ശരിക്കും നിങ്ങള്‍ക്കെത്ര വയസ്സുണ്ടെന്ന് വല്ലപ്പോഴും ആലോചിച്ചിട്ടുണ്ടോ? ജനന സര്‍ട്ടിഫിക്കറ്റിലെ പ്രായമല്ല, ശരീരത്തിന്റെ യഥാര്‍ത്ഥ വയസ്സ്. അതറിയണമെങ്കില്‍ ആലപ്പുഴ ബീച്ചില്‍ നടക്കുന്ന എന്റെ കേരളം പ്രദര്‍ശന വിപണന മേളയിലെ ആരോഗ്യവകുപ്പിന്റെ സ്റ്റാളിലേക്ക് വന്നാല്‍ മതി. ആരോഗ്യവകുപ്പിന്റെ  സ്റ്റാളില്‍ സജ്ജീകരിച്ചിരിക്കുന്ന 'ബോഡി ഫാറ്റ് അനലൈസര്‍' എന്ന ഉപകരണമാണ് ശരീരത്തിന്റെ യഥാര്‍ഥ പ്രായമളന്ന് ഭാവികാലത്തേക്കുള്ള സൂചനകള്‍ തരുന്നത്. 

ആലപ്പുഴയില്‍ ഡാം ഇല്ല, പക്ഷേ ആലപ്പുഴ ബീച്ചില്‍ നടക്കുന്ന എന്റെ കേരളം പ്രദര്‍ശന വിപണനമേളയില്‍ വന്നാല്‍ ഇടുക്കി ഡാമിലൂടെ സഞ്ചരിക്കാം, കാഴ്ചകള്‍ കാണാം, ബോട്ട് യാത്ര നടത്താം... ഇടുക്കിയില്‍ പോകാതെ ഇടുക്കി അണക്കെട്ട് കാണാന്‍ അവസരമൊരുക്കുകയാണ് മേളയിലെ കെഎസ്ഇബി സ്റ്റാള്‍. 

തെളിവെവിടെ എന്ന് ചോദിക്കുമ്പോള്‍ പഴയ ശങ്കരാടി കഥാപാത്രത്തെപ്പോലെ കൈവെള്ള കാണിക്കുന്നവരല്ല കേരള പൊലീസ്. തെളിവുകളുടെ ഓരോ അരിമണിയും പെറുക്കിയെടുത്ത് കുറ്റപത്രത്തില്‍ നിരത്തുന്നതെങ്ങിനെയെന്ന് കാണിച്ചു തരുകയാണ് ആലപ്പുഴ ബീച്ചില്‍ നടക്കുന്ന എന്റെ കേരളം പ്രദര്‍ശനവിപണനമേളയിലെ കേരള പൊലീസിന്റെ ഫൊറന്‍സിക് പവലിയന്‍. 

*സംഘാടക സമിതി രൂപീകരണം നാളെ (മെയ് 12)

സംസ്ഥാനതല സ്‌കൂള്‍ പ്രവേശനോത്സവം ആലപ്പുഴ കലവൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.  പ്രവേശനോത്സവത്തിന്റെ സംഘാടക സമിതി രൂപീകരണയോഗം മേയ് 12 ന്  രാവിലെ 10.30 ന് കലവൂര്‍ ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ ചേരും. വിദ്യാഭ്യാസ വകുപ്പ് മന്ത്രി വി ശിവന്‍കുട്ടി യോഗം ഉദ്ഘാടനം ചെയ്യും. സര്‍ക്കാര്‍, എയ്ഡഡ് സ്‌കൂളുകളിലെ പ്രധാന അധ്യാപകരും എസ് എം സി, പി ടി എ ഭാരവാഹികളും ത്രിതല പഞ്ചായത്ത് ജനപ്രതിനിധികളും യോഗത്തില്‍ പങ്കെടുക്കണമെന്ന് പി പി ചിത്തരഞ്ജന്‍ എം എല്‍ എ അറിയിച്ചു.

കരുമാടി സ്വദേശിയായ 17 വയസുള്ള കുട്ടി പേവിഷ ബാധയേറ്റ് മരിച്ച സാഹചര്യത്തില്‍ പേവിഷ ബാധയ്‌ക്കെതിരെ അതീവ ജാഗ്രത പാലിക്കണമെന്ന് ആരോഗ്യവകുപ്പ് അറിയിച്ചു. മെയ് 7ാം തീയതിയാണ് രോഗലക്ഷണങ്ങളോട് കൂടി കുട്ടിയെ വണ്ടാനം മെഡിക്കല്‍ കോളേജില്‍  ചികിത്സയില്‍ പ്രവേശിപ്പിച്ചത്. സ്വകാര്യ ആശുപത്രിയില്‍ ചികിത്സ തേടിയ കുട്ടിയെ രോഗലക്ഷണങ്ങള്‍ സംശയിച്ചതിനെ തുടര്‍ന്ന് വണ്ടാനം മെഡിക്കല്‍ കോളേജിലേക്ക് റഫര്‍ ചെയ്യുകയായിരുന്നു. കുട്ടിക്ക് വളര്‍ത്തു  പൂച്ചയുമായും നായയുമായും സമ്പര്‍ക്കമുണ്ടായിട്ടുണ്ട്. ഒരു മാസത്തിനുളളില്‍ വീട്ടിലെ വളര്‍ത്തു പൂച്ച ചത്തുപോയിരുന്നു.

കുഞ്ഞുങ്ങളുള്ള അമ്മമാരുടെ എപ്പോഴത്തെയും വലിയ ആശങ്കയാണ് കുട്ടിക്ക് ആരോഗ്യമുണ്ടോ, ആവശ്യമായ പോഷണം ലഭിക്കുന്നുണ്ടോ എന്നത്..
ആലപ്പുഴ ബീച്ചില്‍ നടക്കുന്ന എന്റെ കേരളം പ്രദര്‍ശനവിപണനമേളയിലെ വനിതാ ശിശു വികസന വകുപ്പിന്റെ സ്റ്റാളിലെത്തിയാല്‍ നിങ്ങളുടെ കുട്ടിയുടെ പോഷക വിശകലനവും നടത്താം, സ്മാര്‍ട്ട് അങ്കണവാടിയില്‍ കുട്ടികള്‍ക്ക് പലവിധ കളികളിലേര്‍പ്പെടുകയും ചെയ്യാം. 

*കെഫൈ വഴി സൗജന്യ നെറ്റ് ഒരുക്കി ഐടി മിഷൻ

മണ്ണ് പരിശോധന എളുപ്പത്തിലായാലോ? മണ്ണ് പരിശോധന ലാബ് വാഹനം എന്റെ കേരളം പ്രദർശന വിപണന മേളയിലെ തരംഗമായി മാറിയിരിക്കുകയാണ്. ഏത് തരം മണ്ണായാലും ഇവിടെ പരിശോധന  വെറും 3 മണിക്കൂറിനുള്ളിൽ നടക്കും. കൃഷിയിൽ മണ്ണ് വളരെ പ്രധാനമാണ്. ഈ ലാബിലൂടെ നിങ്ങൾക്കും മണ്ണ് പരിശോധന നടത്തി കൃത്യമായി കൃഷി ചെയ്തു തുടങ്ങാം. ഇതോടെ മണ്ണറിഞ്ഞ് വളം ചെയ്യുക എന്ന പ്രയോഗം ഇവിടെ യാഥാർഥ്യമാകുകയാണ്. പി.എച്ച് മീറ്റർ, കണ്ടക്ടിവിറ്റി മീറ്റർ, ഫ്ലെയിം ഫോട്ടോ മീറ്റർ, കലോറി മീറ്റർ എന്നിവ ലാബിൽ സജ്ജീകരിച്ചിട്ടുണ്ട്. പരിശോധനയ്ക്കായി എടുക്കുന്ന സാമ്പിൾ കൃഷിസ്ഥലത്തെ മുഴുവൻ പ്രതിനിധീകരിക്കുന്നതായിരിക്കണം.

എന്റെ കേരളം പ്രദർശന വിപണമേളയിൽ എത്തുന്നവർക്ക് കാഴ്ചകൾ കാണുക മാത്രമല്ല കൈ നിറയെ സമ്മാനങ്ങളും സ്വന്തമാക്കാം. വിവിധ വകുപ്പുകളുടെ സ്റ്റാളുകളിൽ ആകർഷകമായി സമ്മാനങ്ങളാണ് സന്ദർശകരെ കാത്തിരിക്കുന്നത്. 

ജലസേചന വകുപ്പിന്റെ സ്റ്റാളിൽ സെൽഫി എടുക്കൂ ക്യാഷ് പ്രൈസ് നേടൂ എന്ന ബോർഡാണ് സന്ദർശകരെ കാത്തിരിക്കുന്നത്. മുൻവശത്തായി സ്ഥാപിച്ചിട്ടുള്ള കുട്ടനാടിന്റെ മനോഹരമായ ഫോട്ടോയ്ക്ക് മുന്നിൽ നിന്ന് സെൽഫിയെടുത്ത ശേഷം അതിൽ കൊടുത്തിരിക്കുന്ന നമ്പറിൽ വാട്സ്അപ്പ് ചെയ്യാം. തിരഞ്ഞെടുക്കപ്പെടുന്ന ഒരു ഭാഗ്യശാലിക്ക് 5000 രൂപ ക്യാഷ് പ്രൈസ് ലഭിക്കും. 

വെറൈറ്റി പാലങ്ങൾക്ക്  പേരുകേട്ട  ആലപ്പുഴയിൽ  പാലം ഇല്ലാതെ ഒരു പ്രദർശനം സാധ്യമാണോ? അല്ലേ അല്ല..... ആലപ്പുഴ ബീച്ചിലെ എൻ്റെ കേരളം പ്രദർശന വിപണന മേളയിലും ഉണ്ട്  സന്ദർശകർക്ക്  കൗതുകമായി അടിപൊളി പാലവും പിന്നിലായി പച്ചപുതച്ച മലനിരകളും.  പാലത്തിൽ നിന്നും  സെൽഫി എടുക്കാനും  ഒന്ന്  നടക്കണമെങ്കിലും ഒന്നും നോക്കണ്ട. നേരെ പ്രദർശന മേളയിലെ  പൊതുമരാമത്ത് വകുപ്പിന്റെ  പവലിയനിലേക്ക് പോരുക. പാലം കൂടാതെ  തൊട്ടു മുന്നിലായി മനോഹരമായ പാടവും വരമ്പത്ത് ഒരു ഓല മേഞ്ഞ കുടിലും ഉണ്ട്.  പാലത്തിൽ നിന്ന് മലനിരകളുടെ പശ്ചാതലത്തിൽ  സെൽഫിയെടുക്കാനും സന്ദർശകരുടെ തിരക്കാണ്.