പാമ്പാടി ഐ.സി.ഡി.എസ് പ്രോജക്റ്റിന്റെ പരിധിയിലുള്ള എട്ട് പഞ്ചായത്തുകളിലെ 193 അങ്കണവാടികളിലേക്ക് പോഷകബാല്യം പദ്ധതി പ്രകാരം 2025-26 സാമ്പത്തികവർഷം ആഴ്ചയിൽ മൂന്നുദിവസം (തിങ്കൾ, ബുധൻ,വെള്ളി) പാൽ വിതരണം ചെയ്യുന്നതിന് താല്പര്യമുള്ള മിൽമ പാൽ സൊസൈറ്റി, കുടുംബശ്രീ സംരംഭകർ മറ്റ് പ്രാദേശിക പാൽ വിതരണക്കാർ എന്നിവരിൽനിന്ന് ടെൻഡർ ക്ഷണിച്ചു.

ഏറ്റുമാനൂർ അഡിഷണൽ ഐ.സി.ഡി.എസിന്റെ പരിധിയിലുള്ള ആർപ്പൂക്കര ഗ്രാമപഞ്ചായത്തിൽ 2025-26 വർഷത്തിൽ പോഷക ബാല്യം പദ്ധതിയിൽ ഉൾപ്പെടുത്തി ആഴ്ചയിൽ മൂന്നുദിവസം (തിങ്കൾ, ബുധൻ, വെള്ളി) അങ്കണവാടിയിൽ മിൽമ പാൽ വിതരണം ചെയ്യുന്നതിന് സ്ഥാപനങ്ങളിൽനിന്ന് ടെൻഡർ ക്ഷണിച്ചു. പൂരിപ്പിച്ച ടെൻഡറുകൾ ജൂലൈ 15ന് ഉച്ചകഴിഞ്ഞ് ഒരു മണി വരെ സ്വീകരിക്കും.
അന്നേദിവസം മൂന്നിന് തുറക്കും. ഫോൺ:7510162787.
 

 അയ്യങ്കാളി മെമ്മോറിയൽ ടാലന്റ് സേർച്ച് ആൻഡ് ഡെവലപ്മെന്റ് സ്്‌കോളർഷിപ്പിന് അപേക്ഷ ക്ഷണിച്ചു. 2025-26 വർഷത്തേക്കുള്ള അപേക്ഷകൾ ഇ-ഗ്രാന്റ്സ് പോർട്ടൽ 3.0 മുഖേന നൽകാം. അപേക്ഷിക്കേണ്ട അവസാന തീയതി: ജൂലൈ 21. വിശദവിവരത്തിന് കാഞ്ഞിരപ്പള്ളിയിൽ പ്രവർത്തിക്കുന്ന പട്ടികവർഗ്ഗ വികസന വകുപ്പ് ജില്ലാ ഓഫീസുമായോ ബന്ധപ്പെട്ട ട്രൈബൽ എക്സ്റ്റൻഷൻ ഓഫീസുമായോ ബന്ധപ്പെടണം. ഫോൺ നമ്പർ: 04828-202751. ഇ-മെയിൽ; itrdpkply@gmail.com
 

 ഏറ്റുമാനൂർ ഗവ. കൊമേർഷ്യൽ ഇൻസ്റ്റിറ്റ്യൂട്ടിലേക്കു ദിവസ വേതനാടിസ്ഥാനത്തിൽ അസിസന്റ് ഇൻസ്ട്രക്ടർ, ഇൻസ്ട്രക്ടർ ഒഴിവുകളിലേക്ക് അപേക്ഷ ക്ഷണിച്ചു. യോഗ്യത: ബി.കോം (റെഗുലർ), ഡിപ്ലോമ ഇൻ സെക്രട്ടേറിയൽ പ്രാക്ടീസ്. എഴുത്തു പരീക്ഷയുടെയും അഭിമുഖത്തിന്റെയും അടിസ്ഥാനത്തിലാണ് നിയമനം. താൽപ്പര്യമുള്ള ഉദ്യോഗാർത്ഥികൾ ജൂലൈ ഏഴിന് രാവിലെ 10ന് അസ്സൽ സർട്ടിഫിക്കറ്റുകളുമായി ഓഫീസിൽ എത്തണം. ഫോൺ:0481-2537676/9633345535.

എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ വിമുക്തഭടൻമാരുടെ മക്കൾക്ക് ക്യാഷ് അവാർഡിനുള്ള അപേക്ഷ ക്ഷണിച്ചു. എല്ലാ വിഷയങ്ങൾക്കും എ പ്ലസ് ലഭിച്ച സ്റ്റേറ്റ് സിലബസിലുള്ളവർക്കും ആകെ 90 ശതമാനമോ അതിന് മുകളിലോ മാർക്ക് നേടിയ സി.ബി.എസ്.സി., ഐ.സി.എസ്.ഇ സിലബസിലുള്ളവർക്കും സർവ്വീസ് പ്ലസ് വഴി അപേക്ഷിക്കാം. ജൂലൈ 26ന് മുൻപായി serviceonline.gov.in/kerala എന്ന വെബ് സൈറ്റ് മുഖേന ഓൺലൈനായി അപേക്ഷിക്കണം. വിശദ വിവരങ്ങൾക്ക് സൈനികക്ഷേമ ഓഫീസുമായി ബന്ധപ്പെടണം. ഫോൺ: 0481-2371187.

കല്ലറയിലുള്ള ഗവണ്മെന്റ് മഹിളാ മന്ദിരത്തിൽ വനിതാ യോഗ പരിശീലകയുടെ താൽക്കാലിക ഒഴിവിലേക്ക് ജൂലൈ 10 വ്യാഴാഴ്ച് രാവിലെ 10ന്് അഭിമുഖം നടത്തും. യോഗ്യതയുള്ളവർ സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം മഹിളാമന്ദിരത്തിൽ നേരിട്ട് ഹാജരാകണം. ഫോൺ: 04829 269420.

 പാമ്പാടി അസാപ് കമ്മ്യൂണിറ്റി സ്‌കിൽ പാർക്ക്  സെന്ററിൽ പ്ലേസ്മെൻറ് അസിസ്റ്റൻസോടുകൂടി ത്രീ-ഡി അനിമേഷൻ, ഗെയിം ഡെവലപ്പ്മെന്റ് യൂസിങ് അൺറിയൽ, വി.ആർ. പ്രോഡക്റ്റ് വിഷ്വലൈസേഷൻ ആൻഡ് ആർക്കിടെക്ചർ, എ.ആർ -വി.ആർ ഡെവലപ്പ്മെന്റ് യൂസിങ് അൺറിയൽ, ഡിപ്ലോമ ഇൻ പ്രൊഫഷണൽ അക്കൗണ്ടിംഗ്, ജനറൽ ഡ്യൂട്ടി അസിസ്റ്റന്റ് അഡ്വാൻസ്ഡ് എന്നീ കോഴ്‌സുകൾക്ക് അപേക്ഷ ക്ഷണിച്ചു. അടിസ്ഥാന യോഗ്യത-പ്ലസ് ടൂ
ഫോൺ: 9495999731,8330092230,7025535172.

പാത്താമുട്ടം ഗവൺമെന്റ് എൽ.പി. സ്‌കൂളിൽ ദിവസവേതനാ ടിസ്ഥാനത്തിൽ അധ്യാപക നിയമനത്തിനുള്ള അഭിമുഖം ജൂലൈ എട്ടിന് രാവിലെ 10.30ന് സ്‌കൂൾ ഓഫീസിൽ വച്ച് നടത്തും. ടി.ടി.സി/ഡി.എ ഡ്/ഡി.എൽ.എഡ്,കെ-ടെറ്റ് യോഗ്യതകൾ ഉള്ള ഉദ്യോഗാർഥികൾ അസ്സൽ സർട്ടിഫിക്കറ്റുകൾ സഹിതം എത്തണം.

കയ്യൂർ ചീമേനി പഞ്ചായത്തിലെ ചീമേനി ഐ.ടി പാർക്കിന് 100 ഏക്കർ ഭൂമിയിൽ ജനറൽ വിഭാഗത്തിൽ പെട്ട വ്യവസായ പാർക്കുകൾ ആരംഭിക്കാൻ സാധിക്കുന്ന വിധത്തിൽ ഉള്ളതാണ് എന്നും നിലവിൽ ഇവിടെ വ്യവസായ പാർക്ക് ആരംഭിക്കുന്നതിന് തടസ്സങ്ങൾ ഒന്നും ഇല്ലെന്നും വ്യവസായ വാണിജ്യ വകുപ്പ് സെക്രട്ടറി പറഞ്ഞു.ഐ.ടി വകുപ്പ് വ്യവസായ വകുപ്പിന് ഭൂമി കൈമാറ്റം നടത്തിയാൽ ചീമേനി ഐ.ടി പാർക്ക് നിർമ്മാണം വേഗത്തിൽ യാഥാർഥ്യമാക്കാൻ കഴിയും. 

 ഒന്നുമുതൽ പത്തുവരെയുള്ള ക്ലാസ്സുകളിലും ഐ.ടി.ഐ. സ്ഥാപനങ്ങളിലും പഠിക്കുന്ന മത്സ്യത്തൊഴിലാളികളുടെ മക്കൾക്കുള്ള പ്രീ മെട്രിക് വിദ്യാഭ്യാസ ആനുകൂല്യങ്ങൾക്കുള്ള അപേക്ഷ ക്ഷണിച്ചു. അപേക്ഷ വിദ്യാഭ്യാസ സ്ഥാപനങ്ങൾ മുഖേന ജില്ലാ ഫിഷറീസ് ഓഫീസിൽ നൽകണം. കൂടുതൽ വിവരങ്ങൾക്ക് കോട്ടയം കാരാപ്പുഴയിലുള്ള ഫിഷറീസ് ഡെപ്യൂട്ടി ഡയറക്ടർ ഓഫീസിൽ ബന്ധപ്പെടുക. ഫോൺ: 0481-2566823.