കേരള കര്‍ഷകതൊഴിലാളി ക്ഷേമനിധിബോര്‍ഡ് ജില്ലാ ഓഫീസിന്റെ ആഭിമുഖ്യത്തില്‍ പുതിയ അംഗങ്ങളെ ചേര്‍ക്കുന്നതിനും അംശാദായം സ്വീകരിക്കുന്നതിനുമായി കരവാളൂര്‍ പഞ്ചായത്ത് ബാലഭവനില്‍ ജൂണ്‍ 11ന്   രാവിലെ 10 മുതല്‍ വൈകിട്ട്  മൂന്ന്  വരെ സിറ്റിംഗ് നടത്തും.   ഫോണ്‍ 9746822396, 7025491386, 0474-2766843.
 

തിരുവനന്തപുരം റീജിയണൽ കാൻസർ സെന്ററിൽ കരാറടിസ്ഥാനത്തിൽ ബയോമെഡിക്കൽ എൻജിനിയർ നിയമനത്തിന് ജൂൺ 7ന് വാക്ക്-ഇൻ-ഇന്റർവ്യൂ നടത്തും.

വിമുക്തഭടന്മാരുടെ മക്കള്‍ക്ക് നല്‍കിവരുന്ന മെഡിക്കല്‍/എഞ്ചിനിയറിംഗ് പ്രവേശന പരീക്ഷാ പരിശീലന  ഗ്രാന്റിന് അപേക്ഷ ക്ഷണിച്ചു.   ആറുമാസത്തില്‍ കുറയാത്ത കാലാവധിയുള്ള പരിശീലനത്തില്‍ പങ്കെടുത്തവര്‍ക്ക് serviceonline.gov.in.kerala മുഖേന അപേക്ഷിക്കാം. ഇരുപത്തഞ്ചു വയസ്സുകഴിഞ്ഞ/വിവാഹിതരായ/ ജോലിയുള്ള കുട്ടികള്‍ അപേക്ഷിക്കേണ്ടതില്ല. അപേക്ഷയും  ബന്ധപ്പെട്ട രേഖകളും  ജില്ലാ സൈനികക്ഷേമ ഓഫീസില്‍ ജൂലൈ 25 വൈകിട്ട് അഞ്ചിനകം ലഭിക്കണം.   ഫോണ്‍ : 0474-2792987.
 

നേവിയില്‍ നിന്നും വിരമിച്ച  വിമുക്തഭടന്മാര്‍, വീര്‍നാരികള്‍ എന്നിവരുമായി സൈനിക ഓഫീസ് പ്രതിനിധികള്‍ അഭിമുഖം നടത്തും. കടപ്പാക്കട വിമുക്തഭട ഭവനില്‍  ജൂണ്‍ 23  ന് രാവിലെ 11  മുതല്‍ ഉച്ചയ്ക്ക് 1.30 വരെയാണ് അഭിമുഖം. നേവിയില്‍ നിന്നും വിരമിച്ച ജില്ലയിലെ  വിമുക്തഭടന്മാര്‍  , വീര്‍ നാരികള്‍ പങ്കെടുക്കണമെന്ന് ജില്ലാ സൈനികക്ഷേമ ഓഫീസര്‍ അറിയിച്ചു. ഫോണ്‍:   0474 2792987.
 

കെല്‍ട്രോണ്‍ വിവിധ മാധ്യമ കോഴ്‌സുകളിലേക്ക് അപേക്ഷ ക്ഷണിച്ചു. തിരുവനന്തപുരം, കോഴിക്കോട്, പാലക്കാട് ജില്ലകളിലെ പരിശീലന കേന്ദ്രങ്ങളിലേക്കാണ് അപേക്ഷ സമര്‍പ്പിക്കേണ്ടത്. ടെലിവിഷന്‍ ജേര്‍ണലിസം, ഡിജിറ്റല്‍ മീഡിയ - സോഷ്യല്‍ മീഡിയ ജേര്‍ണലിസം, വാര്‍ത്താ അവതരണം, ആങ്കറിംഗ്   തുടങ്ങിയ മേഖലകളില്‍   പരിശീലനം നല്‍കും.   ബിരുദം നേടിയവര്‍ക്കും പ്ലസ് ടു കഴിഞ്ഞവര്‍ക്കും അപേക്ഷിക്കാം.   പഠനകാലയളവില്‍ മാധ്യമസ്ഥാപനങ്ങളില്‍ പ്രായോഗിക പരിശീലനവും ഇന്റേണ്‍ഷിപ്പ് അവസരങ്ങളും ലഭിക്കും.   അവസാനതീയതി:  ജൂണ്‍ 20. ഫോണ്‍: 9544958182.  
 

കൊല്ലം ഫുഡ് ക്രാഫ്റ്റ് ഇന്‍സ്റ്റിറ്റുട്ടില്‍  ഫുഡ് ആന്റ് ബീവറേജ് സര്‍വീസ്, ഫുഡ് പ്രോഡക്ഷന്‍ എന്നീ ഹോട്ടല്‍  മാനേജ്‌മെന്റ്   കോഴ്‌സുകളിലേക്ക് അപേക്ഷിക്കാം. യോഗ്യത: പ്ലസ് ടു / തത്തുല്യം.   web.www.fcikerala.org മുഖേനയും ഓഫിസില്‍ നേരിട്ടും അപേക്ഷ സമര്‍പ്പിക്കാം.   അവസാന തീയതി: ജൂണ്‍ 15.   ഫോണ്‍: 0474-2767635,9446109355, 9072216937, 9744284900.