ഏപ്രിൽ 9-ന് നടക്കുന്ന വോട്ടെടുപ്പിനുള്ള എല്ലാ തയ്യാറെടുപ്പുകളും ജില്ലയിൽ പൂർത്തിയായതായി ജില്ലാ കളക്ടർ ജി. പ്രിയങ്ക അറിയിച്ചു.  വോട്ടിങ് യന്ത്രങ്ങളുടെ കമ്മീഷനിങ് പൂർത്തിയാക്കി. വോട്ടിങ് സാമഗ്രികളുടെ വിതരണം പൂർത്തിയായി. പോളിങ് ഉദ്യോഗസ്ഥർക്കുള്ള പരിശീലനവും വിന്യാസവും ഇതിനോടകം പൂർത്തിയായിക്കഴിഞ്ഞു. വോട്ടർമാർക്കായി പോളിങ് ബൂത്തുകളിൽ എല്ലാവിധ അടിസ്ഥാന സൗകര്യങ്ങളും ഉറപ്പാക്കിയിട്ടുണ്ടെന്നും ജില്ലാ കളക്ടർ വ്യക്തമാക്കി.

2026 നിയമസഭാ തിരഞ്ഞെടുപ്പിന് ജില്ല സജ്ജം. ജില്ലയിലാകെ 25,03,842 വോട്ടർമാർ ആണ് ഉള്ളത്. ഇതിൽ 12,18,707 പുരുഷ വോട്ടർമാരും 12,85,108 സ്ത്രീ വോട്ടർമാരും 27 ട്രാൻസ്ജെൻഡർ വോട്ടർമാരും ഉൾപ്പെടുന്നു. 

ജില്ലയിൽ കളമശ്ശേരി മണ്ഡലത്തിലാണ് ഏറ്റവും കൂടുതൽ വോട്ടർമാർ. 1,97,711 വോട്ടർമാർ. ഏറ്റവും കുറവ് വോട്ടർമാർ എറണാകുളം നിയോജക മണ്ഡലത്തിലാണ് - 1,36,222. 

കരുനാഗപ്പള്ളി മാലുമേല്‍ ശ്രീഭഗവതിക്ഷേത്രത്തിലെ ഉത്സവം കണക്കിലെടുത്ത്  ഏപ്രില്‍ 14ന് ക്ഷേത്രവും മൂന്ന് കിലോമീറ്റര്‍ ചുറ്റളവിലുള്ള പ്രദേശങ്ങളും  മദ്യനിരോധിത-ഉത്സവമേഖലയായി ജില്ലാ കലക്ടര്‍ പ്രഖ്യാപിച്ചു.
 

നിയമസഭാ തിരഞ്ഞെടുപ്പിലേക്കുള്ള വോട്ടുകള്‍ രാവിലെ 7 മുതല്‍ വൈകിട്ട് 6 വരെ രേഖപ്പെടുത്താമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ്. മോക് പോളിംഗ് വെളുപ്പിന് 5.30ന് നടത്തുമെന്നും വ്യക്തമാക്കി.

നിയമസഭാ തിരഞ്ഞെടുപ്പിലെ  ജില്ലയിലെ വോട്ടിംഗ് പ്രക്രിയ മുഴുവന്‍സമയ നിരീക്ഷണത്തിന് വിധേയമാക്കി കുറ്റമറ്റ നിലയില്‍ പൂര്‍ത്തിയാക്കുമെന്ന് ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ്. ജില്ലാ പ്ലാനിംഗ് ഓഫീസ് കോണ്‍ഫറന്‍സ് ഹാളില്‍ പ്രവര്‍ത്തിക്കുന്ന ജില്ലാതല കണ്‍ട്രോള്‍  റൂമില്‍ സജ്ജമാക്കിയ സംവിധാനങ്ങള്‍ പരിശോധിച്ച് ഉറപ്പാക്കിയിട്ടുണ്ട്.  
വിവിധ ഐ ടി പ്ലാറ്റുഫോമുകളുടെ അപ്‌ഡേഷനും വോട്ടിംഗ് പ്രക്രിയയുടെ തത്സമയ പുരോഗതി വിലയിരുത്താനുമാണ് സംവിധാനങ്ങള്‍.  

തീപ്പെട്ടി മുതല്‍  കാഴ്ചപരിമിതര്‍ക്കുള്ള ബെയ്‌ലി ബാലറ്റ് വരെ നീളുന്ന വൈവിധ്യമാണ് തിരഞ്ഞെടുപ്പ് സാമഗ്രികളുമായി പുറപ്പെടുന്ന ഉദ്യോഗസ്ഥരുടെ പെട്ടിയില്‍. ആകെ 113 എണ്ണം. ഒരു പോളിംഗ് ബൂത്തിലെ ആകെ വോട്ടുകളുടെ എണ്ണം രേഖപ്പെടുത്തിയ 17 സി ഫോം, വോട്ടര്‍മാരുടെ വിവരങ്ങള്‍ അടങ്ങിയ 17 എ രജിസ്റ്റര്‍ പലതരം ഫോമുകള്‍ അടങ്ങിയ  ബുക്ക് ലെറ്റ് , ഇതര തിരഞ്ഞെടുപ്പ് രേഖകള്‍ തുടങ്ങിയവയുണ്ട്.

അത്യാധുനികസംവിധാനങ്ങളുള്ള പോളിംഗ് ബൂത്തും ജില്ലയില്‍ ഒരുക്കിയതായി ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ്. തങ്കശ്ശേരി ഇന്‍ഫന്റ് ജീസസ് ആംഗ്ലോ ഇന്ത്യന്‍ ഹയര്‍ സെക്കന്‍ഡറി സ്‌കൂളില്‍ സജ്ജമാക്കിയ രാജ്യാന്തരനിലവാരമുള്ള ബൂത്തിലെത്തി സംവിധാനങ്ങളെല്ലമായെന്ന് ഉറപ്പാക്കി. വോട്ടര്‍മാര്‍ക്ക് മികവുറ്റസംവിധാനങ്ങള്‍കൂടി പരിചയപ്പെടുത്തുന്നതിനാണ് പുതിയ മാതൃകയെന്നും വ്യക്തമാക്കി.

സ്‌കോൾ കേരള ഡിപ്ലോമ ഇൻ യോഗിക് സയൻസ് ആന്റ് സ്‌പോർട്സ് യോഗ കോഴ്‌സ് രണ്ടാം ബാച്ചിന്റെ 2025 ഡിസംബർ മാസത്തിൽ നടത്തിയ പരീക്ഷയുടെയും സപ്ലിമെന്ററി പരീക്ഷയുടെയും ഫലം പ്രസിദ്ധപ്പെടുത്തി.

തിരുവനന്തപുരത്തെ കേരള ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റിൽ   (കിക്മ) എം.ബി.എ. (ഫുൾടൈം) 2026-28 ബാച്ചിലേയ്ക്കുളള അപേക്ഷ ക്ഷണിച്ചു.

ജീവനക്കാരുടെ അഭാവം മൂലം ഏപ്രിൽ 10ന് സ്റ്റേറ്റ് സെൻട്രൽ ലൈബ്രറിയുടെ പ്രവർത്തന സമയം രാവിലെ 10 മുതൽ വൈകുന്നേരം 5 മണിവരെ ആയിരിക്കും.