. 

പദ്ധതിയുടെ ജില്ലാതല ടെക്‌നോളജി ഡിസെമിനേഷന്‍ ക്ലീനിക്ക് പരിശീലന പരിപാടി ജില്ലാ കളക്ടര്‍ വി. വിഗ്‌നേശ്വരി ഉദ്ഘാടനം ചെയ്തു. ഇടുക്കി കളക്ടറേറ്റ് കോണ്‍ഫറന്‍സ് ഹാളില്‍ സംഘടിപ്പിച്ച പരിപാടിയില്‍ കുടുംബശ്രീ ഫാം ലൈവ്‌ലിഹുഡ് സ്റ്റേറ്റ് പ്രോഗ്രാം ഓഫീസര്‍ ഡോ. ഷാനവാസ്. എസ് അധ്യക്ഷത വഹിച്ചു.

പത്തൊന്‍പതാമത് ദേശീയ സ്റ്റാറ്റിസ്റ്റിക്‌സ് ദിനാഘോഷത്തിന്റെ ജില്ലാതല ഉദ്ഘാടനം ജില്ലാ കളക്ടര്‍ വി. വിഗ്‌നേശ്വരി നിര്‍വഹിച്ചു. ജില്ലാ ആസൂത്രണ സമിതി കോണ്‍ഫറന്‍സ് ഹാളില്‍ സംഘടിപ്പിച്ച പരിപാടിയില്‍ സാമ്പത്തിക സ്ഥിതിവിവരകണക്ക് വകുപ്പ് ഡപ്യൂട്ടി ഡയറക്ടര്‍ അജിത്ത് കുമാര്‍ പി.കെ അധ്യക്ഷത വഹിച്ചു.'ദേശീയ സാമ്പിള്‍ സര്‍വേയുടെ 75 വര്‍ഷങ്ങള്‍' എന്ന വിഷയത്തില്‍ റിസര്‍ച്ച് ഓഫീസര്‍ അഞ്ജുമോള്‍ ശശി പ്രമേയാവതരണം നടത്തി. തുടര്‍ന്ന് 'സ്റ്റാറ്റിസ്റ്റിക്സ് ഇന്‍ ദി ഏജ് ഓഫ് എ.ഐ' എന്ന വിഷയത്തില്‍ ഡോ. ജിന്റോ ജേക്കബ് പൊറ്റക്കലിന്റെ നേതൃത്വത്തില്‍ സെമിനാര്‍ സംഘടിപ്പിച്ചു. 

അന്‍പതാം വാര്‍ഷികത്തിന്റെ നിറവില്‍ നില്‍ക്കുന്ന ഇടുക്കിയിലെ ഇരവികുളം ദേശീയോദ്യാനത്തിന് ഇന്ത്യയിലെ ഏറ്റവും മികച്ച ദേശീയോദ്യാനമെന്ന അംഗീകാരവും. കേന്ദ്ര പരിസ്ഥിതി, വനം, കാലാവസ്ഥാ വ്യതിയാന മന്ത്രാലയം 2020 മുതല്‍ 2025 വരെ സംരക്ഷിത വനമേഖലകളില്‍ നടത്തിയ മാനേജ്‌മെന്റ് എഫക്ടീവ് എവാല്യൂവേഷന്റെ അടിസ്ഥാനത്തിലാണ് ഈ നേട്ടത്തിന് മൂന്നാര്‍ വന്യജീവി ഡിവിഷനു കീഴിലുള്ള ഇരവികുളം തിരഞ്ഞെടുക്കപ്പെട്ടത്. വരയാടുകളുടെയും നീലക്കുറിഞ്ഞികളുടെയും പേരില്‍ പ്രശസ്തമായ ഇരവികുളം വിനോദസഞ്ചാരികളുടെ പ്രിയപ്പെട്ട ഇടമാണ്.

 കോട്ടയം, എറണാകുളം, ഇടുക്കി, ആലപ്പുഴ  ജില്ലകളിലെ വിവിധ സര്‍ക്കാര്‍ പദ്ധതികളുടെ പുരോഗതി അവലോകനം ചെയ്യുന്നതിനായി മുഖ്യമന്ത്രി പിണറായി വിജയന്റെ നേതൃത്വത്തില്‍ ജൂലൈ മൂന്നിന്  രാവിലെ 10 മണിക്ക് തെള്ളകം ഡി എം കൺവെൻഷൻ സെൻ്ററിൽ  മേഖല അവലോകന യോഗം ചേരും. മന്ത്രിമാര്‍, ചീഫ് സെക്രട്ടറി, വകുപ്പു സെക്രട്ടറിമാർ, നാലു ജില്ലകളിലെ ജില്ലാ കലക്ടര്‍മാര്‍, മറ്റ് ഉന്നത ഉദ്യോഗസ്ഥര്‍ തുടങ്ങിയവര്‍ യോഗത്തില്‍ പങ്കെടുക്കും.

ജില്ലയിലെ ആയുഷ് സ്ഥാപനങ്ങളിൽ  ആയുർ കർമ്മ പ്രോജക്ടിലേക്കും ഫിസിയോതെറാപ്പി യൂണിറ്റിലേക്കും മൾട്ടിപർപ്പസ് വർക്കറിനെ കരാർ അടിസ്ഥാനത്തിൽ നിയമിക്കുന്നതിനുള്ള അപേക്ഷ ക്ഷണിച്ചു. അപേക്ഷ സ്വീകരിക്കുന്ന അവസാന തീയതി: ജൂലൈ 15 വൈകുന്നേരം അഞ്ച് മണി. കൂടുതൽ വിവരങ്ങൾക്ക് www.namkerala.gov.in-careersopportunitise എന്ന ലിങ്ക് സന്ദർശിക്കുകയോ നാഷണൽ ആയുഷ് മിഷന്റെ ജില്ലാ ഓഫീസിലെത്തുകയോ ചെയ്യണം. ഫോൺ: 0481-2991918.

വൈക്കം ഐ.സി.ഡി.എസ്. പ്രോജക്ട് പരിധിയിൽ വരുന്ന ഉദയനാപുരം ഗ്രാമപഞ്ചായത്തിലെ അങ്കണവാടികളിൽ വർക്കർ/ഹെൽപ്പർ തസ്തികയിലേയ്ക്ക് ജൂലൈ ഏഴ്, എട്ട് തീയതികളിൽ നിശ്ചയിച്ചിരുന്ന കൂടിക്കാഴ്ച മാറ്റിവെച്ചു. പുതുക്കിയ തീയതി പിന്നീട് അറിയിക്കും.